EFÈZYƐŊ 4:32 - Bafia Nouveau Testament

³² Ɓaana rì nɗem wu geesɛ̀n ɓi nyìinyìm wìn, ɓì yi rìghɛn ɗi ɓɛro ɓɛmbog nyìighnyìg. Ɓaana rì rìcenɛ̀n ɓi nyìinyìm wiǹ, fɛlɛ yɛ̀ɛ Bɛ̀ll à cenɛ̀ngà mìni ɓi Kiris.

EFÈZYƐŊ 4:32 Iomraidhean Croise

MATYOO 6:12

Cenɛn ɓìsi ɓìɓan ɓi ɓeɓɛn ɓi tì mɛ kì, fɛlɛ yɛ̀ɛ ɓìsi girig tì mɛ cenɛn ɓɛ̀roɓɛ ɓɛ kighà ɓìsi kìɓe.

MARIKUS 11:25

Nni cààmɛ̀n kìcèm ki ɓì rɛlii lɛ ɓi ki bɔ̀ŋzɛ̀n, i ɓì ri ɓi kìɓan ri ŋwaàdɛŋ, càrina kìɓan kiǹ, fɔlɔɔ nnɛ Seŋi wìn ànɛ à rì aɗyoo, à ri cenɛn mini girig mɛ̀nànì min.

LUKAS 1:78

Lɛ Bɛ̀ll wìs à rì ǹɗonɛn ri coo geesɛ̀n, fɔɔnnɛ à ri rom yi ɓìsi kìtɛɛtɛn ki aɗyoo, ki ki ri fɛlɛ yɛ̀ɛ baso ì ŋwos

LUKAS 11:4

Cenɛn ɓìsi ɓìɓe ɓis, lɛ ɓìsi girig tì ti tì cenàg ŋwaànɛ à kaa ɓìsi kìɓan. Kɔ̀ɔ ki càɗ ɓisi lɛ ti kpi ɓi mɛ̀fèèghrɛn ɓiɗùm.

LUKAS 17:4

Nni aà nàni ɓìɓan taàɓɛ̀ɛ̀ ri wɔ̀ ɓi nwos bog, innɛ à sugtii yì wɔ̀ a nyoo fɔlɔɔ gɛ̀n taàɓɛ̀ɛ̀, à gherɛ̀n à ki lemgi zɛ̀ɗ yiì, ù ghɛ̀ɛ̀sɛɛ nyi kì cenɛɛ.

LUKAS 6:35

Kìɓan kifog, keesiina ɓɛ̀bènàbena ɓin, ɓì kìkì ɓɔ kìrɔɔ, ɓì ki ɓɔ̀rag ɓum ɓyom, kɛ̀ ɓi mìngi tityɛɛ lɛ, ɓɛ ri mìni ɓiì pɛ̀ɛ̀zii ɓyɔ. I ɓì kìi fɔlɔɔ, mɛ̀lèɓ min mɛ ri ɓiì tèghɛɛ, ɓì ki ɓa ɓɔn ɓɛ Bɛ̀ll ànɛ à teŋmɛɛ kɛ̀ɛ̀ vèg ɓisuulɛ, nyii rilàg rì geesɛ̀n ɓi ɓɛg ànɛ a ɓɛ̀tènteǹ rì ɓɛ̀kìì-rìgɛn.

LUKAS 6:37

Kɛ̀ ɓi ɓa ɓɛ̀yɔ̀mì ɓum fɔɔnnɛ Bɛ̀ll àa yɔ̀m ɓì mini; kɛ̀ ɓi fa ɓum zɔɔ, fɔɔnnɛ Bɛ̀ll àa fa ɓi mini zɔɔ; cenɛɛna ɓɛ̀geni ɓin, fɔɔnnɛ Bɛ̀ll à rì mìni ɓiì cenɛɛ.

MƐ̀KÌKÌÌ MƐ ƁƐKƐ̀NÌ-FÌTOM 28:2

Ɓumɓɛ ɓi kìrìŋ kiǹ ɓɛ ghaɓkà ɓìsi rì geesɛ̀n lɛɛ̀gwey; yɛ̀ɛ bwey ì sɛngà, kìfɛɓ ki ki kìki lɛɛ̀gwey, ɓɛ ghɛŋzɛ̀ngà coo kikaŋì ki ɗuu, ɓɛ reŋì ɓìsi lɛ, ti kɛǹ kì woògh ɓìsiìcèm.

RÒMƐŊ 12:10

Ɓì ghɛ̀ɛ̀sɛɛ kì rèsii, kirɔɔrɛɛ ki ǹkɔ̀nɛ̀n à rìgeni ɓi nyìinyìm wìn; lɛ nnyaasɛ̀n ànɛ à ghɛ̀ɛ̀sɛɛ kì ɓaà, rèsiina bɔgsɛ̀n lɛɛ̀gwey ɓi nyìinyìm wiǹ.

1 KƆ̀RƐ̀ŊTYƐŊ 13:4

Ǹkɔ̀nɛ̀n à rì rìnìɗ ɗi nɗem, nyi rì kìpuɓì-ǹɗem, kɛ̀ɛ ɓa ri m̀mììghrɛ̀n; ǹkɔ̀nɛ̀n à yin ɗi kalɛn, kɛ̀ɛ ɓa ri kìrèeresɛ̀n.

2 KƆ̀RƐ̀ŊTYƐŊ 2:10

I ɓì cenɛɛ ŋwaànɛ à sɛ̀rii kìɓan, mɛ̀ ǹcenɛ̀n girig nyi; lɛ kìɓan ki mɛ̀ɛ ncenɛɛ, i mɛ̀ɛ nghɛ̀ɛ̀sɛɛ lɛ ǹcenɛ̀n kìɓan kidɛŋ, mɛ̀ɛ nkìi fɔlɔɔ ɓisu win ɓi mis mɛ Kiris,

2 KƆ̀RƐ̀ŊTYƐŊ 2:7

Fɔlɔɔ nnɛ ɓì ghɛ̀ɛ̀sɛɛ gì nyi kì cenɛɛ, ɓì cààsì kɔm̀ gì nyi nyoo, lɛ kɛ̀ɛ ɓa lɛ à wog rìkuu ɗi bim ɗi ɗi cee.

2 KƆ̀RƐ̀ŊTYƐŊ 6:6

Ti rèresi lɛ tì rì ɓɛ̀kìì-ɓìsay ɓɛ Bɛ̀ll, ɓi rìtɛn, ɓi rìyi ɗi ɓiɓan, ɓi kìɓìɓi kis ki nɗem, ɓi kìpuɓì-nɗem ki tì rì rì kɔ, ɓi Kìtɛntɛ̀ɛ̀n ki Ǹghay, rì ɓi nkɔnɛ̀n ànɛ à yin ri mɛ̀ghèy,

EFÈZYƐŊ 5:1

Yɛ̀ɛ ɓì rì ɓɔn ɓɛ Bɛ̀ll ɓɛ nɗem, tèèsiina nyoo lɛ ɓi nɔɔ̀ti kìfèèghrɛnà kii.

ZYAG 5:11

Ghɛɛna, tì ti tì kpaaghì lɛ, ɓumɓɛ ɓɛ siìrɛɛ rì ìtèɗ, ɓɛ ri ɓɛ̀mààghmaagh; ɓì mɛ wog di ɓɛɛ̀ kpaakpaa kinìri ki nɗem ki Zyɔɓ, ɓì ki ghɛngà lèg ànɛ yɛ̀ɛ Kan à kìghà lɛ cɛɓ kii kɛɛ kɛǹ kì syɔnì ɓisuulɛ Kan à rì rì nɗem wu nyìighnyìg lɛɛ̀gwey, rì kìpuɓì ǹɗem.

2 PYƐƐRI 1:7

ɓi rìfalɛ̀n ɗi ɓi rìgherɛ̀n, ɓì ɓɔ̀ɓtɛ̀ntì kìrɔɔrɛɛ ki ɓi rìgeni; ɓi kìrɔɔrɛɛ ki ɓi rìgeni kìn, ɓì foŋ̀dì ǹkɔ̀nɛ̀n.

1 ZYAŊ 1:9

Wɔ̀lɛ i tì gherɛɛ ɓìɓe ɓis ɓi mis mɛ Bɛ̀ll, tì rì lɛ tì ɓa rì ǹtyweeyi ri nyi lɛ, rìkì ɗii ɗi ri yɛ̀ɛ saaɗ a kɔ̀nkɔ̀n; à ɓiì cenɛɛ ɓisi ɓìɓe, à ki sòò mɛnànì mis mɛcèm.

1 ZYAŊ 2:12

Ɓɔn ɓɛm, ǹkàni mìni ɓisuulɛ ɓìɓe ɓin ɓi ti ɓì càrɛn ɓi ɗii ɗìì.