LUKAS 15:28 - Bafia Nouveau Testament

²⁸ Nni dɛlì ìnɛ̀n ì wokà bim, ì ɓèn kì ɗiŋii ɓi naa, seŋi à kpaŋ yì nyi kì ɓɔ̀ŋzaagh lɛ a ɗiŋi ɓi naa.

LUKAS 15:28 Iomraidhean Croise

MATYOO 20:11

Yɛ̀ɛ ɓɛ tekàkà dolà ìnɛn, ɓɛ tumɛ̀n rìŋɔ̀ŋɔ̀ŋì ɗi ŋwaàdɛm,

MARIKUS 1:40

Kukwiy adɛŋ à yùghà Yeesus a nyoo, à kpì nyi asu rì mɛ̀ɗu, à yɛ̀gsì nyi ɓyàg à kpaa lɛ: I ki kɔni wɔ̀, ù rì lɛ ù kì lɛ m̀ɓa ti lɛ syeesyee ɓi nyoo yɛ̀m.

LUKAS 13:34

Wɔ̀ Yorisalɛm! Wɔ̀ Yorisalɛm! Wàànɛ u kìki lɛ, ù cuùcùùsì ɓɛ̀kpaŋzì-ɓìɓan, ù ki wowey ɓumɓɛ Bɛ̀ll à ti à romgìì wɔ̀, di u roorogì ɓɔ gɔ̀g; gɛ̀n yaŋ yɛɛ̀ yi m̀mɛ kaa bee inɛ ǹtaŋzɛn ɓɔn ɓɔɔ fɛlɛ yɛ̀ɛ jɛɛ à zag a taŋzag ɓɔn ɓii a mɛ̀keɓ zi, kɛ̀ ɓi kɔ̀n!

LUKAS 15:2

Fɔɔnnɛ Ɓɛ̀fàrìzyɛŋ rì ɓɛ̀rèsàg-ɓìdɔ̀gsɛna ɓɛ ŋwɔŋwɔ̀ŋìghà di ɓɛɛ̀ kpaakpaa lɛ: Ŋwaànɛ a ghàghaɓ ɓiɓeɓtàg ɓi ɓum lɛ syeesyee, à ki ɗiɗi nɗaŋ ɗi ɓɔ.

LUKAS 15:27

Ǹkìì-kìsay a ɓàg dɛlì ìnɛn lɛ: Goni à sughii, nni Soŋi à woli man à sanìnya à ǹfɔmɛn ɓisuu man, lɛ à kpaŋdii nyi ɓi ɓyàg di à rì lɛ syeesyee ɓi nyòò.

LUKAS 15:29

Man ànɛ̀n à kpaa min seŋi lɛ: Ghɛna! Bèg gɛɛ̀nɛ kɛ̀ɛ bàlì yɛ̀ɛ maà sasày wɔ̀, kɛ̀ɛ nsɛɛti wɔ nsoò ŋwos bog, nni ù ka faghà ɓi mɛ nsoò bwiy lɛ ǹɗi rì ɓɛ̀reŋkàŋ ɓɛm, di ti nyàànyàà.

LUKAS 24:47

Fɔlɔɔ nnɛ à tumɛ̀n a Yorisalɛm, à kpaŋ ɓi ɓìlɔ̀ŋ ɓìcèm ɓɛ ri ɓiì kpaakpaa kiɓan ki lɛ ɓum ɓɛɛ lɔɔ̀ghrɛn mɛ̀rem di Bɛ̀ll a cenɛn ɓìɓe ɓyaa ɓi ɗii ɗìì.

LUKAS 5:30

Nni Ɓɛ̀fàrìzyɛŋ rì ɓɛ̀rèsàg-ɓìdɔ̀gsɛna ɓɛ tumɛ̀ngà rìŋwɔ̀ŋwɔ̀ŋì di ɓɛɛ tɔtɔg ɓɛ̀yilàg ɓɛ Yeesus lɛ: Ɓisuucɛ nnɛ ɓi kìki lɛ, ɓì ɗiɗì, ɓì ki nɔnɔ ǹɗaŋ ri ɓɛ̀terì-làmpoŋ̀ rì ɓɛ̀kìì-kìɓe?

LUKAS 7:39

Yɛ̀ɛ Fàrìzyɛŋ ànɛ à reŋìghà Yeesus à ghɛngà fɔlɔɔ, à fèg ɓi ǹɗem wii lɛ: I Yeesus àa rì ǹkpaŋzì-ɓìɓan, di à rì lɛ, a yi lɛ, giɓ anɛ a kòmkom nyi ànɛ̀n, à rì kìɓeɓtàg ki giɓ.

MƐ̀KÌKÌÌ MƐ ƁƐKƐ̀NÌ-FÌTOM 13:45

Yɛ̀ɛ Ɓɛ̀yudɛ̀n ɓɛ ghɛngà gɛ ɓum ànɛ̀n, nni ǹɗem wu yàaka wu ɓɔkày ɓɔ, ɓɛ tumɛ̀n rìfeèfèngì ɗi Pol di ɓɛɛ̀ sɛɛsɛ̀mgì nyi.

MƐ̀KÌKÌÌ MƐ ƁƐKƐ̀NÌ-FÌTOM 13:50

Kìɓan kifog, Ɓɛ̀yudɛ̀n ɓɛ toosìghà lɛ, rì ɓìtèetèɗ ɓi ɓɛ̀yiɓ ɓi ɓi falɛ̀ngà ɓi rìgherɛ̀n rì gìni-ɓum yi ɓi bàn ìnɛn lɛ ɓɛɛ ɓigti paàzì rì ɓɛ̀-Pol ɓɛɛ̀ Ɓarinaɓas; fɔɔnnɛ ɓɛ kpagà ɓɔ rìbaŋì, ɓɛ ki nàɓ ɓɔ ɓi kìlɔ̀ŋ kaa.

MƐ̀KÌKÌÌ MƐ ƁƐKƐ̀NÌ-FÌTOM 14:19

Ɓɛ̀yudɛ̀n ɓɛdɛŋ ɓɛ pɛsɛ̀ngày a Aŋtyos ànɛ a Pisidii rì a Ikonyɔm, ɓɛ syoŋ gwìy ì ɓum ɓi gàm yàà, ɓɛ rogì Pol gɔ̀g ɓɛ syòŋ nyi, ɓɛ kɛǹ nyi kì naŋì ɓi nwɔŋì wu bàn lɛ ɓɛ fefèkà lɛ à mɛ wu.

MƐ̀KÌKÌÌ MƐ ƁƐKƐ̀NÌ-FÌTOM 14:2

Kìɓan kifog, ɓɛ ɓɛ ɓengà dɔgtɛ̀n ì Pol, ɓɛ toosìghà ɓum ɓɛ zɛy lɛ ɓɛɛ ɓa rì ɓìɓeɓtàg ɓi mɛyitì ɓi ɓɛg ànɛ a ɓɛ̀geni ɓis ɓɛ righerɛ̀n.

RÒMƐŊ 10:19

Nni mɛ̀ ǹtɔɔgh lɛ, Isirayɛl à wokà ɓi nya yɛɛ lɔɔ? Lɛ Moyis yɛɛ loogh kì kpaà lɛ: Mɓiì kìi lɛ yɔ̀ɔ̀tì a ki mìni rì ɓumɓɛ ɓɛ yin bimiɗ à kìlɔ̀ŋ, ǹkì com ki lɛ ɓi wog bim ri kìlɔ̀ŋ ki ki ri kɛ̀ɛ̀ ɗyomzɛ̀n.

2 KƆ̀RƐ̀ŊTYƐŊ 5:20

Ɓi ɗii ɗi Kiris innɛ tì rì ɓɛ̀romɛn fɔɔnnɛ Bɛ̀ll nyimiɗ yɛɛ̀ feèfègsì mìni ɓi myɔm mis; tì ɓɔ̀ŋzaagh mìni ɓi ɗii ɗi Kiris lɛ ɓi gherɛn lɛ ɓi pegsɛn kìɓan ki lɛ rì mìni rì Bɛ̀ll.

TÈSÀLÒNÌSYƐŊ 2:16

Ɓɛ ti ɓɛ rekì ɓìsi lɛ tyɛ̀ ki ghagsi jɛ̀ɛ̀ ì Bɛ̀ll a ɓumɓɛ ɓɛ yin Ɓɛ̀yudɛ̀n lɛ ɓɛɛ ɓa rì cɛɓ. Rìkì ɗiǹ ɗyɛɛ̀ɗi ɓɛɛ̀ kɛ̀nkɛn beèbɛ̀y ɓɛ teètègsì kìɓe kaa cààmɛ̀n kìcèm rì ɗyɔ̀; wɔ̀lɛ rìbaŋì ɗi Bɛ̀ll ɗi mɛ syɔn ɓɔ kìkòmi.