EFÈZYƐŊ 5:2 - Bafia Nouveau Testament

² Ɓì kɛ̀ɛ̀kɛ̀ɛ̀ ɓi nkɔ̀nɛ̀n fɛlɛ yɛ̀ɛ Kiris à rèsìghà ɓìsi, à fa cɛɓ kii ɓisu wis, fɛlɛ yɛ̀ɛ com ki ŋwaà à faa, nsoò lɛ kìtuwe ki ɓɛ funɛɛ ɓi rìɓɔgsì ɗi Bɛ̀ll; ɓyom ɓìn ɓi ɓa rì syeesyee à kìnùbe.

EFÈZYƐŊ 5:2 Iomraidhean Croise

MATYOO 20:28

Fɔlɔɔ nnɛ Man à mum à yùghà ɓi ziinɛ, àa lɛ ɓum ɓɛɛ kiki nyi ɓìsay, à yùghà lɔŋ lɛ, a say ɓum, à ki fa cɛɓ kii lɛ, a kweɗ ɓum lɛɛ̀gwey.

ZYAŊ 13:34

Ǹfaa mìni kìdɔ̀gsɛna ki nyɔn lɛ: Kɔ̀nɛɛna. Fɛlɛ yɛ̀ɛ mɛ̀ ǹkeesìghà mìni, mìni girig, kɔ̀nɛɛnà.

ZYAŊ 6:51

Ǹɗì bìrɛs ì cencem ìnɛ ì sɛngày aɗyòò, ŋwaànɛ à ɗii bìrɛs ìnɛ̀n, à rì ɓiì ghɛɓì fìɗyàɓ fikɔ̀ɔ̀. Bìrɛs ìnɛ m̀ɓiì faà ìnɛ̀n, yɛ̀ɛ ri nyoo yɛ̀m ìnɛ ǹɗì ɓiì faà, lɛ ziinɛ yɛ̀ɛ ɓa rì cɛɓ.

RÒMƐŊ 15:16

lɛ mɓa ǹkìì-kìsay a Yeesus Kiris ɓisuu ɓumɓɛ ɓɛ yin Ɓɛ̀yudɛ̀n, fɔɔnnɛ nɗooroòzì kìsay ki righagsì ɗi Syeesyee à Ɓɔlɛ à Bɛ̀ll, kɛɛ ri kìsay ki ki ri kìtɛnɛn, lɛ di ɓumɓɛ ɓɛ yin Ɓɛ̀yudɛ̀n ɓɛɛ ɓa fɛlɛ yɛ̀ɛ rìfa ɗi ɗyɛɛ̀ rɔɔghi Bɛ̀ll; ɗyɛɛ̀ɗi Kìtɛntɛ̀ɛ̀n ki Ǹghay ki mɛ tɛɛ̀zì.

RÒMƐŊ 4:25

Yeesus ànɛ̀n nnɛ ɓɛ kaɓkà ɓisuu ɓiɓe ɓis, à ghèmɓɛ̀n a ɓìloŋ lɛ di ti ɓa lɛ saaɗ ɓi mis mɛ Bɛ̀ll.

RÒMƐŊ 8:3

Bɛ̀ll à kìghà com ki ɓìdɔ̀gsɛna ɓi ɓaghà ɓi ri ìtèɗ wulɛ ɓi ki, ɓisuulɛ rìɓa ɗis ɗi ɓi mɛ̀mùù ɗi kighà lɛ ɓyɛ̀ kɛɛ̀ ɓa ri ìtèɗ, à rèsìghà lɛ kìɓe ki ɓeɓtɛɛ ɓi nyoo ì mɛ̀mùù, yɛ̀ɛ à romgày Man wiì à nyimiɗ, Man ànɛ̀n à teɗ nyoo ìnɛ ì rì com kìfog rì nyoo ì ɓɛ̀kìì-kìɓe, lɛ a yu kì pisii kiɓè.

RÒMƐŊ 8:37

Wɔ̀lɛ, tì ti tì yakì ɓìɓan ɓiǹ ɓìcèm kɛ̀ɛ̀ vèg, rì ǹghɛɓsɛn wu roànɛ à keesìghà ɓìsi.

1 KƆ̀RƐ̀ŊTYƐŊ 16:14

Kìlaaghna ɓìɓan ɓìcèm ɗì ǹkɔ̀nɛ̀n, ɓi nyìinyìm wìn.

1 KƆ̀RƐ̀ŊTYƐŊ 5:7

Pisiina fìɗyàɓ fi nwìɗ fi ɓì ɓaghà rì fyɔ abɛ̀y di fɔɔnnɛ ɓi ɓa ǹkùŋ wu nyɔn wu ɓɛ tɔɓi, lɛ ɓì rì kɛ̀ɛ̀ nwìɗ ɓisuulɛ, ɓɛ mɛ wey Kiris ànɛ à rì maa jɔ̀ɔ̀ wìs a Paskà.

2 KƆ̀RƐ̀ŊTYƐŊ 2:14

Rìkem ɗyɛɛ ɓa rì Bɛ̀ll ànɛ à ti à kɛ̀ɛ̀sàg ɓìsi cààmɛ̀n kìcèm ɓi rìcee, lɛ Kiris, à ki fa ɓisi kìsay ki sàasaàtìyɛ̀n kìnùbe ki ɓi rìyi ɗi ɓɛ ghɛɛ̀sɛɛ Nyi kì yiì.

2 KƆ̀RƐ̀ŊTYƐŊ 2:15

Lɛ tì rì fɛlɛ yɛ̀ɛ tìrààre ti Kiris ɓisuu Bɛ̀ll, lɛ rì ɓi nyìinyìm à ɓumɓɛ ɓɛ ri ɓi bee ì cɛɓ rì à ɓɛ̀roɓɛ ɓɛ ri ɓi rìɗyaŋ.

2 KƆ̀RƐ̀ŊTYƐŊ 8:9

Lɛ ɓì yii nɗem wu geesɛ̀n wu Kan wìs Yeesus Kiris; nyi ànɛ à ɓaghà rì ìkum, à ghaasìghà nyimiɗ soghàsogha lɛ di a kumzi mìni rì kìsoghà kii.

GÀLAT 1:4

Yeesus à faghà cɛɓ kii ɓisuu ɓiɓe ɓis lɛ di a pwaŋ̀ ɓìsi ɓi kìɓeɓtàg ki zi ki tì rì ki miì gɛɛ̀nɛ, lɔŋ yɛ̀ɛ rìkɔ̀n ɗi Bɛ̀ll ànɛ à rì Seŋi wìs ɗi ri.

GÀLAT 2:20

Ǹwughà ɓi Kɔrɔs ǹɗaŋ ɗi Kiris, fɔɔnnɛ àa mɛ̀ yɛɛ̀ ghɛghɛɓti, lɔŋ Kiris yɛɛ̀ ghɛghɛɓ ɓi mɛ̀; cɛɓ ki nghɛghɛɓ gɛɛ̀nɛ yɛ̀ɛ mum, nghɛghɛɓ kɔ ɓi rìgherɛ̀n ɗi ǹgherɛɛ Man à Bɛ̀ll ànɛ à keesìghà mɛ̀, à ki fa cɛɓ kii ɓisu wɛ̀m.

EFÈZYƐŊ 1:4

Ɓi Kiris, Bɛ̀ll à ɓɔ̀ngà ɓìsi di ziinɛ ì ka kilɛn ɓi, lɛ ti ɓa ɓɛ̀tɛnɛn, kɛ̀ɛ̀ kìɓan ki lɛ ɓɛ fen ɓi mis mii. Ɓi nkɔ̀nɛ̀n wìì,

EFÈZYƐŊ 3:17

di fɔɔnnɛ Kiris a kɔri ɓi mɛ̀rem min lɛ rìgherɛ̀n. Fɔlɔɔ nnɛ ɓì rì ɓiì kìi lɛ, ɓì ròò gàŋ, ɓì ki ɓa ɓɛnyìsɛn ɓi nkɔ̀nɛ̀n ɓi ɗùm;

EFÈZYƐŊ 3:19

rì tì lɛ, ɓi yi ǹkɔ̀nɛ̀n à Kiris ànɛ̀n, ànɛ ɓum ɓɛ yin lɛ ɓɛ tɔɔnɛ̀n kì yiì; fɔlɔɔ nnɛ ɓi ɓa ɓɛ̀ronɛn syeesyee à rìron ɗì rìɓa ɗi Bɛ̀ll à rì nɗonɛn.

EFÈZYƐŊ 4:15

Wɔ̀lɛ, i ti kakali saaɗ rì ǹɗem wu nkɔ̀nɛ̀n, tì ɓiì tɔɔtɔɔ ɓɛɓɛg ɓɛ̀cèm ɓi Kiris ànɛ à rì nto.

EFÈZYƐŊ 4:2

sɛɛ̀diinà mìniìɓɔmiɗ ɓi zi, ɓì kɔ̀rì lɛ fyòoog, ɓì ɓa rì kìnìri ki nɗem, ɓì cenɛ̀n lɛ ɓi ghɛɓ rì ɓɛ̀geni ɓin lɔŋ yɛ̀ɛ ɓɛ ri, ɓɔ girig ɓɛ ki fɔlɔɔ ɓi san wìn, rìkì ɗiǹ ɗìcèm ɗi ɓa ɓi nkɔ̀nɛ̀n ɓi ɗùm;

EFÈZYƐŊ 5:15

Ɓì konag kì fiɓii righɛghɛ̀ɓ ɗin lɛ syeesyee; kɛ̀ ɓi ghɛghɛɓ yɛ̀ɛ ɓìyèg, ghɛɓina lɔŋ yɛ̀ɛ ɓumɓɛ ɓɛ ri rì ɗyomzɛ̀n.

EFÈZYƐŊ 5:25

Mìni ɓɛ̀baŋì, keesiina ɓɛ̀yiɓ ɓin fɛlɛ yɛ̀ɛ Kiris à keesìghà Kìseŋi kii à fa cɛɓ kii lɛ kɔ.

FÌLÌPYƐŊ 4:18

Mɛ̀ɛ nghɛɛ ɓyom ɓìcèm ɓi ɓìi nɗomiì, fɔɔnnɛ ǹɗì rì ɓyom lɛɛ̀gwey ɓigominɛ ɓi cee gàɓ ìnɛ ì ghɛ̀ɛ̀sɛɛ rì mɛ̀ yɛ̀ɛ m̀mɛ teɗ ɓyom ɓi ɓìi nɗomiì mɛ̀ rì Epafirodit; ɓyom ɓiǹ ɓi ri yɛ̀ɛ tìrààre ti ti rɔɔtɛɛ mɛ̀rùù nsoò lɛ kìtuwe ki ɓɛ funɛɛ ɓisuu Bɛ̀ll, Bɛ̀ll à ghàɓ kɔ ki ki rɔɔ nyi.

KÒLÒSYƐŊ 3:14

Wɔ̀lɛ ɓi ɓìɓan ɓiǹ ɓìcèm, ɓaana rì ǹkɔ̀nɛ̀n. Ǹkɔ̀nɛ̀n à rì com ki ki ti ki raɗkì ɓum syeesyee à rìràɗ.

TÈSÀLÒNÌSYƐŊ 4:9

Ki ghɛɓsii ɓi com lɛ ti kaǹ mìni kìɓan ki ǹkɔ̀nɛ̀n à rìgeni, ɓisuulɛ Bɛ̀ll nyimiɗ a rèsàkà mìni kìɓan ki ɓi ǹkɔ̀nɛ̀n ànɛ à ghɛ̀ɛ̀sɛɛ kì ɓaà ɓi nyìinyìm wìn.

TIMOTE 2:6

nnyɛɛ falɛ̀ngà nyimiɗ lɛ a leɓ pon anɛ ɓi gòri ì ɓum ɓɛ̀cèm; fɔlɔɔ a rì kìɓan ki ki kilɛ̀ngà, ɓi cààmɛ̀n ki ki ɓaghà kìsiŋdɛn,

TIMOTE 4:12

Mum kɛ̀ɛ sɛɛti riɓa ɗyɔɔ ɗi ùrì ŋwɔɓti, kìɓan kifog, ɓaya kìfèèghrɛnà ɓisuu ɓɛgherɛ̀n ɓi ɓìtòkì ɓyɔɔ, ɗì rìkɛ̀ɛ̀ ɗyɔɔ, rì ɓi nkɔ̀nɛ̀n, rì ɓi rìgherɛ̀n, rì ɓi rìtɛn.

Kaàtà ànɛ Pol à kàngà TIT 2:14

ànɛ à falɛ̀ngà nyimiɗ ɓisu wis lɛ a pwaŋ̀ yì ɓìsi ɓi kìɓe mɛkuu mɛ̀cèm, à kì lɛ ti ɓa kìlɔ̀ŋ kitɛnɛn ki kɛɛ woòghrɛn ɗì nyi; ki falɛ̀n ɓi rìkìkì ɗi ɓiɓan ɓi syeesyee.

EBIREEGH 8:3

Ǹlàmì-ɓɛ̀pìrɛɛtìrɛ̀ àgwey bimiɗ à rì ŋwaànɛ à rì ǹɗɛsɛn lɛ, a resi Bɛ̀ll lɛ rì ɓyom ɓi ɓum ɓɛ faa, rì ɓìtuwe ɓi ɓum ɓɛ funɛɛ ɓi rìɓɔgsì ɗi Bɛ̀ll; fɔɔnnɛ ki ghɛɛ̀sɛɛ lɛ nyii ɓa girig rì com ki nyimiɗ yɛɛ faa ɓi rìɓɔgsì ɗi Bɛ̀ll.

EBIREEGH 9:14

bɔ̀ɓ yaŋ min ɗi bwaɓ yi Kiris ànɛ à falɛ̀ngà nyimiɗ ri Bɛ̀ll, kɛ̀ɛ̀ fìfin, ɓi Nghay ànɛ à ri fìɗyàɓ fikɔ̀ɔ̀. Bwaɓ yii yi ri ɓiì tɛɛ̀zii mɛrem mis ɓi ɓɛg ànɛ a ɓìɓan ɓi ɓi ri kɛ̀ɛ̀ gɛɓsɛ̀n, lɛ ti ki Bɛ̀ll ànɛ à rì cem kisay.

EBIREEGH 9:23

Ki ghɛɛ̀sɛ̀ngà min lɛ, ɓìfèèghrɛnà ɓi ɓɛkɔɔ̀kɔɔ̀ ɓɛ ɓyom ɓi ɓi ri aɗyoo ɓyɛɛ teɗ rìkuu ɗi zòghɛ̀n ɗiǹ, rì tì lɛ, nsoò ɓɛ̀kɔɔ̀kɔɔ̀ ɓɛ ɓyom ɓɛ aɗyoo ɓɛncèm ɓɛ ghɛɛ̀sɛ̀ngà kì terì zòghɛ̀n rì ɓìfùna ɓi ɓi cee ɓiǹ.

EBIREEGH 9:26

I kɛɛ ɓa fɔlɔɔ, di ki ghɛɛ̀sɛ̀ngà min lɛ Kiris a wog rìkɛŋ gɛ̀n lɛ gɛ̀n à tumɛ̀n yɛ̀ɛ zi i kìlɛ̀ngà. Wɔ̀lɛ ɓi cààmɛ̀n ki, à yùghà gɛ̀n bog ɓi gɛ̀n yicèm, di mɛ̀ru mɛ siitòn mɛɛ̀ kɛ̀ɛ̀kɛɛ yi lɛ a legsi kìɓe di à fùnɛɛ nyimiɗ.

1 PYƐƐRI 4:8

Kìɓan ki asu ki ri lɛ: Ɓaana rì ǹkɔ̀nɛ̀n ànɛ kɛ̀ɛ lɔ̀gtɛn ɓi nyìinyìm wìn, lɛ ǹkɔ̀nɛ̀n à ti à lɔkì ǹkun wu ɓiɓe.

1 ZYAŊ 3:16

Rìyi ɗi tì yii com ki lɛ ǹkɔ̀nɛ̀n ɗyɛɛ̀ɗi lɛ, Yeesus Kiris à faghà cɛɓ kii ɓisu wis; fɔɔnnɛ ɓìsi girig, tì ghɛ̀ɛ̀sɛɛ kì faà cɛɓ kis ɓisuu ɓɛgeni ɓis.

1 ZYAŊ 3:23

Ǹsiŋdɛn wu à faa ɓìsi wɛɛ̀wu lɛ, ti gherɛn Yeesus Kiris à Man wiì, tì ki kɔ̀nɛn lɔŋ yɛ̀ɛ Kiris à siŋdɛ̀ngà ɓìsi lɛ ti kɔnɛn.

ÀPÒKÀLIƁSƐ̀ 1:5

rì lɛ rìfa ɗi Yeesus Kiris ànɛ à rì wusìnɛ̀ɗ à ǹtyweeyi, ànɛ à rì Man à ǹtonto ànɛ à lokà kìghèmɓɛɛ yi a ɓìloŋ, à ki ɓa ti nkɔ̀mɛ̀n mɛ̀fòm mɛ ɓi ziinɛ. Roànɛ a keesag ɓisi, roànɛ à kwèɗkà ɓìsi ɓi ɓìɓe ɓis rì bwaɓ yii,

ÀPÒKÀLIƁSƐ̀ 5:9

Fɔɔnnɛ ɓɛ kɛkɛ̀ghìghà fyem fi nyɔn di ɓɛɛ̀ kpaakpaa lɛ: Wɔ̀ yɛɛ ghɛɛ̀sɛɛ lɛ ù teɗ kaàtà ànɛ̀n, ù ɓɛkì ɓɛ̀sìtam̀ ɓɛ miì, ɓisuulɛ ɓɛ wolà wɔ̀, ù ki kwèɗ ɓumɓɛ ɓi mɛ̀pwìɗ mɛ̀cèm, ɓìtòkì ɓìcèm, mɛ̀kuu mɛ̀cèm, ɓìlɔ̀ŋ ɓìcèm ɓisuu Bɛ̀ll rì bwaɓ yɔɔ.