EFÈZYƐŊ 6:11 - Bafia Nouveau Testament

¹¹ Ɓanɛɛna ɓyom ɓi ribaŋì ɓi Bɛ̀ll ɓìcèm di fɔɔnnɛ ɓi ɓa rì ìtèɗ wulɛ ɓì yag mɛ̀ghèy mɛ Satàn.

EFÈZYƐŊ 6:11 Iomraidhean Croise

MARIKUS 13:22

ɓisuulɛ ɓɛ̀-kiris ɓɛ ɓɛpwàà, rì ɓɛ̀pwààpwaà ɓɛ ɓɛkpaŋzì-ɓìɓan ɓɛ ɓiì yùu, ɓɛ kikì lɛ rì dàm yi ɓiɓan rì ɓɛ̀koŋnyoo ɓɛ ɓiɓan ɓi lèg ànɛ lɛ, i kaa rì lɛ ki kilɛ̀n, ɓɛ ri lɛ ɓɛ syoŋ̀ nsoò ɓumɓɛ ɓɛ ri ɓɛ̀ɓɔ̀nɛn.

RÒMƐŊ 13:12

Iru waa rim, duri i kɛ̀ɛ̀kɛ̀ɛ̀ yì, nni ti riniina ɓìɓan ɓi birìm, tì wotì ɓyom ɓi ribaŋì ɓi mum à rì lɛ à ɗùù rì ɓyɔ ɓi kìtɛɛtɛn.

RÒMƐŊ 13:14

Kìɓan kifog, waatɛɛna Kan Yeesus Kiris kɛ̀ ɓi càɗ mɛrem min lɛ mɛɛ ɓɔm̀ɓɔm ɓìɓan ɓi ɓi mɛ̀mùù, lɛ di ɓi kaàkaa rìyɛ̀y ɗi ɓiɓan ɓiǹ.

1 KƆ̀RƐ̀ŊTYƐŊ 10:13

Ɓì ka tulɛ̀ngà ɓi ri mɛ̀fèèghrɛn mɛdɛŋ, mɛ mɛ cee ìtèɗ wu mum. Bɛ̀ll à ti à roòzàg mɛ̀kàg mii, fɔɔnnɛ àa càɗ ɓi lɛ ɓi tulɛn rì mɛ̀fèèghrɛn mɛ mɛ cee mìni ɓi-tèɗ; wɔ̀lɛ i mɛ̀fèèghrɛn mɛ kpaŋi mìni, à rì mìni ɓiì rèsii bee inɛ ɓì rì lɛ ɓì cee mɔ miì, à ki fa mini ìtèɗ wulɛ ɓi cenɛn mɔ.

2 KƆ̀RƐ̀ŊTYƐŊ 10:4

Ɓisuulɛ ɓyom ɓi ribaŋì ɓi ti ɗùùɗuu wɛ̀y ri ɓyɔ, ɓi yin ɓyom ɓi mum à mɛ̀mùù yɛɛ syaagh; ìtèɗ wu ɓyom ɓìn wu riì yɛ̀ɛ Bɛ̀ll lɛ ti ɓɛki gari yi yi teèsɛɛ. Ɓìsii ti tì wààghì lɛ rì ɓìyèg ɓi momzɛ̀n,

2 KƆ̀RƐ̀ŊTYƐŊ 11:3

Nsoò fɔlɔɔ, ǹɗì rì mɛ̀riighrikì lɛ, fɛlɛ yɛ̀ɛ nyoo ì yègsìghà Ɛɛvɛ rì ɗyomzɛ̀n ɗi ì ɓaghày rì ɗyɔ, mɛ̀yitì min mɛ̀ kɛɛ̀ ɓa lɛ mɛ ɓuùsɛ̀n ɓi lèg ànɛ lɛ ɓi rini lɛ rì rìsɛɛ̀dì ɗi mìniìɓɔmiɗ ɓi zi, rì rìtɛn, lɛ ɓyɛɛ̀ɓi ɓì ghɛ̀ɛ̀sɛɛ kì ɓaà rì ɓyɔ, ɓi ɓɛg ànɛ yɛ̀ɛ Kiris.

2 KƆ̀RƐ̀ŊTYƐŊ 2:11

lɛ di tyɛ̀ ki càɗ Satàn lɛ a ghɛn ɓìsi bee ɓi nyòò; lɛ tì nàni ɓi rikɔ̀n ɗii.

2 KƆ̀RƐ̀ŊTYƐŊ 4:4

Ɓi san ànɛ a ɓumɓɛ ɓɛ ti ɓɛ ɓengì kìgherɛɛ, bɛ̀ll ì ziinɛ ì mɛ dùŋzag ɓɔ mɛ̀rem lɛ ɓɛ̀ kɛɛ̀ ghɛn yɛ̀ɛ Syeesyee à Ɓɔlɛ à rìkem ɗi Kiris a lònlòm; Kiris ànɛ à rì kìfèèghrɛnà ki Bɛ̀ll kɔmiɗ.

2 KƆ̀RƐ̀ŊTYƐŊ 6:7

ɓi jɛ̀ɛ̀ ì saaɗ ìnɛ ti ghaaghagsì, rì ɓi-tèɗ wu Bɛ̀ll, rì ɓi ɓyom ɓi ribaŋì ɓi saaɗ ɓi tì rì rì ɓyɔ, lɛ rì ɓi rooroŋɗɛ̀n wɛ̀y ri ɓyɔ, rì ɓi lɛ ɓɛ gheeghrɛ̀n wɛ̀y miì;

EFÈZYƐŊ 4:14

Fɔlɔɔ nnɛ tyàa ɓa ti ɓi ɓɔɓti ɓɛ ɓɛ ri kɛ̀ɛ̀ goo, ɓɛ ɓɛ ri lɛ rì rìkuu ɗi dɔgtɛ̀n ɗiǹ miì ɓɛ nɔɔ̀tì, ɓum ɓɛ yeèghyègsì ɓɔ lɛ rì momzɛ̀n maa, rì mɛ̀ghèy mɛ ɓɛ ti ɓɛ syogì ɓum miì ɓi rìnàn.

EFÈZYƐŊ 4:24

Ɓì waatɛ̀n nyɔɔnyɔn à rìɓa ànɛ à rì ǹkìyɛn ɓi kìpisɛn ki Bɛ̀ll, rìɓa ɗìn ɗi resɛ̀n ɓi cɛɓ ki nkpaà rì ki tɛnɛn, ki ki fuu yì ɓi saaɗ.

EFÈZYƐŊ 6:13

Kìɓan kiǹ kɛɛ̀ki ɓì ghɛ̀ɛ̀sɛɛ kì wotii ɓyom ɓi ribaŋì ɓi Bɛ̀ll ɓìcèm, fɔɔnnɛ ɓi ɓa rì ìtèɗ wu cenɛn wɛ̀y, yɛ̀ɛ ŋwos a m̀ɓeɓɛn a ri kpaŋ fɔlɔɔ yɛɛ ri ɓa lɛ, i ɓyàa cee ɓɛ̀koŋnyoo ɓɛ̀cèm, ɓì rɔ̀ɓ mɛ̀rɛy.

KÒLÒSYƐŊ 3:10

Ɓì teɗ nyɔɔnyɔn à rìɓa, ànɛ à rì rìɓa ɗi ŋwaànɛ à ti ncenɗɛn, à ɓa cààmɛ̀n kìcèm à suùsùgtì nyɔn ɓi kìpisɛn ki roànɛ à kìghà nyi, lɛ di a konag lɔŋ nyi kì yiì kɔɔ̀kɔɔ̀ à rìyi.

TÈSÀLÒNÌSYƐŊ 5:8

Wɔ̀lɛ ɓìsi ɓɛ tì rì ɓɔn ɓɛ ɓi cààmɛ̀n à ŋwos, tì ghɛ̀ɛ̀sɛɛ kì ɓèŋɗɛɛ ɓi kìɓan ki mɛrɔ̀g, tì ghɛ̀ɛ̀sɛɛ kì pùrɛɛ rìgherɛ̀n rì ǹkɔ̀nɛ̀n fɛ lɛ yɛ̀ɛ kìlàà ki bɔŋ tì waatɛ̀n girig dyàɓɛn inɛ ɓi gòri yìs fɛlɛ yɛ̀ɛ tàm.

EBIREEGH 7:25

Fɔlɔɔ nnɛ à rì rì ìtèɗ wulɛ à ghɛɓsì lɛ kɔɔ̀kɔɔ̀ ɓumɓɛ ɓɛ tyoŋdɛɛ Bɛ̀ll jàŋbog, di ɓɛ fyee a lɔ̀ŋkii ɓisuulɛ, à rì lɔŋ cem cààmɛ̀n kìcèm, à ki ɓɔ̀ɔɓɔŋ̀zàg Bɛ̀ll ɓisu wàà.

ZYAG 4:7

Nni càrɛɛnà min mìniìɓɔmiɗ lɛ Bɛ̀ll a lami mìni, ɓì ki cakɛn ɗi mìniìɓɔmiɗ lɛ Satàn kɛ̀ɛ làmi mini, fɔɔnnɛ à rì mìni ɓiì ghɛŋii fìràɓ.

1 PYƐƐRI 5:8

Ɓaana cem, ɓì konàg ɓisuulɛ bènàbena wiǹ ànɛ lɛ Satàn a ŋwɔŋ-ŋwɔŋ yɛ̀ɛ kìmonɗo ki kɛɛ̀ kaakaa com ki kɛɛ sokɛn.

ZYUUDƐ 1:24

Roànɛ à rì rì ìtèɗ wulɛ à ɓèŋ mìni lɛ kɛ̀ ɓi kɛ̀ɓtɛn fiɓàg, à ki kì lɛ ɓi kpaŋ ɓi rìkem ɗii lɛ sɛɛghisɛɛghi kɛ̀ɛ̀ bɛ̀lɛn, ɓi kìnyàà ɓi ɗùm,

ÀPÒKÀLIƁSƐ̀ 12:9

Nni ɓɛ tyɔkày coo kinààgɔ̀n kiǹ, fìɗyàɓ fi nyoo fìn, fi fi ri ɗii lɛ ǹɗèm nsoò lɛ Satàn, nnyɛɛ ri ǹ-yègsì zi bimiɗ ìnɛ ɓum ɓɛɛ̀ ghɛghɛɓ miì, ɓɛ tyɔkày nyi ɓi zi, ɓɛ ki tyɔg yi girig ɓum ɓii ɓɛ titom ǹɗaŋ ri nyi.

ÀPÒKÀLIƁSƐ̀ 19:20

Nni ɓɛ ɓangà nyàm ìnɛn nɗaŋ ri ǹkpaŋzì-ɓìɓan ɓi ɓɛpwàà ànɛ à kìkìghà dàm yi yi syogà ɓumɓɛ ɓɛ ɓaghà rì kìrèmzɛnà ki nyàm, ɓɛ ki ɓɔɔɓɔgsì kìfèèghrɛnà ki nyàm ìncèm. Fɔɔnnɛ ɓɛ pikà ɓyom ɓi kiɓɛ̀ɛ̀ ɓiǹ cem ɓi kìràà ki ɗuu, ki ǹdùsi a lɔŋlɔŋ miì.

ÀPÒKÀLIƁSƐ̀ 2:24

Wɔ̀lɛ ɓi ɓɛg ànɛ a lɔ̀ŋkin, rì ɓum ɓɛmbog ɓɛ̀cèm ɓɛ a Tyatiir ɓɛ ɓì nɔ̀ɔ̀tìghà ɓi dɔgtɛ̀n ìnɛ̀n, kɛ̀ ɓi ki tim lɛ ɓi yi com ki ɓɛ ti ɓɛ regì lɛ ɓìɓan ɓi Satàn ɓi rim, mɛ̀ ǹfoŋdii ɓi mini ǹtɛ̀g wudɛŋ.