LUKAS 11:9 - Bafia Nouveau Testament

⁹ Fɔɔnnɛ ǹkpaatii mìni lɛ, lɔnina, fɔlɔɔ nnɛ ɓɛ ri mìni ɓiì faà; kaana, fɔlɔɔ nnɛ ɓì ɓiì tanɛɛ, ɓooghna ìsuunaa, fɔlɔɔ nnɛ ɓɛ ri mìni wɔ ɓiì nɛmì;

LUKAS 11:9 Iomraidhean Croise

MATYOO 21:22

Com kìcèm ki ɓì ɓiì tɔɔ̀gh rì rìgherɛ̀n ɓi bɔ̀ŋzɛ̀n, ɓi ɓiì ɓaà rì kɔ.

MATYOO 21:31

Nni ɓi kìɓɛ̀ɛ̀ ki ɓɔɓti kiǹ, roàbe yɛɛ kighà rìkɔ̀n ɗi seŋì? Ɓum ɓɛ Yeesus à tekà dàɗkì ìnɛn ɓɛ ɓaàg lɛ: Man à ǹtonto yɛɛ kighà rìkɔ̀n ɗi seŋì. Yeesus à ki kpaa ɓɔ lɛ: Ǹkalii mìni saaɗ à rìkpaa lɛ, ɓɛ̀terì-làmpoŋ̀ rì ɓɛ̀yiɓ ɓɛ riɓàmɓà ɓɛ loogh gɛ kì kpaŋì ɓi kìlɔ̀ŋ ki Bɛ̀ll rì mìni.

MATYOO 6:29

kìɓan kifog, ǹkalii mìni lɛ, nsoò Salomɔŋ nyimiɗ ɓi rìkem ɗii ɗicèm, à waatɛ̀ngà ɓi ɓilàà ɓi rɔɔtɛn yɛ̀ɛ kìbog ki ɓi ɓyaaɓi ɓiǹ.

MARIKUS 11:24

Kìɓan kiǹ kɛɛ̀ki kìlaaghna lɛ, com kìcèm ki ɓì tɔɔgh ɓi bɔ̀ŋzɛ̀n, ɓì gherɛ̀n lɛ ɓì ti rì kɔ, fɔɔnnɛ ɓì rì kɔ ɓiì ghɛɛ̀ di ki kilɛɛ.

MARIKUS 13:37

Kìɓan ki ǹkpaa mìni ki, ǹkpaa kɔ ɓisuu ɓum ɓɛ̀cèm: Kɔ̀riina cem.

LUKAS 11:10

lɛ mum ǹcèm ànɛ à lɔni com, ɓɛ ti ɓɛ falàg nyi kɔ̀, roànɛ à kaa, à ti à tanàg, fɔɔnnɛ roànɛ à ɓoogh naa, ɓɛ ti ɓɛ nɛngì nyi yɔ̀.

ZYAŊ 14:13

Fɔɔnnɛ com kìcèm ki ɓì rì ɓiì tɔɔ̀gh rì ɗii ɗyɛ̀m, ǹɗì mìni kɔ ɓiì kìi, lɛ Tààta a teɗ rìkem ɓi Man.

ZYAŊ 15:16

Àa mìni yɛɛ ɓɔngà mɛ̀, lɔŋ mɛ̀ yɛɛ ɓɔngà mìni, ǹki rɛ̀si mini lɛ, ɓi kɛǹ, ɓi wum̀ ɓìɗùn, ɓìɗùn ɓin ɓi ki ɓa ɓiɗùn ɓi ɓyɛɛ finɛn, fɔɔnnɛ com kìcèm ki ɓì ɓiì tɔɔ̀gh Tààta rì ɗii ɗyɛ̀m, à rì mìni kɔ ɓiì kìi.

ZYAŊ 15:7

I ɓì rì a lɔ̀ŋkɛm̀, ɓiɓan ɓyɛm̀ ɓi ɓa rì ìkɔ̀ɔ̀ ɓi mìni, tɔɔghna com kìcèm ki ɓì kɔ̀ni, ɓɛ ri mìni kɔ ɓiì faà.

ZYAŊ 4:10

Fɔɔnnɛ Yeesus à ɓàkà giɓ anɛ̀n lɛ: I wàa yii rìfa ɗi Bɛ̀ll, ù ki yi roànɛ à lɔni wɔ̀ mɛ̀nig mɛ nɔyɛn, di wɔ̀ yaa rì lɛ, ù lɔn nyi mɛ̀nig mɛ noyɛn, di àa ki faa wɔ̀ mɛ̀nig mɛ cɛɓ.

RÒMƐŊ 2:7

Fɔlɔɔ nnɛ ɓumɓɛ ɓɛ siìrɛ̀ngà ɓi rìkì ɗi kirɔɔ, ɓɛ kaakàà rìkem ɗi yɛ̀ɛ Bɛ̀ll, rì ǹnyàasɛ̀n, rì cɛɓ ki kɛ̀ kɛɛ̀ lèg, Bɛ̀ll fa ɓɔ cɛɓ ki fiɗyàɓ fikɔ̀ɔ̀.

2 KƆ̀RƐ̀ŊTYƐŊ 6:2

Lɛ a kalag lɛ: M̀ɓàkà bɔ̀ŋzɛ̀n yɔ̀ɔ̀ ɓi syeesyee à cààmɛ̀n; ǹghɛɓsìghà wɔ̀ ŋwosi gòri. Syeesyee à cààmɛ̀n innɛ min lɛ ɓigomìnɛ, ŋwosi gòri innɛ min lɛ ɓigomìnɛ.

EBIREEGH 11:6

Wɔ̀lɛ i mum àrì kɛ̀ɛ̀ rìgherɛ̀n, à yin lɛ à rɔɔ Bɛ̀ll; ŋwaànɛ à tyɛ̀ɛ̀tɛɛ Bɛ̀ll jàŋbog, à ghɛ̀ɛ̀sɛɛ kì gherɛɛ lɛ Bɛ̀ll à rì wɔɔ, à ki gherɛn ti lɛ Bɛ̀ll à ti à lèɓkì ɓumɓɛ ɓɛ ti ɓɛ kaaghì nyi.

EBIREEGH 4:16

Ti tyoŋdɛn min jàŋbog rì ìkɔ̀ɔ̀ wu rilàmì wu Bɛ̀ll, jàŋ inɛ geesɛ̀n ì rì, tì ɓa rì ǹtyweeyi, di fɔɔnnɛ ɓɛɛ wog ɓìsi nyìighnyìg, tì ki ghɛn geesɛ̀n ìnɛ ì rì ɓìsi ɓiì ghɛɓsii ɓi cààmɛ̀n ki ki ghɛɛ̀sɛɛ.

ZYAG 1:5

I ŋwaàdɛŋ ànɛ ɓi mìni à kaarɛɛ ɗyomzɛ̀n, a tɔg ɗyɔ rì Bɛ̀ll ànɛ à ti à falàg ɓum ɓɛ̀cèm ɗyomzɛ̀n zɛy rì zɛy, rì syeesyee à nɗem, fɔɔnnɛ àrì nyi ɗyɔ ɓiì faà;

ZYAG 5:15

I bɔ̀ŋzɛ̀n ìnɛn ì kìlɛɛ rì ǹtyweeyi ɓi nɗem, ì rì ɓiì ghɛɓsii roròɓ ànɛ̀n, kaa soo rì lɛ à kìghà kìɓe, Bɛ̀ll à cenɛ̀n nyi kɔ.

1 ZYAŊ 3:22

À ti à falàg ɓìsi com kìcèm ki tì tɔɔgh nyi ɓisuulɛ, tì ti tì ɓègì ɓìdɔ̀gsɛna ɓii, tì ki kìlag ɓiɓan ɓi ɓyɛɛ̀ kɔ̀ngi nyi.

ÀPÒKÀLIƁSƐ̀ 2:24

Wɔ̀lɛ ɓi ɓɛg ànɛ a lɔ̀ŋkin, rì ɓum ɓɛmbog ɓɛ̀cèm ɓɛ a Tyatiir ɓɛ ɓì nɔ̀ɔ̀tìghà ɓi dɔgtɛ̀n ìnɛ̀n, kɛ̀ ɓi ki tim lɛ ɓi yi com ki ɓɛ ti ɓɛ regì lɛ ɓìɓan ɓi Satàn ɓi rim, mɛ̀ ǹfoŋdii ɓi mini ǹtɛ̀g wudɛŋ.