LUKAS 13:14 - Bafia Nouveau Testament

¹⁴ Wɔ̀lɛ ǹlàmì naà-bɔ̀ŋzɛ̀n à wokà bim ɗi rìwɔ̀ɔ̀zì ɗi Yeesus à wɔ̀ɔ̀zìghà giɓ anɛ̀n ɗiǹ ŋwosi Saɓàt; à kpaa min gwìy ì ɓum ìnɛ ì ɓaghà wɔɔ lɛ: Ɓɛ̀ŋwos ɓɛ mum à ghɛ̀ɛ̀sɛɛ kì kìi kisay miì, ɓɛ ri taàfog, yùlaaghna kìɓoorɛɛ ɓi ɓɛ̀ŋwos ɓɛǹ, à cee lɛ ɓi yu ŋwosi Saɓàt.

LUKAS 13:14 Iomraidhean Croise

MATYOO 12:2

Yɛ̀ɛ Ɓɛ̀fàrìzyɛŋ ɓɛ ghɛngà fɔlɔɔ, ɓɛ kpaa Yeesus lɛ, ù ghɛɛ yɛ̀ɛ ɓɛ̀yilàg ɓɔɔ ɓɛɛ̀ kìki com ki ɓìdɔ̀gsɛna ɓis ɓi gherɛɛ ɓi lɛ mum a ki ŋwosi Saɓàt?

MARIKUS 5:22

Fɔɔnnɛ mum ɗii lɛ Zyayirus, kìbog ki ɓi ɓumɓɛ ɓɛ lamìghà naà-bɔ̀ŋzɛ̀n, à yùghà, à ghɛn Yeesus, à kpì nyi a mɛ̀kòò.

LUKAS 6:11

Fɔɔnnɛ ɓumɓɛ̀n ɓɛ wokà bim, ɓɛ tumɛ̀n rìnyoònyòlɛ̀n ɓi com ki ɓɛ rì ɓiì kìi Yeesus.

LUKAS 6:7

Ɓɛ̀rèsàg-ɓìdɔ̀gsɛna rì Ɓɛ̀fàrìzyɛŋ ɓɛ fifìɓìghà nyi lɛ fyɛɛyi, lɛ ɓɛɛ ghɛǹ ǹkòo à ɓiì wɔ̀ɔ̀zii mum ŋwosi Saɓàt, lɛ ɓɛ kaakààghà kìɓan ki ɓɛɛ ɓanɛn mii lɛ ɓɛɛ sɔmɛn nyi.

LUKAS 8:41

Fɔɔnnɛ ŋwaàdɛŋ ɗii lɛ Zyayirus, ànɛ à ɓaghà ǹlàmì ànɛ ɓi naà-bɔ̀ŋzɛ̀n, à yughày Yeesus a nyoo, à kpì nyi a mɛ̀kòò, à ɓɔ̀ŋzì nyi lɛ a yu a mɛɛ mii,

MƐ̀KÌKÌÌ MƐ ƁƐKƐ̀NÌ-FÌTOM 13:15

Yɛ̀ɛ ɓɛ lègsìghà ki ɓàli kaàtà à Bɛ̀ll, ɓi kaàtà à ɓìdɔ̀gsɛna ɓi Moyis rì ɓi à ɓɛ̀kpaŋzì-ɓìɓan, nni ɓɛ̀làmì naà-bɔ̀ŋzɛ̀n ɓɛ romgà mum lɛ a kali ɓɛ̀-Pol lɛ: Bɔɔsoŋ! ì ɓì rì rì deɓ yidɛŋ yi ɓì rì lɛ ɓì fa ɓum, tòòghrɛɛna ɓigominɛ.

MƐ̀KÌKÌÌ MƐ ƁƐKƐ̀NÌ-FÌTOM 18:17

Nni Ɓɛ̀yudɛ̀n ɓɛǹ ɓɛ̀sɛ̀ɛ̀ ɓɛ̀cèm ɓɛ sɛngà ɓi Sostɛn ànɛ à ɓaghà ǹlàmì naà-bɔ̀ŋzɛ̀n, ɓɛ tumɛ̀n nyi rìɓog ɓi mis mɛ ɓɛyɔ̀mì-ɓìɓan, wɔ̀lɛ rìkì ɗiǹ ɗyɛ̀ kɛɛ̀ yeesi Galyɔŋ nsoò lɛsàg.

MƐ̀KÌKÌÌ MƐ ƁƐKƐ̀NÌ-FÌTOM 18:8

Nsoò fɔlɔɔ, rìfòm ɗi naà-bɔ̀ŋzɛ̀n, ɗii lɛ Kirispus ɗi gherɛ̀ngà Kan, rì rìmɛɛ ɗii ɗicèm, fɔlɔɔ nnɛ ɓumɓɛ a Kɔrɛŋt lɛɛ̀gwey ɓɛ ɓɛ wokà ɓìɓan ɓi Pol ɓɛ gherɛ̀ngà girig, ɓɛ ki ɓàɓtag.

RÒMƐŊ 10:2

Ɓisuulɛ ǹɗì lɛ m̀ɓa ɓɔ wusìnɛ̀ɗ ɓi rìfalɛ̀n ɗi ɓɛ ri ɓɛ̀falɛn ri Bɛ̀ll, kìɓan kifog rìfalɛ̀n ɗiǹ ɗi bas̀ ɓi zɛ̀ɗ i rìwog.