FILEMƆŊ 1:7 - Bafia Nouveau Testament

⁷ Lɛ mɛ̀ɛ nwoogh kìnyàà lɛɛ̀gwey nɗem wu ki kpì mɛ ɓi ɗùm lɛ ǹkɔ̀nɛ̀n ànɛ ù rì rì nyi; ɓisuulɛ mɛ̀rem mɛ ɓɛgherɛ̀n mɛ mmaa lɛ fyòoog lɛ kìsay kɔɔ, geni wɛ̀m.

FILEMƆŊ 1:7 Iomraidhean Croise

1 KƆ̀RƐ̀ŊTYƐŊ 16:18

Ɓisuulɛ, ɓɛ nfɔɔsii lɛ rì nɗem wɛ̀m, rì wuŋkin. Ɓì ghɛ̀ɛ̀sɛɛ kì yiì rìsɛg ɗi mɛkuu mɛ ɓum yɛ̀ɛ mɛǹ.

2 KƆ̀RƐ̀ŊTYƐŊ 7:13

Kìɓan kiǹ kɛɛ̀ki mɛ̀rem mis mɛ nfɔli ɓi mùm. Wɔ̀lɛ i ù pisii rìɓa ɗi mɛ̀rem mis mɛ nfɔli, kìnyàà ki Tit kɛɛ mɓiisɛɛ tì ɓìsi kì faà kìnyàà ɓi nɗem, lɛ mìni ɓɛ̀sɛ̀ɛ̀ ɓɛ̀cèm ɓìi kìi lɛ nɗem wu Tit wɛɛ maàrɛn ɓi ɗùm.

2 KƆ̀RƐ̀ŊTYƐŊ 7:4

Lɛ ǹɗì rì ntyweeyi ri mìni lɛɛ̀gwey ǹki ɓa ri ɓɛ̀azi ɓɛ ǹɗì lɛ ǹsaàsànɛ̀n mìni miì rì ɓum; ɓi mɛ̀tɔɓ mɛ̀cèm mɛ ti wowòg, ǹɗem wɛ̀m wu ri lɛ fwɛɛy lɛɛ̀gwey, kìnyàà ki ceeghì mɛ̀.

TÈSÀLÒNÌSYƐŊ 1:3

Ɓi mis mɛ Bɛ̀ll à Seŋi wìs tì ti tì yitàg ɓyààmɛ̀n ɓìcèm mɛ̀kìkìì min mɛ ɓi rìgherɛ̀n, rì kìsay ki ǹkɔ̀nɛ̀n wiǹ a kìkì, rì rìsììrɛ̀n ɗin ɓi dyàɓɛn inɛ tì rì rì yɔ̀ ɓì Kan wìs Yeesus Kiris.

TÈSÀLÒNÌSYƐŊ 2:13

Kìɓan kiǹ kɛɛ̀ki tì fafa Bɛ̀ll ɓìtògsɛ̀n cààmɛ̀n kìcèm lɛ, yɛ̀ɛ bì ghàɓkà jɛ̀ɛ̀ yìì ìnɛ tì wogsìghà mìni, ɓì ghàɓkà ɓi yɔ̀ yɛ̀ɛ jɛ̀ɛ̀ ì mum; ɓì ghàɓkà lɔŋ yɔ̀ yɛ̀ɛ ì rì a tààkaà, lɛ ì rì jɛ̀ɛ̀ ì Bɛ̀ll ìnɛ yɛ̀ɛ kìki kisay ɓi mìni ɓɛ ɓì rì ɓɛ̀gherɛ̀n.

TÈSÀLÒNÌSYƐŊ 2:19

Ghɛn yɛɛrì min ɓiì ɓaà dyàɓɛn yìs, rì kìnyàà kis nsoò lɛ tàm wìs a rìkem ɓi mis mɛ Kan wìs Yeesus, ŋwosi risugtìì ɗii? Àa lɔŋ mìni yɛɛ rì ɓa wa?

TÈSÀLÒNÌSYƐŊ 3:9

Tì rì lɛ tì tògsàg Bɛ̀ll wìs ɓisu win à kpaŋ fe, ɓi kìnyàà kìcèm ki tì rì rì kɔ ɓi mis mɛ Bɛ̀ll ɓisuu righerɛ̀n ɗin!

2 TIMOTE 1:16

Kan à ghɛ̀ɛ̀sɛɛ kì rèsii ǹɗem wii wu nyìinyìg ɓi naa ì ɓum ì Onezifɔɔr ɓisuulɛ ɓyaàmɛ̀n lɛɛ̀gwey, a fɔɔsag mɛ nɗem, kɛ̀ɛ wog ntoòrìɗ ri naà-zày ìnɛ ǹɗì miì.

FILEMƆŊ 1:20

Ɛ̀ɛ̀ geni wɛ̀m, kìya mɛ̀ kìsay kiǹ ɓi nkɔ̀nɛ̀n à Kan, fɔɔsi mɛ̀ ǹɗem ɓi Kiris ɓiɗùm.

2 ZYAŊ 1:4

Mɛ̀ɛ ǹnyààrɛɛ lɛɛ̀gwey yɛ̀ɛ mɛ̀ɛ nghɛɛ lɛ ɓɔn ɓɔɔ ɓɛdɛŋ ɓɛɛ̀ ghɛghɛɓ ɓi saaɗ lɔŋ yɛ̀ɛ Tààta à siŋdɛ̀ngà ɓìsi.