EFÈZYƐŊ 5:3 - Bafia Nouveau Testament

³ Tìsɔ̀mɔ̀g, rì ɓìɓan ɓi tifin mɛkuu mɛ̀cèm, rì zày ì ìkum, ɓì ghɛ̀ɛ̀sɛɛ ɓi lɛ ɓi ɓuŋɗɛ̀n nsoò m̀ɓùŋɗɛn ɓi nyìinyìm wìn, lɛ fɔlɔɔ yɛɛ ghɛɛ̀sɛɛ rì ɓum ɓɛ Bɛ̀ll.

EFÈZYƐŊ 5:3 Iomraidhean Croise

MATYOO 15:19

Ɓisuulɛ, ɓìɓeɓtàg ɓi mɛyitì, ri fèg à rìwey ɗi mum, rì tìsɔ̀mɔ̀g, rì cɛɓ ki sààsaa, ri wii, rì rìsasààgh ɗi ɓum ɓìɓan ɓi nyoo, rì tìfena ti Bɛ̀ll, ɓi ti ɓi pɛsàg yì ɓi nɗem wu mum.

LUKAS 12:15

Fɔɔnnɛ à kpaatìghà ɓɔɔ̀cèm lɛ: Womzɛɛna lɛ syeesyee ri kìɓan ki zày ì ìkum, ɓisuulɛ, cɛɓ ki mum ki yin lɔŋ lɛ ɓyom ɓi à rì rì ɓyɔ, àa soo rì rì ɓyom lɛɛ̀gwey.

LUKAS 16:14

Ɓɛ̀fàrìzyɛŋ ɓɛ ɓɛ ǹkeesàg mɔ̀ɔ̀ni ɓɛ wowòkà ɓìɓan ɓiǹ ɓìcèm di ɓɛɛ̀ wɔ̀wɛy Yeesus.

MƐ̀KÌKÌÌ MƐ ƁƐKƐ̀NÌ-FÌTOM 15:20

Tì ghɛ̀ɛ̀sɛɛ lɔŋ ɓɔ kì kàni kaàtà, ti kpaa ɓɔ lɛ, ɓɛ ghɛɛ̀sɛɛ kì cèlii lɛ: rì riɗi ɗi ɓituwe ɓi ɓɛ woli ɓisuu riɓɔgsì ɗi ɓinùn, rì tìsɔ̀mɔ̀g, rì rìɗi ɗi ɓituwe ɓi ɓi wii lɛ swììɗ bwaɓ yɛ̀ kɛɛ̀ kpaŋ.

MƐ̀KÌKÌÌ MƐ ƁƐKƐ̀NÌ-FÌTOM 20:33

M̀ɓaghà ɓi ri zày ìnɛ lɛ, mum a fa mɛ̀ mɔ̀ɔ̀ni, nsoò gol, nsoò ɓìlàà.

RÒMƐŊ 1:29

Fɔlɔɔ nnɛ ɓɛ ri ɓɛ̀ronɛn ɗi mɛ̀bèe mɛ̀kuu mɛ̀cèm, ɗì rìgɛn, rì zày ì ìkum, rì mɛ̀ghèy; ɓɛ ɓa tì ɓɛ̀ronɛn ri yàaka, ɓɛɛ woowoòsɛ̀n, ɓɔ rì ɓɛ̀paàzì, rì wii wu mɛghèy, ɓɛ keesì cɛɓ ki tisɔ̀mɔ̀g,

RÒMƐŊ 16:2

Ghàɓina nyi ɓi ɗii ɗi Kan lèg ànɛ yɛ̀ɛ ɓɛ̀gherɛ̀n ɓɛ ghɛɛ̀sɛɛ kì kìlaagh, ɓì ki ghɛɛghɛɓsì nyi ɓi ɓìɓan ɓìcèm ɓi à rì lɛ à ɓa rì zày ìnɛ lɛ ɓi ghɛɓsi nyi miì, ɓisuulɛ, nyimiɗ a mɛ ghɛɓsi ɓum lɛɛ̀gwey, nsoò mɛ̀ɛmiɗ anɛ.

RÒMƐŊ 6:13

Kɛ̀ ɓi cìtɛn ti ɓìkàɓ ɓin ɓi nyoo ɓi kìɓe fɛlɛ yɛ̀ɛ ɓyom ɓi kisay ɓi ɓi rìkì ɗi ɓiɓan ɓi ɓeɓtɛn, kìɓan kifog faana mìniìɓɔmiɗ ri Bɛ̀ll fɛlɛ yɛ̀ɛ ɓum ɓɛ̀cèm ɓɛ ɓɛ sughiì a nyɔ̀ɛ̀y, ɓì ki fa ɓikàɓ ɓin ɓi nyoo rì Bɛ̀ll ɓi sìg à ɓyom ɓi kisay, ɓi ɓi rìkì ɗi ɓiɓan ɓi ɓi ri lɛ saaɗ.

1 KƆ̀RƐ̀ŊTYƐŊ 10:8

Nni tyɛ̀ ki falɛn ɓi cɛɓ ki tisɔ̀mɔ̀g fɛlɛ yɛ̀ɛ ɓum ɓɛdɛŋ ɓɛ ɓi nyìinyìm wàà ɓɛ falɛ̀ngà, fɔɔnnɛ ɓìloŋ ɓi kpighà ŋwos bog ɓum ɓɛ̀tɔɔsìm rìtin ɗì ɓɛraa.

1 KƆ̀RƐ̀ŊTYƐŊ 5:1

Ɓɛɛ̀ kpaakpaa jàŋ bimiɗ lɛ kìtɔɓì kiǹ ki ri ɓi nyìinyìm wìn; kiŋcèm ki ki ɓa lèg ànɛ ki ti kɛ̀ kɛɛ̀ ghɛnɛn nsoò a ɓumɓɛ ɓɛ yin ɓɛgherɛ̀n. Lɛ ɓɛɛ̀ kpaaghi lɛ, kìbog ki ɓi nɗaŋ win ki nteri gili seŋì.

1 KƆ̀RƐ̀ŊTYƐŊ 6:13

Ɓìɗilàg ɓi ri ɓisuu ɗùm, ɗùm ɗi ki ɓa ɓisuu ɓiɗilàg, Bɛ̀ll à rì ɓiì ki yogsii ɓyom ɓi kiɓɛ̀ɛ̀ ɓiǹ; wɔ̀lɛ nyoo ì mum ì yin nkìyɛn ɓisuu cɛɓ ki tifin, ì rì ǹkìyɛn ɓisuu Kan, Kan à ki ɓa ɓisuu nyoo ì mum.

1 KƆ̀RƐ̀ŊTYƐŊ 6:18

Lɛɛghna cɛɓ ki tisɔ̀mɔ̀g! Lɛ ɓìɓe ɓimbog ɓìcèm ɓi mum à rì lɛ à kì, ɓi ti ɓyɛ̀ kɛɛ̀ kòm nyoo yìì, wɔ̀lɛ i ŋwaà nɔ̀ɔ̀tii cɛɓ ki tisɔ̀mɔ̀g, di à kìi kìɓe ki kɛɛ yogsi nyoo yìì.

2 KƆ̀RƐ̀ŊTYƐŊ 12:21

Ǹɗì rì mɛ̀riighrikì lɛ yɛ̀ɛ n-yùyuy foo, Bɛ̀ll wɛ̀m kɛ̀ɛ ɓa lɛ à rììsì mɛ̀ nto ɓi kìɓan kin, ǹki ghay lɛ ǹɗèn ɓisuu kigwey ki ɓum ki ki nka kìi kìɓe, ki rɔɓ kɛ̀ kɛɛ̀ lɔ̀ɔ̀ghrɛn mɛrem lɛ kɛɛ rini ɓìɓan ɓi tifin, rì tìsɔ̀mɔ̀g, rì cɛɓ ki sààsaa, ɓi ɓɛ nkìkii.

EFÈZYƐŊ 5:12

ɓisuulɛ ɓìɓan ɓi ɓumɓɛ̀n ɓɛɛ̀ kìki a rìnyam ɓi kilɛɛ ǹtoòrìɗ, nsoò ɓi rìkpaakpàà.

EFÈZYƐŊ 5:5

Konaaghna kì yiì lɛ mum ǹcèm ànɛ à rì ǹkìì-tìsɔ̀mɔ̀g, nsoò lɛ ǹkìì ɓìɓan ɓi tifin, nsoò lɛ ànɛ à rì rì zày ì ìkum, yɛɛ lɔɔ lɛ mɓɔgsì ɓìnùn, à yin ɗi gàɓ ɓi kìlɔ̀ŋ ki Kiris, rì ki Bɛ̀ll.

FÌLÌPYƐŊ 1:27

Kìɓan kifog, ghɛɓina rìkuu ɗi cɛɓ ɗi ɗi ghɛɛ̀sɛɛ rì Syeesyee a Ɓɔlɛ à Kiris ɓi lèg ànɛ lɛ nsoò màa yùu mìni kì ghɛɛ̀, nsoò lɛ màa rì mìni fìràɓ, ǹghɛ̀ɛ̀sɛɛ kì woògh lɛ ɓum ɓɛɛ̀ kpaakpaa lɛ: Ɓì rì lɔŋ ɓɛsììrɛn, ɓì ɓa ɓɛ̀fèg ɓɛ̀fog, ɓi ki ɗùùɗuu nɗem wùfog ɓisuu ǹtyweeyi wu wu ri ɓi Syeesyee à Ɓɔlɛ.

KÒLÒSYƐŊ 3:5

Wolina ɓìɓan ɓi ɓi zi ɓìcèm ɓi ɓì rì rì ɓyɔ ɓi mìniìɓɔmiɗ, ɓyɛɛ ri lɛ, cɛɓ ki tisɔ̀mɔ̀g, cɛɓ ki tifin, ɗì rìfalɛ̀n ɗi ɓi ɓìɓan ɓi ɓeɓtɛn, rì kìsee ki ikum, kɛɛ ri fɛlɛ yɛ̀ɛ rìɓɔgsì ɗi ɓinùn.

TÈSÀLÒNÌSYƐŊ 4:3

Rìkɔ̀n ɗi Bɛ̀ll ɗi ri lɛ ɓi ghɛɓ cɛɓ ki tɛnɛn, ɓì cèlì ɓìɓan ɓi tifin.

TÈSÀLÒNÌSYƐŊ 4:7

Bɛ̀ll à reŋìghà ɓi ɓisi lɛ ti ghɛɓ cɛɓ ki kitɔɓì, wɔ̀lɛ à reŋìghà ɓìsi lɛ ti ghɛɓ cɛɓ ki tɛnɛn.

TIMOTE 2:10

Lɔŋ ɓìɓan ɓi syeesyee ɓi ɓɛɛ̀ kìkì, ɓyɛɛ ghɛɛ̀sɛɛ kì ɓaà mɛ̀rɛ̀ŋ maa, lɛ fɔlɔɔ yɛɛ ghɛɛ̀sɛɛ rì ɓɛ̀yiɓ ɓɛ ɓɛɛ̀ nɔ̀ɔnɔɔ̀tì rìgherɛ̀n.

TIMOTE 3:3

Ki ghɛɛ̀sɛɛ ɓi lɛ a ɓa kìnɔɔ̀ mɛ̀rɔ̀g nsoò lɛ mum à ɓìgùg, ki ghɛɛ̀sɛɛ lɔŋ lɛ a ɓa kìfyòoog ki mum, kɛ̀ɛ ɓa mum à ɓɛsaaka nsoò lɛ à keesì mɔ̀ɔ̀ni.

TIMOTE 6:10

Ɓisuulɛ kìsee ki mɔ̀ɔ̀ni ki ri ǹɗyèm wu ɓiɓan ɓi ɓeɓtɛn ɓìcèm, nni ɓum ɓɛdɛŋ ɓɛ ɓɛ falɛ̀ngà ɓi kìsee ki mɔ̀ɔ̀ni kìn, ɓɛ ghasɛ̀ngà rì rìgherɛ̀n, ɓɛ ki syòŋ yi ɓɔmiɗ mɛtɔɓ ɓi nyoo lɛɛ̀gwey.

2 TIMOTE 3:2

Ɓisuulɛ ɓum ɓɛ ri ɓa ɓɛ̀wemwèm, ɓɛ̀keesì-mɔ̀ɔ̀ni, ɓɛ ɓa ɓɛ̀daŋàdaŋa, ɓɛ ɓa ɓɛ̀kìì-kalɛn, ɓɛ feèfèngì Bɛ̀ll, ɓɛ kikì ɓɛ̀yalì ɓaa ntoòtèɗ, ɓɛ̀ kɛɛ̀ foŋ kirɔɔ ki ɓum ɓɛ kii ɓɔ, ɓɛ̀ kɛɛ̀ risi ɓyom ɓi ɓi ri kìcèlì.

Kaàtà ànɛ Pol à kàngà TIT 1:11

ɓɛ ghɛɛ̀sɛɛ kì sìmi ɓumɓɛ̀n myɔm. Ɓɛɛ̀ ɓùuɓuùsì ɓɛ̀bimiɗ ɓɛ naa yi ɓum, ɓɛ rerèsì yɔ ɓìɓan ɓi ɓi ghɛɛ̀sɛɛ ɓi, lɛ ɓɛɛ fɔnfɔn mɔ̀ɔ̀ni mɛ ntoòrìɗ.

Kaàtà ànɛ Pol à kàngà TIT 1:7

Lɛ ki ghɛɛ̀sɛɛ lɛ ǹkɛ̀ɛ̀sì-kìseŋi a ɓa kɛ̀ɛ̀ tìcɔrɔɓ fɛlɛ yɛ̀ɛ m̀ɓèŋì ɓyom ɓi Bɛ̀ll; à ghɛ̀ɛ̀sɛɛ ɓi ki ɓaà rì kalɛn kɛ̀ɛ ɓa ŋwaà bim, kɛ̀ɛ ɓa kinɔɔ̀ mɛ̀rɔ̀g, kɛ̀ɛ ɓa ri ɓìgùg, kɛ̀ɛ ɓa ri kìsyɔ̀ɔ̀ ki lɛ a fɔngi mɔ̀ɔ̀ni ɓi kìcòò.

Kaàtà ànɛ Pol à kàngà TIT 2:3

Ù kpaa ɓɛ̀sɛ̀ɛ̀mɛn ɓɛ ɓɛ̀yiɓ lɛ ɓɛ ghɛɛ̀sɛɛ girig kì ɓaà rì cɛɓ ki ɓum ɓɛ ri lɛ ɓɛ ghɛn lɛ ki ri cɛɓ ki ɓɛgherɛ̀n, ɓɛ̀ kɛɛ̀ ɓa ri mɛ̀wɔ̀wɔrì, ɓɛ̀ kɛɛ̀ ɓa ɓɛkpàn ɓɛ mɛrɔ̀g, ɓɛ ghɛɛ̀sɛɛ kìfafaa ɓɛsyeesyee ɓɛ deɓ,

EBIREEGH 12:16

Ɓì konàg lɛ ŋwaàdɛŋ kɛ̀ɛ ɓa ri cɛɓ ki tɔɔtɔɓki, nsoò lɛ a ɓa rì zɛɛtɛn ɓi ɓyom ɓi ɓi ri kìcèlì fɛlɛ yɛ̀ɛ Eso ànɛ à kàɓkà ìkɔ̀ɔ̀ wii wu risɛ̀ɛ̀mɛn ɓisuu càà ki ɓiɗilàg.

1 PYƐƐRI 5:2

lɛ mɛniina kìtuu ki jɔ̀ɔ̀ ki Bɛ̀ll ki ɓɛ reɓsɛ̀ngà rì mìni; kɛ̀ kɛɛ̀ ɓa yɛ̀ɛ ǹkàŋɗɛ̀n, mɛniina yɔ rì syeesyee à rìkɔ̀n yɛ̀ɛ kɛɛ̀ kɔ̀ngi Bɛ̀ll, kɛ̀ ɓi kì kisay kiǹ rì ǹɗem wulɛ ɓi fɔǹ mɔ̀ɔ̀ni, kììna lɔŋ kɔ rì syeesyee à nɗem.

2 PYƐƐRI 2:10

À ɓiisɛ̀n ɓɛ̀roɓɛ ɓɛ ti ɓɛ yɛɛ̀sàg ɓìɓan ɓi tifin, ɓɛ nɔɔ̀nɔ̀ɔ̀tì ɓìɓan ɓi ɓi ti ɓi rɔɔghì mɛ̀mùù, ɓɛ sɛɛtì jɛ̀ɛ̀ ì rìlàmì ì Kan. Ɓɛ tɔɔghraagh mɛ̀rem, ɓɛ ki ɓalag ri kalɛn, ɓɛ̀ kɛɛ̀ risi risɛmgì ɗi ɓyom ɓi ɓyɛɛ̀ ghɛghɛɓ aɗyoo ɓi rìkem.

2 PYƐƐRI 2:14

Mis maa mɛ ri lɔŋ kizyaa ri kìzyaa, ɓɛ̀ kɛɛ̀ ki wuri rikì ɗi kiɓe; ɓɛ ti ɓɛ wɔɔsàg ɓumɓɛ ɓɛ ri mɛ̀rem lɛ fɛnfɛn ɓi fìram fyaa, mɛ̀rem maa mɛ mɛɛ̀tɛɛ rì zày ì mɔ̀ɔ̀ni, ɓɛ ri ɓum ɓɛ ncɛ̀m.

2 PYƐƐRI 2:3

Lɛ kìsee ki mɔ̀ɔ̀ni ki ɓɛ ri rì kɔ, ɓɛ ri mìni ɓiì kpaakpaa ɓiɓan ɓi ɓɛpwàà lɛ ɓi fafa ɓɔ ɓyom; kìɓan kifog ŋwaànɛ à ghɛ̀ɛ̀sɛɛ ɓɔ kìyɔ̀mi à tighà m̀pègsɛn lɛ a ki kìsay kii fìɗyàɓ, fɔɔnnɛ rìɗyaŋ ɗyaa ɗyaa finɛn yi tì ɓi.

ÀPÒKÀLIƁSƐ̀ 2:14

Nsoò fɔlɔɔ, ǹɗì rì ɓìɓan ɓidɛŋ ɓi ɓi ɓeɓi mɛ̀ rì wɔ̀; ù rì foo ri ɓum ɓɛdɛŋ ɓɛ ɓɛɛ̀ nɔ̀ɔnɔɔ̀tì dɔgtɛ̀n ì Balam; Balam àa nɗèsàg Balag lɛ a ki com ki lɛ ɓɔn ɓɛ Isirayɛl ɓɛɛ kɛɓtɛn fìɓàg lɛ ɓɛ ɗii ɓyɛn ɓi nyàm yi ɓɛ funɛɛ ɓi rìɓɔgsì ɗi ɓinùn, ɓɛ ki ɗiŋi ɓi rìkìkì ɗi tisɔ̀mɔ̀g.

ÀPÒKÀLIƁSƐ̀ 2:21

Ǹfaghà nyi cààmɛ̀n ki lɛ a lɔɔghrɛn ǹɗem, kìɓan kifog à kɔ̀ni ɓi lɛ di àa lɔ̀ɔ̀ghrɛɛ nɗem lɛ a caɗ ɓìɓan ɓi tifin ɓi a kìkì.

ÀPÒKÀLIƁSƐ̀ 21:8

Wɔ̀lɛ ɓi ɓɛg ànɛ a ɓɛ̀riris, rì ɓumɓɛ ɓɛ gherɛɛ ɓi, rì ɓɛ̀kìì-ɓìɓan ɓi ɓeɓtɛn, rì ɓɛ̀wolì ɓum, rì ɓɛ̀kìì-tìsɔ̀mɔ̀g, rì ɓɛ̀kìì-majìg, rì ɓɛ̀kìì-ɓìnùn, rì ɓɛ̀pwààpwaà ɓɛ̀cèm, gàɓ yàà i ɓaa gɛ ɓi kìràà ki ɗuu ɗi ghɛ̀g-ghɛ̀g rì ǹdùsi, kɛɛ ri rìwu ɗi kiɓɛ̀ɛ̀.

ÀPÒKÀLIƁSƐ̀ 22:15

Ɓɛ̀kìì-ɓìɓan ɓi ɓeɓtɛn rì ɓɛ̀kìì-majìg, rì ɓɛ̀kìì-tìsɔ̀mɔ̀g, rì ɓɛ̀wolì-ɓum, rì ɓɛ̀kìì-ɓìnùn, rì mum ǹcèm ànɛ à ti à keesàg rìkì ɗi ɓɛpwàà, ɓɛ ri ɓiì rɔ̀ɓi ɓi dan, ɓɛ̀ kɛɛ̀ ɗiŋi ɓi bàn ìnɛn.

ÀPÒKÀLIƁSƐ̀ 9:21

Ɓɛ ɓengà kì lɔ̀ɔ̀ghrɛɛ mɛrem lɛ ɓɛɛ caɗ rìwowèy ɗi ɓum, rì ɓìɓan ɓi kifuu rì tìsɔ̀mɔ̀g, rì wii.