LUKAS 10:2 - Bafia Nouveau Testament

² Nni à kpaaghà ɓɔ lɛ: Mɛ̀saŋ mɛ teghɛɛ lɛɛ̀gwey, kìɓan kifog ɓɛ̀kìì-ɓìsay lɛsàg; ɓɔ̀ŋzaaghna min ŋwaànɛ à rì rì mɛ̀saŋ lɛ, a rom yì ɓɛ̀kìì-ɓìsay ɓɛ ɓɛɛ sàŋ nyi mɛ̀saŋ.

LUKAS 10:2 Iomraidhean Croise

MATYOO 20:1

Kìlɔ̀ŋ ki aɗyòò ki pisɛɛ rì ŋwaàdɛm adɛŋ, ànɛ à pongà kì kaà ɓumɓɛ ɓɛɛ kɛǹ kìsay ɓi dɛm yiì.

MARIKUS 13:34

Kìɓan kiǹ ki ri ɓiì ɓaà lɔŋ yɛ̀ɛ ŋwaànɛ à kɛ̀ɛ rìkɛ̀ɛ̀, à càɗ mɛɛ mii, à reɓsàg ɓìɓan ɓii ri ɓɛ̀kìì-ɓìsay lɛ, rì ànɛn miì rì ìsu wii wu kisay, à ki siitag m̀ɓèŋì-ìsuunaa lɛ, a kɔri cem.

MARIKUS 16:15

Fɔɔnnɛ à kpaaghà ɓɔ lɛ: Kɛ̀ɛna zi bimiɗ, ɓi kpaa ɓum ɓɛ̀cèm Syeesyee à Ɓɔlɛ.

MARIKUS 16:20

Fɔɔnnɛ ɓɛ̀yilàg ɓɛ kɛngà kì kakalii Syeesyee à Ɓɔlɛ jàŋbimiɗ. Kan Yeesus à ɓaghà rì ɓɔ ɓi kìsay kiǹ, à ki sìisiìràg Syeesyee à Ɓɔlɛ ànɛ ɓɛ kpaakpààghà rì dàm yi ɓiɓan yi ɓɛ kikìghà.

LUKAS 9:1

Nni Yeesus à taŋzɛ̀ngà ɓɛ̀yilàg ɓii ǹtɛ̀ɗ rì ɓɛɓɛɛ̀, à fa ɓɔ itèɗ wu nàɓɛn ɓiɓeɓtàg ɓi mɛghay mɛ̀kuu mɛ̀cèm, rì wulɛ ɓɛɛ wɔɔ̀wɔ̀ɔ̀zì ɓɛ̀roroɓ.

MƐ̀KÌKÌÌ MƐ ƁƐKƐ̀NÌ-FÌTOM 11:19

Ǹtɔɓ wu ɓɛ tɔtɔ̀ɓkà ɓɛ̀gherɛ̀n ɓi cààmɛ̀n ki ɓɛ wolà Ityɛn, wu kìghà lɛ ɓɛ̀gherɛ̀n ɓɛɛ saàtɛn. Fɔɔnnɛ gàɓ ìdɛŋ ì kɛ̀ngà a Fenisii, rì ɓi kìrìŋ ki riɓày ki lɛ Siipirɛ, rì a Aŋtyos, kìɓan kifog, lɔŋ Ɓɛ̀yudɛ̀n ɓɔ rì ɓɔ ɓɛɛ̀ɓɛ ɓɛ kpaakpààghà jɛ̀ɛ̀ ì Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 13:2

Ŋwos adɛŋ ànɛ ɓɛ ɓaghà ɓi rìɓɔgsì ɗi ɗii ɗi Kan, ɓɛ ki cèli ɓiɗilàg ɓi ŋwos àncèm ànɛn, Kìtɛntɛ̀ɛ̀n ki Nghay ki kpaaghà ɓɔ lɛ! Pisiina mɛ̀ ɓum ɓɛ lɛ rì Ɓarinaɓas, rì Sol, lɛ ɓɛɛ ki kìsay ki ǹɗegìghà ɓɔ lɛ ɓɛɛ ki.

MƐ̀KÌKÌÌ MƐ ƁƐKƐ̀NÌ-FÌTOM 13:4

Yɛ̀ɛ Kìtɛntɛ̀ɛ̀n ki Nghay ki romgà Sol ɓɛɛ̀ Ɓarinaɓas fɔlɔɔ, fɔɔnnɛ ɓɛ sɛngà a Silisii, wɔɔnnɛ ɓɛ ɓɔkà kìkɔm lɛ ɓɛɛ kɛǹ a Siipirɛ.

MƐ̀KÌKÌÌ MƐ ƁƐKƐ̀NÌ-FÌTOM 20:28

Fɔɔnnɛ, ɓèŋina mìniìɓɔmiɗ, ɓì ki ɓèŋ di kituu ki jɔ̀ɔ̀ yi Bɛ̀ll, yi Kìtɛntɛ̀ɛ̀n ki Nghay ki rɛsìghà mìni lɛ ɓi ɓeŋ̀ɓeŋ. Mɛniina kìseŋi ki Bɛ̀ll lɛ syeesyee, lɛ à làkà kɔ rì bwaɓ yii.

MƐ̀KÌKÌÌ MƐ ƁƐKƐ̀NÌ-FÌTOM 22:21

Nni Kan à kpaaghà min mɛ lɛ: Kɛ̀na ɓisuulɛ, ǹɗì wɔ̀ ɓiì romi fìràɓ, ɓi ɓìlɔ̀ŋ ɓi ɓumɓɛ ɓɛ yin Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 8:4

Ɓɛ̀gherɛ̀n ɓɛ ɓɛ Saàtɛ̀ngà ɓɛǹ, ɓɛ Kɛɛ̀kɛ̀ɛ̀ghà jàŋ lɛ jàŋ di ɓɛɛ̀ ghaaghagsì ɓum Syeesyee à Ɓɔlɛ.

1 KƆ̀RƐ̀ŊTYƐŊ 12:28

Nni Bɛ̀ll à rɛsàkà ɓum ɓi kìseŋi kii fɛlɛ̀: Asu ɓɛ̀kɛ̀nì-fìtom, ɓɛ̀kpaŋzì-ɓìɓan ɓɛ ɓɔ̀ɓ, ɓɛ̀rèsàg ɓɛ yuiy ɓi nɗɛli wu kiraa, ajɛ̀m ìnɛn, rìfa ɗi lɛ ɓum ɓɛɛ kiki dàm ɗi nɔɔ̀tì, mɛ̀faà mɛ yɛ̀ɛ mɛ riwɔ̀ɔ̀wɔ̀ɔ̀zì ɗi ɓɛ̀roroɓ, rì rìghɛɛghɛ̀ɓsì ɗi ɓum ɓɛ nyìinyìg, rì ɗìyi ɗi rilàmì, rì rìtòtòg ɗi ɓitòkì mɛ̀kuu mɛ̀kuu.

1 KƆ̀RƐ̀ŊTYƐŊ 15:10

Lɛ geesɛ̀n ì Bɛ̀ll, nnɛ ǹɗì com ki ǹɗì, nni geesɛ̀n yìì ɓi ɓɛg wɛ̀m ì wughà ɓi zɛy, ǹsalà gì kɔm̀ ǹcee ɓɔ ɓɛ̀sɛ̀ɛ̀ ɓɛ̀cèm, wɔ̀lɛ, àa mɛ̀ɛmiɗ yɛɛ salà, lɔŋ geesɛ̀n ì Bɛ̀ll ìnɛ ì rì rì mɛ̀, yɛ̀ɛ kighà kìsay.

2 KƆ̀RƐ̀ŊTYƐŊ 6:1

Nni yɛ̀ɛ ki ri lɛ ti sasay nɗaŋ ri nyi, tì tɔɔgh mìni lɛ, kɛ̀ ɓi kì ɓaà lɛ geesɛ̀n ì Bɛ̀ll ìnɛ ɓì ghàɓkà yɛ̀ɛ wu zɛy.

FÌLÌPYƐŊ 2:21

Lɛ ɓum ɓɛ̀cèm ɓɛɛ̀ kaakaa lɔŋ kirɔɔ kaa ki ɓɔmiɗ, ɓɛ̀ kɛɛ̀ kaa ki Yeesus Kiris.

FÌLÌPYƐŊ 2:25

Mɛ̀ɛ nghɛɛ kìrɔɔ lɛ mpɛɛziì mìni kì romìì Epafirodit à geni wɛ̀m ànɛ ti kiki kisay ri nyi, tì ɗùùɗùù ǹɗaŋ ri nyi; rì nyi innɛ ɓìi nɗomiì mɛ̀ nghɛɓsɛn ɓisuu ɓyom ɓi ɓi nkaakààrɛ̀n mɛ̀.

FÌLÌPYƐŊ 2:30

Ɓisuulɛ, àa m̀mɛɛ̀ wu lɛ kìsay ki Kiris, àa mmɛ̀ɛ ɗimzi cɛɓ kii, lɛ a yu mɛ̀ rì ǹghɛɓsɛn wu ɓìi n-yin lɛ ɓì yù rì wɔ mìniìɓɔmiɗ.

KÒLÒSYƐŊ 1:29

Kìsay kiǹ kɛɛ̀ki nkìkì, ǹɗùùɗùù rì nghɛɓsɛn wu ìtèɗ wii wu wɛɛ̀ kìki kisay ɓi mɛ̀ rì ìtèɗ.

KÒLÒSYƐŊ 4:12

Epafiras à maaseŋi wìn à tògsii yì mìni, à rì ǹkìì-kìsay a Yeesus Kiris ànɛ à fɔli ɓi riɗùù ɓi bɔ̀ŋzɛ̀n ɓisu wìn, lɛ ɓi ɓa ɓɛ̀sììrɛn, ɓì ɓa ɓɛ̀syeesyee ɓɛ ɓum, ɓì ki gherɛn rikɔ̀n ɗi Bɛ̀ll syeesyee à rìgherɛ̀n.

TÈSÀLÒNÌSYƐŊ 2:9

Ɓɔɔsoŋ̀ ɓì rì lɛ ɓì yitì kìsay ki tì kìghà, rì ǹtɔɓ wu tì wokà; tì ghagsìghà mìni Syeesyee à Ɓɔlɛ à Bɛ̀ll tì ki sasay lɛ rì ìru rì ŋwos lɛ ǹtɛ̀g wis wɛ̀ kɛɛ̀ siŋ wààdɛŋ ɓi nyòò.

TÈSÀLÒNÌSYƐŊ 5:12

Ɓɔɔsoŋ̀, tì tɔɔgh mìni lɛ ɓi ɓalag rì bɔgsɛ̀n ɓi san ànɛ a ɓumɓɛ ɓɛɛ̀ sasay ɓi nyìinyìn wìn, ɓɛ kɛɛ̀kɛ̀ɛ̀sì mìni ɓi cɛɓ ki Kan, ɓɛ ki rereɓ mini.

2 TÈSÀLÒNÌSYƐŊ 3:1

Ɓɔɔsoŋ̀! ǹsiitɛɛ mìni kì kpaà lɛ: Ɓì ɓɔ̀ŋzàg Bɛ̀ll ɓisu wìs, di jɛ̀ɛ̀ ì Kan yɛ̀ɛ kɛn asu ì sààsàà, ì ki keŋkem, fɛlɛ yɛ̀ɛ yɛɛ̀ keŋkem a lɔ̀ŋkin.

TIMOTE 4:10

Kìɓan ki ɓìsiì kpuukputɛ̀n, tì ki ɗùùɗuu miì ki ri lɛ, tì fogà dyàɓɛn yis ɓi Bɛ̀ll ànɛ à rì cem, à ki ɓa nghɛɓsì-ɓum ɓɛ̀cèm à ɓiisɛ̀n ɓɛ̀gherɛ̀n.

2 TIMOTE 4:5

Wɔ̀lɛ ɓi ɓɛg ànɛ a lɔ̀ŋkɔɔ, ɓèŋa rìmum ɗyɔɔ lɛ kɔ̀ɔ ghaasi wɛ̀ɛmiɗ ǹkpàn a com kidɛŋ, sììri nɗem ɓi mɛ̀tɔɓ, kìya kìsay ki ǹkalì-ɓɔlɛ, roozi kìsay kɔɔ lɛ syeesyee.

FILEMƆŊ 1:1

Mɛ̀ Pol ànɛ ǹɗì kìmbùŋ ɓisuu Yeesus Kiris ɓɛɛ̀ geni wɛ̀m ànɛ lɛ Timote, ɓìsi yɛɛ kani lɛ rì Filemɔŋ à reŋkàŋ wìs a ǹɗem, ànɛ ti kìki kisay kifog rì nyi,

EBIREEGH 3:6

Wɔ̀lɛ Kiris à rì rì mɛ̀wog fɛlɛ yɛ̀ɛ Man ànɛ àrì beèbɛ̀y ɓi naa yìì; naa ìnɛ̀n yɛ̀ɛ ri lɛ ɓìsi, i tì ɓèŋi à kpaŋ a rìsugtɛ̀n lɛ rì kɔɔ̀kɔɔ̀ à ǹtyweeyi rì dyàɓɛn inɛ ti saasanɛ̀n.

ÀPÒKÀLIƁSƐ̀ 2:1

Kàna ŋwaà-fìtom anɛ ɓi Kìseŋi ki Kiris ki a Efɛɛzɛ lɛ: Roànɛ à wowotii tyɔɛy ti kitaàɓɛ̀ɛ̀ ɓi weèlem wìì, roànɛ a kɛ̀ɛ̀kɛɛ ɓi nyìinyìm à ɓìrɛsì ɓi lamɓà ɓi gol taàɓɛ̀ɛ̀ a kalag fɛlɛ̀: