LUKAS 16:2 - Bafia Nouveau Testament

² Nni à reŋìghà ŋwaànɛ̀n, à tɔg nyi lɛ: Kìɓan ki ɓum ɓɛɛ̀ kpaakpaa ki ɓɛ raràɗ rì wɔ̀ ki ri la? Rèsi mɛ̀ yɛ̀ɛ u kɛ̀ɛkɛɛ̀sì ìkum wɛm̀ ɓisuulɛ, wàa ɓèŋdi ɓi wɔ.

LUKAS 16:2 Iomraidhean Croise

MATYOO 12:36

Ǹkalii mìni lɛ: Ŋ̀wosi ɓɛyɔ̀m ɓɛ Bɛ̀ll, ɓum ɓɛ ɓiì rèsii ɓisuucɛ nnɛ ɓɛ kpaakpààghà ɓìɓan ɓi kɛ̀ɛ̀ ìsu.

MATYOO 20:8

Yɛ̀ɛ cɛŋkò ki kpagà, ŋwaàdɛm a kpaa ŋwaànɛ àa m̀ɓègì ìkum wii lɛ: Regi ɓɛ̀kìì-ɓìsay ɓɛ̀cèm, u fa ɓɔ mɛ̀lèɓ maa, ù tumɛ̀n ɓi ɓɛ̀roɓɛ siitòn, ù siitɛ̀n ɓi ɓɛ̀roɓɛ ǹtonto.

LUKAS 12:20

Wɔ̀lɛ Bɛ̀ll à kpaaghà ŋwaànɛ̀n lɛ: Wɔ̀ kìyèg ki mum ki, lɔŋ ɓi-ru wu gɛɛ̀nɛ nnɛ ɓɛ ri wɔ̀ ɓiì ɓàtɛɛ cɛɓ kɔɔ; nni gɛ com ànɛ ù mɛ nyam anɛ à rì ɓà ɓiì wooghrɛɛ ri ghɛn?

LUKAS 12:42

Kan à ɓàg nyi lɛ: Ghɛn yɛ̀ɛ ri syeesyee à m̀ɓèŋì-ìkum anɛ à rì rì ɗyomzɛ̀n, nnɛ masà à rì ɓiì reɓsɛɛ ɓɛ̀kìì-ɓìsay ɓii ri nyi, lɛ a rɔɓ ɓɔ kì faà gàɓ yàà i ɓìɗilàg, ɓi cààmɛ̀n ki ki ghɛɛ̀sɛɛ.

LUKAS 16:1

Yeesus à kpaatì ɓɛ̀yilàg lɛ: Guŋgum adɛŋ yɛɛ ɓaghà rì mum ànɛ àa m̀ɓègì nyi ìkum. Fɔɔnnɛ ɓɛ kpaaghà nyi lɛ, ŋwaànɛ̀n a yooyogsì nyi ìkum.

LUKAS 16:3

Fɔɔnnɛ m̀ɓèŋì-ìkum anɛ̀n à fèkà ɓi nɗem wii lɛ: M̀ɓiì ɓaà ɓà la yɛ̀ɛ masà wɛ̀m à kpaa lɛ mɛ̀ kɛ̀ɛ m̀ɓèŋdì ikum wii? Mɛ̀ kɛ̀ɛ̀ ìtèɗ wulɛ ǹsay dɛm, ǹki wowog ǹtoòrìɗ lɛ nlɔ̀ǹlɔn ɓum ɓyom ɓi kìɓàà.

RÒMƐŊ 14:12

Fɔlɔɔ nnɛ mum ǹcèm ànɛ ɓi ɓìsi nyimìɗ yɛɛ ɓiì rèsii Bɛ̀ll cɛɓ ki à ghɛɓkà.

1 KƆ̀RƐ̀ŊTYƐŊ 1:11

Ɓɔɔsoŋ̀, ɓisuulɛ ɓum ɓɛdɛŋ ɓɛ ɓi naa ì Kilowee ɓɛ nkpaa mɛ̀ lɛ, ɓì rì rì ɓɛ̀paàzì ɓi nyìinyìm wìn.

1 KƆ̀RƐ̀ŊTYƐŊ 4:2

Nni com ki ɓum ɓɛɛ̀ ɓoŋɓoŋ a ɓɛ̀ɓèŋì-ɓyom ki ri lɛ, ɓɛɛ resi lɛ ɓɛ ri ɓumɓɛ ɓum ɓɛ ghɛɛ̀sɛɛ kì tyweeyii.

1 KƆ̀RƐ̀ŊTYƐŊ 4:5

Ɓisu wìn miì nnɛ kɛ̀ ɓi yɔ̀m kiɓan kidɛŋ di cààmɛ̀n ki ka kpaŋ ɓi, di Kan à ka yu ɓi, nnyɛɛ ri ɓiì tɛɛ̀zii ɓiɓan ɓi ɓi ri ɓì nyamɛn a birìm, à ki kì lɛ ɓɛɛ yi mɛ̀yitì mɛ ɓum ɓɛ ri rì mɔ ɓi mɛ̀rem, fɔɔnnɛ Bɛ̀ll à rì ɓiì faa mum ǹcèm mɛ̀sɛɛ̀ghsɛɛgh mɛ à ghɛ̀ɛ̀sɛɛ rì mɔ.

2 KƆ̀RƐ̀ŊTYƐŊ 5:10

Ɓisuulɛ ɓìsi ɓɛ̀sɛ̀ɛ̀ ɓɛ̀cèm, tì ghɛ̀ɛ̀sɛɛ kì rɛlii ɓi mis mɛ Kiris lɛ a yɔm̀ ɓìsi, fɔlɔɔ nnɛ mum ǹcèm à ɓiì terì mɛ̀lèɓ mɛ mɛ ghɛɛ̀sɛɛ rì nyi, ɓi ɓìɓan ɓi à kìghà, nsoò ɓi syeesyee nsoò ɓi ɓeɓtɛn cààmɛ̀n ki à ɓaghà di a ka ghɛghɛɓ ɓi nyoo ì mɛ̀mùù.

TIMOTE 4:14

Kɔ̀ɔ sɛɛti rifa ɗi Nghay ɗi ù rì ri ɗyɔ, ɗi ù tekà ɓi rìkpaa ɗi ɓɛ̀kpaŋzì-ɓìɓan, ɓɛ kpaaghà, ɓɛ̀sɛ̀ɛ̀mɛn ɓɛ Kiseŋi ɓɛ saghì wɔ̀ ɓyàg ɓi nyòò.

TIMOTE 5:24

Ɓìɓe ɓi ɓum ɓɛdɛŋ ɓi ti ɓi ɓalàg ɓi kìtɛɛtɛn nsoò di ɓɛ ka yɔm̀ ɓi ɓɔ; ɓi ɓɛro ɓɛmbog ɓi ghɛnàg ajɛ̀m ì ɓɛ̀yɔ̀m.

1 PYƐƐRI 4:10

Yɛ̀ɛ mum ǹcèm ànɛ ɓi mìni à rì rì rìfa ɗi Bɛ̀ll à faghà nyi, kìina kìsay ri rìfa ɗi Bɛ̀ll à faghà mìni ɓi kìrɔɔ ki ɓum ɓɛmbog fɛlɛ yɛ̀ɛ ɓɛ̀syeesyee ɓɛ ɓum ɓɛ ɓɛɛ̀ kɛ̀ɛkɛɛ̀sì geesɛ̀n ì Bɛ̀ll ìnɛ ì ti ì ghɛnàg bee lɛ bee.

1 PYƐƐRI 4:5

Kìɓan kifog ɓɛ ɓàagh gɛ kìɓan ki ɓɛɛ̀ kìki kiǹ ɓi mis mɛ roànɛ à ti jàŋbog lɛ a yɔm̀ lɛ rì ɓum ɓɛ cem rì ɓìloŋ.

ÀPÒKÀLIƁSƐ̀ 20:12

Fɔɔnnɛ ǹghɛngà ɓìloŋ lɛ rì ɓi ɓɛsɛ̀ɛ̀mɛn rì ɓi ɓɔɓti, di ɓi rɛrɛlii asu wu ikɔ̀ɔ̀ wu rilàmì. Ɓɛ ŋwaɗkà ɓɛ̀kaàtà, ɓɛ ŋwaɗtì kaàtà àdɛŋ ànɛ à rì kaàtà à cɛɓ. Fɔɔnnɛ ɓɛ yɔmgà ɓìloŋ ɓiǹ lɔŋ yɛ̀ɛ mɛ̀kìkìì maa mɛ ɓaghà, lèg ànɛ yɛ̀ɛ ki ɓaghà kì kànɛn ɓi ɓɛ̀kaàtà ɓɛǹ.