EFÈZYƐŊ 6:8 - Bafia Nouveau Testament

⁸ Ɓì yi lɛ, nsoò ǹkpàn, nsoò ŋwaànɛ à yin ǹkpàn, mum ǹcèm à rì ɓiì terì mɛ̀lèɓ yɛ̀ɛ Kan ɓi syeesyee wìì a rìkì.

EFÈZYƐŊ 6:8 Iomraidhean Croise

MATYOO 16:27

Lɛ Man à mum à ɓiì yùu ɓi rìkem ɗi Seŋi rì ɓum ɓii ɓɛ titom, nni fɔɔnnɛ à ɓiì lèɓi mum ǹcèm lɔŋ yɛ̀ɛ rìkì ɗii ɗi ri.

MATYOO 20:7

Ɓɛ̀roɓɛ̀n ɓɛ pɛɛ̀zì nyi lɛ: Mum àa reŋii ɓi ɓisi lɛ ti ki nyi kìsay. Fɔɔnnɛ à kpaaghà ɓɔ lɛ: Kɛ̀ɛna girig kìsalì ɓi dɛm yɛm̀.

MATYOO 5:12

Nyàànyaana, ɓì ki sànsam ɓisuulɛ mɛ̀lèɓ min mɛ aɗyoo mɛ teghɛɛ lɛɛ̀gwey. Fɔlɔɔ nnɛ ɓɛ kighà ɓɛ̀kpaŋzì-ɓìɓan ɓɛ ɓɛ lokà kì yùu rì mìni.

MATYOO 6:1

Konaaghna lɛ, kìsay ki ɓi kìki Bɛ̀ll kɛ̀ kɛɛ̀ ɓa yɛ̀ɛ ɓi rèeresɛ̀n ɓi mis mɛ ɓum, di ɓì ɓiì ki mɛ̀mi mɛlèɓ yɛ̀ɛ Seŋi wìn anɛ à rì aɗyòò.

MATYOO 6:4

fɔlɔɔ nnɛ rìfa ɗyɔɔ ɗi ɓiì ɓaà a rìnyam; nni Seŋi wɔ̀ɔ̀ ànɛ à ti à ghɛngì ɓìɓan ɓi a rìnyam, à rì wɔ̀ ɓiì lèɓi.

LUKAS 14:14

Fɔɔnnɛ ù rì ɓiì ɓaà rì ɓɛ̀mààgh ɓisuulɛ ɓumɓɛ̀n ɓɛ yin ɗi ìtèɗ wulɛ ɓɛ leɓ wɔ̀ rìkì ɗiǹ, fɔɔnnɛ ù teri gɛ mɛ̀lèɓ ŋwosi righèmɓɛ̀n ɗi ɓilòŋ ɗi ɓumɓɛ ɓɛ ri lɛ saaɗ.

LUKAS 6:35

Kìɓan kifog, keesiina ɓɛ̀bènàbena ɓin, ɓì kìkì ɓɔ kìrɔɔ, ɓì ki ɓɔ̀rag ɓum ɓyom, kɛ̀ ɓi mìngi tityɛɛ lɛ, ɓɛ ri mìni ɓiì pɛ̀ɛ̀zii ɓyɔ. I ɓì kìi fɔlɔɔ, mɛ̀lèɓ min mɛ ri ɓiì tèghɛɛ, ɓì ki ɓa ɓɔn ɓɛ Bɛ̀ll ànɛ à teŋmɛɛ kɛ̀ɛ̀ vèg ɓisuulɛ, nyii rilàg rì geesɛ̀n ɓi ɓɛg ànɛ a ɓɛ̀tènteǹ rì ɓɛ̀kìì-rìgɛn.

1 KƆ̀RƐ̀ŊTYƐŊ 12:13

Lɛ ɓìsi ɓɛ̀sɛ̀ɛ̀ ɓɛ̀cèm, tì ɓàɓtɛ̀ngà ɓi mbobog à Nghay, lɛ ti ɓa nyoo bogtɛ̀n nsoò Ɓɛ̀yudɛ̀n, nsoò ɓumɓɛ ɓɛ yin Ɓɛ̀yudɛ̀n, nsoò ɓɛ̀kpàn, nsoò ɓumɓɛ ɓɛ yin ɓɛkpàn, fɔɔnnɛ ɓìsiìcèm tì nɔghà m̀bobog à Nghay ànɛ̀n.

2 KƆ̀RƐ̀ŊTYƐŊ 5:10

Ɓisuulɛ ɓìsi ɓɛ̀sɛ̀ɛ̀ ɓɛ̀cèm, tì ghɛ̀ɛ̀sɛɛ kì rɛlii ɓi mis mɛ Kiris lɛ a yɔm̀ ɓìsi, fɔlɔɔ nnɛ mum ǹcèm à ɓiì terì mɛ̀lèɓ mɛ mɛ ghɛɛ̀sɛɛ rì nyi, ɓi ɓìɓan ɓi à kìghà, nsoò ɓi syeesyee nsoò ɓi ɓeɓtɛn cààmɛ̀n ki à ɓaghà di a ka ghɛghɛɓ ɓi nyoo ì mɛ̀mùù.

GÀLAT 3:28

Fɔɔnnɛ gasɛ̀n ì yiìdi ɓi nyìinyìm ànɛ lɛ rì Ɓɛ̀yudɛ̀n rì ɓìlɔ̀ŋ ɓidɛŋ, yɛ̀ kɛɛ̀ ɓa ti ɓi nyìinyìm ànɛ lɛ rì ǹkpàn rì ŋwaànɛ à yin ǹkpàn, nsoò ɓi nyìinyìm ànɛ lɛ rì baŋì rì giɓ ɓisuulɛ mìniìcèm ɓì ti com kìfog ɓi Yeesus Kiris.

KÒLÒSYƐŊ 3:11

Foo ǹlànag wu yiìdi ɓi nyìinyìm ànɛ lɛ, rì muu Gìrɛg, rì muu Ɓɛ̀yudɛ̀n, nsoò lɛ rì ŋwaànɛ à rì ǹkɛ̀rɛn, rì roànɛ à yin nkɛ̀rɛn, ǹkèn a mum, rì muu Sit, nsoò lɛ rì ǹkpàn rì ŋwaànɛ à yin ǹkpàn, lɔŋ Kiris yɛɛ ri com kìcèm ɓi ɓum ɓɛ̀cèm.

KÒLÒSYƐŊ 3:24

ɓì ki yi lɛ, ɓyom ɓi syeesyee ɓi ɓi ri ɓì nyamɛn, ɓì ɓiì teri ɓyɔ yɛ̀ɛ Kan ɓisuu mɛlèɓ min. Kiris ànɛ à rì Kan innɛ ɓi kìki kisay.

KÒLÒSYƐŊ 3:25

Lɛ ŋwaànɛ a kìki ɓiɓan ɓi ɓeɓtɛn à ɓiì terì mɛ̀lèɓ mɛ mɛ ghɛɛ̀sɛɛ rì kìɓeɓtàg kii ki rikì, lɛ Bɛ̀ll à yin ɓiì làlanii ɓum.

EBIREEGH 10:35

Fɔɔnnɛ kɛ̀ ɓi càɗ ntyweeyi win ɓisuulɛ wu ri rì ɓyoo mɛlèɓ.

EBIREEGH 11:26

À ghɛn lɛ ǹtoòrìɗ wu Kiris à ghɛ̀ɛ̀sɛɛ kì woògh wu cee coo ikum wu Egiɓtɛn kɛ̀ɛ̀ vèg ɓisuulɛ mis mii mɛ ɓaghà lɔŋ ri mɛ̀lèɓ mɛ mɛ ɓoŋɓòŋgà nyi asu.