LUKAS 10:17 - Bafia Nouveau Testament

¹⁷ Fɔɔnnɛ ɓɛ̀yilàg mɛ̀tin mɛraa rì ǹtɛ̀ɗ ɓɛ sugtighày rì kìnyàà, ɓɛ kpaa Yeesus lɛ: Kan, nsoò ɓìɓeɓtàg ɓi mɛghay ɓyɛɛ ririsi ɓisi di tì fwààdɛɛ ɓyɔ ɓi ɗii ɗyɔ̀ɔ̀.

LUKAS 10:17 Iomraidhean Croise

MATYOO 4:24

Rìkem ɗii ɗi saaghà jàŋbimiɗ a Sirii, fɔɔnnɛ ɓɛ yuyùghày nyi lɛ, rì ɓum ɓɛ̀cèm ɓɛ ɓɛ roròɓkà tìroɓ mɛ̀kuu mɛ̀kuu rì, ɓɛ ɓɛ wowòkà rìkɛŋ bee lɛ bee, ri ɓɛ̀roɓɛ ɓɛ ɓaghà rì ɓìɓeɓtàg ɓi mɛghay, rì ɓɛ̀roɓì kìtìs, rì ɓìsɛkɛ̀rɛ̀, Yeesus à ki wɔ̀ɔwɔɔ̀zì ɓɔ.

MARIKUS 16:17

Dàm yi ɓiɓan yi ɓumɓɛ ɓɛ gherɛɛ ɓɛ ɓiì kìkii, yi ri lɛ: Ɓɛ ri ɓiì nànaɓi ɓiɓeɓtàg ɓi mɛghay rì ɗii ɗyɛ̀m, ɓɛ ki tòtog ɓìkènekènè ɓi ɓitòkì.

LUKAS 10:1

Ajɛ̀m ìnɛn, Kan à ɓɔ̀ɔ̀dìghà ɓɛ̀yilàg ɓɛdɛŋ mɛ̀tin mɛraa rì ǹtɛ̀ɗ à log ɓɔ kì romì beèbɛ̀y ɓɛ̀sɛ̀ɛ̀ ɓɛɓɛɛ̀ ɓɛɓɛɛ̀, ɓi bàn rì ɓi jàŋ yicèm yi nyimiɗ à ghɛ̀ɛ̀sɛ̀ngà wɔɔ ki kɛ̀ɛ.

LUKAS 10:20

Kìɓan kifog, kɛ̀ ɓi ɓiisɛn ki nyàànyaa lɛ, ɓìɓeɓtàg ɓi mɛghay ɓyɛɛ̀ ririsi mini, nyàànyaana lɔŋ lɛ mii min mɛ ti mɛ̀ kànɛn ɓi ɗyoo ɓi ɗùm.

LUKAS 10:9

Wɔ̀ɔ̀ziina ɓɛ̀roroɓ ɓɛ̀cèm ɓɛ ɓi bàn ìnɛn, ɓì kpaa ɓɔ lɛ: Kìlɔ̀ŋ ki Bɛ̀ll ki ti mìni jàŋbog.

LUKAS 9:1

Nni Yeesus à taŋzɛ̀ngà ɓɛ̀yilàg ɓii ǹtɛ̀ɗ rì ɓɛɓɛɛ̀, à fa ɓɔ itèɗ wu nàɓɛn ɓiɓeɓtàg ɓi mɛghay mɛ̀kuu mɛ̀cèm, rì wulɛ ɓɛɛ wɔɔ̀wɔ̀ɔ̀zì ɓɛ̀roroɓ.

RÒMƐŊ 16:20

Cààmɛ̀n lɛsàg, Bɛ̀ll ànɛ à ti à falàg fyòoog, à rì ɓiì turii Satàn a mɛ̀kòò min zi. Geesɛ̀n ì Kan wìs Yeesus yɛ̀ɛ ɓa rì mìni.

EFÈZYƐŊ 5:24

Lɔŋ yɛ̀ɛ kìseŋi ki ti ki kilàg Kiris mɛ̀wog, fɔlɔɔ nnɛ ɓɛ̀yiɓ ɓɛ ghɛɛ̀sɛɛ girig kì woògh ɓɛ̀yii ɓaa ɓi ɓìɓan ɓìcèm.