EFÈZYƐŊ 4:2 - Bafia Nouveau Testament

² sɛɛ̀diinà mìniìɓɔmiɗ ɓi zi, ɓì kɔ̀rì lɛ fyòoog, ɓì ɓa rì kìnìri ki nɗem, ɓì cenɛ̀n lɛ ɓi ghɛɓ rì ɓɛ̀geni ɓin lɔŋ yɛ̀ɛ ɓɛ ri, ɓɔ girig ɓɛ ki fɔlɔɔ ɓi san wìn, rìkì ɗiǹ ɗìcèm ɗi ɓa ɓi nkɔ̀nɛ̀n ɓi ɗùm;

EFÈZYƐŊ 4:2 Iomraidhean Croise

MATYOO 11:29

Foŋɗɛɛna ɓi kìɓèg kɛm̀, ɓì nɔ̀ɔ̀tì ɓìɓan ɓi nɗèrèsì, ɓisuulɛ, nɗem wɛ̀m wuri lɛ fyòoog, wu ki ɓa ti wu sɛɛ̀dɛn ɓi zi, fɔɔnnɛ mɛ̀ghay min mɛ̀ ri ɓiì ghɛɛ̀ rìfɔɔsɛ̀n.

MARIKUS 9:19

Nni Yeesus à kpaaghà ɓɔ lɛ: Mìni boo ì ɓum ìnɛ, ì rì kɛ̀ɛ̀ rìgherɛ̀n, ǹɗì ɓiì kɔ̀rii ǹɗaŋ ri mìni à kpaŋ fin? Ǹki rì mìni ɓiì cenɛɛ à kpaŋ fe? Yùunay mɛ̀ fɛ rì ŋwɔɓti àncèm.

MƐ̀KÌKÌÌ MƐ ƁƐKƐ̀NÌ-FÌTOM 20:19

Mɛ̀ɛ nkìi Kan kìsay kɛ̀ɛ m̀ɓɔgsɛn mɛ̀ɛmiɗ nsoò lɛsàg, rì misì ɓi mɛ̀tam ɓi nyìinyìm à mɛ̀tɔɓ mɛ mɛ̀ɛ nghɛɛ lɛ ɓìtɔ̀kɔ̀ ɓi Ɓɛ̀yudɛ̀n ɓɛ ntɔɔ̀tɔ̀kɛ̀n mɛ̀.

RÒMƐŊ 15:1

Ɓìsi ɓɛ tì rì rì ìtèɗ ɓi rìgherɛ̀n tì ghɛ̀ɛ̀sɛɛ kì ghɛɓsii ɓɛroɓɛ ɓɛ ri kɛ̀ɛ̀ ìtèɗ, lɛ ɓɛ̀ kɛɛ̀ càrɛn ɓi-ɓwɛɗ waa; tyɛ̀ ki kaa lɛ ti ki ɓìɓan ɓi ɓyɛɛ puɓsi ɓìsi nɗem.

1 KƆ̀RƐ̀ŊTYƐŊ 13:7

Ǹkɔ̀nɛ̀n a cenag ɓìɓan ɓìcèm, à gheràg ɓìɓan ɓìcèm, à ɗyàɓàg ɓìɓan ɓìcèm, à ki nìɗki nɗem rì ɓìɓan ɓìcèm.

GÀLAT 6:2

Gheeghèŋzɛɛna rìtɛ̀g ɗi mɛtɛ̀g mɛ ɓì rì rì mɔ, di fɔɔnnɛ ɓi roòzi kìdɔ̀gsɛna ki Kiris.

EFÈZYƐŊ 1:4

Ɓi Kiris, Bɛ̀ll à ɓɔ̀ngà ɓìsi di ziinɛ ì ka kilɛn ɓi, lɛ ti ɓa ɓɛ̀tɛnɛn, kɛ̀ɛ̀ kìɓan ki lɛ ɓɛ fen ɓi mis mii. Ɓi nkɔ̀nɛ̀n wìì,

KÒLÒSYƐŊ 1:11

Ɓaana rì ìtèɗ, ɓɛ̀ɓɛg ɓɛ̀cèm, ìtèɗ win wu ɓa wu ɓi rìkem ɗii, fɔɔnnɛ ɓì ɓiì ɓaà rì kìsììrì, ɓì ki yi rinìɗ ɗi nɗem lɛ kɔɔ̀kɔɔ̀.

TIMOTE 6:11

Ɓi ɓɛg wɔ̀ɔ̀, wàànɛ ù rì mum à Bɛ̀ll, lɛgha ɓìɓan ɓiǹ, ɓìcèm; u kaà lɛ rì saaɗ, rì rìfalɛ̀n ɗi ɓi rìgherɛ̀n, rì rìgherɛ̀n yɛ̀ɛ Bɛ̀ll, rì ǹkɔ̀nɛ̀n, ɗì rìnìɗ ɗi nɗem, ɗì rìɓa ɗi lɛ tɛ̀tɛ̀rɛ̀ɛ̀.

2 TIMOTE 2:25

À rèrèsì ɓɛ̀bènàbena ɓii zɛ̀ɗ yaa ri nɗem wu tɛ̀tɛ̀rɛ̀ɛ̀, rì ntyweeyi lɛ Bɛ̀ll à rì lɛ à fa ɓɔ mààgh ànɛ lɛ ɓɛɛ lɔɔ̀ghrɛn mɛ̀rem, ɓɛɛ kpaŋ̀ ɓi nɗɛli wu ɓɛɛ yi saaɗ,

ZYAG 1:21

Kìɓan kiǹ kɛɛ̀ki ɓì ghɛ̀ɛ̀sɛɛ kì càri ɓiɓan ɓi tifin, rì kìɓe mɛkuu mɛ̀cèm, ɓì teɗ jɛ̀ɛ̀ ìnɛ ì ɓɛ̀lɛ̀ngà ɓi mìni, ìnɛ ì ki rì lɛ ì ghɛɓsì ɓyɛɓ ɓin, rì ǹɗem wu tɛ̀tɛ̀rɛ̀ɛ̀.

1 PYƐƐRI 3:15

wɔ̀lɛ kemziinà Kiris ɓi mɛ̀rem min fɛlɛ yɛ̀ɛ Kan wìn. Ɓaana cààmɛ̀n kìcèm ɓɛ̀pègsɛn lɛ ɓi ɓag mum bimiɗ ànɛ à tɔɔgh mìni azi anɛ ɓi dyàɓɛn inɛ ɓì rì rì yɔ̀.

1 PYƐƐRI 3:8

Ǹsiitɛɛ mìni kìkpaà lɛ, ɓaana ɓɛ̀fèg ɓɛ̀fog, ǹkɔ̀nɛ̀n bog, ɓaana ɓɛ̀ronɛn ɗi ǹkɔ̀nɛ̀n à rìgeni, ɓì ɓa rì nɗem wu nyìinyìg rì nɗem wu sɛɛ̀dɛn mìniìɓɔmiɗ ɓi zi.