LUKAS 14:13 - Bafia Nouveau Testament

¹³ Kìlag lɔŋ lɛ, i ù rì ɓi kìsɛ̀nɛ̀, ù reŋɗɛ̀n lɛ rì ɓɛ̀soghàsogha rì ɓìwɔ̀g rì ɓɛ̀lɛnlɛm, rì ɓɛ̀ɗyaŋɗyàŋ.

LUKAS 14:13 Iomraidhean Croise

MATYOO 15:30

Fɔɔnnɛ ɓìtuu ɓi ɓum ɓi yughày nyi a nyoo, lɛ rì ɓɛ̀lɛnlɛ̀m, rì ɓɛ̀ɗyaŋɗyàŋ, rì ɓɛ̀mùm-mùm, rì ɓìsɛkɛ̀rɛ̀, rì ɓɛ̀roroɓ ɓɛdɛŋ lɛɛ̀gwey; ɓɛ foŋ nyi ɓumɓɛ̀n asu, à ki wɔ̀ɔ̀zag ɓɔ.

MATYOO 22:10

Fɔɔnnɛ ɓɛ̀kìì-ɓìsay ɓii ɓɛǹ, ɓɛ saàtɛ̀ngà ɓi ɓìɓàà, ɓɛ taŋzɛ̀n ɓum ɓɛ̀cèm ɓɛ ɓɛ ghɛngày, lɛ rì ɓìɓeɓtàg ɓi ɓum, rì ɓum ɓɛ syeesyee; fɔlɔɔ nnɛ ɓɛ̀kèn ɓɛ rongà ɓi naa ì kìsɛ̀nɛ̀ lɛ pisa.

LUKAS 11:41

Com ki ɓyàa ghɛ̀ɛ̀sɛɛ kì kìi ki ri lɛ, ɓi fa ɓɛ̀soghàsogha ɓyom rì nɗem wu syeesyee, fɔɔnnɛ ɓyom ɓìcèm ɓi ɓiì ɓaà ɓìtɛnɛn ɓisu wìn.

LUKAS 14:12

Fɔɔnnɛ Yeesus à kpaaghà girig ŋwaànɛ à reŋìghà nyi a mɛɛ mii lɛ: I ù rì ɓi kìsɛ̀nɛ nsoò rì ŋwos, nsoò cɛŋkò, kɔ̀ɔ reŋɗɛn lɛ rì ɓɛ̀reŋkàŋ ɓɔɔ rì ɓɛ̀geni ɓɔɔ, nsoò boo yɔ̀ɔ̀ i ɓum, nsoò ɓɛ̀ba-gòŋzɛn ɓɔɔ, ɓɛ ɓɛ ri rì ìkum ɓisuulɛ ɓɔ girig ɓɛ ri lɛ ɓɛ reŋì wɔ̀ a lɔ̀ŋkaa, ɓɛ leɓ wɔ̀ ɓìɗilàg ɓi ù faghà ɓɔ.

LUKAS 14:14

Fɔɔnnɛ ù rì ɓiì ɓaà rì ɓɛ̀mààgh ɓisuulɛ ɓumɓɛ̀n ɓɛ yin ɗi ìtèɗ wulɛ ɓɛ leɓ wɔ̀ rìkì ɗiǹ, fɔɔnnɛ ù teri gɛ mɛ̀lèɓ ŋwosi righèmɓɛ̀n ɗi ɓilòŋ ɗi ɓumɓɛ ɓɛ ri lɛ saaɗ.

LUKAS 14:21

Fɔlɔɔ nnɛ ǹkìì-kìsay a sugtìghà kì kpaà masà wìì ɓìɓan ɓiǹ ɓìcèm. Nni ŋwaàmɛɛ a wokà bim, à ki kpaa ǹkìì-kìsay anɛ̀n lɛ, kɛ̀na lɛ fyɛ̀ɗ, ɓi ɓìyan ɓi tyèè, rì ɓi ɓìɓàà ɓi ɓi bàn, u regiì mɛ̀ lɛ, rì ɓɛ̀soghàsogha, rì ɓìwɔ̀g, rì ɓɛ̀ɗyaŋɗyàŋ, rì ɓɛ̀lɛnlɛm,

MƐ̀KÌKÌÌ MƐ ƁƐKƐ̀NÌ-FÌTOM 9:39

Fɔɔnnɛ à pɛ̀sɛ̀ngà, à kɛ̀ɛ̀zɛ̀n ɗì ɓɔ. Yɛ̀ɛ à kpagà wɔɔ, ɓɛ ɓɔg ɗì nyi ɓi kìden ki naa ki ɓi mɛɛ aɗyoo, mɛ̀kpɔɓ mɛcèm mɛ tyoŋdɛ̀n nyi a nyoo di mɛɛ̀ rènɗèn ɓɛ rerèsì nyi lɛ, rì bùɓa rì ɓɛ̀kàɓà ɓɛ Dorikas à raràɗkà di à kaka cem.

TIMOTE 3:2

Nni ki ghɛɛ̀sɛɛ lɛ, ǹkɛ̀ɛ̀sì-kìseŋi a ɓa ŋwaànɛ à yin ɗi kìɓan ki ɓum ɓɛ ri lɛ ɓɛ cɛɛ̀cɛ̀mdɛ̀n. À ɓa giɓ bog, kɛ̀ɛ keesi ɓinɔɔ̀nɔɔ̀, à ɓa ŋwaà ɗyomzɛ̀n, à yi rìghɛɓ rì ɓum, à ɓègì ɓɛ̀kèn a mɛɛ mii lɛ syeesyee, à ki ɓa ŋwaànɛ à rì lɛ à yi rìrèsàg ɗi ɓum ɓìɓan.

TIMOTE 5:10

Ki ghɛɛ̀sɛɛ lɛ a ɓa giɓ anɛ ɓum ɓɛ yii ɓìsyeesyee ɓii ɓi mɛkìkìì, ànɛ à mɛ tɔɔsag ɓɔn, ànɛ àa nghàɓkì ɓɛ̀kèn lɛ syeesyee, à sòòghì ɓɛ̀gherɛ̀n mɛ̀kòò, à ghɛɓsàg ɓum ɓɛ nyìinyìg, à ki kaakaa lɛ a ki ɓìɓan ɓi syeesyee.

Kaàtà ànɛ Pol à kàngà TIT 1:8

Kìɓan kifog à ghɛ̀ɛ̀sɛɛ kì yiì rìghàɓ ɗi ɓɛ̀kèn, à keesì ɓìɓan ɓi syeesyee, à ɓa rì ɗyomzɛ̀n, à ɓa lɛ saaɗ, à ɓa ǹtɛnɛn ɓi mis mɛ Bɛ̀ll, à ki ɓìɓ nɗem,

FILEMƆŊ 1:7

Lɛ mɛ̀ɛ nwoogh kìnyàà lɛɛ̀gwey nɗem wu ki kpì mɛ ɓi ɗùm lɛ ǹkɔ̀nɛ̀n ànɛ ù rì rì nyi; ɓisuulɛ mɛ̀rem mɛ ɓɛgherɛ̀n mɛ mmaa lɛ fyòoog lɛ kìsay kɔɔ, geni wɛ̀m.

EBIREEGH 13:2

Kɛ̀ ɓi ɗimzɛn kiɓan ki lɛ ɓi ghaɓki ɓɛ̀kèn lɛ syeesyee; ɓisuulɛ ɓum ɓɛdɛŋ ɓɛ laasìghà ɓum ɓɛ titom ɓɛ̀ kɛɛ̀ yi ɓi kìsyɔ̀ɔ̀ kiǹ.