LUKAS 11:41 - Bafia Nouveau Testament

⁴¹ Com ki ɓyàa ghɛ̀ɛ̀sɛɛ kì kìi ki ri lɛ, ɓi fa ɓɛ̀soghàsogha ɓyom rì nɗem wu syeesyee, fɔɔnnɛ ɓyom ɓìcèm ɓi ɓiì ɓaà ɓìtɛnɛn ɓisu wìn.

LUKAS 11:41 Iomraidhean Croise

MATYOO 26:11

lɛ ɓì rì rì ɓɛ̀soghàsogha ɓyààmɛ̀n ɓìcèm, kìɓan kifog mɛ̀ màa ɓa ɓi ri mìni cààmɛ̀n kìcèm.

MATYOO 5:42

I ŋwaà lɔni wɔ̀ com, faa nyi kɔ̀; kɔ̀ɔ ki yem mum ɓɔ̀ra di à tɔɔgh wɔ̀ ɓɔ̀ra.

MARIKUS 7:19

ɓisuulɛ com kiŋcèm kì yin nyi ɓiì kɛ̀nkɛni ɓi ǹɗem, kɛɛ̀ kɛ̀nkɛn lɔŋ nyi ɓi ɗùm, ki sɛn, ki kpaŋ di à kɛ̀ɛ cog. Yeesus à kpaaghà yɛɛ lɔɔ lɛ ɓìɗilàg ɓìcèm ɓi rì kɛ̀ɛ̀ kìsyeg.

LUKAS 12:33

Kàɓkiina ɓyom ɓìcèm ɓi ɓì rì rì ɓyɔ, ɓì ki fa mɔ̀ɔ̀ni mɛ miì rì ɓɛ̀soghàsogha; ɓaana rì ɓɛ̀ɓàm ɓɛ mɔ̀ɔ̀ni ɓɛ ɓɛ yin lɛ ɓɛ ɗilɛ̀n, ɓì ki ɓa ɓi ɗyoo ɓi ɗùm rì ìkum wu wɛ̀ kɛɛ̀ lèg, jàŋ inɛ wiiwìì à yin lɛ à wuɓsɛ̀n, nsoò zeg yɛ̀ kɛɛ̀ ɗi wɔ;

LUKAS 16:9

Nni Yeesus à kpaatìghà lɛ: Ǹkalii mìni lɛ, kaana lɛ ɓi ɓa rì mɛ̀ghan rì ìkum wu kɛ̀ɛ̀ ǹkpaà, mɔ yɛɛ ri mìni ɓiì ghàɓi ɓi naa ì fìɗyàɓ fikɔ̀ɔ̀ di ìkum wiǹ wu yiìdi mìni ɓi càg.

LUKAS 18:22

Yɛ̀ɛ Yeesus à wokà rìɓàg ɗii ɗiǹ, nni à kpaaghà nyi lɛ: Com kɛɛ̀ ka kaakaàrɛ̀n wɔ̀ kìfog. Kɛ̀na u kaɓ ɓyom ɓìcèm ɓi ù rì rì ɓyɔ, u kaɓsi mɔ̀ɔ̀ni mɛ miì rì ɓɛ̀soghàsogha, fɔlɔɔ nnɛ ù ɓiì ɓaà rì ìkum aɗyòò, di u yuiy min u nɔɔ̀ti mɛ̀.

LUKAS 19:8

Fɔɔnnɛ Zasye à pɛ̀sɛ̀ngà aɗyòò, à kpaa Kan lɛ: Kan, ǹɗì ɓiì kàɓi ikum wɛm̀ gàɓ yiɓɛɛ̀, ǹfa gàɓ bog rì ɓɛ̀soghàsogha. I ǹtekà mum dolà bog ɓi kìcòò, ǹɗì nyi ɓiì lèɓi dolà yiniǹ.

MƐ̀KÌKÌÌ MƐ ƁƐKƐ̀NÌ-FÌTOM 10:15

Fɔɔnnɛ jɛ̀ɛ̀ ìnɛn ì kpaatìghà nyi ɓi gɛ̀n i kìɓɛ̀ɛ̀ lɛ: Kɔ̀ɔ kì lɛ: Com ki Bɛ̀ll à kpaa lɛ ki ri kɛ̀ɛ̀ kìsyeg, wɔ̀ɔ̀ kpaa lɛ, ki ri rì kìsyeg.

MƐ̀KÌKÌÌ MƐ ƁƐKƐ̀NÌ-FÌTOM 11:29

Nni ɓɛ̀gherɛ̀n ɓɛ rengà lɛ, mum bimiɗ ànɛ ɓi ɓɔ, a syɔɔ̀ gàɓ ì com ìnɛ à rì lɛ à ghɛn, lɛ ɓɛɛ ghɛɓsi ɓɛ̀geni ɓaa ɓɛ ɓɛ ɓaghà a Zyude miì.

MƐ̀KÌKÌÌ MƐ ƁƐKƐ̀NÌ-FÌTOM 24:17

Di ki mɛ finɛn bèg lɛɛ̀gwey yɛ̀ɛ ǹghaghìghà, nnɛ mɛ̀ɛ n-yùu rì ɓyom lɛ nkaɓsag rì ɓumɓɛ nyìighnyìg ɓɛ ɓi kìlɔ̀ŋ kɛm̀, ǹki fùnɛn ɓituwe ɓi rìɓɔgsì ɗi Bɛ̀ll.

2 KƆ̀RƐ̀ŊTYƐŊ 8:12

Syeesyee à rìkɔ̀n ànɛ lɛ mum a fa ɓɔgsì à ti à rɔɔghì Bɛ̀ll, lɛ Bɛ̀ll à ti à tekì rìfa ɗìn à seesèè com ki mum à rì rì kɔ, àa ki à yin ɗi kɔ.

EFÈZYƐŊ 4:28

Ŋwaànɛ àa nti à fyaasàg ɓyom, à lèg ɓi wii, kìɓan kifog, a teki ntɔɓ lɛ a say rì ɓyàg ɓii yɛ̀ɛ ki ghɛɛ̀sɛɛ, fɔɔnnɛ a ɓa rì com ki à rì lɛ à ghɛɓsì soghàsogha ri kɔ̀.

Kaàtà ànɛ Pol à kàngà TIT 1:15

Com kìcèm ki ri kì tɛnɛn ɓisuu ɓumɓɛ ɓɛ ri ɓɛ̀tɛnɛn, wɔ̀lɛ com kidɛŋ ki yin ki tɛnɛn ɓisuu ɓumɓɛ ɓɛ ri lɛ tɔɔtɔɓki, ɓɛ̀ kɛɛ̀ ɓa ɓɛgherɛ̀n, ɓisuulɛ ɗyomzɛ̀n rì nɗem waa, ɓi ri lɛ tɔɔtɔɓki.

EBIREEGH 13:16

Kɛ̀ ɓi ɗimzɛn rikì ɗi kirɔɔ rì rìghɛɛ̀ghɛ̀ɓsɛ̀n ɗi ɓi nyìinyìm wìn, lɛ rìkì ɗiǹ ɗyɛɛ ti ɗi rɔɔghì Bɛ̀ll, ɗi ɓa ɓi bàlì ì ɓyom ɓi ɓì faa nyi.

EBIREEGH 6:10

Lɛ Bɛ̀ll à rì Bɛ̀ll à saaɗ, fɔɔnnɛ à yin lɛ à ɗimzɛ̀n kìsay kin, nsoò ǹkɔ̀nɛ̀n ànɛ ɓì rèsìghà nyi ɓi ɓìɓan ɓi ɓì ghɛɓsìghà ɓɛ̀gherɛ̀n, rì ɓi ɓì kaka ɓì ghɛɛ̀ghɛ̀ɓsì ɓɔ.

ZYAG 1:27

Rìgherɛ̀n ɗi ɗi ri ɗìtɛnɛn, ɗi ki ɓa kɛ̀ɛ̀ tìfin ɓi mis mɛ Bɛ̀ll à Seŋi wìs ɗyɛɛ̀ tɔtɔg lɛ mum a kɛngi kì ghɛɛ̀ lɛ rì ɓɔɔ̀zii rì mɛ̀kpɔɓ cààmɛ̀n ki ɓɛ ri rì ǹɗemi-kɛŋɛn, à ki ɓèŋɗɛn lɛ kɛ̀ɛ kì ɓìɓan ɓi tifin ɓi ɓi ziinɛ.