LUKAS 1:6 - Bafia Nouveau Testament

⁶ Kìɓɛ̀ɛ̀ ki ɓum kiǹ ki ɓaghà lɛ saaɗ ɓi mis mɛ Bɛ̀ll, lɛ ɓɛ ɓeŋɓèŋgà ɓìɗɔ̀gsɛna ɓi Kan, rì mɛ̀siŋdɛn mii mɛcèm, ɓɛ̀ kɛɛ̀ cɔɓtɛn.

LUKAS 1:6 Iomraidhean Croise

LUKAS 1:7

Kìɓan kifog ɓɛ ɓaghà kɛ̀ɛ̀ man, lɛ Eliisaɓɛt à ɓaghà nɔ̀nɔg, fɔɔnnɛ ɓɔɔ̀cèm ɓɛ ɓaghà di ɓɛ ti ɓɛ̀sɛ̀ɛ̀mɛn.

LUKAS 16:15

Fɔɔnnɛ Yeesus à kpaaghà ɓɔ lɛ: Ɓì rì ɓumɓɛ ɓɛɛ kaakaa lɛ ɓum ɓɛdɛŋ ɓɛɛ ghɛǹ mìni lɛ ɓì rì ɓɛ̀saaɗ ɓɛ ɓum, wɔ̀lɛ Bɛ̀ll à yii mɛ̀rem min. Fɔɔnnɛ com kìcèm ki ki ri gìn i com ɓi nyìinyìm à ɓum, ki ri com ki Bɛ̀ll à ɓèèzɛɛ lɛɛ̀gwey.

LUKAS 2:25

Ɓi mɛ̀ru mɛ̀n, ŋwaàdɛŋ à ɓaghà a Yorisalɛm ɗii lɛ Simeyɔŋ, à ɓaghà syeesyee à mum, ànɛ àa nti à risàg Bɛ̀ll; à ɓoŋɓòŋgà gòri ì Isirayɛl, à ɓaghà rì Kìtɛntɛ̀ɛ̀n ki Nghay.

MƐ̀KÌKÌÌ MƐ ƁƐKƐ̀NÌ-FÌTOM 2:25

Lɛ Davit à ɓùgà kìɓan kii yɛ̀ɛ à kpaaghà lɛ: Ǹseesèèghà lɔŋ Kan mɛ̀ asu ɓyààmɛ̀n ɓìcèm, ɓisuulɛ, à rì mɛ̀ ɓi weèlem lɛ m̀ɓa kɛ̀ɛ ǹnìŋdɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 23:1

Pol à pɛ̀ɛ̀zìghà mis rì ɓumɓɛ ɓi Sànèdìrɛŋ à kpaa lɛ: Ɓɔɔsoŋ̀, à kpaŋ gɛɛ̀nɛ, ǹɗem wu yin mɛ rì mɛ̀riighrikì nsoò lɛsàg, ɓi rìba ɗi lɛ rì mɛ̀ rì Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 24:16

Kìɓan kin kɛɛ̀ki mɛ̀ girig ntèeteèsì nyoo ɓyààmɛ̀n ɓìcèm lɛ, ǹɗem wɛ̀m wɛɛ ɓa kɛ̀ɛ̀ bɛ̀lɛn ɓi mis mɛ Bɛ̀ll, rì ɓi mis mɛ ɓum.

MƐ̀KÌKÌÌ MƐ ƁƐKƐ̀NÌ-FÌTOM 8:21

lɛ ù yin gi rì gàɓ nsoò rì ìkɔ̀ɔ̀ ɓi kìsay ki, lɛ nɗem wɔɔ wu yin lɛ saaɗ ɓi mis mɛ Bɛ̀ll.

RÒMƐŊ 8:4

Bɛ̀ll à kìghà fɔlɔɔ lɛ, di ɓìɓan ɓi saaɗ ɓi ɓìdɔ̀gsɛna ɓyɛɛ̀ tɔtɔ̀g, ɓyɛɛ kilɛn ɓi ɓìsi ɓɛ ti nɔ̀ɔnɔɔ̀tì rìrèsì ɗi Kitɛntɛ̀ɛ̀n ki Nghày.

1 KƆ̀RƐ̀ŊTYƐŊ 11:2

Ǹsɛɛgh mìni yɛ̀ɛ ɓi yiiyitàg mɛ̀ ɓyààmɛ̀n ɓìcèm, rì yɛ̀ɛ ɓi ɓèŋɓeŋ deɓ yɛm̀ lɔŋ yɛ̀ɛ mɛ̀ ǹfaghà mìni yɔ.

2 KƆ̀RƐ̀ŊTYƐŊ 1:12

Lɛ kìɓan ki ɓìsii ri lɛ tì teɗ rìkem miì ki ri lɛ: ǹɗem wis wɛɛ̀ rèresi ɓisi lɛ tɛntɛ̀ɛ̀n lɛ: rìkɛ̀ɛ̀kɛ̀ɛ̀ ɗis ɗi ɓi ziinɛ, à ɓiisɛ̀n ɓi ɓɛg ànɛ a lɔ̀ŋkin, ɗi ri ɗì tɛnɛn, ɗi ɓa tì lɛ saaɗ, kɛ̀ɛ̀ mɛ̀ghèy. Rìɓa ɗìn ɗi fuu yì yɛ̀ɛ Bɛ̀ll, lɛ geesɛ̀n ì Bɛ̀ll yɛɛ̀ kɛ̀ɛkɛɛ̀sì ɓìsi, àa ɗyomzɛ̀n ɗi ɓum.

FÌLÌPYƐŊ 2:15

di fɔɔnnɛ ɓì ɓa kɛ̀ɛ̀ bɛ̀lɛn, ɓì ki ɓa ɓɛtɛnɛn, ɓì ɓa ɓɔn ɓɛ Bɛ̀ll ɓɛ ɓɛ ri kɛ̀ɛ̀ kìɓeɓtàg ki kiɓan kidɛŋ ɓi nyìinyìm à gbàà ì ɓum ìnɛ ì rì ɓìɗyoŋi ì ki ɓa ti ɓɛ̀ɓèèɓeè; ɓì ghɛ̀ɛ̀sɛɛ kìlònlomi ɓi nyìinyìm wàà fɛlɛ yɛ̀ɛ tyɔɛy,

KÒLÒSYƐŊ 1:22

ɓi cààmɛ̀n ki, lɛ rìwu ɗi Man wiì à wughà ɓi nyoo yìì i mɛ̀mùù, Bɛ̀ll à mɛ pɛ̀ɛ̀zi mini kì ràri ɗi nyimiɗ, lɛ di a ki com ki lɛ ɓi kpaŋ ɓi mis mii ɓɛtɛnɛn, kɛ̀ɛ̀ zɛ̀ɗ, kɛ̀ɛ̀ bɛ̀lɛn.

TÈSÀLÒNÌSYƐŊ 3:13

A ki lɛ mɛ̀rem min mɛɛ siìrɛn, mɛ ɓa mɛ̀ tɛnɛn, kɛ̀ɛ̀ kìɓan ki ɓɛ rì lɛ ɓɛ fen miì ɓi mis mɛ Bɛ̀ll à Seŋi wìs, ŋwosi risugtìì ɗi Kan wìs Yeesus ǹɗaŋ rì ɓum ɓii ɓɛ̀cèm, ɓɛ ɓɛ ri ɓɛ̀tɛnɛn.

2 PYƐƐRI 3:14

Kìɓan kiǹ kɛɛ̀ki, mìni ɓum ɓɛm ɓɛ nɗem, cààmɛ̀n ki ɓi ka ɓoŋɓoŋ ŋwos anɛ̀n, tèèsiina nyoo lɛ ɓi ɓa ɓɛ̀tɛnɛn, kɛ̀ɛ̀ bɛ̀lɛn ɓi mis mɛ Bɛ̀ll, ɓì ki ɓa lɛ fyòoog rì nyi.

1 ZYAŊ 2:29

I ɓì yii lɛ, à rì lɛ saaɗ, ɓì ghɛ̀ɛ̀sɛɛ girig kì yiì lɛ mum ǹcèm ànɛ a kìki ɓiɓan ɓi ɓi ri lɛ saaɗ, à rì man à Bɛ̀ll.

1 ZYAŊ 2:3

I ti ɓèŋɓeŋ ɓidɔ̀gsɛna ɓi Bɛ̀ll, fɔɔnnɛ tì rì lɛ tì yi lɛ, tì mɛ yi Bɛ̀ll.

1 ZYAŊ 3:7

Mìni ɓɔn ɓɛm, mum kɛ̀ɛ yègsi mini; ŋwaànɛ a kìki ɓiɓan ɓi saaɗ, à rì lɛ saaɗ lɔŋ yɛ̀ɛ Kan Yeesus à rì lɛ saaɗ.