LUKAS 16:16 - Bafia Nouveau Testament

¹⁶ Rìrèsì ɗi ɓidɔ̀gsɛna ɓi Moyis rì ɗi ɓɛkpaŋzì-ɓìɓan ɗi kighà kìsay à kpaŋ yɛ̀ɛ Zyaŋ Bàɓtis à yùghà. Nni à tumɛ̀n ɓi cààmɛ̀n kiǹ, à kpaŋ ɓigomìnɛ, Syeesyee à Ɓɔlɛ à kìlɔ̀ŋ ki Bɛ̀ll a kaakalɛ̀n a ɓum ɓɛ̀cèm, fɔɔnnɛ mum bimiɗ a kaakaa lɛ a ɗiŋi ɓi kìlɔ̀ŋ kiǹ ɓi-tèɗ.

LUKAS 16:16 Iomraidhean Croise

MATYOO 10:7

Kɛ̀nkɛnina di ɓi kakali ɓum bee bimiɗ lɛ, kìlɔ̀ŋ ki aɗyoo ki mɛ yù ɓɔ jàŋbog.

MATYOO 15:11

Ramina mɛ̀reè, ɓi wog; àa com ki ki kɛɛ̀ mum ɓi ŋwɔm kɛɛ ri lɛ ki foŋ nyi kìsyeg ɓi nyoo, lɔŋ jɛ̀ɛ̀ ìnɛ ì kpaŋiì nyi ɓi ŋwɔm yɛ̀ɛri lɛ ì foŋ nyi kìsyeg ɓi nyòò.

MATYOO 21:32

Ɓisuulɛ, Zyaŋ à yùghà a lɔ̀ŋkin, à rèsì mìni bee ì saaɗ, kɛ̀ ɓi gherɛn nyi, kìɓan kifog ɓɛ̀terì-làmpoŋ̀ rì ɓɛ̀yiɓ ɓɛ riɓàmɓà ɓɛ gherɛ̀ngà nyi. Nni nsoò yɛ̀ɛ ɓì ghɛngà fɔlɔɔ, ɓì ki lɔ̀ɔ̀ghrɛ̀ngà ɓi mɛrem lɛ ɓi gherɛn nyi.

MATYOO 3:2

À kpaakpààghà ɓum lɛ: Lɔ̀ɔ̀ghrɛɛna mɛ̀rem lɛ kìlɔ̀ŋ ki aɗyoo ki ti jàŋbog.

MATYOO 4:17

Ɓi cààmɛ̀n kiǹ innɛ Yeesus à tumɛ̀ngà rìkpaakpàà ɗi ɓìɓan ɓi Bɛ̀ll, à kakàlì ɓum lɛ: Lɔ̀ɔ̀ghrɛɛna mɛ̀rem, lɛ kìlɔ̀ŋ ki aɗyoo ki ti jàŋbog.

MATYOO 4:23

Yeesus à rerènìghà ziì Galile bimiɗ di a rèresi ɓum ɓìɓan ɓi Bɛ̀ll ɓi naa yi bɔ̀ŋzɛ̀n, à lààlàmɓɛ̀n Syeesyee à Ɓɔlɛ à kìlɔ̀ŋ ki Bɛ̀ll. À wɔ̀ɔ̀wɔ̀ɔ̀zì tìroɓ rì ɓìlɛm mɛ̀kuu mɛ̀cèm.

MARIKUS 1:14

Yɛ̀ɛ ɓɛ ɓaghà di ɓɛ mɛ ɓan Zyaŋ, Yeesus à kɛ̀ngà a Galile, à kakàlì Syeesyee à Ɓɔlɛ à Bɛ̀ll.

MARIKUS 1:45

Kìɓan kifog, yɛ̀ɛ ŋwaànɛ̀n à kɛ̀ngà, nni à tumɛ̀ngà rìlààlàmɓɛ̀n ɗi ɓɔlɛ à kìɓan kiǹ, à sààsààtì nyi lèg ànɛ lɛ Yeesus à ɓatìghà ɓi lɛ à ɗiŋì ɓi bàn ìdɛŋ ɓi mɛ̀tàna. Wɔ̀lɛ àa ǹti à kɔ̀ràg ɓi ɓɛ̀kòdò ɓɛ ɓɛ lɛŋzɛɛ rì bàn, rì jàŋ yi ɓum ɓɛ wuɓsɛɛ ɓi, fɔɔnnɛ ɓum ɓɛ pɛɛ̀pɛ̀sɛ̀ngày ɓɛ̀tum ɓɛ̀cèm, ɓɛ yuyù nyi kì ghɛnghɛni.

LUKAS 10:11

Tì kùri kùrùɓu ànɛ ɓi bàn yìn ànɛ àa maɓkii ɓìsi ɓi mɛ̀kòò lɛ a ɓa fɛlɛ yɛ̀ɛ wusìnɛ̀ɗ wis. Kìɓan kifog yiina lɛ, kìlɔ̀ŋ ki Bɛ̀ll ki ti mìni jàŋbog.

LUKAS 10:9

Wɔ̀ɔ̀ziina ɓɛ̀roroɓ ɓɛ̀cèm ɓɛ ɓi bàn ìnɛn, ɓì kpaa ɓɔ lɛ: Kìlɔ̀ŋ ki Bɛ̀ll ki ti mìni jàŋbog.

LUKAS 16:29

Abiraham à ɓàg lɛ: Ɓɛ̀goni ɓɛ ri lɛ, ɓɔ rì ɓìdɔ̀gsɛna ɓi Moyis, ɓɔ rì ɓɛ̀kaàtà ɓɛ ɓɛkpaŋzì-ɓiɓan, ɓɛ ghɛɛ̀sɛɛ kì woògh ɓìɓan ɓi ɓɛɛ̀ kpaakpàà.

LUKAS 16:31

Abiraham à ɓàgtì nyi lɛ: I ɓɛ̀goni ɓɛ yin lɛ ɓɛ wog rìrèsì ɗi Moyis rì ɗi ɓɛkpaŋzì-ɓìɓan, nsoò mum àa ghèmɓɛɛ yì fɛ a nyɔ̀ɛ̀y, à kɛ̀n ɓɔ kì kpaà kìɓan, ɓaa gherɛn ɓi.

LUKAS 9:2

Fɔɔnnɛ à romgà ɓɔ lɛ, ɓɛɛ kɛǹ ki làalam̀ɓɛ̀n Syeesyee à Ɓɔlɛ à kìlɔ̀ŋ ki Bɛ̀ll ɓɛ ki wɔ̀ɔwɔɔ̀zì ɓɛ̀roroɓ.

ZYAŊ 1:45

Fɔɔnnɛ Filiɓ à tuusɛ̀ngà rì Natanayɛl, à kpaa nyi lɛ: Tyàa ghɛɛ ŋwaànɛ kìɓan kii ki ri kìkànɛn ɓi kaàtà à ɓìdɔ̀gsɛna ɓi Moyis rì ɓi ɓɛ̀kaàtà ɓɛ ɓɛkpaŋzì-ɓìɓan, nnyɛɛ ri Yeesus à man à Yoosɛɓ ànɛ a Naazarɛt.

ZYAŊ 11:48

I tì càri nyi lɛ a kiki fɔlɔɔ, ɓum ɓɛ̀cèm ɓɛ ri ɓiì gherɛɛ nyi, à kpaŋ yɛ̀ɛ Ɓɛ̀ròmɛŋ ɓɛ ɓiì yùu, ɓɛ yogsì lɛ rì naa yìs i Bɛ̀ll, rì kìlɔ̀ŋ kis.

ZYAŊ 12:19

Nni Ɓɛ̀fàrìzyɛŋ ɓɛ kpaaghà min wɔɔ ɓɔ rì ɓɔ lɛ: Ɓì ghɛɛ! ɓyàa kpaŋzɛn ɓi kiɓan ki, ghɛɛnà yɛ̀ɛ ɓum ɓɛ̀cèm ɓɛ mɛ nɔ̀ɔ̀ti nyi.

ZYAŊ 5:4

Lɛ ŋwaà-fìtom àa nti à sɛngìì ɓyààmɛ̀n ɓidɛŋ ɓi kìɗig kiǹ, à nyɛ̀ŋzì mɛ̀nig; fɔɔnnɛ ki mɓalàg lɛ, i mɛ̀nig mɛ mɛ nyɛ̀ŋɗɛ̀n, ŋwaànɛ à loogh miì kì kpìi, àa soo roròɓ rìkuu ɗi firoɓ aɗi, à wɔ̀n.]

MƐ̀KÌKÌÌ MƐ ƁƐKƐ̀NÌ-FÌTOM 3:18

Kìɓan kifog, ɓi bee inɛ̀n nnɛ Bɛ̀ll àa ǹdoòzii kìɓan ki à lokà ki kpaà ɓi myɔm mɛ ɓɛkpaŋzì-ɓìɓan ɓɛ̀cèm ɓɛ ɓi mɛ̀ru mɛ ajɛ̀m lɛ: Kiris à ghɛ̀ɛ̀sɛɛ gɛ kì woògh rìkɛŋ.