EFÈZYƐŊ 5:18 - Bafia Nouveau Testament

¹⁸ Kɛ̀ ɓi ŋwagi mɛrɔ̀g lɛ fɔlɔɔ a ti à syògìì cɛɓ ki ɓùùɓuu; kìɓan kifog, ɓaana ɓɛ̀ronɛn ri Kìtɛntɛ̀ɛ̀n ki Nghay.

EFÈZYƐŊ 5:18 Iomraidhean Croise

MATYOO 23:25

Nyìighnyìg rì mìni ɓɛ̀rèsàg-ɓìdɔ̀gsɛna rì Ɓɛ̀fàrìzyɛŋ ɓɛ ɓì rì lɛ, fyɛɛ̀fyɛɛ̀ ɓi ŋwɔm, ìghèy ɓì ɗùm, ɓisuulɛ ɓi sòòsoo lɛ, rì jɛ̀m ì ɓɛ̀ɓeŋ rì jɛ̀m ì ɓɛ̀taasà, kɔm̀ lɛ ɓyom ɓìn ɓi ri ɓì rònɛn ɓi ɗùm lɛ, rì wii, rì kìnɔli ki ɓiɓeɓtàg ɓi ɓiɓan.

MATYOO 24:49

à tumɛ̀n rìkwiy ɗi ɓɛ̀kìì-ɓìsay ɓɛmbog, à kì lɛ: à ɗi, à nɔ, bas rì ɓɛ̀nɔɔ̀-mɛ̀rɔ̀g.

LUKAS 1:15

Ɓisuulɛ à ɓiì ɓaà coo mum ɓi mis mɛ Kan, àa nɔ ɓi mɛrɔ̀g, kɛ̀ɛ̀ kì nɔ nsoò com kidɛŋ ki ki ri lɛ ki ŋwaŋzì mum. À ɓiì ɓaà ǹɗonɛn ri Kìtɛntɛ̀ɛ̀n ki Nghay, à tumɛ̀n ɓi ɗùm ɗi jɛɛ.

LUKAS 11:13

I mìni ɓɛ ɓì rì ɓìɓeɓtàg ɓi ɓum ɓi yii rìfa ɗi ɓɔn ɓin ɓɛsyeesyee ɓɛ ɓyom, lannɛ Tààta ànɛ à rì aɗyòò à ɓiì rɔ̀ɓi kɛ̀ɛ fa Kitɛntɛ̀ɛ̀n ki Nghay a ɓumɓɛ ɓɛ tɔɔgh nyi kɔ̀?

LUKAS 12:45

Kìɓan kifog, ǹkìì-kìsay anɛ à fèegh ɓi nɗem wii lɛ: Masà wɛ̀m à ɓɔriì ɓi risug, nnɛ à tumɛɛ rìkwiy ɗi ɓɛ̀kìì-ɓìsay lɛ rì ɓɛ ɓɛ̀yiɓ rì ɓɛ ɓɛbaŋì, à kì lɛ, à ɗi à nɔ mɛ̀rɔ̀g à ŋwaŋ,

LUKAS 21:34

Ɓì konàg rì mìniì ɓɔmiɗ, lɛ ɓìsɛ̀nɛ̀ rì ɓìzɛ̀ŋ ɓi mɛrɔ̀g rì rìcɛɛ̀cɛ̀ɛ̀rɛ̀n ɗi nɗem ɓyɛ̀ kɛɛ̀ fa mɛrem min ìɓwɛɗ; di ŋwos anɛ̀n à ri sìɗ mini ǹsìrɛn.

ZYAŊ 2:10

Fɔɔnnɛ à reŋìghà ŋwaànɛ à wɔlɛ̀ngà à kpaa nyi lɛ: Ɓɛ̀ro ɓɛɛ̀ loki kìfaà ɓɛ̀kèn mɛrɔ̀g mɛ syeesyee, ɓɛ siitɛ̀n ɓɔ kìfaà mɛ ɓeɓtɛn di ɓaa ŋwagì; kìɓan kifog wɔ̀ wàa ɓèŋɓeŋi mɛ̀rɔ̀g mɛ syeesyee à kpaŋ ɓigomìnɛ.

MƐ̀KÌKÌÌ MƐ ƁƐKƐ̀NÌ-FÌTOM 11:24

Ɓi saaɗ, Ɓarinaɓas à ɓaghà syeesyee à mum, ǹɗonɛn ɗi Kìtɛntɛ̀ɛ̀n ki Nghay, à ki gherɛn Bɛ̀ll lɛɛ̀gwey, fɔɔnnɛ ɓàlì ì ɓum lɛɛ̀gwey ì nɔ̀ɔ̀tìghà Kan.

RÒMƐŊ 13:13

Tì ghɛ̀ɛ̀sɛɛ kì ghɛɓì cɛɓ ki ki ri lɛ tɛntɛ̀ɛ̀n ki ki ghɛɛ̀sɛɛ rì kìtɛɛtɛn ki ŋwos, tì womzɛ̀n ɗì dili, rì kìɓan ki riceesì ɗi rinɔ ɗi mɛrɔ̀g ɗì tìsɔ̀mɔ̀g, rì cɛɓ ki sààsaa, rì ɓɛ̀paàzì, rì yàaka.

1 KƆ̀RƐ̀ŊTYƐŊ 11:21

Ɓisuulɛ mum ǹcèm à ti à rùnàg kì ɗiì ɓìɗilàg ɓii ɓi nyimiɗ ɓi lèg ànɛ lɛ ŋwaàdɛŋ à wowòg zày, roàmbog ǹŋwaŋɛn mɛrɔ̀g.

1 KƆ̀RƐ̀ŊTYƐŊ 5:11

Com ki mɛ̀ɛ nkɔ̀ngi lɛ nkpaà mìni ɓi kaàtà wɛ̀m ki nɗì lɛ, ɓì ghɛ̀ɛ̀sɛɛ ɓi kiràrɛɛ ri ŋwaànɛ à rì lɛ, à reèghrèŋɗɛ̀n lɛ Kìristɛ̀n kìɓan kifog à kìkì tìsɔ̀mɔ̀g, à fa nɗem rì ìkum, à kìkì ɓìnùn, à keesì ɓɔlɛ, nyi kìnɔɔ̀-mɛ̀rɔ̀g nsoò lɛ wiiwìì; ɓì ghɛ̀ɛ̀sɛɛ ɓi gi kì ɗisɛɛ ri rìkuu ɗi mum ɗìn.

1 KƆ̀RƐ̀ŊTYƐŊ 6:10

rì ɓɛ̀yiɓ ɓɛ ɓɛ ti ɓɛ kɔràg ri ɓɛ̀ro ɓɛ̀yiɓ nsoò lɛ ɓɛ̀baŋì ɓɛ ɓɛ ti ɓɛ kɔràg rì ɓɛ̀ro ɓɛ̀baŋì, à kɛ̀ɛ̀dì kìkpaŋì lɛ ɓɛ̀wiiwìì, rì ɓumɓɛ ɓɛ ri rì kìsee ki-kum, rì ɓɛ̀nɔɔ̀-mɛ̀rɔ̀g rì ɓɛ̀kìì-tìfena, à kpaŋ lɛ ɓɛ̀zyaàzyaa, ɓumɓɛ̀n ɓɛ̀cèm ɓaa ɓa ɓi ri gàɓ ɓi kìlɔ̀ŋ ki Bɛ̀ll.

TÈSÀLÒNÌSYƐŊ 5:7

Ɓisuulɛ, ɓumɓɛ ɓɛɛ̀ lalày, ɓɛ ti ɓɛ laayì rì ìru, ɓɛ̀ŋwaŋì mɛ̀rɔ̀g, ɓɛ ŋwagì rì ìru.

Kaàtà ànɛ Pol à kàngà TIT 1:6

Mum ǹcèm ànɛ ɓi ɓumɓɛ̀n à ghɛ̀ɛ̀sɛɛ kì ɓaà kɛ̀ɛ̀ kìɓan ki ɓɛ cɛmdɛ̀n, à ɓa giɓ bog, ɓɔn ɓii ɓɛ ghɛɛ̀sɛɛ kì ɓaà ɓɛ̀gherɛ̀n, ɓɛ̀ kɛɛ̀ ɓa ɓɔɓti ɓɛ ɓum ɓɛɛ̀ cɛɛcɛmdɛ̀n lɛ ɓɛ ri lɛ nyùùnyùùgh, nsoò lɛ ɓɛ ri rì ntoòtèɗ.