EFÈZYƐŊ 5:21 - Bafia Nouveau Testament

²¹ Ɓaana rì mɛ̀wog ɓi nyìinyìm wìn ɓisuu rinìŋ ɗi ɓì ti ɓì nìgì Kiris.

EFÈZYƐŊ 5:21 Iomraidhean Croise

1 KƆ̀RƐ̀ŊTYƐŊ 16:16

Mɛ̀kuu mɛ ɓum mɛ fɔlɔɔ mɛɛ̀mɛ ɓì ghɛ̀ɛ̀sɛɛ kì kìi mɛwog, rì mum ǹcèm ànɛ à ti à tekì gàɓ ɓi kìsay ki ɓɛɛ̀ kìkì, à ki sasay ri ɓɔ.

2 KƆ̀RƐ̀ŊTYƐŊ 5:11

Nni yɛ̀ɛ tì yii com ki ki ri lɛ rìrisì ɗi Kan, nnɛ ti kaakaa bee inɛ lɛ ti syoŋ̀ ɓum. Bɛ̀ll à yii ɓìsi lɛ syeesyee, ǹki rì rì ntyweeyi lɛ nsoò mìni, ɓì yii girig ɓìsi ɓi mɛ̀rem min ɓiɗùm.

2 KƆ̀RƐ̀ŊTYƐŊ 7:1

Nni yɛ̀ɛ tì rì rì mɛ̀kàg yɛ̀ɛ mɛǹ, ɓɛ̀geni ɓɛ̀m ɓɛ nɗem, tì ghɛ̀ɛ̀sɛɛ kì kìi lɛ tì ɓa ɓɛ̀tɛnɛn kɛ̀ɛ̀ tìfin ti ɓi nyoo, nsoò ti ɓi ǹghay. Ti tèèsiina nyoo lɛ ti konag kìɓaà ɓɛ̀tɛnɛn rì ìris wu Bɛ̀ll ɓi nɗem.

GÀLAT 5:13

Ɓɔɔsoŋ̀, Bɛ̀ll à reŋìghà mìni lɛ ɓi ɓa ɓɛ̀kan; nni kɛ̀ ɓi ghɛɓ zɔɔ rì rìɓa ɗiǹ lɛ ɓi nɔɔ̀ti rìyɛ̀y ɗi cɛɓ ki mɛmùù. Wɔ̀lɛ ghɛɛghɛ̀ɓsɛɛna mìni rì mìni ɓi nkɔ̀nɛ̀n;

EFÈZYƐŊ 5:22

Mìni ɓɛ̀yiɓ, kìina ɓɛ̀yii ɓin mɛwog yɛ̀ɛ ɓì ti ɓì kìlàg Kan.

EFÈZYƐŊ 5:24

Lɔŋ yɛ̀ɛ kìseŋi ki ti ki kilàg Kiris mɛ̀wog, fɔlɔɔ nnɛ ɓɛ̀yiɓ ɓɛ ghɛɛ̀sɛɛ girig kì woògh ɓɛ̀yii ɓaa ɓi ɓìɓan ɓìcèm.

FÌLÌPYƐŊ 2:3

Kɛ̀ ɓi kì kiɓan kidɛŋ rì ǹɗem wu kalɛn nsoò lɛ ɓisuu rikem ɗi kɛ̀ɛ̀-su. Wɔ̀lɛ sɛɛ̀dɛɛna mìniìɓɔmiɗ ɓi zi, ɓì teɗ ɓum ɓɛmbog fɛlɛ yɛ̀ɛ ɓɛ ceeghii mìni.

TIMOTE 2:11

Giɓ a ghɛ̀ɛ̀sɛɛ lɛ a maàrɛn lɛ fyòoog cààmɛ̀n ki ɓɛɛ̀ rèresi nyi, à ɓa rì mɛ̀wog lɛɛ̀gwey.

TIMOTE 3:4

Ki ghɛɛ̀sɛɛ lɛ à kɛ̀ɛ̀kɛ̀ɛ̀sì naa yìì i ɓum lɛ syeesyee, à yi rìkì lɛ ɓɔn ɓii ɓɛɛ ɓa rì mɛ̀wog, ɓɛ falàg nyi bɔgsɛ̀n yɛ̀ɛ ki ghɛɛ̀sɛɛ.

EBIREEGH 13:17

Kìina ɓumɓɛ ɓɛɛ̀ kɛ̀ɛkɛɛ̀sì mìni mɛ̀wog ɓì fa ɓɔ bɔgsɛ̀n, ɓisuulɛ ɓɛɛ̀ ɓɔmɓɔm kirɔɔ ki ɓi mɛ̀ghay miǹ, lɛ ɓɛ ri ɓàaghgɛ kìɓan ki miì ɓi mis mɛ Bɛ̀ll; kìina lɛ ɓɛɛ kiki kìsay kiǹ ɗì kìnyàà, àa rì bemeg lɛ fɔlɔɔ àa ghɛɓsi ɓi mini bimiɗ à com.

1 PYƐƐRI 2:13

Rèsiina mɛ̀wog ɓi ɓɛg ànɛ a kìlàmì kìcèm ki ɓum ɓɛ foŋi ɓisuu Kan, nsoò rìfòm ɗyɛ yaa rì, ɓì kì ɗyɔ mɛ̀wog lɛ ɗi ri ǹlàmi àgwey,

1 PYƐƐRI 2:17

Nyaasiina mum bimiɗ, ɓì keesì ɓɛ̀geni ɓin ɓɛ righerɛn, ɓì risì Bɛ̀ll, ɓì nyaasì rìfòm.

1 PYƐƐRI 5:5

Mìni ɓìɓwɛɗ ɓi ɓum, ɓì ghɛ̀ɛ̀sɛɛ girig lɛ ɓi ki ɓɛ̀sɛ̀ɛ̀mɛn mɛwog. Nni mìni ɓɛ̀sɛ̀ɛ̀ ɓɛ̀cèm, ɓi cɛɓ ki ɓi ghɛghɛɓ mini rì mìni, sɛɛ̀dɛɛna mìniìɓɔmiɗ ɓi zi, ɓisuulɛ Bɛ̀ll à ti kɛ̀ɛ ɓa nkɔɔ rì ɓɛ̀daŋàdaŋa, lɔŋ ɓɛ̀roɓɛ ɓɛ sɛɛ̀dɛɛ ɓɔmiɗ ɓi zi ɓɛɛ̀ɓɛ a rèsag geesɛ̀n yìì.