EFÈZYƐŊ 5:4 - Bafia Nouveau Testament

⁴ Ki ghɛɛ̀sɛɛ ɓi lɛ ɓi kpaakpaa ɓìɓan ɓi ǹtoòrìɗ, rì ɓìdìmìdimi ɓi ɓiɓan, rì ɓìɓan ɓi ɓiyèg. Ki ghɛɛ̀sɛɛ lɔŋ lɛ ɓi fafa Bɛ̀ll ɓìtògsɛ̀n.

EFÈZYƐŊ 5:4 Iomraidhean Croise

MARIKUS 7:22

rì tìsɔ̀mɔ̀g, rì kìsee ki ikum, rì kìɓeɓtàg ki ǹɗem, rì mɛ̀ghèy, rì kìɓùùsì, rì m̀mììghrɛ̀n, rì tìfena rì kalɛn, rì kìyèg ki ɗyomzɛ̀n ɓi ti ɓi ɓalàg yì.

ZYAŊ 6:23

Wɔ̀lɛ ɓìkɔm ɓidɛŋ ɓi ɓaghày a Tiɓeriyaadɛ, jàŋbog rì jàŋ inɛ ɓɛ ɗighà bìrɛs, di Kan à mɛ fa Bɛ̀ll ɓìtògsɛ̀n.

RÒMƐŊ 1:28

Yɛ̀ɛ ɓɛ ghɛngà ɓi kirɔɔ lɛ ɓɛɛ yiti lɛ Bɛ̀ll à rì wɔɔ, nni Bɛ̀ll à nagà ɓɔ rì kìyèg kaa ki ɗyomzɛ̀n lɛ ɓɛɛ kiki ɓìɓan ɓi ɓaa ghɛ̀ɛ̀sɛɛ ɓi kikìi.

2 KƆ̀RƐ̀ŊTYƐŊ 1:11

Lɛ mìniìɓɔmiɗ ɓì rì ɓìsi ɓiì lènlemi ɓi bɔ̀ŋzɛ̀n; fɔlɔɔ nnɛ geesɛ̀n ìnɛ ɓìsii ri ghɛn inɛ̀n lɛ bɔ̀ŋzɛ̀n ì ɓum kìtuu, ì ri ghay kiɓan ki ɓum lɛɛ̀gwey ɓɛ ri fa Bɛ̀ll ɓìtògsɛ̀n miì ɓisu wis.

2 KƆ̀RƐ̀ŊTYƐŊ 9:15

Bɛ̀ll a teɗ rìkem ɓi rìfa ɗii ɗi ɗi ri kɛ̀ɛ̀ kìfèègh.

EFÈZYƐŊ 1:16

nni ǹti ǹfafà lɔŋ Bɛ̀ll ɓìtògsɛ̀n kɛ̀ɛ̀ cààmɛ̀n ɓisu win, ǹki ɓùŋɓuŋ mini ɓi bɔ̀ŋzɛ̀n yɛm̀,

EFÈZYƐŊ 4:29

Ŋwɔm win wu ghɛɛ̀sɛɛ ɓi ki kpaà kìɓan ki ɓeɓtɛn, wɔ̀lɛ i ki kpaŋi lɛ ɓi toòghrɛn, jɛ̀ɛ̀ yìn i ghɛ̀ɛ̀sɛɛ kì ɓaa jɛ̀ɛ̀ ìnɛ ì rì lɛ ì fa ìtèɗ ɓi rìgherɛ̀n ì ki ɓa ri ǹghɛɓsɛn ɓisuu ɓɛroɓɛ ɓɛ woogh yɔ̀.

FÌLÌPYƐŊ 4:6

Kɛ̀ ɓi ghɛ̀ri nɗem aɗyòò rì com kidɛŋ, kìɓan kifog, ɓi ɓìɓan ɓìcèm, rèsiina Bɛ̀ll cɛ kɛɛ̀ki ɓì rì zày rì kɔ, ɓì bɔ̀ŋzɛ̀n, ɓì yɛ̀ɛ̀ghyɛ̀gsì nyi ɓyàg, ɓì ki fafa nyi ɓìtògsɛ̀n.

KÒLÒSYƐŊ 3:8

Nni à tumɛ̀n ɓigomìnɛ, mìni girig, càrina ɓìɓan ɓiǹ ɓìcèm lɛ rì bim, rì kìnyɛn, rì kìɓeɓtàg ki nɗem, rì tìfena, rì ɓìtòkì ɓi kɛ̀ ǹtoòrìɗ ɓi ɓi ti ɓi kpagìì ɓi myɔm min.

TÈSÀLÒNÌSYƐŊ 3:9

Tì rì lɛ tì tògsàg Bɛ̀ll wìs ɓisu win à kpaŋ fe, ɓi kìnyàà kìcèm ki tì rì rì kɔ ɓi mis mɛ Bɛ̀ll ɓisuu righerɛ̀n ɗin!

TÈSÀLÒNÌSYƐŊ 5:18

Faana Bɛ̀ll ɓìtògsɛ̀n ɓi ɓìɓan ɓìcèm ɓi ɓi tanɛɛ mìni, lɛ fɔlɔɔ yɛɛ ri rìkɔ̀n ɗii ɓi cɛɓ kin ki rì Yeesus Kiris.

FILEMƆŊ 1:8

Kìɓan kiǹ kɛɛ̀ki, nsoò yɛ̀ɛ Kiris à mɛ fa mɛ ìtèɗ lɛɛ̀gwey lɛ nsiŋdɛn wɔ̀ ɓìɓan ɓi ù ghɛ̀ɛ̀sɛɛ lɛ ù kìkì,

EBIREEGH 13:15

Ti faana min Bɛ̀ll rìkem ɓi sìg à ɓyom ɓi tì fùnɛɛ ɓi Yeesus, fɔlɔɔ yɛɛ ri rìfa ɗi ɗyɛɛ̀ rèeresɛ̀n ɓi myɔm mɛ mɛɛ̀ kpaakpagsɛ̀n nyi lɛ à rì Kan wìs.

2 PYƐƐRI 2:18

Ɓɛ ti ɓɛ kalàg ɓìɓan ɓi ɓidaŋà ɓi ɓi ri kɛ̀ɛ̀ ìsu, ɓɛ ɓaàdɛ̀n ɓi zày ì ɓìɓan ɓi tifin ɓi ɓi mɛ̀mùù lɛ ɓɛɛ yegsi ɓumɓɛ ɓɛ mɛɛ̀ sɔtɛ̀n yi ɓi nyìinyìm à ɓumɓɛ ɓɛɛ̀ ghɛghɛɓ ɓi rìɗim ɓi ɗùm;

2 PYƐƐRI 2:7

kìɓan kifog à ghɛɓsìghà Lɔt ànɛ à ɓaghà ŋwaà saaɗ, ànɛ cɛɓ ki tifin ki ɓɛwolì-ɓum ɓɛ a Sɔdɔm rì Gɔmɔɔr ɓɛǹ, ɓɛ wowɔlà rì ǹɗemi-kɛŋɛn

ZYUUDƐ 1:10

Wɔ̀lɛ ɓumɓɛ̀n ɓɛ feèfèngì com ki ɓɛ yii ɓi, ki ɓɔɔ̀ fèki lɛ ɓɛ yii, ɓi fèg wàà anɛ à rì yɛ̀ɛ fèg à nyàm ìnɛ ì rì kɛ̀ɛ ɗyomzɛ̀n, kɛɛ ki ti, ki pikì ɓɔ ɓi rìɗyaŋ.

ZYUUDƐ 1:13

Ɓumɓɛ̀n ɓɛ ri yɛ̀ɛ ɓyoo ɓikus ɓi riɓày à kìkòn ɓi ɓyɛɛ̀ kpaakpaŋzì ɓìfuùfusa ɓi ɓìɓan ɓi ntoòrìɗ ɓi ɓɛɛ̀ kìkì; ɓɛ ri yɛ̀ɛ tyɔɛy ti tyɛɛ̀ yòmyom fɔlɔɔ aɗyoo ǹ-yòmyomɛn; tyɛɛ̀ ti Bɛ̀ll à fèkà lɛ ti ri ɓiì kɔ̀rii ɓi birìm ì tìɓtìɓ fìɗyàɓ fikɔ̀ɔ̀.