EFÈZYƐŊ 5:8 - Bafia Nouveau Testament

⁸ Ɓisuulɛ ɓì ɓaghà ɓumɓɛ ɓi birìm abɛ̀y, nni ɓigomìnɛ, ɓì ti kìtɛɛtɛn ɓi Kan ɓi ɗùm. Nni ghɛɓina min yɛ̀ɛ ɓɔn ɓɛ ɓi kìtɛɛtɛn.

EFÈZYƐŊ 5:8 Iomraidhean Croise

MATYOO 3:8

Kikiina min ɓiɓan ɓi ɓyɛɛ resi lɛ ɓì mɛ lɔ̀ɔ̀ghrɛn mɛrèm.

MATYOO 4:16

Kìlɔ̀ŋ ki ki ɓaghà kìkɔ̀kɔriyɛn ɓi birìm, ki ǹghɛɛ coo kitɛɛtɛ̀n; fɔɔnnɛ kìtɛɛtɛn ki ǹlòmi a ɓɛ̀roɓɛ ɓɛ ǹɗì ɓi kìlɔ̀ŋ ki ɓi birìm ì rìwu ɓi ɗùm.

LUKAS 1:79

lɛ kɛɛ kpeŋzi ɓumɓɛ ɓɛ ri ɓi birìm, rì ɓi kìfìì ki riwù, ki kɛɛ̀sì ɓìsi ɓi bee ì cɛɓ ki fyòoog.

LUKAS 16:8

Masà à kìɓeɓtàg ki m̀ɓèŋì-ìkum anɛ̀n à sɛkà nyi lɛ, à kìghà kìɓan kiǹ rì ɗyomzɛ̀n lɛɛ̀gwey. Fɔlɔɔ a rèsii lɛ, ɓumɓɛ ɓi cɛɓ ki ziinɛ ɓɛ wom̀zaagh ɓi cɛɓ ki lɛ rì ɓɔ, rì ɓɛ̀ro ɓum à cee ɓumɓɛ ɓɛ ri ɓi kìtɛɛtɛn.

ZYAŊ 1:9

Jɛ̀ɛ̀ ìnɛn ì ɓaghà kɔɔ̀kɔɔ̀ à kìtɛɛtɛn, ki ki yughà ɓi ziinɛ lɛ kɛɛ kpeŋzi ɓum ɓɛ̀cèm.

ZYAŊ 12:35

Yeesus à kpaa ɓɔ lɛ: Kìtɛɛtɛn ki kaka a lɔ̀ŋkin ɓi maa cààmɛ̀n, fɔɔnnɛ kɛ̀ɛ̀ghiina, cààmɛ̀n ki ɓì kaka rì kìtɛɛtɛ̀n; lɛ, birìm yɛ̀ kɛɛ̀ ràɗ mini. Ŋwaànɛ a kɛ̀ɛ̀kɛɛ ɓi birìm à yii ɓi fe nnɛ a kɛ̀nkɛ̀n.

ZYAŊ 12:36

Cààmɛ̀n ki ɓì rì rì kìtɛɛtɛn, gherɛɛna kɔ, di fɔlɔɔ nnɛ ɓi ɓa ɓɔn ɓɛ kitɛɛtɛn. Yɛ̀ɛ Yeesus à kpaaghà ɓìɓan ɓiǹ, nni à pɛ̀sɛ̀ngà à kɛ̀n kìnyamzɛɛ fìràɓ.

ZYAŊ 12:46

Mɛ̀ ǹ-yùghà ɓi ziinɛ fɛlɛ yɛ̀ɛ kìtɛɛtɛn, lɛ mum ǹcèm ànɛ à gherɛɛ mɛ̀ kɛ̀ɛ ɓa ɓi birìm.

ZYAŊ 8:12

Yeesus à tòòghrɛ̀ngà tì rì ɓɔ à kpaa lɛ: Mɛ̀ ǹɗì kìtɛɛtɛn ki ɓi ziinɛ; ŋwaànɛ à nɔ̀ɔ̀tii mɛ̀, àa kɛ̀ɛ̀ghi ɓi ɓi birìm, à rì lɔŋ ɓiì ɓaà rì kìtɛɛtɛn ki cɛɓ.

MƐ̀KÌKÌÌ MƐ ƁƐKƐ̀NÌ-FÌTOM 17:30

Fɔɔnnɛ Bɛ̀ll à foŋi ɓi ǹto rì ɓyààmɛ̀n ɓi ɓum ɓɛ ɓaghà ɓiǹ ɓi rìɗim, wɔ̀lɛ ɓi gɛɛ̀nɛ, a rereŋi ɓum ɓɛ̀cèm nsoò ɓɛ fe, nsoò ɓɛ fe, lɛ ɓɛɛ lɔɔghrɛn mɛ̀rem.

MƐ̀KÌKÌÌ MƐ ƁƐKƐ̀NÌ-FÌTOM 26:18

di ɓyɛɛ pɛsɛn yì ɓi birìm, ɓyɛɛ yu ɓi kìtɛɛtɛn, ɓi leg yì ɓi rìlàmì ɗi Satàn, ɓi yuiy yɛ̀ɛ Bɛ̀ll, fɔɔnnɛ ɓɛ ri ɓiì kìi lɛ, i ɓɛ mɛ gherɛn mɛ, Bɛ̀ll à cenɛ̀n ɓɔ ɓìbe ɓyaa, à ki fa ɓɔ ìkɔ̀ɔ̀ ɓi ǹɗaŋ wu ɓum ɓii.

RÒMƐŊ 1:21

Ɓisuulɛ ɓɛ yii Bɛ̀ll, kìɓan kifog ɓɛ̀ kɛɛ̀ ɓɔgsi nyi yɛ̀ɛ ki ghɛɛ̀sɛɛ lɛ ɓɛɛ ɓɔgsag nyi, ɓɛ̀ kɛɛ̀ ki fa nyi ɓìtògsɛ̀n, wɔ̀lɛ ɓìdìmìdimi ɓyaa ɓi ɓɛfèg ɓi mɛ tɔɔsi ɓɔ cog, ɓìdùŋdùŋ ɓyaa ɓi mɛrèm ɓi sigtɛ̀n birìm.

RÒMƐŊ 13:12

Iru waa rim, duri i kɛ̀ɛ̀kɛ̀ɛ̀ yì, nni ti riniina ɓìɓan ɓi birìm, tì wotì ɓyom ɓi ribaŋì ɓi mum à rì lɛ à ɗùù rì ɓyɔ ɓi kìtɛɛtɛn.

RÒMƐŊ 2:19

Wɔ̀ɔ fèfeg lɛ wɔ̀ yɛɛ ri ŋwaànɛ à ɓanɓani ɓɛ̀ɗyaŋɗyàŋ ɓi kìgeŋ, ù kɛ̀ɛ̀kɛ̀ɛ̀sì ɓɔ wɔ̀ tì kìtɛɛtɛn ki ɓɛroɓɛ ɓɛ ri ɓi ɓirìm,

1 KƆ̀RƐ̀ŊTYƐŊ 1:30

Wɔ̀lɛ Bɛ̀ll à ràɗkà mìni rì Yeesus Kiris à ki kì lɛ Kiris a ɓa ɗyomzɛ̀n ɗis, fɔɔnnɛ tì ti ɓum ɓɛ saaɗ ɓi mis mii lɛ Kiris; tì ti ɓi nɗɛli wulɛ ti ghɛɓ cɛɓ ki tɛnɛn, tì ki ɓa ɓumɓɛ ɓɛ ti ɓɛ̀kòrɛn ɓi kìɓe.

2 KƆ̀RƐ̀ŊTYƐŊ 3:18

Ɓìsi ɓɛ̀sɛ̀ɛ̀ ɓɛ̀cèm ɓɛ mɛ̀su mis mɛ yin mɛ lɔghɛn ɗi kìlàà, rìkem ɗi Kan ɗyɛɛ̀ lònlom ɓi ɓìsi, yɛ̀ɛ ɓi ŋwii tì koɓsɛ̀n ɓi mis lɛ ti ɓa ɓi kìpisɛn kii, rì coo rikem ɗi ɗyɛɛ̀ ɓɔɓɔg mɓɔɓɔghɛn lɛ kìsay ki Kan ànɛ lɛ Ǹghay a kìkì.

2 KƆ̀RƐ̀ŊTYƐŊ 4:6

Ɓisuulɛ Bɛ̀ll ànɛ à kpaaghà lɛ kìtɛɛtɛn kɛɛ lom ɓi birìm, nnyɛɛ lomgà kìtɛɛtɛn ɓi mɛ̀rem mis, lɛ a ki lɛ rìyi ɗi ɓum ɓɛ ri lɛ ɓɛ yi rìkem ɗi Bɛ̀ll ɗi ɗyɛɛ̀ lònlom ɓi-su wu Kiris ɗyɛɛ ghɛnɛ̀n.

2 KƆ̀RƐ̀ŊTYƐŊ 6:14

Kɛ̀ ɓi ɓasɛn ɗi ɓumɓɛ ɓɛ yin ɓɛgherɛ̀n lɛ ɓi foŋɗɛn mìniìɓɔmiɗ ɓi kìɓèg ki ki ghɛɛ̀sɛɛ ɓi ri mìni. Cɛ kɛɛ ri lɛ ki raɗ lɛ rì saaɗ rì kìtɛ̀ŋtɛ̀ŋ? Nsoò lɛ cɛ kɛɛ ri lɛ ki raɗ lɛ rì kìtɛɛtɛn rì birìm?

GÀLAT 5:25

Yɛ̀ɛ ki ri lɛ Nghay à Bɛ̀ll yɛɛ̀ fafa ɓisi cɛɓ, tì ghɛ̀ɛ̀sɛɛ min ki kɛ̀ɛ̀ghii yɛ̀ɛ Nghay a rèresi ɓisì.

EFÈZYƐŊ 2:2

ɓi ɓì ghɛghɛ̀ɓkà miì abɛ̀y di ɓi ka nɔ̀ɔnɔɔ̀tì ɓìsyɔ̀ɔ̀ ɓi ɓi ziinɛ, ɓì kìkì rìkɔ̀n ɗi rifòm ɗi ɗi lamii mɛ̀tèɗ mɛ ɓi nlɛŋlɛŋ̀, ɗyɔ yɛɛ ri ǹghay ànɛ a kìki kisay ɓigomìnɛ ɓi ɓumɓɛ ɓɛ ri rì ǹtoòtèɗ.

EFÈZYƐŊ 4:18

Ɗyomzɛ̀n ɗyaa ɗi ri ɗì sigtɛn birìm, fɔɔnnɛ ɓɛ yin ri gàɓ ɓi cɛɓ ki Bɛ̀ll lɛ kɛ̀ɛ̀ rìyi wàà, rì rìɓa ɗi mɛ̀rem maa mɛ ri mɛ̀ tèrɛn.

EFÈZYƐŊ 5:2

Ɓì kɛ̀ɛ̀kɛ̀ɛ̀ ɓi nkɔ̀nɛ̀n fɛlɛ yɛ̀ɛ Kiris à rèsìghà ɓìsi, à fa cɛɓ kii ɓisu wis, fɛlɛ yɛ̀ɛ com ki ŋwaà à faa, nsoò lɛ kìtuwe ki ɓɛ funɛɛ ɓi rìɓɔgsì ɗi Bɛ̀ll; ɓyom ɓìn ɓi ɓa rì syeesyee à kìnùbe.

EFÈZYƐŊ 6:12

Ɓisuulɛ àa ɓumɓɛ ɓɛ ri rì bwaɓ ɓɛɛ̀ɓɛ ti ɗùùɗuu ri ɓɔ; ti ɗùùɗuu lɔŋ ri mɛ̀tèɗ mɛ ɓiɓeɓtàg ɓi mɛghay ɓi ɓi ri ɓi ɗyoo ɓi ɗùm, ɓi ɓyɛɛ̀ làlàmì, ɓi ɓa rì ìtèɗ; ti ɗùùɗuu girig rì ɓumɓɛ ɓɛɛ̀ làlami ziì ì birìm ìnɛ.

KÒLÒSYƐŊ 1:12

Faana Bɛ̀ll à Seŋi wìs ɓìtògsɛ̀n ɗì kìnyàà; lɛ nnyɛɛ kighà com ki lɛ, ɓi ɓa rì gàɓ ɓi ɓìrɔɔ ɓi ɓi ri ɓì pègsɛn ɓisuu ɓɛgherɛ̀n ɓi kìtɛɛtɛn ɓiɗùm.

KÒLÒSYƐŊ 1:13

À kwèɗkà ɓìsi ɓi rìkpàn ɗi mɛtèɗ mɛ birìm, à ceesì ɓìsi ɓi kìlɔ̀ŋ ki Man wiì à ǹɗem,

Kaàtà ànɛ Pol à kàngà TIT 3:3

Ɓisuulɛ ɓìsi girig tì ɓaghà abɛ̀y kɛ̀ɛ̀ ɗyomzɛ̀n, ɓìsi rì ntoòtèɗ, ɓìsi ɓi rìɗim; tì ɓaghà ɓɛ̀kpàn ɓɛ ɓiɓan mɛkuu mɛ̀kuu, ɓi mɛ̀rem mɛɛ̀ kɔ̀ngì rì ɓi ɓyɛɛ̀ yɛ̀ɛ̀yi mɛmùù, tì ghɛghɛ̀ɓ ɓi rìgɛn rì ɓi m̀mììghrɛ̀n, tì ɓeɓèɓ ɓum, tì ki ɓèeɓeèzɛ̀n ɓìsi rì ɓìsi.

1 ZYAŊ 1:7

Kìɓan kifog i ti kɛ̀ɛ̀kɛɛ ɓi kìtɛɛtɛn fɛlɛ yɛ̀ɛ nyimiɗ a rì ɓi kìtɛɛtɛn, di tì rì ɓɛ̀ràrɛn ɓisi mɛ̀to mɛ̀cèm, fɔɔnnɛ bwaɓ yi Man wiì Yeesus yi soò ɓìɓe ɓis ɓìcèm.