EFÈZYƐŊ 4:16 - Bafia Nouveau Testament

¹⁶ Lɛ nyi nnɛ nyoo bimiɗ ì ti ì kìlàg lɛ, ì tɔɔ, ì ki toŋɗɛn yɔ̀miɗ ɓi nkɔ̀nɛ̀n ɓi ɗùm lèg ànɛ à ghɛ̀ɛ̀sɛɛ rì ɓìkàɓ ɓi miì ɓìcèm; nyoo ìnɛ̀n ì rì ǹwògakɛn lɛ syeesyee ì ki ɓa nɗàrakɛn lɛ kpeg kpeg rì gòga yìcèm yi ì rì rì yɔ̀.

EFÈZYƐŊ 4:16 Iomraidhean Croise

ZYAŊ 15:5

Mɛ̀ ǹɗì ǹɗyèm, mìnii ri myaɓ. Nni ŋwaànɛ à rì ǹɗàrɛn ri mɛ̀ yɛ̀ɛ mɛ̀ ǹɗì ǹɗàrɛn ri nyi, à ɓiì wumì ɓìɗùn lɛɛ̀gwey; lɛ ɓì yin lɛ ɓì kì com kɛ̀ɛ̀ mɛ̀.

RÒMƐŊ 12:4

Lɛ fɛlɛ yɛ̀ɛ tì rì rì ɓìkàɓ lɛɛ̀gwey, ɓìkàɓ ɓiǹ ɓi ki ɓa ɓikàɓ ɓi nyoo bog, ɓìcèm ɓyɛ̀ kɛɛ̀ ki ɓa rikuu ɗi kisay ɗifog,

1 KƆ̀RƐ̀ŊTYƐŊ 10:17

Nni yɛ̀ɛ bìrɛs ì rì lɔŋ bog, tyàa soo tèghɛɛ, tì rì lɔŋ nyoo bog ɓisuulɛ ɓìsiìcèm ti teteɗ gàɓ ɓi m̀bobog à bìrɛs ànɛ̀n.

1 KƆ̀RƐ̀ŊTYƐŊ 13:13

Ɓigomìnɛ, ɓìɓan ɓi ɓi kaka ɓi ri ɓiraa lɛ, rì rìgherɛ̀n, rì dyàɓɛn, rì ǹkɔ̀nɛ̀n, kìɓan kifog ɓi ɓìɓan ɓiǹ ɓìcèm, ǹkɔ̀nɛ̀n yɛɛ cee.

1 KƆ̀RƐ̀ŊTYƐŊ 8:1

Ɓi ɓɛg ànɛ a ɓyɛn ɓi nyàm yi ɓɛ funɛɛ ɓi rìɓɔgsì ɗi ɓinùn, ɓìsiìcèm tì yii lɛ, tì rì rì ɓìɓan ɓi tì konaagh kì yiì, nni rìyi ɗi ti ɗi falàg mum ǹcàŋà wɔ̀lɛ ǹkɔ̀nɛ̀n à falàg ìtèɗ ɓi rìgherɛ̀n.

GÀLAT 5:22

Wɔ̀lɛ ɓìɗùn ɓi Kìtɛntɛ̀ɛ̀n ki Nghay ki ti ki falàg ɓi ri lɛ: Ǹkɔ̀nɛ̀n, kìnyàà, fyòoog, rìnìɗ ɗi nɗem, rìɓòò, rì kìpuɓì nɗem, rìɓèŋ ɗi ntyweeyi, rìɓa ɗi tɛ̀tɛ̀rɛ̀ɛ̀, rìyi ɗi riɓan ɗi nɗem.

GÀLAT 5:6

Ɓi ŋwaànɛ à rì ɓi Kiris ɓi ɗùm, rìɓa di lɛ à rì ǹkɛ̀rɛn nsoò lɛ à yin nkɛ̀rɛn ɗi yin com; bimiɗ à kìɓan anɛ à ghɛɓsii à rì lɛ rìgherɛ̀n ɗi ɗi ri rì mɛ̀kìkìì ɓi nkɔ̀nɛ̀n.

EFÈZYƐŊ 1:4

Ɓi Kiris, Bɛ̀ll à ɓɔ̀ngà ɓìsi di ziinɛ ì ka kilɛn ɓi, lɛ ti ɓa ɓɛ̀tɛnɛn, kɛ̀ɛ̀ kìɓan ki lɛ ɓɛ fen ɓi mis mii. Ɓi nkɔ̀nɛ̀n wìì,

EFÈZYƐŊ 3:17

di fɔɔnnɛ Kiris a kɔri ɓi mɛ̀rem min lɛ rìgherɛ̀n. Fɔlɔɔ nnɛ ɓì rì ɓiì kìi lɛ, ɓì ròò gàŋ, ɓì ki ɓa ɓɛnyìsɛn ɓi nkɔ̀nɛ̀n ɓi ɗùm;

EFÈZYƐŊ 3:7

ànɛ ǹɗì ǹkìì-kìsay anɛ miì lɛ rìfa ɗi Bɛ̀ll à faghà mɛ̀ ìtèɗ wii, ɓi geesɛ̀n yìì.

EFÈZYƐŊ 4:12

À kìghà fɔlɔɔ lɛ di ɓɛ̀gherɛ̀n ɓɛɛ tɔɔ̀ ɓɛ kpaŋ ɓi nɗɛli wu ɓɛ ri lɛ ɓɛ ki kìsay ɓi rìtoŋ ɗi nyoo ì Kiris.

EFÈZYƐŊ 4:15

Wɔ̀lɛ, i ti kakali saaɗ rì ǹɗem wu nkɔ̀nɛ̀n, tì ɓiì tɔɔtɔɔ ɓɛɓɛg ɓɛ̀cèm ɓi Kiris ànɛ à rì nto.

FÌLÌPYƐŊ 1:9

Com ki mɛ̀ɛ ntɔtɔg Bɛ̀ll ɓi bɔ̀ŋzɛ̀n yɛm̀ ki ri lɛ, ǹkɔ̀nɛ̀n wìn a kɛn asu à tɔɔtɔ̀ɔ̀, ɓi rìyi ɗi ɓiɓan, rì ɓi syeesyee à rìwog,

KÒLÒSYƐŊ 2:19

Rìkuu ɗi mum ɗìn ɗi yin ɗi ràrɛn ri ǹto wu wu ɓanɓani nyoo bimiɗ, wu ki kì lɛ nyoo ìnɛ̀n yɛ̀ɛ rarag lɛ syeesyee ɓi jàŋ yi ì rì miì ǹwògakɛn ì ki tɔɔtɔɔ kitɔɔ ki Bɛ̀ll a fafa yɔ̀.

KÒLÒSYƐŊ 2:2

Nɗùùɗuu fɔlɔɔ ɓisuulɛ mɛ̀rem maa mɛɛ ɓa mɛ̀ronɛn ɗi ìtèɗ, rì tì lɛ ɓɛɛ ɓa ɓɛ̀ràrɛn ɓi nkɔ̀nɛ̀n, ɓɛ ki ɓa ti ɓɛronɛn ɗi kɔɔ̀kɔɔ̀ à ɗyomzɛ̀n, fɔɔnnɛ ɓɛ ri ɓiì yii fèg à Bɛ̀ll ànɛ à rì a rìnyam, yɛɛ lɔɔ lɛ Kiris.

TÈSÀLÒNÌSYƐŊ 1:3

Ɓi mis mɛ Bɛ̀ll à Seŋi wìs tì ti tì yitàg ɓyààmɛ̀n ɓìcèm mɛ̀kìkìì min mɛ ɓi rìgherɛ̀n, rì kìsay ki ǹkɔ̀nɛ̀n wiǹ a kìkì, rì rìsììrɛ̀n ɗin ɓi dyàɓɛn inɛ tì rì rì yɔ̀ ɓì Kan wìs Yeesus Kiris.

TÈSÀLÒNÌSYƐŊ 2:13

Kìɓan kiǹ kɛɛ̀ki tì fafa Bɛ̀ll ɓìtògsɛ̀n cààmɛ̀n kìcèm lɛ, yɛ̀ɛ bì ghàɓkà jɛ̀ɛ̀ yìì ìnɛ tì wogsìghà mìni, ɓì ghàɓkà ɓi yɔ̀ yɛ̀ɛ jɛ̀ɛ̀ ì mum; ɓì ghàɓkà lɔŋ yɔ̀ yɛ̀ɛ ì rì a tààkaà, lɛ ì rì jɛ̀ɛ̀ ì Bɛ̀ll ìnɛ yɛ̀ɛ kìki kisay ɓi mìni ɓɛ ɓì rì ɓɛ̀gherɛ̀n.

TÈSÀLÒNÌSYƐŊ 3:12

Kan a tegsi ǹkɔ̀nɛ̀n ànɛ ɓì rì rì nyi, lɛ a roǹ à sòsòɓ ɓi nyìinyìm wìn, à kòm ɓum ɓɛ̀cèm, à ki ɓa fɛlɛ yɛ̀ɛ ǹkɔ̀nɛ̀n ànɛ ɓisii ri rì nyi ɓi san wìn.

2 TÈSÀLÒNÌSYƐŊ 1:3

Ɓɔɔsoŋ̀, tì ghɛ̀ɛ̀sɛɛ kì fafaa Bɛ̀ll ɓìtògsɛ̀n ɓisu win tyɛ̀ ki fɔy; tì ghɛ̀ɛ̀sɛɛ kì kìkii fɔlɔɔ ɓisuulɛ rìgherɛ̀n ɗin ɗyɛɛ̀ tɔɔtɔ̀ɔ̀, ǹkɔ̀nɛ̀n ànɛ à rì ɓi nyìinyìm wìn a tèèghtèghɛ̀n.

TIMOTE 1:5

Rìsyɔn ɗi ɓi kìɓan ki ǹtɔɔgh wɔ̀ kiǹ ɗi ri lɛ, ǹkɔ̀nɛ̀n ànɛ à rìì ɓi nɗem wu wu ri wù tɛnɛn, rì ɓi nɗem wu wu ri lɛ sɛɛghisɛɛghi, rì ɓi rìgherɛ̀n ɗi kɛ̀ɛ̀ tìfyèèrɛnà.

1 PYƐƐRI 1:22

Yɛ̀ɛ ɓyàa lègsi kìpuɓsii mɛghay min ri mɛ̀wog mɛ ɓì rì rì mɔ ɓi ɓɛg ànɛ a saaɗ, lɛ ɓi ɓa rì nkɔ̀nɛ̀n à rìgeni ànɛ à rì lɛ sɛɛghisɛɛghi; kɔ̀nɛɛna rì ìtèɗ, rì nɗem win wucèm.

1 ZYAŊ 4:16

Ɓìsii yii ǹkɔ̀nɛ̀n ànɛ Bɛ̀ll à rì rì nyi ɓi ɓɛg wìs, tì ki gherɛɛ ǹkɔ̀nɛ̀n ànɛ̀n. Bɛ̀ll à rì ǹkɔ̀nɛ̀n, ŋwaànɛ a ghɛghɛɓ ɓi nkɔ̀nɛ̀n, à rì ɓɛɛ̀ Bɛ̀ll, Bɛ̀ll ɓɛɛ̀ nyi.