EFÈZYƐŊ 4:25 - Bafia Nouveau Testament

²⁵ Kìɓan kiǹ kɛɛ̀ki càrina pwàà, mum ǹcèm ànɛ ɓi mìni a kalag geni kìɓan yɛ̀ɛ ki ri, ɓisuulɛ, ɓìsiìcèm tì rì ɓìkàɓ ɓi ɓi nyoo bogtɛ̀n.

EFÈZYƐŊ 4:25 Iomraidhean Croise

ZYAŊ 8:44

Satàn yɛɛ ri seŋi wìn fɔɔnnɛ ɓi kɔ̀nkɔn lɛ di ɓyàa kìi rìkɔ̀n ɗi seŋi wìn. A ɓalag ǹwolì-ɓum à tumɛ̀n a rìtumɛ̀n, à ki ka rɛlìghà ɓi ɓi saaɗ nsoò ŋwos bog, ɓisuulɛ, saaɗ a maà ɓa ɓi a lɔ̀ŋkii; cààmɛ̀n ki a pwààpwaa ɓum, lɔŋ com ki ki riì nyi ɓi nɗem kɛɛ̀ki a kpaakpaa ɓɔ, lɛ à rì pwààpwaà, à ki ɓa ti seŋi ɓɛ̀pwàà.

RÒMƐŊ 12:5

fɔlɔɔ nnɛ ɓìsi ɓɛ tì rì kìtuu, tì ri nyoo bog ɓi Kiris ɓi ɗùm; tì ki ɓa ti ɓikàɓ ɓi ɓi nyoo bog,

1 KƆ̀RƐ̀ŊTYƐŊ 10:17

Nni yɛ̀ɛ bìrɛs ì rì lɔŋ bog, tyàa soo tèghɛɛ, tì rì lɔŋ nyoo bog ɓisuulɛ ɓìsiìcèm ti teteɗ gàɓ ɓi m̀bobog à bìrɛs ànɛ̀n.

2 KƆ̀RƐ̀ŊTYƐŊ 7:14

Lɛ i ǹsɛsɛ̀kà mìni rì Tit lèg àdɛŋ, ɓìi nfaa ɓi mɛ ǹtoòrìɗ, fɔlɔɔ nnɛ yɛ̀ɛ tìi nti tì kpaaghì mìni saaɗ cààmɛ̀n kìcèm, fɔɔnnɛ mɛ̀sɛɛ̀ghsɛɛgh mɛ tì sɛsɛ̀kà mìni rì Tit mɛ nghɛnɛɛ lɛ mɛ ri mɛ̀sɛɛ̀ghsɛɛgh mɛ saaɗ.

EFÈZYƐŊ 4:15

Wɔ̀lɛ, i ti kakali saaɗ rì ǹɗem wu nkɔ̀nɛ̀n, tì ɓiì tɔɔtɔɔ ɓɛɓɛg ɓɛ̀cèm ɓi Kiris ànɛ à rì nto.

EFÈZYƐŊ 4:22

Ɓì ghɛ̀ɛ̀sɛɛ kì rinii fiɗyàɓ fin fi riɓa fi ɓi cɛɓ ki ɓì ghɛghɛ̀ɓkà abɛ̀y, ɓìɓan ɓi ǹɗem wu mum wu ti wu kɔngì ɓi rìɓa ɗi yɛ̀ɛ ɗiǹ, ɓi ri rì ǹ-yègsɛ̀n, ɓi ki ɓa ɓiɓan ɓi ɓi ri lɛ ɓi yogsì mum.

EFÈZYƐŊ 4:31

À tumɛɛ lɛ kìmìighmigtɛ̀n, kìnyɛn, bim, kìyoòyòò, mɛ̀wɔ̀wɔrì, rì rìgɛn mɛ̀kuu mɛ̀cèm, ɓi ghɛɛ̀sɛɛ kì lèegh ɓi nyìinyìm wìn.

EFÈZYƐŊ 5:30

Lɛ ɓì rì ɓìkàɓ ɓi ɓi nyoo yìì.

KÒLÒSYƐŊ 3:8

Nni à tumɛ̀n ɓigomìnɛ, mìni girig, càrina ɓìɓan ɓiǹ ɓìcèm lɛ rì bim, rì kìnyɛn, rì kìɓeɓtàg ki nɗem, rì tìfena, rì ɓìtòkì ɓi kɛ̀ ǹtoòrìɗ ɓi ɓi ti ɓi kpagìì ɓi myɔm min.

KÒLÒSYƐŊ 3:9

Pwàà à ghɛ̀ɛ̀sɛɛ tì ɓi ki ɓaà ɓi nyìinyìm wìn, ɓisuulɛ ɓì mɛ rini lɛ rì fìɗyàɓ fin fi riɓa fi ɓi mɛ̀mùù rì ɓìɓan ɓi miì.

TIMOTE 1:10

ɓɛ̀kìì-kìzyaa, ɓɛ̀baŋì ɓɛ ɓɛ ti ɓɛ kɔràg rì ɓɛ̀ro ɓɛ̀baŋì(n) ɓɛ̀kìì-dune ì ɓɛ̀kpàn, rì ɓɛ̀pwààpwaà, ɓɛ̀kànɛ̀n bɛ̀ɗ yi ɓɛpwàà, rì com kìcèm ki ki yin yɛ̀ɛ syeesyee à dɔgtɛ̀n ànɛ à rì ǹtɛnɛn a kpaakpàà.

TIMOTE 4:2

ɓi fyɛɛ̀-fyɛɛ̀ ɓi ŋwɔm ìghèy ɓi ɗùm à ɓumɓɛ ɓɛɛ̀ rèresi ɓiɓan ɓi ɓɛpwàà ɓumɓɛ̀n ɓɛɛ̀ɓɛ mɛ̀rem maa mɛ ri mɛ̀ tɔ̀nɛn ɗi swiɗ ànɛ à ɓàŋiì ɓi ɗuu lɛ pɔɔŋ.

Kaàtà ànɛ Pol à kàngà TIT 1:12

Kìbog ki ɓi ɓɔ ki ki ri ǹkpaŋzì-ɓìɓan waà, ki kpaaghà lɛ: Mìni ɓumɓɛ a Kirɛt, ɓi ɓalag lɔŋ ɓɛ̀pwààpwaà cààmɛ̀n kìcèm, ɓì nyɛngì yɛ̀ɛ nyàm yi ɓi cog, ɓì ki ɓa ɓɛ̀ɓɔɓwɛɗ ɓɛ ɓɛɛ̀ fèfeg lɔŋ lɛ ɓìɗilàg.

Kaàtà ànɛ Pol à kàngà TIT 1:2

kìɓan kiǹ kɛɛ sasaghii ɓi dyàɓɛn i cɛɓ ki fiɗyàɓ fikɔ̀ɔ̀, ki Bɛ̀ll ànɛ a maà pwàà ɓi a kàkà fìɗyàɓ, di ɓyààmɛ̀n ɓi a rìtumɛ̀n ɓi ka yin.

EBIREEGH 12:1

Nni fɔɔnnɛ ɓìsi girig, yɛ̀ɛ tì ti ɓɛ̀rìɓiyɛn ri ǹkun wu ɓɛwusìnɛ̀ɗ yɛ̀ɛ wu, tì ghɛ̀ɛ̀sɛɛ min ki càri com kìcèm ki ki ri ɓìsi ǹtɛ̀g, rì kìɓe ki ki ti kɛ̀ kɛɛ̀ tɔg ɓisi kìlaataagh, tì sììrɛ̀n ɓi mɛ̀ree mɛ ɓɛɛ̀ tɔtɔg ɓisi lɛ ti ghɛŋì.

ZYAG 1:21

Kìɓan kiǹ kɛɛ̀ki ɓì ghɛ̀ɛ̀sɛɛ kì càri ɓiɓan ɓi tifin, rì kìɓe mɛkuu mɛ̀cèm, ɓì teɗ jɛ̀ɛ̀ ìnɛ ì ɓɛ̀lɛ̀ngà ɓi mìni, ìnɛ ì ki rì lɛ ì ghɛɓsì ɓyɛɓ ɓin, rì ǹɗem wu tɛ̀tɛ̀rɛ̀ɛ̀.

1 PYƐƐRI 2:1

Càrina min kiɓeɓtàg ki nɗem bee yicèm, rì ɓɛ̀pwàà, rì mɛ̀ghèy, rì m̀mììghrɛ̀n, rì mɛ̀wɔ̀wɔrì,

ÀPÒKÀLIƁSƐ̀ 21:8

Wɔ̀lɛ ɓi ɓɛg ànɛ a ɓɛ̀riris, rì ɓumɓɛ ɓɛ gherɛɛ ɓi, rì ɓɛ̀kìì-ɓìɓan ɓi ɓeɓtɛn, rì ɓɛ̀wolì ɓum, rì ɓɛ̀kìì-tìsɔ̀mɔ̀g, rì ɓɛ̀kìì-majìg, rì ɓɛ̀kìì-ɓìnùn, rì ɓɛ̀pwààpwaà ɓɛ̀cèm, gàɓ yàà i ɓaa gɛ ɓi kìràà ki ɗuu ɗi ghɛ̀g-ghɛ̀g rì ǹdùsi, kɛɛ ri rìwu ɗi kiɓɛ̀ɛ̀.

ÀPÒKÀLIƁSƐ̀ 22:15

Ɓɛ̀kìì-ɓìɓan ɓi ɓeɓtɛn rì ɓɛ̀kìì-majìg, rì ɓɛ̀kìì-tìsɔ̀mɔ̀g, rì ɓɛ̀wolì-ɓum, rì ɓɛ̀kìì-ɓìnùn, rì mum ǹcèm ànɛ à ti à keesàg rìkì ɗi ɓɛpwàà, ɓɛ ri ɓiì rɔ̀ɓi ɓi dan, ɓɛ̀ kɛɛ̀ ɗiŋi ɓi bàn ìnɛn.