EFÈZYƐŊ 4:22 - Bafia Nouveau Testament

²² Ɓì ghɛ̀ɛ̀sɛɛ kì rinii fiɗyàɓ fin fi riɓa fi ɓi cɛɓ ki ɓì ghɛghɛ̀ɓkà abɛ̀y, ɓìɓan ɓi ǹɗem wu mum wu ti wu kɔngì ɓi rìɓa ɗi yɛ̀ɛ ɗiǹ, ɓi ri rì ǹ-yègsɛ̀n, ɓi ki ɓa ɓiɓan ɓi ɓi ri lɛ ɓi yogsì mum.

EFÈZYƐŊ 4:22 Iomraidhean Croise

RÒMƐŊ 6:6

Tì ghɛ̀ɛ̀sɛɛ kì konaagh ki yiì lɛ fìɗyàɓ fis fi riɓa fi abɛ̀y fɛlɛ yɛ ɓum, fi ɓaghà fi kpanɛn ɓi kɔrɔs ǹɗaŋ ɗi nyi, lɛ di Bɛ̀ll a waà nyoo ì kìɓe inɛ tì rì rì yɔ̀, yɛ̀ɛ tyɛ̀ ki ɓa ti ɓɛkpàn ɓɛ kiɓè.

RÒMƐŊ 7:11

Ɓisuulɛ kìɓe ki ghɛngà kìrɔŋiɗ, ki yegsì mɛ̀ rì ɓìdɔ̀gsɛna, ki ki wey mɛ rì ɓìdɔ̀gsɛna ɓyɔm̀ ɓiǹ.

2 KƆ̀RƐ̀ŊTYƐŊ 11:3

Nsoò fɔlɔɔ, ǹɗì rì mɛ̀riighrikì lɛ, fɛlɛ yɛ̀ɛ nyoo ì yègsìghà Ɛɛvɛ rì ɗyomzɛ̀n ɗi ì ɓaghày rì ɗyɔ, mɛ̀yitì min mɛ̀ kɛɛ̀ ɓa lɛ mɛ ɓuùsɛ̀n ɓi lèg ànɛ lɛ ɓi rini lɛ rì rìsɛɛ̀dì ɗi mìniìɓɔmiɗ ɓi zi, rì rìtɛn, lɛ ɓyɛɛ̀ɓi ɓì ghɛ̀ɛ̀sɛɛ kì ɓaà rì ɓyɔ, ɓi ɓɛg ànɛ yɛ̀ɛ Kiris.

GÀLAT 1:13

Ɓì yii cɛɓ ki ǹghɛghɛ̀ɓkà abɛ̀y di ǹkaka ɓi rìgherɛ̀n ɗi Ɓɛ̀yudɛ̀n? Lɔŋ yɛ̀ɛ ǹ-yeeyèèsìghà Kìseŋi ki ɓɛgherɛ̀n Bɛ̀ll rì rìgɛn, rì yɛ̀ɛ ǹkaakààghà lɛ ntiìsi kɔ.

EFÈZYƐŊ 2:3

Ɓìsi ɓɛ̀sɛ̀ɛ̀ ɓɛ̀cèm, tì ɓaghà girig ɓi nɗaŋ waa lɛ tì ghɛghɛ̀ɓkà abɛ̀y ɓi ɓìɓan ɓi mɛ̀mùù mis mɛ ɓaghà zày rì ɓyɔ, tì kìkì rìkɔ̀n ɗi nyoo yis rì ɗi mɛrem mis lɛ rìɓa ɗi tì ɓaghà ɓum lɔŋ yɛ̀ɛ ɓɛ̀ro ɓɛmɓog, tì ɓaghà ɓumɓɛ bim i Bɛ̀ll ì ghɛ̀ɛ̀sɛɛ kì kpaŋì a lɔ̀ŋkaa.

EFÈZYƐŊ 4:17

Kìɓan ki mɛ̀ ǹkalii, ǹki sììrɛn ɓi ɗii ɗi Kan kɛɛ̀ki lɛ: Kɛ̀ ɓi ghɛɓti yɛ̀ɛ ɓum ɓɛ zɛy ɓɛ ɓɛ yin ɓɛgherɛ̀n, ɓɔ yɛɛ ti ɓɛ nɔɔ̀tàg ɓɔɔ momzɛ̀n ɓaa ɓɛ kɛ̀ɛ̀ ìsu.

EFÈZYƐŊ 4:25

Kìɓan kiǹ kɛɛ̀ki càrina pwàà, mum ǹcèm ànɛ ɓi mìni a kalag geni kìɓan yɛ̀ɛ ki ri, ɓisuulɛ, ɓìsiìcèm tì rì ɓìkàɓ ɓi ɓi nyoo bogtɛ̀n.

EFÈZYƐŊ 4:31

À tumɛɛ lɛ kìmìighmigtɛ̀n, kìnyɛn, bim, kìyoòyòò, mɛ̀wɔ̀wɔrì, rì rìgɛn mɛ̀kuu mɛ̀cèm, ɓi ghɛɛ̀sɛɛ kì lèegh ɓi nyìinyìm wìn.

KÒLÒSYƐŊ 2:11

Ɓi nyi, ɓì kɛ̀rɛ̀ngà rìkuu ɗi kɛ̀rɛ̀n ɗi ɗi yin ɗi ɓum ɓɛɛ kɛri rì ɓyàg ɓyaa, kìɓan kifog, ɓì kɛ̀rɛ̀ngà kɛ̀rɛ̀n à Kiris ànɛ à rì lɛ mum a leg ɓi rìkpàn ɗi nyoo ì kìɓe.

Kaàtà ànɛ Pol à kàngà TIT 3:3

Ɓisuulɛ ɓìsi girig tì ɓaghà abɛ̀y kɛ̀ɛ̀ ɗyomzɛ̀n, ɓìsi rì ntoòtèɗ, ɓìsi ɓi rìɗim; tì ɓaghà ɓɛ̀kpàn ɓɛ ɓiɓan mɛkuu mɛ̀kuu, ɓi mɛ̀rem mɛɛ̀ kɔ̀ngì rì ɓi ɓyɛɛ̀ yɛ̀ɛ̀yi mɛmùù, tì ghɛghɛ̀ɓ ɓi rìgɛn rì ɓi m̀mììghrɛ̀n, tì ɓeɓèɓ ɓum, tì ki ɓèeɓeèzɛ̀n ɓìsi rì ɓìsi.

EBIREEGH 12:1

Nni fɔɔnnɛ ɓìsi girig, yɛ̀ɛ tì ti ɓɛ̀rìɓiyɛn ri ǹkun wu ɓɛwusìnɛ̀ɗ yɛ̀ɛ wu, tì ghɛ̀ɛ̀sɛɛ min ki càri com kìcèm ki ki ri ɓìsi ǹtɛ̀g, rì kìɓe ki ki ti kɛ̀ kɛɛ̀ tɔg ɓisi kìlaataagh, tì sììrɛ̀n ɓi mɛ̀ree mɛ ɓɛɛ̀ tɔtɔg ɓisi lɛ ti ghɛŋì.

EBIREEGH 3:13

Kìɓan kifog, reerèɓɓɛɛna ɓɛ̀ŋwos ɓɛ̀cèm à kpaŋ cààmɛ̀n kìcèm ki ɓɛ ri lɛ ɓɛ kalì lɛ gɛɛ̀nɛ, di fɔɔnnɛ kìbog ki ɓi mìni kɛ̀ kɛɛ̀ càrɛn lɛ nɗem wii wɛɛ teɗ ɓiɗùm di kìɓe kaa yègsi nyi.

ZYAG 1:21

Kìɓan kiǹ kɛɛ̀ki ɓì ghɛ̀ɛ̀sɛɛ kì càri ɓiɓan ɓi tifin, rì kìɓe mɛkuu mɛ̀cèm, ɓì teɗ jɛ̀ɛ̀ ìnɛ ì ɓɛ̀lɛ̀ngà ɓi mìni, ìnɛ ì ki rì lɛ ì ghɛɓsì ɓyɛɓ ɓin, rì ǹɗem wu tɛ̀tɛ̀rɛ̀ɛ̀.

ZYAG 1:26

I mum a fèfeg lɛ à rì mum à rìgherɛ̀n kɛ̀ɛ ki ɓèŋ rìlemàg ɗii, kìɓan kifog à yèèghyègsì ǹɗem wii, rìgherɛ̀n ɗi ŋwaànɛ̀n ɗi ghɛɓsii ɓi com.

1 PYƐƐRI 1:18

rì rìyitì ɗi lɛ ɓɛ kweɗkà ɓi mini ɓi kìɓeɓtàg kin ki cɛɓ ki ɓì tekà rì ɓɛ̀seŋi ɓin, rì ɓyom ɓi ɓi ri lɛ ɓi ɗyoŋ fɛlɛ yɛ̀ɛ mɔ̀ɔ̀ni nsoò lɛ gol,

1 PYƐƐRI 4:3

Ɓisuulɛ ɓì roòzìghà rìkɔ̀n ɗi ɓumɓɛ ɓɛ gherɛɛ ɓi Bɛ̀ll yɛ̀ɛ ɓì ghɛghɛ̀ɓkà ɓi kìɓùùsì, ɓì kìkì ɓìɓan ɓi ǹɗem win wɛɛ̀ kɔ̀nkɔ̀n, ɓì nɔnɔ̀ mɛ̀rɔ̀g, ɓì ɗiɗì ɓìɗilàg rìɗi ɗi kiɓe, ɓì ŋwaŋŋwàŋ mɛ̀rɔ̀g, ɓì ki ɓɔɔɓɔgsì ɓìnùn ɓi ɓi ri kìɓan ki ki ɓeɓtɛɛ ki ciɓ.

2 PYƐƐRI 2:13

Mɛlèɓ mɛ ɓi kìtɛ̀ŋtɛ̀ŋ mɛ ri ɓiì ɓaà lɛ kìtɛ̀ŋtɛ̀ŋ. Kìrɔɔ ki ɓɛ ri lɛ ɓɛ wog ki ri lɛ ɓɛɛ kiki ɓìɓeɓtàg ɓi ɓiɓan ɓi ɓi ti ɓi kɔngì ɓɔ rì ŋwos ɓi nto. Ɓɛ ti ɓɛ ɓutàg kɔm̀ ɗì mìni, ɓɛ teɗ gàɓ ɓi ɓìɗilàg ɓin ɓi rigeni, wɔ̀lɛ rìkɛ̀ɛ̀ ɗyaa ɗi ri ǹtoòrìɗ, ɗi ki ɓa kiɓan ki fiɓàg; ɓɛ ti ɓɛ nyaàràg rì m̀ɓɔ̀ŋɗɛ̀n ànɛ ɓɛɛ̀ ɓɔ̀ŋɓɔŋ ɓum.

2 PYƐƐRI 2:7

kìɓan kifog à ghɛɓsìghà Lɔt ànɛ à ɓaghà ŋwaà saaɗ, ànɛ cɛɓ ki tifin ki ɓɛwolì-ɓum ɓɛ a Sɔdɔm rì Gɔmɔɔr ɓɛǹ, ɓɛ wowɔlà rì ǹɗemi-kɛŋɛn