LUKAS 15:6 - Bafia Nouveau Testament

⁶ i à kpaŋi a mɛɛ mii, à taŋzɛ̀n lɛ rì ɓɛ̀reŋkàŋ ɓii, rì ɓɛ̀ba-gòŋzɛn ɓii à kpaa ɓɔ lɛ: Ti nyààrɛɛna ǹɗaŋ ɓisuulɛ màa ghɛɛ̀dii tì jɔ̀ɔ̀ yɛ̀m ìnɛ ìi nɗimi.

LUKAS 15:6 Iomraidhean Croise

LUKAS 1:58

Ɓumɓɛ à wɔŋzɛ̀ngà mɛɛ ri bɔ, rì ɓɔɔseŋi ɓii ɓɛ wokà lɛ Kan àa ǹɗèsii nyi geesɛ̀n yìì lɛ tɛntɛ̀ɛ̀n, ɓɛ nyaàrɛ̀n ǹɗaŋ ri nyi.

LUKAS 15:10

Ǹkalii mìni lɛ, kìnyàà ki ri girig fɔlɔɔ ɓi nyìinyìm à ɓumɓɛ titom ɓɛ Bɛ̀ll, ɓisuu ǹkìì-kìɓe bog ànɛ à lɔ̀ɔ̀ghrɛɛ ǹɗem.

LUKAS 15:24

Ɓisuulɛ man wɛm̀ ànɛ à wughà nni à ghèmɓɛɛ, man ànɛ à ɗimgà nni tì ghɛɛdii nyi.

LUKAS 15:5

I à mɛ tanɛn yɔ̀, à saàgh yɔ̀ ɓi ɓìlaŋ rì coo kinyàà,

LUKAS 15:7

Ǹkalii mìni lɛ, kìnyàà ki ɓiì ɓaà girig fɔlɔɔ aɗyòò, di ǹkìì-kìɓe bogtɛ̀n à lɔ̀ɔ̀ghrɛɛ ǹɗem, ki cee ki ki ri ɓisuu ɓum mɛ̀tin mɛnin rì ǹtɛ̀ɗ rì taànìn, ɓɛ ɓɛ ri lɛ saaɗ, ɓɛ ki ghɛɓsii ɓi com lɛ ɓɛɛ lɔɔ̀ghrɛn tì mɛ̀rem.

ZYAŊ 15:14

Ɓì rì mɛ̀ghan mɛm̀, di ɓì kìi ɓìɓan ɓi ǹsiŋ̀dɛɛ mìni.

ZYAŊ 3:29

Ŋwaànɛ à rì rì giɓ, yɛɛ ri yii giɓ; wɔ̀lɛ rìghan ɗi yii giɓ ɗi ɗi ri wɔɔ ɗi ti ɗi nyaàràg yɛ̀ɛ mɛ̀nɔ̀ɓɔ̀, lɛ jɛ̀ɛ̀ ì yii giɓ inɛ ɗyɛɛ̀ wowòg. Rìkuu ɗi kinyàà ɗiǹ ɗyɛɛ̀ɗi mɛ̀ ǹɗì ǹɗonɛn ri ɗyɔ̀.

MƐ̀KÌKÌÌ MƐ ƁƐKƐ̀NÌ-FÌTOM 11:23

Nni yɛ̀ɛ à kpagà wɔɔ, à ghɛn yɛ̀ɛ geesɛ̀n ì Bɛ̀ll ì rèsɛ̀ngà a ɓɛ̀gherɛ̀n ɓɛǹ, à nyààrɛ̀n, à ki toni ɓɔ lɛ: Sììrɛɛna lɔŋ ɓi Kan Yeesus, rì mɛ̀rem min mɛcèm.

MƐ̀KÌKÌÌ MƐ ƁƐKƐ̀NÌ-FÌTOM 15:3

Kìseŋi ki ki a Aŋtyos ki faghà ɓɔ ɓyom ɓi ɓi kɔ̀ɔ̀kɔ̀nɛ̀ngà ɓi rìkɛ̀ɛ̀ ɗyaa: Fɔɔnnɛ ɓɛ fyeeghà a Fenisii rì a Samari di ɓɛɛ̀ kpaakpaa ɓɛgeni ɓaa rilɔ̀ɔ̀ghrɛ̀n ɗi ɓum ɓɛ zɛy ɓɛ lɔɔ̀ghrɛ̀ngà, ɓɛ gherɛ̀n Bɛ̀ll. Ɓɔlɛ ànɛ̀n à faghà ɓɛ̀geni ɓaa ɓɛǹ coo kinyàà ɓi ǹɗem.

FÌLÌPYƐŊ 1:4

Ɓi bɔ̀ŋzɛ̀n yìcèm yi nkìki ɓisu win ɓɛsɛ̀ɛ̀ ɓɛ̀cèm, ǹti m̀ɓɔ̀ŋzàg rì kìnyàà,

FÌLÌPYƐŊ 2:17

Wɔ̀lɛ nsoò bwaɓ yɛm̀ yaa ki kpaŋì ɓi sìg à com ki ɓɛ funɛɛ Bɛ̀ll, lɛ yɛɛ ɓɔɓtɛn ɓi rìfa ɗi rìgherɛ̀n ɗin ɗyɛɛ̀ ɓɔɔɓɔgsì Bɛ̀ll rì ɗyɔ, fɔlɔɔ a fa lɔŋ mɛ kìnyàà, ǹki nyààrɛn ǹɗaŋ ri mìni ɓɛ̀sɛ̀ɛ̀ ɓɛ̀cèm.

FÌLÌPYƐŊ 4:1

Fɔlɔɔ nnɛ, mìni ɓɛ̀geni ɓɛ̀m ɓɛ nɗem ɓɛ ǹɗì rì coo zày ìnɛ lɛ di màa ghɛɛdii, ɓì rì lɛ, mìni kìnyàà kɛm̀, mìni rìkem ɗyɛ̀m, kɛ̀ɛna lɔŋ asu, ɓi siìrɛn fɔlɔɔ ɓi Kan, mìni ɓum ɓɛm ɓɛ nɗem.

TÈSÀLÒNÌSYƐŊ 2:19

Ghɛn yɛɛrì min ɓiì ɓaà dyàɓɛn yìs, rì kìnyàà kis nsoò lɛ tàm wìs a rìkem ɓi mis mɛ Kan wìs Yeesus, ŋwosi risugtìì ɗii? Àa lɔŋ mìni yɛɛ rì ɓa wa?

1 PYƐƐRI 2:10

mìni ɓɛ ɓì ɓaghà ɓi kìlɔ̀ŋ kii abɛ̀y, mìni yɛɛ ti kìlɔ̀ŋ ki Bɛ̀ll ɓigomìnɛ, mìni ɓɛ Bɛ̀ll àa nti kɛ̀ɛ rèsi ǹɗem wu nyìighnyìg a lɔ̀ŋkin abɛ̀y, ɓigomìnɛ, à mɛ wog mini nyìinyìg.

1 PYƐƐRI 2:25

Ɓisuulɛ ɓì ɓaghà fɛlɛ yɛ̀ɛ jɔ̀ɔ̀ yi yɛɛ dèŋdèŋ kɛ̀ɛ̀ m̀ɓèŋì, wɔ̀lɛ ɓigomìnɛ, ɓì mɛ sugti yɛ̀ɛ mɓèŋì-jɔ̀ɔ̀ ànɛ a ɓèŋɓeŋ mɛghay min.