LUKAS 12:32 - Bafia Nouveau Testament

³² Maa kìtuu à jɔ̀ɔ̀ ànɛ, kɔ̀ɔ risi com, lɛ ki kɔngà Tààta wìn lɛ, a fa mìni kìlɔ̀ŋ kii.

LUKAS 12:32 Iomraidhean Croise

MATYOO 14:27

Wɔ̀lɛ Yeesus à ghàs ɓɔ kì kalii lɛ: Kɔ̀riina lɛ fyòoog, mɛ̀ yɛɛ ri, kɛ̀ ɓi risi.

MATYOO 20:16

Fɔlɔɔ nnɛ ɓum ɓɛ siitòn ɓɛ ɓiì ɓaà ɓum ɓɛ beèbɛ̀y, ɓɛ̀roɓɛ beèbɛ̀y ɓɛ ghay ɓum ɓɛ siitòn.

MATYOO 25:34

Fɔɔnnɛ rìfòm ɗi ɓiì kalii ɓɛroɓɛ ɓi weèlem ɓɛ̀n lɛ: Mìni ɓumɓɛ Seŋi wɛ̀m à màgà, yùunay, ɓi teɗ kìlɔ̀ŋ ki ɓɛ pegsɛ̀ngà ɓìsu win, à tumɛ̀n yɛ̀ɛ ɗyoo rì zi ɓi kilɛ̀ngà.

MATYOO 7:15

Konaaghna rì ɓɛ̀kpaŋzì-ɓìɓan ɓɛ ɓɛ ri ɓɛ̀pwààpwaà; ɓɛ ti ɓɛ yulàg mìni a nyoo ɓɛ̀pàmɓɛn gòò ì jɔ̀ɔ̀, wɔ̀lɛ wɔɔ ɓiɗùm, ɓɛ ɓa ɓìmonɗo ɓi ɓaaɓanɛ̀n.

LUKAS 10:21

Ɓi cààmɛ̀n kɔm̀ kiǹ, Kìtɛntɛ̀ɛ̀n ki Nghay ki kìghà lɛ Yeesus a wog kìrɔɔ lɛɛ̀gwey, à ki kpaa lɛ: Tààta, wàànɛ ù làmii lɛ, rì ɗyoo rì zi, ǹfaa wɔ̀ ɓìtògsɛ̀n lɛ ù nyamgàkà ɓɛ̀yiì-ɓìɓan, rì ɓum ɓɛ ɗyomzɛ̀n ɓìɓan ɓi; rì tì lɛ, ù kìghà lɛ ɓyɛɛ yilɛn a ɓɔɓti ɓɛsàg. Ɛ̀ɛ̀ Tààta, ǹtògsaagh yɛ̀ɛ ki nɗɔɔ wɔ̀ lɛ kɛɛ kilɛn fɔlɔɔ.

ZYAŊ 18:36

Yeesus à ɓàg nyi lɛ: Kìlɔ̀ŋ kɛm̀ ki yin fɛ ɓi ziinɛ, i kaa rì ɓi ziinɛ, di ɓɛ̀kìì-ɓìsay ɓɛm ɓɛ nfaa rìbaŋì lɛ ɓɛ̀ kɛɛ̀ kɛ̀n ɗi mɛ̀ a mɛ̀fòm mɛ Ɓɛ̀yudɛ̀n. Wɔ̀lɛ kìlɔ̀ŋ kɛm̀ ki yin fɛ ɓi ziinɛ.

MƐ̀KÌKÌÌ MƐ ƁƐKƐ̀NÌ-FÌTOM 20:28

Fɔɔnnɛ, ɓèŋina mìniìɓɔmiɗ, ɓì ki ɓèŋ di kituu ki jɔ̀ɔ̀ yi Bɛ̀ll, yi Kìtɛntɛ̀ɛ̀n ki Nghay ki rɛsìghà mìni lɛ ɓi ɓeŋ̀ɓeŋ. Mɛniina kìseŋi ki Bɛ̀ll lɛ syeesyee, lɛ à làkà kɔ rì bwaɓ yii.

MƐ̀KÌKÌÌ MƐ ƁƐKƐ̀NÌ-FÌTOM 20:29

Mɛ̀ ǹ-yii lɔŋ lɛ ɓum ɓɛdɛŋ ɓɛ ɓɛ rì yɛ̀ɛ ɓìmonɗo, ɓɛ ri ɓiì ɗiŋii ɓi nyìinyìm wìn ajɛ̀m yɛ̀m, ɓumɓɛ̀n ɓaa kèŋi ɓi kituu ki jɔ̀ɔ̀.

RÒMƐŊ 6:23

Ɓisuulɛ mɛ̀lèɓ mɛ kiɓe mɛ ri lɛ rìwu, kìɓan kifog, rìɓòò ɗi Bɛ̀ll a kìki ɓum zɛy ɗi ri cɛɓ ki fiɗyàɓ fikɔ̀ɔ̀ ɓi Yeesus Kiris à Kan wìs.

1 KƆ̀RƐ̀ŊTYƐŊ 1:21

Lɛ yɛ̀ɛ ɓumɓɛ ɓi ziinɛ ɓɛ ɓaghà ɓi lɛ ɓɛ yi Bɛ̀ll rì ɗyomzɛ̀n ɗyaa jàŋ inɛ ɗyomzɛ̀n ɗi Bɛ̀ll ɗyɛɛ̀ rèeresɛ̀n, nni Bɛ̀ll à kɔ̀ngà lɛ a ghɛɓsi ɓumɓɛ ɓɛ gherɛɛ nyi, rì kìyèg ki kiɓan ki ɓìsiì làalamɓɛ̀n.

FÌLÌPYƐŊ 2:13

Ɓisuulɛ Bɛ̀ll nnyɛɛ kìki kisay ɓi mìni, à fafà mìni lɛ rì ǹɗem, rì ìtèɗ wu kìyen ɓiɓan ɓi ɓi ghɛɛ̀sɛɛ rì syeesyee wìì a ɗyomzɛ̀n.

2 TÈSÀLÒNÌSYƐŊ 1:11

Kìɓan kiǹ kɛɛ̀ki ɓìsiì ɓɔ̀ɔɓɔ̀ŋzì Bɛ̀ll cààmɛ̀n kìcèm ɓisu win lɛ, di Bɛ̀ll wìs a ki lɛ ɓi ɓa ɓumɓɛ ɓɛ ghɛɛ̀sɛɛ rì ǹɗeèghreŋi wii; à kì tì lɛ ɓi ɓa rì bee i ǹkìyɛn ɓiɓan ɓi syeesyee ɓìcèm ɓi ɓi kɔ̀nkɔ̀n, à ki kì lɛ kìsay ki rìgherɛ̀n ɗin ɗyɛɛ̀ kìkì kɛɛ ɓa lɛ syeesyee.

2 TÈSÀLÒNÌSYƐŊ 1:5

Kìɓan kiǹ kɛɛ̀ rèresi lɛ, Bɛ̀ll à ti à yɔ̀mgì ɓum yɛ̀ɛ saaɗ à rì. Fɔlɔɔ yɛɛ ɓiì kìi lɛ ɓi ɓa ɓumɓɛ ɓɛ ghɛɛ̀sɛɛ kì terì kìlɔ̀ŋ ki Bɛ̀ll ki ɓi wuwu mɛtɔɓ miì.

EBIREEGH 12:28

Nni ti faana min Bɛ̀ll ɓìtògsɛ̀n yɛ̀ɛ tì teri kìlɔ̀ŋ ki ki yin lɛ ki kpig, tì ɓɔgsì nyi rìɓɔgsì ɗi ɗi ri lɛ ɗi rɔɔ nyi, rì mɛ̀wog, rì ìris.

ZYAG 2:5

Mìni ɓɛ̀geni ɓɛ̀m ɓɛ nɗem wooghna! Bɛ̀ll à ɓɔ̀ngà ɓɛ̀soghàsogha ɓɛ ɓi ziinɛ lɛ ɓɛɛ ɓa ɓɛ̀guŋgum ɓi rìgherɛ̀n ɓɛ ki ɓa ri gàɓ ɓi kìlɔ̀ŋ kii ki à kàkà ɓumɓɛ ɓɛ ti ɓɛ keesàg nyi.

2 PYƐƐRI 1:11

Fɔlɔɔ anɛ̀n nnɛ rìɗiŋì ɗin ɗi ɓi kìlɔ̀ŋ ki fiɗyàɓ fikɔ̀ɔ̀, ki Kan wìs rì ǹghɛɓsì wìs Yeesus Kiris, ɗi ri ɓiì ɓaà kɛ̀ɛ̀ maa ntɔɓ nsoò lɛsàg.

ÀPÒKÀLIƁSƐ̀ 1:6

nyi yɛɛ ki kìghà lɛ ti ɓa kìlɔ̀ŋ ki ɓumɓɛ ɓɛɛ̀ ɓɔɔɓɔgsì Bɛ̀ll à Seŋi wìì, Yeesus ànɛ̀n yɛɛ ghɛɛ̀sɛɛ lɛ rì rìkem ɗì rìlàmì fìɗyàɓ fikɔ̀ɔ̀. Ààmɛ̀n.

ÀPÒKÀLIƁSƐ̀ 22:5

Ìru waa ɓati ɓi, ɓumɓɛ̀n ɓɛ̀ kɛɛ̀ ɓati ri zày ì kìtɛɛtɛn ki lamɓà, nsoò ki ŋwos ɓisuulɛ Kan Bɛ̀ll à rì ɓɔ ɓiì kpeekpeŋzì rì kìtɛɛtɛn kii, fɔɔnnɛ ɓɛ ɓiì làmii fiɗyàɓ fikɔ̀ɔ̀.