LUKAS 12:17 - Bafia Nouveau Testament

¹⁷ Nni à fèfèkà rì ǹɗem di a tɔɔtɔɔ̀ghrɛ̀n lɛ, ǹɗì ɓiì ghalì ɓà la, yɛ̀ɛ ǹ-yin ɗi jàŋ inɛ ntaŋzɛn gɛ com wɛ̀m ànɛ miì?

LUKAS 12:17 Iomraidhean Croise

MATYOO 16:7

Nni ɓɛ̀yilàg ɓɛ fefèkà ɓi mɛ̀rem maa lɛ: Ɓaà yi ɓi à kpaa fɔlɔɔ lɛ yɛ̀ɛ tyàa teriì ɓi bìrɛs.

MATYOO 5:42

I ŋwaà lɔni wɔ̀ com, faa nyi kɔ̀; kɔ̀ɔ ki yem mum ɓɔ̀ra di à tɔɔgh wɔ̀ ɓɔ̀ra.

LUKAS 10:25

Fɔɔnnɛ kìtèetèɗ ki ǹɗèsàg-ɓìdɔ̀gsɛna ki pɛsɛngày lɛ, kɛɛ feèghrɛn Yeesus, ki tɔg nyi lɛ: Ǹɗèsàg, cɛ kɛɛ̀ki ǹghɛ̀ɛ̀sɛɛ kì kìi ɓi ɗi lɛ m̀ɓa rì cɛɓ ki fiɗyàɓ fikɔ̀ɔ̀?

LUKAS 11:41

Com ki ɓyàa ghɛ̀ɛ̀sɛɛ kì kìi ki ri lɛ, ɓi fa ɓɛ̀soghàsogha ɓyom rì nɗem wu syeesyee, fɔɔnnɛ ɓyom ɓìcèm ɓi ɓiì ɓaà ɓìtɛnɛn ɓisu wìn.

LUKAS 12:16

Nni à tekà ɓɔ dàɗkì ìdɛŋ lɛ: Guŋgum adɛŋ à ɓaghà rì dɛm inɛ ì ɗiŋìghà ɓyom lɛɛ̀gwey.

LUKAS 12:18

Fɔɔnnɛ à kalìghà tì min ɓɛɛ̀ nyimiɗ lɛ, com ki ǹɗì ɓiì kìi ki ri lɛ, ǹɗì ɓiì wààghii zarò yɛm̀ ǹtoŋdì yi yi teghɛɛ lɛɛ̀gwey, ǹfoŋ lɛ rì gèŋ yɛm̀, rì gɛ com wɛ̀m bimiɗ miì.

LUKAS 12:22

Yeesus à kpaatìghà ɓɛ̀yilàg ɓii lɛ: Kìɓan kiǹ kɛɛ̀ki ǹkpaa mìni lɛ kɛ̀ ɓi ghɛ̀ri mɛrem min aɗyòò rì com ki ɓì ɓiì ɗii, nsoò lɛ ki ɓì ɓiì waatɛɛ;

LUKAS 12:29

Fɔɔnnɛ mɛ̀rem min mɛ̀ kɛɛ̀ ɓiisɛn ki cɛɛcɛɛ̀rɛ̀n rì com ki ɓì rì ɓiì ɗiì nsoò lɛ, ki ɓì ɓiì nɔɔ̀.

LUKAS 12:33

Kàɓkiina ɓyom ɓìcèm ɓi ɓì rì rì ɓyɔ, ɓì ki fa mɔ̀ɔ̀ni mɛ miì rì ɓɛ̀soghàsogha; ɓaana rì ɓɛ̀ɓàm ɓɛ mɔ̀ɔ̀ni ɓɛ ɓɛ yin lɛ ɓɛ ɗilɛ̀n, ɓì ki ɓa ɓi ɗyoo ɓi ɗùm rì ìkum wu wɛ̀ kɛɛ̀ lèg, jàŋ inɛ wiiwìì à yin lɛ à wuɓsɛ̀n, nsoò zeg yɛ̀ kɛɛ̀ ɗi wɔ;

LUKAS 16:3

Fɔɔnnɛ m̀ɓèŋì-ìkum anɛ̀n à fèkà ɓi nɗem wii lɛ: M̀ɓiì ɓaà ɓà la yɛ̀ɛ masà wɛ̀m à kpaa lɛ mɛ̀ kɛ̀ɛ m̀ɓèŋdì ikum wii? Mɛ̀ kɛ̀ɛ̀ ìtèɗ wulɛ ǹsay dɛm, ǹki wowog ǹtoòrìɗ lɛ nlɔ̀ǹlɔn ɓum ɓyom ɓi kìɓàà.

LUKAS 16:9

Nni Yeesus à kpaatìghà lɛ: Ǹkalii mìni lɛ, kaana lɛ ɓi ɓa rì mɛ̀ghan rì ìkum wu kɛ̀ɛ̀ ǹkpaà, mɔ yɛɛ ri mìni ɓiì ghàɓi ɓi naa ì fìɗyàɓ fikɔ̀ɔ̀ di ìkum wiǹ wu yiìdi mìni ɓi càg.

LUKAS 18:22

Yɛ̀ɛ Yeesus à wokà rìɓàg ɗii ɗiǹ, nni à kpaaghà nyi lɛ: Com kɛɛ̀ ka kaakaàrɛ̀n wɔ̀ kìfog. Kɛ̀na u kaɓ ɓyom ɓìcèm ɓi ù rì rì ɓyɔ, u kaɓsi mɔ̀ɔ̀ni mɛ miì rì ɓɛ̀soghàsogha, fɔlɔɔ nnɛ ù ɓiì ɓaà rì ìkum aɗyòò, di u yuiy min u nɔɔ̀ti mɛ̀.

LUKAS 19:17

Rìfòm ɗi kpaa ǹkìì-kìsay anɛ̀n lɛ: Ki rɔɔtɛɛ, ù rì syeesyee à ǹkìì-kìsay, yɛ̀ɛ ù rèsii mɛ̀ lɛ ù rì ǹkìì-kìsay a ǹtyweeyi ɓi ɓɔɔ ɓiɓan ɓɛsàg, ǹɗɛsii wɔ̀ ǹlàmì ànɛ ɓi ɓìlɔ̀ŋ ǹtɛ̀ɗ.

LUKAS 3:11

Fɔɔnnɛ à ɓàkà ɓɔ lɛ: Ŋwaànɛ à rì ɓìlàà ɓiɓɛɛ̀, a fa gèni ànɛ à rì kɛ̀ɛ̀ kɔ kìfog; ŋwaànɛ à rì rì ɓyom ɓi ɗiyɛn, a yiti gèni ànɛ à rì kɛ̀ɛ̀ com.

MƐ̀KÌKÌÌ MƐ ƁƐKƐ̀NÌ-FÌTOM 16:30

fɔɔnnɛ à kpaŋzìghà ɓɔ, à tɔg ɓɔ lɛ: Ɓɛ̀kan ɓɛ̀m! Cɛ ǹghɛ̀ɛ̀sɛɛ kì kìi ɓisuulɛ mɓa rì cɛɓ?

MƐ̀KÌKÌÌ MƐ ƁƐKƐ̀NÌ-FÌTOM 2:37

Yɛ̀ɛ ɓɛ wokà ɓìtòkì ɓi Pyɛɛri ɓiǹ, ɓi ɗiŋì ɓɔ ɓi ǹɗem lɛ kɔɔ̀kɔɔ̀, nni ɓɛ tɔkà Pyɛɛri ri ɓɛ̀kɛ̀nì-fìtom ɓɛm̀bog lɛ: Ɓɔɔsoŋ̀, ki ghɛ̀ɛ̀sɛɛ min lɛ ti ki la?

RÒMƐŊ 12:13

Ɓì ghɛ̀ɛ̀sɛɛ kì ghɛɓsaagh ɓɛgeni ɓin ɓɛ ɓi rìgherɛ̀n ɓi ɓìɓan ɓi ɓyɛɛ̀ yeeyeèsì ɓɔ, ɓì ki yi rìghàɓ ɗi ɓɛ̀kèn lɛ syeesyee.

TIMOTE 6:17

Tɔgha ɓɛ̀guŋgum ɓɛ ɓi mɛ̀ru mɛ lɛ, ɓɛ̀ kɛɛ̀ ɓa ri kalɛn, ɓɛ̀ kɛɛ̀ ki foŋ dyàɓɛn yaà ɓi ìkum wu wu ri kɛ̀ɛ̀ ǹtyweeyi, ɓɛɛ foŋ lɔŋ dyàɓɛn yaà yɛɛ̀ Bɛ̀ll ànɛ à ti à falàg ɓìsi ɓyom ɓìcèm lɛɛ̀gwey lɛ ti wog kìrɔɔ rì ɓyɔ.

1 ZYAŊ 3:16

Rìyi ɗi tì yii com ki lɛ ǹkɔ̀nɛ̀n ɗyɛɛ̀ɗi lɛ, Yeesus Kiris à faghà cɛɓ kii ɓisu wis; fɔɔnnɛ ɓìsi girig, tì ghɛ̀ɛ̀sɛɛ kì faà cɛɓ kis ɓisuu ɓɛgeni ɓis.