LUKAS 16:15 - Bafia Nouveau Testament

¹⁵ Fɔɔnnɛ Yeesus à kpaaghà ɓɔ lɛ: Ɓì rì ɓumɓɛ ɓɛɛ kaakaa lɛ ɓum ɓɛdɛŋ ɓɛɛ ghɛǹ mìni lɛ ɓì rì ɓɛ̀saaɗ ɓɛ ɓum, wɔ̀lɛ Bɛ̀ll à yii mɛ̀rem min. Fɔɔnnɛ com kìcèm ki ki ri gìn i com ɓi nyìinyìm à ɓum, ki ri com ki Bɛ̀ll à ɓèèzɛɛ lɛɛ̀gwey.

LUKAS 16:15 Iomraidhean Croise

MATYOO 23:5

Ɓìɓan ɓìcèm ɓi ɓɛɛ̀ kìkì ɓi ri lɔŋ lɛ ɓum ɓɛɛ ghɛn bɔ; ɓɛ ti ɓɛ sinàg ɓɛ̀kànɗa ɓɛ pògpòg ɓi mɛ̀to rì ɓi ɓyàg, ɓɛ ki ràɓsag mɛkeɓ maa mɛ ɓìlàà.

MATYOO 6:16

Cààmɛ̀n ki ɓì rì ɓi kìcèlì ki ɓiɗilàg kɛ̀ ɓi ɓa yɛ̀ɛ ɓi wowog bim, yɛ̀ɛ ɓum ɓɛ fyɛɛ̀fyɛɛ̀ ɓi ŋwɔm ìghèy ɓi ɗùm, ɓɛɛ ti ɓɛ kagàg mɛ̀su lɛ ɓum ɓɛɛ yi lɛ, ɓɛ ri ɓi kìcèlì ki ɓiɗilàg. Ǹkalii mìni ɓi saaɗ lɛ, ɓɛ ti rì mɛ̀lèɓ maa.

MATYOO 6:2

Cààmɛ̀n ki u fafa ŋwaà nyìighnyìg com, kɔ̀ɔ ɓog ǹkeŋ lɛ ɓum ɓɛɛ ghɛǹ wɔ̀, fɛlɛ yɛ̀ɛ ɓum ɓɛ fyɛɛ̀fyɛɛ̀ ɓi ŋwɔm, ìghèy ɓi ɗùm ɓɛ ti ɓɛ kilàg, ɓi naa yi bɔ̀ŋzɛ̀n, rì ɓi ɓìɓàà lɛ ɓɛɛ sɛsɛg ɓɔ. Ǹkalii mìni ɓi saaɗ lɛ, mɛ̀lèɓ maa mɛɛ ri lɔ̀ɔ̀.

MATYOO 6:5

Cààmɛ̀n ki ɓi kìki bɔ̀ŋzɛ̀n, kɛ̀ ɓi ki yɛ̀ɛ ɓum ɓɛ fyɛɛ̀fyɛɛ̀ ɓi ŋwɔm ìghèy ɓi ɗùm ɓɛ ɓɛ ti ɓɛ keesàg rìɓɔŋzàg ɗi Bɛ̀ll mɛ̀rɛy, ɓi naa yi bɔ̀ŋzɛ̀n, rì ɓi bèn yi ɓiɓàà lɛ ɓum ɓɛɛ seèsee ɓɔ. Ǹkalii mìni ɓi saaɗ lɛ; ɓɛ ti rì mɛ̀lèɓ maa yɛɛ lɔ̀ɔ̀.

LUKAS 10:29

Kìɓan kìfog yɛ̀ɛ ŋwaànɛ̀n à kɔ̀nkɔ̀ngà lɛ, a resi lɛ à rì saaɗ à mum, nni à tɔkà Yeesus lɛ: Ghɛn yɛ̀ɛ rì romum ànɛ à wuɓsɛɛ mɛ̀?

LUKAS 11:39

Wɔ̀lɛ, Kan à kpaa nyi lɛ: Mìni Ɓɛ̀fàrìzyɛŋ ɓɛ, ɓi ti ɓì tɔ̀sàg lɛ, rì jɛ̀m ì ɓeŋ, rì jɛ̀m ì taasà, kìɓan kifog mɛ̀rem min mɛ ron lɛ rì wii rì rìgɛn.

LUKAS 18:11

Nni Fàrìzyɛŋ à rɛlìghà mɛ̀rey, à ɓɔ̀ɔ̀ɓɔ̀ŋzàg Bɛ̀ll rì ǹɗem, à kakàlì lɛ: Tààta Bɛ̀ll, ǹtògsaagh wɔ̀, ɓisuulɛ, ǹ-yin yɛ̀ɛ ɓum ɓɛm̀bog ɓɛ ɓɛ ri ɓɛ̀wiiwìì, rì ɓɛ̀kìì-kìɓe, rì ɓɛ̀kìì-tìsɔ̀mɔ̀g; nsoò yɛ̀ɛ ǹterì-làmpoŋ̀ ànɛnii.

LUKAS 18:14

Yeesus lɛ: Ǹkpaa mìni lɛ: Ŋwaà siitòn anɛ à sugtìghà a mɛɛ mii di à ti lɛsaad ɓi mis mɛ Bɛ̀ll à cee lɔŋ Fàrìzyɛŋ; lɛ mum ǹcèm ànɛ à ɓiì ghɛnɛɛ nyimiɗ lɛ, nnyɛɛ teŋmɛɛ, innɛ ɓɛ ri ɓiì sɛɛ̀dii ɓi zi; roànɛ à rì ɓiì sɛɛ̀dii nyimiɗ ɓi zi, innɛ ɓɛ ri ɓiì kìi lɛ a teŋmɛn.

LUKAS 18:21

Nni ŋwaànɛ̀n à ɓàkà nyi lɛ. À tumɛ̀n ɓi rìŋwɔɓti ɗyɛ̀m, màa ɓèŋɓèŋ ɓidɔ̀gsɛna ɓiǹ.

LUKAS 18:9

Nni Yeesus à teetìghà dàɗkì ìdɛŋ ɓisuu ɓum ɓɛdɛŋ ɓɛ ɓɛ fefèkà lɛ ɓɔ yɛɛ ri ɓɛ̀saaɗ ɓɛ ɓum ɓi mis mɛ Bɛ̀ll ɓɛ ki sɛɛsɛɛ̀tì ɓɛ̀ro ɓɛm̀bog, à kpaa lɛ:

LUKAS 20:20

Fɔɔnnɛ ɓɛ tumɛ̀ngà rìfifìɓì ɗi Yeesus lɛ tintɔ̀ɔ̀ŋ, ɓɛ ki rom yi nyi ɓum ɓɛ mɛwooghrag, ɓɛ̀roɓɛ̀n ɓɛ ki lɔŋ yɛ̀ɛ ɓɛ yuù nyi kì tɔɔ̀gh saaɗ à kìɓan lɛ ɓɛɛ wog ǹkòo à nɛ̀si jɛ̀ɛ̀, di ɓɛɛ ɓan nyi, ɓɛɛ fa nyi rì ɓɛ̀yɔ̀mì-ɓum, rì gɔmìnà.

LUKAS 20:47

Ɓɛ ti ɓɛ pumzàg naa yi mɛkpɔɓ mɛ ɓɛ̀yiɓ, di ɓɛɛ̀ kìki ɓyoo bɔ̀ŋzɛ̀n lɛ, ɓum ɓɛɛ ghɛǹ lɛ ɓɛ ri ɓìsyeesyee ɓi ɓum; ɓɛ ɓiì terì rìkuu ɗi pɔnɔsì ɗi ɗi teèsɛɛ lɛɛ̀gwey.

ZYAŊ 2:25

rì tì lɛ, ki ghɛɓsìghà ɓi nyi com lɛ ɓɛɛ ka rèsi nyi rìɓa ɗi mum, lɛ nyimiɗ a yighà com ki mum a fèfeg ɓi ǹɗem ɓi ɗùm.

ZYAŊ 21:17

Nni à kpaatìghà nyi ɓi gɛ̀n i kìraa lɛ: Simɔn man à Zyonas ù keesii nya mɛ̀? Pyɛɛri à ɓàg nyi lɛ: Kan, ù yii ɓìɓan ɓìcèm, ù ki yii lɛ ǹkeesii wɔ̀. Yeesus à kpaa nyi lɛ: Ɓèŋa jɔ̀ɔ̀ yɛm̀.

MƐ̀KÌKÌÌ MƐ ƁƐKƐ̀NÌ-FÌTOM 1:18

Ŋwaànɛ̀n à làkà dɛm ri mɛ̀lèɓ mɛ à fɔ̀ngà ɓi kìɓe kii, à ki kpì ǹto duŋzi kìbuutug ki lanì, ɓyom ɓii ɓi ɗùm ɓi tyaŋzɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 1:24

Nni ɓɛ ɓɔŋzìghà Bɛ̀ll ɓɛ kpaa lɛ: Kan, wɔ̀ yɛɛ yii mɛ̀rem mɛ ɓum ɓɛ̀cèm, rèsi ɓìsi ghɛn innɛ ù ɓɔ̀ni ɓi ɓum ɓɛ kiɓɛ̀ɛ̀ ɓɛ

MƐ̀KÌKÌÌ MƐ ƁƐKƐ̀NÌ-FÌTOM 15:8

Nni Bɛ̀ll ànɛ à yii mɛ̀rem mɛ ɓum, àa ǹɗèsii lɛ à ghàɓi ɓɔ, yɛ̀ɛ àa ǹfaa ɓɔ girig Kìtɛntɛ̀ɛ̀n ki Nghay lɔŋ yɛ̀ɛ à faghà ɓìsi;

RÒMƐŊ 3:20

Ɓisuulɛ ŋwàdɛŋ àa ghɛnɛn ɓi lɛ saaɗ ɓi mis mɛ Bɛ̀ll, lɛ à ɓègà ɓìɓan ɓi ɓìdɔ̀gsɛna ɓyɛɛ̀ kpaakpàà; ɓìdɔ̀gsɛna ɓyɛɛ̀ ghɛɛghɛɓsì lɔŋ mum lɛ a yi lɛ à kìi kìɓe.

RÒMƐŊ 8:27

Nni Bɛ̀ll ànɛ à ti à ghɛngì yɛ̀ɛ mɛ̀rem mɛ ɓum mɛ ri ɓi ɗùm, à yii cɛ kɛɛ̀ki Ǹghay a kɔ̀nkɔn lɛ a tɔg, lɛ Ǹghay a ti à ɓɔ̀ŋzàg ɓisuu ɓum ɓɛ Bɛ̀ll lɔŋ yɛ̀ɛ rìkɔ̀n ɗi Bɛ̀ll ɗi ri.

1 KƆ̀RƐ̀ŊTYƐŊ 4:5

Ɓisu wìn miì nnɛ kɛ̀ ɓi yɔ̀m kiɓan kidɛŋ di cààmɛ̀n ki ka kpaŋ ɓi, di Kan à ka yu ɓi, nnyɛɛ ri ɓiì tɛɛ̀zii ɓiɓan ɓi ɓi ri ɓì nyamɛn a birìm, à ki kì lɛ ɓɛɛ yi mɛ̀yitì mɛ ɓum ɓɛ ri rì mɔ ɓi mɛ̀rem, fɔɔnnɛ Bɛ̀ll à rì ɓiì faa mum ǹcèm mɛ̀sɛɛ̀ghsɛɛgh mɛ à ghɛ̀ɛ̀sɛɛ rì mɔ.

1 PYƐƐRI 3:4

kìɓan kifog ǹɗɛ̀ŋ wu ɓì ghɛɛ̀sɛɛ kìɓaà rì wɔ wu ri wu wu ri wù nyamɛn ɓi nɗem, wɛɛ ri ǹɗɛ̀ŋ wu wu yin lɛ wu ɗyoŋ, lɛ wu ri ǹɗɛ̀ŋ wu nghay wu wu ri lɛ tɛ̀tɛ̀rɛ̀ɛ̀, wɔ tì lɛ fyòoog, rìkuu ɗìn ɗyɛɛ ri gìn i com ɓi mis mɛ Bɛ̀ll.

1 PYƐƐRI 5:5

Mìni ɓìɓwɛɗ ɓi ɓum, ɓì ghɛ̀ɛ̀sɛɛ girig lɛ ɓi ki ɓɛ̀sɛ̀ɛ̀mɛn mɛwog. Nni mìni ɓɛ̀sɛ̀ɛ̀ ɓɛ̀cèm, ɓi cɛɓ ki ɓi ghɛghɛɓ mini rì mìni, sɛɛ̀dɛɛna mìniìɓɔmiɗ ɓi zi, ɓisuulɛ Bɛ̀ll à ti kɛ̀ɛ ɓa nkɔɔ rì ɓɛ̀daŋàdaŋa, lɔŋ ɓɛ̀roɓɛ ɓɛ sɛɛ̀dɛɛ ɓɔmiɗ ɓi zi ɓɛɛ̀ɓɛ a rèsag geesɛ̀n yìì.

ÀPÒKÀLIƁSƐ̀ 2:23

Ǹɗì ɓiì cuusii ɓɔn ɓii, fɔlɔɔ nnɛ ɓìseŋi ɓìcèm ɓi ri ɓiì yiì lɛ mɛ̀ yɛɛ ri roànɛ à ti à sɔ̀gì mɛ̀yitì rì ɓìɓan ɓi ɓi ri ɓum ɓi mɛ̀rem ɓiɗùm, fɔɔnnɛ ǹɗì ɓiì lèɓi mum bimiɗ lɔŋ yɛ̀ɛ mɛ̀kìkìì mii mɛ ri.