EFÈZYƐŊ 5:5 - Bafia Nouveau Testament

⁵ Konaaghna kì yiì lɛ mum ǹcèm ànɛ à rì ǹkìì-tìsɔ̀mɔ̀g, nsoò lɛ ǹkìì ɓìɓan ɓi tifin, nsoò lɛ ànɛ à rì rì zày ì ìkum, yɛɛ lɔɔ lɛ mɓɔgsì ɓìnùn, à yin ɗi gàɓ ɓi kìlɔ̀ŋ ki Kiris, rì ki Bɛ̀ll.

EFÈZYƐŊ 5:5 Iomraidhean Croise

MƐ̀KÌKÌÌ MƐ ƁƐKƐ̀NÌ-FÌTOM 20:32

Nni ɓi cààmɛ̀n ki, ǹɗeɓsɛɛ mìni rì Bɛ̀ll ǹki reɓsɛnti mìni rì ɓɔlɛ à geesɛ̀n yìì; ɓɔlɛ ànɛ̀n yɛɛ ri lɛ, à kì lɛ ɓi ɓa rì ìtèɗ, à ki fati mini ɓyom ɓi à nyamgà ɓisuu ɓumɓɛ ɓɛ ri ɓɛŋkii.

MƐ̀KÌKÌÌ MƐ ƁƐKƐ̀NÌ-FÌTOM 8:21

lɛ ù yin gi rì gàɓ nsoò rì ìkɔ̀ɔ̀ ɓi kìsay ki, lɛ nɗem wɔɔ wu yin lɛ saaɗ ɓi mis mɛ Bɛ̀ll.

GÀLAT 5:19

Ɓìɓan ɓi ɓyɛɛ̀ kɔ̀ngi mɛmùù ɓi nanɛɛ ɓì; ɓyɛɛ ri lɛ: Kìfàrà, tisɔ̀mɔ̀g, cɛɓ ki sààsaa,

GÀLAT 5:21

Yàaka, rìŋwaŋ ɗi mɛrɔ̀g, dili rì mɛ̀kuu mɛ ɓiɓan mɛ fɔlɔɔ. Yɛ̀ɛ ǹlokà mìni kì kpaà, nni ǹɗɔ̀gsɛɛ tì mìni lɛ: Ɓumɓɛ ɓɛɛ̀ kìki ɓiɓan ɓiǹ, ɓaa ghɛn ɓi kilɔ̀ŋ ki Bɛ̀ll.

EFÈZYƐŊ 5:3

Tìsɔ̀mɔ̀g, rì ɓìɓan ɓi tifin mɛkuu mɛ̀cèm, rì zày ì ìkum, ɓì ghɛ̀ɛ̀sɛɛ ɓi lɛ ɓi ɓuŋɗɛ̀n nsoò m̀ɓùŋɗɛn ɓi nyìinyìm wìn, lɛ fɔlɔɔ yɛɛ ghɛɛ̀sɛɛ rì ɓum ɓɛ Bɛ̀ll.

KÒLÒSYƐŊ 1:13

À kwèɗkà ɓìsi ɓi rìkpàn ɗi mɛtèɗ mɛ birìm, à ceesì ɓìsi ɓi kìlɔ̀ŋ ki Man wiì à ǹɗem,

KÒLÒSYƐŊ 3:5

Wolina ɓìɓan ɓi ɓi zi ɓìcèm ɓi ɓì rì rì ɓyɔ ɓi mìniìɓɔmiɗ, ɓyɛɛ ri lɛ, cɛɓ ki tisɔ̀mɔ̀g, cɛɓ ki tifin, ɗì rìfalɛ̀n ɗi ɓi ɓìɓan ɓi ɓeɓtɛn, rì kìsee ki ikum, kɛɛ ri fɛlɛ yɛ̀ɛ rìɓɔgsì ɗi ɓinùn.

TIMOTE 6:10

Ɓisuulɛ kìsee ki mɔ̀ɔ̀ni ki ri ǹɗyèm wu ɓiɓan ɓi ɓeɓtɛn ɓìcèm, nni ɓum ɓɛdɛŋ ɓɛ ɓɛ falɛ̀ngà ɓi kìsee ki mɔ̀ɔ̀ni kìn, ɓɛ ghasɛ̀ngà rì rìgherɛ̀n, ɓɛ ki syòŋ yi ɓɔmiɗ mɛtɔɓ ɓi nyoo lɛɛ̀gwey.

TIMOTE 6:17

Tɔgha ɓɛ̀guŋgum ɓɛ ɓi mɛ̀ru mɛ lɛ, ɓɛ̀ kɛɛ̀ ɓa ri kalɛn, ɓɛ̀ kɛɛ̀ ki foŋ dyàɓɛn yaà ɓi ìkum wu wu ri kɛ̀ɛ̀ ǹtyweeyi, ɓɛɛ foŋ lɔŋ dyàɓɛn yaà yɛɛ̀ Bɛ̀ll ànɛ à ti à falàg ɓìsi ɓyom ɓìcèm lɛɛ̀gwey lɛ ti wog kìrɔɔ rì ɓyɔ.

EBIREEGH 13:4

Ɓum ɓɛ̀cèm ɓɛ ghɛɛ̀sɛɛ kì kuughraagh riwɛy; naa ì rìwɛy ì ɓa kɛ̀ɛ̀ ɓìɓan ɓi tifin ɓisuulɛ Bɛ̀ll à rì ɓìi yɔ̀mi ɓum ɓɛ kitɔɓi rì ɓɛ̀kìì-tìsɔ̀mɔ̀g.

ÀPÒKÀLIƁSƐ̀ 21:8

Wɔ̀lɛ ɓi ɓɛg ànɛ a ɓɛ̀riris, rì ɓumɓɛ ɓɛ gherɛɛ ɓi, rì ɓɛ̀kìì-ɓìɓan ɓi ɓeɓtɛn, rì ɓɛ̀wolì ɓum, rì ɓɛ̀kìì-tìsɔ̀mɔ̀g, rì ɓɛ̀kìì-majìg, rì ɓɛ̀kìì-ɓìnùn, rì ɓɛ̀pwààpwaà ɓɛ̀cèm, gàɓ yàà i ɓaa gɛ ɓi kìràà ki ɗuu ɗi ghɛ̀g-ghɛ̀g rì ǹdùsi, kɛɛ ri rìwu ɗi kiɓɛ̀ɛ̀.

ÀPÒKÀLIƁSƐ̀ 22:15

Ɓɛ̀kìì-ɓìɓan ɓi ɓeɓtɛn rì ɓɛ̀kìì-majìg, rì ɓɛ̀kìì-tìsɔ̀mɔ̀g, rì ɓɛ̀wolì-ɓum, rì ɓɛ̀kìì-ɓìnùn, rì mum ǹcèm ànɛ à ti à keesàg rìkì ɗi ɓɛpwàà, ɓɛ ri ɓiì rɔ̀ɓi ɓi dan, ɓɛ̀ kɛɛ̀ ɗiŋi ɓi bàn ìnɛn.