EFÈZYƐŊ 5:25 - Bafia Nouveau Testament

²⁵ Mìni ɓɛ̀baŋì, keesiina ɓɛ̀yiɓ ɓin fɛlɛ yɛ̀ɛ Kiris à keesìghà Kìseŋi kii à fa cɛɓ kii lɛ kɔ.

EFÈZYƐŊ 5:25 Iomraidhean Croise

MATYOO 20:28

Fɔlɔɔ nnɛ Man à mum à yùghà ɓi ziinɛ, àa lɛ ɓum ɓɛɛ kiki nyi ɓìsay, à yùghà lɔŋ lɛ, a say ɓum, à ki fa cɛɓ kii lɛ, a kweɗ ɓum lɛɛ̀gwey.

ZYAŊ 6:51

Ǹɗì bìrɛs ì cencem ìnɛ ì sɛngày aɗyòò, ŋwaànɛ à ɗii bìrɛs ìnɛ̀n, à rì ɓiì ghɛɓì fìɗyàɓ fikɔ̀ɔ̀. Bìrɛs ìnɛ m̀ɓiì faà ìnɛ̀n, yɛ̀ɛ ri nyoo yɛ̀m ìnɛ ǹɗì ɓiì faà, lɛ ziinɛ yɛ̀ɛ ɓa rì cɛɓ.

MƐ̀KÌKÌÌ MƐ ƁƐKƐ̀NÌ-FÌTOM 20:28

Fɔɔnnɛ, ɓèŋina mìniìɓɔmiɗ, ɓì ki ɓèŋ di kituu ki jɔ̀ɔ̀ yi Bɛ̀ll, yi Kìtɛntɛ̀ɛ̀n ki Nghay ki rɛsìghà mìni lɛ ɓi ɓeŋ̀ɓeŋ. Mɛniina kìseŋi ki Bɛ̀ll lɛ syeesyee, lɛ à làkà kɔ rì bwaɓ yii.

GÀLAT 1:4

Yeesus à faghà cɛɓ kii ɓisuu ɓiɓe ɓis lɛ di a pwaŋ̀ ɓìsi ɓi kìɓeɓtàg ki zi ki tì rì ki miì gɛɛ̀nɛ, lɔŋ yɛ̀ɛ rìkɔ̀n ɗi Bɛ̀ll ànɛ à rì Seŋi wìs ɗi ri.

GÀLAT 2:20

Ǹwughà ɓi Kɔrɔs ǹɗaŋ ɗi Kiris, fɔɔnnɛ àa mɛ̀ yɛɛ̀ ghɛghɛɓti, lɔŋ Kiris yɛɛ̀ ghɛghɛɓ ɓi mɛ̀; cɛɓ ki nghɛghɛɓ gɛɛ̀nɛ yɛ̀ɛ mum, nghɛghɛɓ kɔ ɓi rìgherɛ̀n ɗi ǹgherɛɛ Man à Bɛ̀ll ànɛ à keesìghà mɛ̀, à ki fa cɛɓ kii ɓisu wɛ̀m.

EFÈZYƐŊ 5:2

Ɓì kɛ̀ɛ̀kɛ̀ɛ̀ ɓi nkɔ̀nɛ̀n fɛlɛ yɛ̀ɛ Kiris à rèsìghà ɓìsi, à fa cɛɓ kii ɓisu wis, fɛlɛ yɛ̀ɛ com ki ŋwaà à faa, nsoò lɛ kìtuwe ki ɓɛ funɛɛ ɓi rìɓɔgsì ɗi Bɛ̀ll; ɓyom ɓìn ɓi ɓa rì syeesyee à kìnùbe.

EFÈZYƐŊ 5:24

Lɔŋ yɛ̀ɛ kìseŋi ki ti ki kilàg Kiris mɛ̀wog, fɔlɔɔ nnɛ ɓɛ̀yiɓ ɓɛ ghɛɛ̀sɛɛ girig kì woògh ɓɛ̀yii ɓaa ɓi ɓìɓan ɓìcèm.

EFÈZYƐŊ 5:28

Fɔɔnnɛ ɓɛ̀baŋì ɓɛ ghɛɛ̀sɛɛ kì keesii ɓɛ̀yiɓ ɓaa yɛ̀ɛ ɓɔmiɗ, lɛ ŋwaànɛ à keesii giɓ wiì, à keesii nyimìɗ.

EFÈZYƐŊ 5:33

Kaa soo rì la, mum ǹcèm ànɛ ɓi mìni a keesi giɓ wiì yɛ̀ɛ nyimìɗ, giɓ bimiɗ à kì yii mɛ̀wog.

KÒLÒSYƐŊ 3:19

Mìni ɓɛ̀baŋì, keesiina ɓɛ̀yiɓ ɓin, kɛ̀ ɓi biibimɓɛ̀n rì ɓɔ.

TIMOTE 2:6

nnyɛɛ falɛ̀ngà nyimiɗ lɛ a leɓ pon anɛ ɓi gòri ì ɓum ɓɛ̀cèm; fɔlɔɔ a rì kìɓan ki ki kilɛ̀ngà, ɓi cààmɛ̀n ki ki ɓaghà kìsiŋdɛn,

1 PYƐƐRI 3:7

Fɔlɔɔ nnɛ mìni ɓɛ̀baŋì, ɓì ghɛɛ̀sɛɛ girig lɛ mum bimiɗ a ghɛɓ rì giɓ wiì, à yi lɛ ɓɛ̀yiɓ ɓɛ ri ɓumɓɛ ɓɛ yin ɗi ìtèɗ yɛ̀ɛ ɓɛ̀baŋì; terina ɓɔ rì nyaasɛ̀n lɛ ɓɛ ghɛɛ̀sɛɛ girig kìterì mààgh à cɛɓ bas ɗì mìni, di fɔlɔɔ nnɛ com kidɛŋ kɛ̀ kɛɛ̀ gheŋɗɛn ɓi bɔ̀ŋzɛ̀n yìn.

ÀPÒKÀLIƁSƐ̀ 1:5

rì lɛ rìfa ɗi Yeesus Kiris ànɛ à rì wusìnɛ̀ɗ à ǹtyweeyi, ànɛ à rì Man à ǹtonto ànɛ à lokà kìghèmɓɛɛ yi a ɓìloŋ, à ki ɓa ti nkɔ̀mɛ̀n mɛ̀fòm mɛ ɓi ziinɛ. Roànɛ a keesag ɓisi, roànɛ à kwèɗkà ɓìsi ɓi ɓìɓe ɓis rì bwaɓ yii,

ÀPÒKÀLIƁSƐ̀ 5:9

Fɔɔnnɛ ɓɛ kɛkɛ̀ghìghà fyem fi nyɔn di ɓɛɛ̀ kpaakpaa lɛ: Wɔ̀ yɛɛ ghɛɛ̀sɛɛ lɛ ù teɗ kaàtà ànɛ̀n, ù ɓɛkì ɓɛ̀sìtam̀ ɓɛ miì, ɓisuulɛ ɓɛ wolà wɔ̀, ù ki kwèɗ ɓumɓɛ ɓi mɛ̀pwìɗ mɛ̀cèm, ɓìtòkì ɓìcèm, mɛ̀kuu mɛ̀cèm, ɓìlɔ̀ŋ ɓìcèm ɓisuu Bɛ̀ll rì bwaɓ yɔɔ.