LUKAS 10:37 - Bafia Nouveau Testament

³⁷ Roànɛ̀n à ɓàg nyi lɛ: Mɛ̀ ǹghɛɛ lɛ, muu Samari ànɛ à wokà ŋwaànɛ̀n nyìighnyìg yɛ̀ɛ wuɓsɛɛ nyi. Nni Yeesus à kpaaghà min ǹɗèsàg-ɓìdɔ̀gsɛna anɛ̀n lɛ: Wɔ̀ɔ̀ kɛ̀na u kilag girig fɔlɔɔ.

LUKAS 10:37 Iomraidhean Croise

MATYOO 20:28

Fɔlɔɔ nnɛ Man à mum à yùghà ɓi ziinɛ, àa lɛ ɓum ɓɛɛ kiki nyi ɓìsay, à yùghà lɔŋ lɛ, a say ɓum, à ki fa cɛɓ kii lɛ, a kweɗ ɓum lɛɛ̀gwey.

MATYOO 23:23

Nyìighnyìg rì mìni ɓɛ̀rèsàg-ɓìdɔ̀gsɛna rì Ɓɛ̀fàrìzyɛŋ ɓɛ ɓì rì lɛ, fyɛɛ̀fyɛɛ̀ ɓi ŋwɔm ìghèy ɓi ɗùm, ɓisuulɛ ɓì ti ɓì falàg gàɓ ì kìntɛ̀ɗ ìnɛ ɓi ɓyom ɓi ɓi dɛm fɛlɛ yɛ̀ɛ kìzòò rì bààzì, rì gèg, ɓì sɛɛtì ɓɛ̀lem ɓɛ ɓiɓan ɓɛ ɓi ɓìdɔ̀gsɛna ɓɛ ɓɛ ri lɛ: rì saaɗ, rì nɗem wu nyìighnyìg, ɗì rìroòzì ɗi mɛkàg, kɔm̀ lɛ, ɓìɓan ɓìǹ ɓyɛɛ̀ɓi mum à ghɛ̀ɛ̀sɛɛ kì kìi, kɛ̀ɛ ki sɛɛti ɓimbog.

LUKAS 10:36

Fɔɔnnɛ Yeesus à tɔkà min ǹɗèsàg-ɓìdɔ̀gsɛna ànɛ ɓɛ totòkà ànɛ̀n ɓɛɛ nyi lɛ: Ɓi ɓum ɓɛ kiraa ɓɛ̀n, roàbe nnɛ wɔ̀ɔ̀ ghɛɛ lɛ, à ɓiisɛɛ ki wuɓsɛɛ ŋwaànɛ ɓɛ̀zyaàzyaa ɓɛ kulà ànɛ̀n?

LUKAS 10:38

Yɛ̀ɛ ɓɛ ɓaghà ɓi bee, nni Yeesus à ɗiŋìghà ɓi kìlɔ̀ŋ kidɛŋ, fɔɔnnɛ giɓ adɛŋ ɗii lɛ Maata, à ghàɓkà nyi a mɛɛ mii.

2 KƆ̀RƐ̀ŊTYƐŊ 8:9

Lɛ ɓì yii nɗem wu geesɛ̀n wu Kan wìs Yeesus Kiris; nyi ànɛ à ɓaghà rì ìkum, à ghaasìghà nyimiɗ soghàsogha lɛ di a kumzi mìni rì kìsoghà kii.

EFÈZYƐŊ 5:2

Ɓì kɛ̀ɛ̀kɛ̀ɛ̀ ɓi nkɔ̀nɛ̀n fɛlɛ yɛ̀ɛ Kiris à rèsìghà ɓìsi, à fa cɛɓ kii ɓisu wis, fɛlɛ yɛ̀ɛ com ki ŋwaà à faa, nsoò lɛ kìtuwe ki ɓɛ funɛɛ ɓi rìɓɔgsì ɗi Bɛ̀ll; ɓyom ɓìn ɓi ɓa rì syeesyee à kìnùbe.

1 PYƐƐRI 2:21

Lɛ rìɓa ɗìn ɗyɛɛ̀ɗi Bɛ̀ll à reŋìghà mìni miì ɓisuulɛ Kiris girig à wokà rìkɛŋ ɓisu win, à ki càɗ mini kìrèmzɛnà ki lɛ ɓi nɔɔ̀ti ɓìɓɔ̀ɓ ɓii.

ÀPÒKÀLIƁSƐ̀ 1:5

rì lɛ rìfa ɗi Yeesus Kiris ànɛ à rì wusìnɛ̀ɗ à ǹtyweeyi, ànɛ à rì Man à ǹtonto ànɛ à lokà kìghèmɓɛɛ yi a ɓìloŋ, à ki ɓa ti nkɔ̀mɛ̀n mɛ̀fòm mɛ ɓi ziinɛ. Roànɛ a keesag ɓisi, roànɛ à kwèɗkà ɓìsi ɓi ɓìɓe ɓis rì bwaɓ yii,