LUKAS 11:2 - Bafia Nouveau Testament

² Yeesus à kpaa ɓɔ lɛ: Cààmɛ̀n kìcèm ki ɓi ɓɔ̀ɔɓɔŋzàg, kaliina lɛ: Tààta! Ɗii ɗyɔɔ ɗyɛɛ ɓa ɗì tɛnɛn; kìlàmì kɔɔ kɛɛ yu.

LUKAS 11:2 Iomraidhean Croise

MATYOO 10:32

Fɔlɔɔ nnɛ ŋwaànɛ à gherɛɛ mɛ̀ ɓi gwìy ì ɓum, mɛ̀ ngherɛɛ gɛ girig nyi ɓi mis mɛ Tààta wɛ̀m ànɛ à rì aɗyòò.

MATYOO 3:2

À kpaakpààghà ɓum lɛ: Lɔ̀ɔ̀ghrɛɛna mɛ̀rem lɛ kìlɔ̀ŋ ki aɗyoo ki ti jàŋbog.

MATYOO 5:16

Fɔlɔɔ nnɛ Kìtɛɛtɛn kin ki ghɛɛ̀sɛɛ kì lòmi ɓi nyìinyìm à ɓum ɓi lèg ànɛ lɛ, i ɓɛ ghɛɛ ɓìɓan ɓi syeesyee, ɓi ɓi kìkì ɓɛ kemzì Tààta wìn anɛ à rì ɓi ɗyoo ɓi ɗùm.

LUKAS 11:1

Ŋwos adɛŋ, Yeesus à ɓɔ̀ɔ̀ɓɔ̀ŋzìghà ɓi jàŋ idɛŋ; yɛ̀ɛ à lègsìghà bɔ̀ŋzɛ̀n nni n-yilàg wìì adɛŋ, à kpaaghà nyi lɛ: Kan, rèsàg ɓìsi yɛ̀ɛ ti ɓɔ̀ŋzag, fɛlɛ yɛ̀ɛ Zyaŋ à rèsàkà ɓɛ̀yilàg ɓii, lannɛ ɓɛɛ ɓɔŋzag.

RÒMƐŊ 1:7

nni mìni ɓɛ̀sɛ̀ɛ̀ ɓɛ̀cèm ɓɛ Bɛ̀ll à keesii yɛ̀ɛ mɛ̀nɔ̀ɓɔ̀, ɓɛ bì rì a Rom, mìniì ɓɛ à reŋìghà lɛ ɓi ɓa ɓum ɓii, Bɛ̀ll à Seŋì wìs ɓɛɛ̀ Kan Yeesus, ɓɛɛ fa mìni lɛ rì geesɛ̀n rì fyòoog.

RÒMƐŊ 8:15

Lɛ Ǹghay ànɛ ɓì tekà à yin Nghay ànɛ a ghaasi mìni ɓɛ̀kpàn ɓi lèg ànɛ lɛ ɓi kɛnkɛn asu ɓì rirìsì tì, kìɓan kifog ɓì tekà Ǹghay ànɛ à mɛ kì lɛ ɓi ɓa ɓɔn ɓɛ Bɛ̀ll. Ǹghay ànɛ̀n yɛɛ ti à falàg ɓìsi ìtèɗ wulɛ ti reŋì Bɛ̀ll jɛ̀ɛ̀ aɗyoo lɛ: Aba, Tààta.

1 KƆ̀RƐ̀ŊTYƐŊ 1:3

Bɛ̀ll à Seŋi wìs ɓɛɛ̀ Kan Yeesus Kiris ɓɛɛ fa mìni lɛ rì geesɛ̀n rì fyòoog.

2 KƆ̀RƐ̀ŊTYƐŊ 1:2

Bɛ̀ll à Seŋi wìs ɓɛɛ̀ Kan Yeesus Kiris, ɓɛɛ fa mìni geesɛ̀n, rì fyòoog.

GÀLAT 1:4

Yeesus à faghà cɛɓ kii ɓisuu ɓiɓe ɓis lɛ di a pwaŋ̀ ɓìsi ɓi kìɓeɓtàg ki zi ki tì rì ki miì gɛɛ̀nɛ, lɔŋ yɛ̀ɛ rìkɔ̀n ɗi Bɛ̀ll ànɛ à rì Seŋi wìs ɗi ri.

EFÈZYƐŊ 1:2

Bɛ̀ll à Seŋi wìs ɓɛɛ̀ Kan Yeesus Kiris ɓɛɛ fa mìni geesɛ̀n rì fyòoog.

FÌLÌPYƐŊ 1:2

Bɛ̀ll à Seŋi wìs rì Kan Yeesus Kiris ɓɛɛ fa mìni lɛ rì geesɛ̀n, rì fyòoog.

FÌLÌPYƐŊ 4:20

Bɛ̀ll à Seŋi wìs à ghɛ̀ɛ̀sɛɛ ɗì rìkem fìɗyàɓ fikɔ̀ɔ̀, ààmɛ̀n.

KÒLÒSYƐŊ 1:2

tì kàni ɓɛ̀gherɛ̀n, rì ɓɔɔseŋi ɓis ɓɛ ɓi Kiris ɓɛ ɓɛ ri ɓum ɓɛ ntyweeyi, ɓɛ ɓɛ ri a Kolos. Bɛ̀ll à Seŋi wìs a fa mìni lɛ rì geesɛ̀n, rì fyòoog!

TÈSÀLÒNÌSYƐŊ 1:1

Mɛ̀ Pol, ɓɛɛ Silas rì Timote, tì kàni ɓumɓɛ ɓi Kìseŋi ki a Tesalonika ki ki ri ɓi Bɛ̀ll Seŋi rì ɓi Yeesus Kiris Kan. Geesɛ̀n, rì fyòoog ɓyɛɛ ɓa ɓìfayɛn a lɔ̀ŋkin.

TÈSÀLÒNÌSYƐŊ 1:3

Ɓi mis mɛ Bɛ̀ll à Seŋi wìs tì ti tì yitàg ɓyààmɛ̀n ɓìcèm mɛ̀kìkìì min mɛ ɓi rìgherɛ̀n, rì kìsay ki ǹkɔ̀nɛ̀n wiǹ a kìkì, rì rìsììrɛ̀n ɗin ɓi dyàɓɛn inɛ tì rì rì yɔ̀ ɓì Kan wìs Yeesus Kiris.

2 TÈSÀLÒNÌSYƐŊ 2:16

Kan wìs Yeesus Kiris nyimiɗ, rì Bɛ̀ll à Seŋi wìs anɛ à keesìghà ɓìsi, à fa ɓìsi fɔɔy ànɛ ɓi nɗem ànɛ à rì fìɗyàɓ fikɔ̀ɔ̀, rì dyàɓɛn i syeesyee,

ÀPÒKÀLIƁSƐ̀ 11:15

Nni ŋwaà-fìtom a kìtaàɓɛ̀ɛ̀ a rɔgà ɗyam; fɔɔnnɛ ɓyoo jɛ̀ɛ̀ ɓi ɓaghày ɓi ɗyoo ɓi ɗùm, ɓi kpaakpàà lɛ: Kìlàmì ki zi ki cee ɓi ɓyàg ɓi Kan wìs, rì Mèsii wìì. À ɓiì làmii fiɗyàɓ fikɔ̀ɔ̀.

ÀPÒKÀLIƁSƐ̀ 15:4

Kan ghɛn yɛɛ ri lɛ à rɔ̀ɓ lɛ à risii ɓi ɗii ɗyɔɔ, kɛ̀ɛ ki kemzi ɗyɔ? Ɓisuulɛ, lɔŋ wɔ̀ cɛ̀ncɔɔ yɛɛ ri ǹtɛnɛn. Ɓìlɔ̀ŋ ɓìcèm ɓi ri ɓiì yùu, ɓi ɓag wɔ̀ mɛ̀ɗu asu, lɛ saaɗ wɔ̀ɔ̀ a mɛ rèsɛ̀n.

ÀPÒKÀLIƁSƐ̀ 19:6

Fɔɔnnɛ ǹwokà jɛ̀ɛ̀ di yɛɛ̀ wɔ̀ɔ̀wɔɔ yɛ̀ɛ jɛ̀ɛ̀ ì coo kituu ki ɓum, ì pisɛ̀n ɗì gom ì ɓyoo ɓikus ɓi riɓày, nsoò lɛ gom ì baàbàn ìnɛ yɛɛ̀ ɓoɓog ri ìtèɗ, jɛ̀ɛ̀ ìncèm ì kpaakpàà lɛ: Alèluyà! Lɛ Kan Bɛ̀ll à ìtèɗ wucèm à mɛ rèsi kilàmì kii.

ÀPÒKÀLIƁSƐ̀ 20:4

Nni ǹghɛngà mɛ̀kɔ̀ɔ̀ mɛ rilàmì, ɓɛ faghà ɓumɓɛ ɓɛ kɔràkà ɓi mɛ̀kɔ̀ɔ̀ mɛǹ ìtèɗ wu yɔ̀myɔmɛn ɓiɓan; fɔɔnnɛ ǹghɛɛ̀dìghà mɛ̀ghay mɛ ɓum ɓɛ ɓɛ wowòlà ɓisuulɛ ɓɛ ɓaghà ɓɛ̀wusìnɛ̀ɗ ɓɛ Yeesus rì ɓɛ jɛ̀ɛ̀ ì Bɛ̀ll, rì ɓɛ̀roɓɛ ɓɛ ɓɔgsìghà ɓi nyàm ì mɛ̀to taàɓɛ̀ɛ̀, nsoò lɛ kìfèèghrɛnà ki yɔ̀, ɓɛ̀ kɛɛ̀ ki ɓa ri kìrèmzɛnà ki nyàm ìnɛn ɓisu nsoò lɛ ɓi càg. Fɔɔnnɛ ɓɛ ghemɓɛ̀ngà, ɓɛ ki làmi nɗaŋ ɗi Kiris bèg tɔɔsìm.