LUKAS 10:42 - Bafia Nouveau Testament

⁴² Wɔ̀lɛ kìɓan kifog kɛɛ ri rì gɛɓsɛ̀n; Marii àa ɓɔ̀ni gàɓ ì syeesyee; ɓaa ɓàtɛn ɓi nyi yɔ̀.

LUKAS 10:42 Iomraidhean Croise

MARIKUS 8:36

Kì ghɛɓsii mum cɛ lɛ, a fɔǹ ziinɛ bimiɗ, di à ɗimzii cɛɓ kii?

LUKAS 10:39

Giɓ anɛ̀n à ɓaghà rì geni a giɓ ɗii lɛ Marii, nnyɛɛ kɔ̀righà Kan a mɛ̀kòò, à wowòg ɓìtòkì ɓii.

LUKAS 11:1

Ŋwos adɛŋ, Yeesus à ɓɔ̀ɔ̀ɓɔ̀ŋzìghà ɓi jàŋ idɛŋ; yɛ̀ɛ à lègsìghà bɔ̀ŋzɛ̀n nni n-yilàg wìì adɛŋ, à kpaaghà nyi lɛ: Kan, rèsàg ɓìsi yɛ̀ɛ ti ɓɔ̀ŋzag, fɛlɛ yɛ̀ɛ Zyaŋ à rèsàkà ɓɛ̀yilàg ɓii, lannɛ ɓɛɛ ɓɔŋzag.

LUKAS 12:20

Wɔ̀lɛ Bɛ̀ll à kpaaghà ŋwaànɛ̀n lɛ: Wɔ̀ kìyèg ki mum ki, lɔŋ ɓi-ru wu gɛɛ̀nɛ nnɛ ɓɛ ri wɔ̀ ɓiì ɓàtɛɛ cɛɓ kɔɔ; nni gɛ com ànɛ ù mɛ nyam anɛ à rì ɓà ɓiì wooghrɛɛ ri ghɛn?

LUKAS 12:33

Kàɓkiina ɓyom ɓìcèm ɓi ɓì rì rì ɓyɔ, ɓì ki fa mɔ̀ɔ̀ni mɛ miì rì ɓɛ̀soghàsogha; ɓaana rì ɓɛ̀ɓàm ɓɛ mɔ̀ɔ̀ni ɓɛ ɓɛ yin lɛ ɓɛ ɗilɛ̀n, ɓì ki ɓa ɓi ɗyoo ɓi ɗùm rì ìkum wu wɛ̀ kɛɛ̀ lèg, jàŋ inɛ wiiwìì à yin lɛ à wuɓsɛ̀n, nsoò zeg yɛ̀ kɛɛ̀ ɗi wɔ;

LUKAS 16:2

Nni à reŋìghà ŋwaànɛ̀n, à tɔg nyi lɛ: Kìɓan ki ɓum ɓɛɛ̀ kpaakpaa ki ɓɛ raràɗ rì wɔ̀ ki ri la? Rèsi mɛ̀ yɛ̀ɛ u kɛ̀ɛkɛɛ̀sì ìkum wɛm̀ ɓisuulɛ, wàa ɓèŋdi ɓi wɔ.

LUKAS 16:25

Nni Abiraham à ɓàkà nyi lɛ: Man wɛm̀, yiti cààmɛ̀n ki ù wowòkà gàɓ yɔ̀ɔ̀ i kìrɔɔ di ù kaka ɓi cɛɓ, Lazaari nyii wowòkà mɛ̀tɔɓ; nni ɓi cààmɛ̀n ki, nyii ti ɓiì fɔɔfɔɔ̀sɛ̀n fɛ, wɔ̀ɔ̀ wowòg rìkɛŋ.

LUKAS 18:22

Yɛ̀ɛ Yeesus à wokà rìɓàg ɗii ɗiǹ, nni à kpaaghà nyi lɛ: Com kɛɛ̀ ka kaakaàrɛ̀n wɔ̀ kìfog. Kɛ̀na u kaɓ ɓyom ɓìcèm ɓi ù rì rì ɓyɔ, u kaɓsi mɔ̀ɔ̀ni mɛ miì rì ɓɛ̀soghàsogha, fɔlɔɔ nnɛ ù ɓiì ɓaà rì ìkum aɗyòò, di u yuiy min u nɔɔ̀ti mɛ̀.

LUKAS 8:18

Ɓì konàg lɔŋ ri riwog ɗi ɓì ti ɓì wokì ɓìɓan ɓi Bɛ̀ll; ɓisuulɛ, ŋwaànɛ à rì rì com innɛ ɓɛ ri ɓiì fatii, wɔ̀lɛ roànɛ à rì kɛ̀ɛ̀ kɔ ɓɛ ɓatɛ̀n nsoò maa gàɓ ànɛ nyiì fèfeg lɛ à rì rì nyi.

ZYAŊ 11:1

Ŋwaàdɛŋ ɗii lɛ Lazaari, yɛɛ roròɓkà; à ɓaghà ŋwaànɛ a Bɛtanii, ɓi kìlɔ̀ŋ ki ɓɛ-Marii ɓɛɛ̀ Maata à geni.

ZYAŊ 11:19

Ɓɛ̀yudɛ̀n lɛɛ̀gwey ɓɛ yughày yɛ̀ɛ ɓɛ̀-Maata ɓɛɛ̀ Marii, lɛ ɓɛɛ fɔɔ̀si ɓɔ mɛ̀rem ɓi rìwu ɗi gèni wàà.

ZYAŊ 12:3

Nni Marii à tekà coo ɓeŋ à tìrààre ti ti ɓaghà tì kɛŋɛn lɛɛ̀gwey; ti ɓaghà tì kìyɛn ɗi caaɓi kidɛŋ lɛ naàr, à sùùrì Yeesus tìrààre tìn ɓi mɛ̀kòò, à ki tɔ̀si nyi mɔ rì tyòŋ tii; fɔɔnnɛ mɛ̀rùù mɛ tirààre mɛ saàghà naa bimiɗ.

ZYAŊ 17:3

Cɛɓ ki fiɗyàɓ fikɔ̀ɔ̀ ki ri lɛ, ɓɛɛ yi wɔ̀, lɛ wɔ̀ yɛɛ ri m̀bobog à kɔɔ̀kɔɔ̀ à Bɛ̀ll, ɓɛ ki yi Yeesus Kiris, roànɛ ù romgày.

ZYAŊ 4:14

Kìɓan kifog, ŋwaànɛ à rì ɓiì nɔɔ̀ mɛ̀nig mɛ ǹɗì nyi ɓiì faà, àa wogtii gɛ ɓi kinɔli. Lɛ mɛ̀nig mɛ ǹɗì nyi ɓiì faà mɛǹ, mɛ ri ɓiì ghalì ǹsim à cɛɓ ki fiɗyàɓ fikɔ̀ɔ̀ ɓi nɗem wii.

ZYAŊ 5:24

Ǹkalii mìni kɔɔ̀kɔɔ̀ à rìkpaa lɛ, ŋwaànɛ à woogh jɛ̀ɛ̀ yɛ̀m, à ki gherɛn roànɛ à romgày mɛ̀, à ti rì cɛɓ ki fiɗyàɓ fikɔ̀ɔ̀. À yin lɛ à yù a rìren ɗi ɓiɓan, kìɓan kifog, à mɛ pɛ̀sɛn yi ɓi rìwu, à ɗiŋì ɓi cɛɓ.

ZYAŊ 6:27

Kɛ̀ ɓi say ɓisuu ɓiɗilàg ɓi ɓi ri lɛ ɓi ɗyoŋ, salina ɓisuu ɓiɗilàg ɓi ɓi ri lɛ ɓi kɔrì à kpaŋ ɓi cɛɓ ki fiɗyàɓ fikɔ̀ɔ̀, ɓyɛɛ̀ ɓi Man à mum à rì mìni ɓiì faà, lɛ nyi nnɛ Bɛ̀ll Seŋi à fogà kìrèmzɛnà ki rilàmì ɗii ɓi nyi.

1 KƆ̀RƐ̀ŊTYƐŊ 13:3

Màa soo teri ìkum wɛm̀ wùcèm, ǹkàɓsàg rì ɓɛ̀soghàsogha lɛ ɓɛɛ ɗiɗi miì, màa soo ki faa kɔm̀ nyoo yɛ̀m lɛ yɛ̀ɛ ɗig ɓi ɗuu, i ǹ-yin ɗi ǹkɔ̀nɛ̀n, fɔlɔɔ anɛ̀n àa ghɛɓsi ɓi mɛ com.

GÀLAT 5:6

Ɓi ŋwaànɛ à rì ɓi Kiris ɓi ɗùm, rìɓa di lɛ à rì ǹkɛ̀rɛn nsoò lɛ à yin nkɛ̀rɛn ɗi yin com; bimiɗ à kìɓan anɛ à ghɛɓsii à rì lɛ rìgherɛ̀n ɗi ɗi ri rì mɛ̀kìkìì ɓi nkɔ̀nɛ̀n.