LUKAS 12:48 - Bafia Nouveau Testament

⁴⁸ Kìɓan kifog, ǹkìì-kìsay ànɛ à yii ɓi masà wìì a kìsay, à ki kìki ɓiɓeɓtàg ɓi ɓiɓan nnɛ ɓɛ ri ɓiì ɓoògh bàlì ì mɛ̀kpas lɛsàg. Ŋwaànɛ ɓɛ faghà lɛɛ̀gwey nnɛ ɓɛ ri ɓiì tɔɔ̀gh lɛɛ̀gwey; fɔɔnnɛ ŋwaànɛ ɓɛ reɓsɛ̀ngà ɓyom lɛɛ̀gwey ri nyi, innɛ ɓɛ ɓiì ɓiisɛɛ ki tɔɔ̀gh lɛ a say lɛɛ̀gwey.

LUKAS 12:48 Iomraidhean Croise

MATYOO 13:12

Ɓisuulɛ ŋwaànɛ à rì rì ɓyom innɛ ɓɛ ɓiì fatii lɛ a ɓa rì ɓyɔ lɛɛ̀gwey, wɔ̀lɛ roànɛ à rì kɛ̀ɛ̀ com, innɛ ɓɛ ɓiì ɓàtɛɛ maa gàɓ ànɛ à rì rì nyi.

MATYOO 23:14

Nyìighnyìg rì mìni Ɓɛ̀rèsàg-ɓìdɔ̀gsɛna rì Ɓɛ̀fàrìzyɛŋ ɓɛ ɓì rì lɛ fyɛɛ̀fyɛɛ̀ ɓi ŋwɔm ìghèy ɓi ɗùm ɓisuulɛ ɓi pùupumzì mɛɛ mɛ mɛkpɔɓ, ɓì kìkì ɓyoo bɔ̀ŋzɛ̀n lɛ ɓum ɓɛɛ feki lɛ, ɓì rì ɓɛsyeesyee ɓɛ ɓum; kìɓan kiǹ kɛɛ̀ki ɓì rì ɓiì terì ɓìtèetèɗ ɓi deɓ.]

LUKAS 12:41

Fɔɔnnɛ Pyɛɛri à tɔkà nyi lɛ: Kan, dàɗkì ìnɛ ù teri ìnɛ, ì rì ɓisu wis giǹ, ɓisuu ɓum ɓɛ̀cèm?

LUKAS 12:49

Mɛ̀ ǹ-yùghà kì ghɛ̀ŋzɛɛ ɗuu ɓi ziinɛ, i ɗi mɛ ki ròò, cɛ kidɛŋ kɛɛ̀ki ǹɗì lɛ ǹfɔmfɔ̀m tì!

LUKAS 16:2

Nni à reŋìghà ŋwaànɛ̀n, à tɔg nyi lɛ: Kìɓan ki ɓum ɓɛɛ̀ kpaakpaa ki ɓɛ raràɗ rì wɔ̀ ki ri la? Rèsi mɛ̀ yɛ̀ɛ u kɛ̀ɛkɛɛ̀sì ìkum wɛm̀ ɓisuulɛ, wàa ɓèŋdi ɓi wɔ.

ZYAŊ 15:22

I ǹ-yùghà ɓi, kɛ̀ɛ nki tòòghrɛn ri ɓɔ, di ɓɛ yin lɛ ɓɛ ɓa rì bɛ̀lɛn; nni ɓigomìnɛ, ɓɛ yin ɗi com ki kpaayɛn ɓisuu kiɓe kaa.

MƐ̀KÌKÌÌ MƐ ƁƐKƐ̀NÌ-FÌTOM 17:30

Fɔɔnnɛ Bɛ̀ll à foŋi ɓi ǹto rì ɓyààmɛ̀n ɓi ɓum ɓɛ ɓaghà ɓiǹ ɓi rìɗim, wɔ̀lɛ ɓi gɛɛ̀nɛ, a rereŋi ɓum ɓɛ̀cèm nsoò ɓɛ fe, nsoò ɓɛ fe, lɛ ɓɛɛ lɔɔghrɛn mɛ̀rem.

TIMOTE 1:11

Ɓìɓan ɓiǹ ɓyɛɛ̀ɓi Syeesyee à Ɓɔlɛ à ǹkeŋkèmì à Bɛ̀ll ànɛ à rì ǹtin wu ɓɛmààgh a rèrèsì. Syeesyee à Ɓɔlɛ ànɛ̀n nnɛ ɓɛ reɓsɛ̀ngà rì mɛ̀.

TIMOTE 1:13

Màànɛ ǹfeèfèngàkà nyi abɛ̀y, ǹ-yeèyèèsì ɓɛ̀gherɛ̀n, ǹkìkì rìbaŋì, mɛ̀ ànɛ̀n innɛ Bɛ̀ll à wokà nyìinyìg ɓisuulɛ ǹ-yighà ɓi com ki ǹkìkìghà, lɛ m̀ɓaghà kɛ̀ɛ̀ kìgherɛɛ.

TIMOTE 6:20

Timote, konag kì ɓèŋi com ki ɓɛ tɛfɛ̀ngà rì wɔ̀, ù lèg kɛɛgh à kɛ̀ɛ̀-su ànɛ kɛ̀ɛ wuɓsɛn ɓiɓan ɓi righerɛ̀n, rì nyoey yi riyi ɗi ɓiɓan ɗi ɗi ri ɓi zɛ̀ɗ.

Kaàtà ànɛ Pol à kàngà TIT 1:3

Yɛ̀ɛ cààmɛ̀n ki ki ɓaghà kìsiŋdɛn ki kpagà, à kìghà lɛ jɛ̀ɛ̀ yìì yɛ̀ɛ yilɛn ɓi kìɓan ki à faghà mɛ̀ lɛ nlaàlamɓɛ̀n yɛ̀ɛ rìkalì ɗi Bɛ̀ll ànɛ à rì ǹghɛɓsì wìs ɗi ri.

ZYAG 3:1

Ɓɛ̀geni ɓɛ̀m, ki rɔɔtɛɛ ɓi lɛ kìgwey ki ɓi mìni kɛɛ kaàkaa lɛ kɛɛ ɓa ɓɛ̀rèsàg ɓisuulɛ, ɓìsi ɓɛ tì rì ɓɛ̀rèsàg, ɓɛ̀yɔ̀m ɓis ɓɛ tèèsɛɛ gɛ ɓɛ cee ɓɛ ɓum ɓɛmbog.