EFÈZYƐŊ 3:8 - Bafia Nouveau Testament

⁸ Mɛ̀ ànɛ ǹɗì tìì-kìtòn a zɛy ànɛ ɓi ɓɛ̀gherɛ̀n ɓɛ̀cèm, mɛ̀ɛ nnɛ Bɛ̀ll à kìghà geesɛ̀n ìnɛ lɛ nghagsi Syeesyee à Ɓɔlɛ ànɛ ɓi kìrɔɔ ki ki ri ɓi Kiris, ki ɓum ɓɛ yin lɛ ɓɛ wog, a ɓumɓɛ ɓɛ yin Ɓɛ̀yudɛ̀n.

EFÈZYƐŊ 3:8 Iomraidhean Croise

LUKAS 14:22

yɛ̀ɛ maa cààmɛ̀n à ghaghìghà, ǹkìì-kìsay anɛ̀n à sugtìì nyi kì kpaà lɛ: Tààta, ǹkìi yì fìtom fi wàa romi mɛ̀ lɛ ǹki, nni wɔ̀lɛ, mɛ̀kɔ̀ɔ̀ mɛdɛŋ mɛ kaka zɛy.

ZYAŊ 1:16

Ɓìsiìcèm tì mɛ teɗ ɓɛmààgh ɓɛ ɓi rìɓa ɗii ɗi à rì ǹɗonɛn, à saàsàgtàg ɓìsi geesɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 5:41

Fɔɔnnɛ ɓɛ̀kɛ̀nì-fìtom ɓɛ pɛsɛ̀ngày a Sànèdìrɛŋ ɗì coo kìnyàà ɓi nɗem lɛ Bɛ̀ll àa ǹghɛɛ lɛ, ki rì syeesyee à kiɓan lɛ, ɓɔɔ ghɛn mɛ̀tɔɓ lɛ, ɗii ɗi Yeesus.

MƐ̀KÌKÌÌ MƐ ƁƐKƐ̀NÌ-FÌTOM 9:15

Nsoò fɔlɔɔ, Kan à kpaatìghà Ananyas lɛ: Kɛ̀na lɔŋ ɓisuulɛ, Sol à rì mɛ̀ fɛlɛ yɛ̀ɛ com ki kisay ki ǹsɔnɛɛ. À rì ɓiì rèresii ɗii ɗyɛ̀m ɓi ɓìlɔ̀ŋ ɓi ɓɛ yii ɓi mɛ wɔɔ, rì a mɛ̀fòm, rì ɓi nyìinyìm à ɓɔn ɓɛ Isirayɛl.

RÒMƐŊ 11:33

Rìkuu ɗi coo nɗem wu nyìighnyìg ɗi Bɛ̀ll à rì rì ɗyɔ! Ɗyomzɛ̀n ɗii, rì rìyi ɗii ɗi ɓiɓan, ɓi rimi yɛ̀ɛ mɛ̀nɔ̀ɓɔ̀. Mum à yin lɛ à yi ɓɛ̀fèg ɓii, mɛ̀yitì mii mɛ yin lɛ mum à wog.

RÒMƐŊ 12:10

Ɓì ghɛ̀ɛ̀sɛɛ kì rèsii, kirɔɔrɛɛ ki ǹkɔ̀nɛ̀n à rìgeni ɓi nyìinyìm wìn; lɛ nnyaasɛ̀n ànɛ à ghɛ̀ɛ̀sɛɛ kì ɓaà, rèsiina bɔgsɛ̀n lɛɛ̀gwey ɓi nyìinyìm wiǹ.

RÒMƐŊ 2:4

Gìn wɔ̀ɔ sɛɛsɛɛ̀tì lɛ rì coo kìrɔɔ-ǹɗem à Bɛ̀ll rì kìɓìɓi kii ki nɗem, rì kìpuɓì-ǹɗem wìì? Ù yii ɓi lɛ kìrɔɔ-ǹɗem à Bɛ̀ll à ghɛ̀sɛɛ wɔ̀ kì tinii lɛ u lɔɔ̀ghrɛn ǹɗem?

1 KƆ̀RƐ̀ŊTYƐŊ 1:30

Wɔ̀lɛ Bɛ̀ll à ràɗkà mìni rì Yeesus Kiris à ki kì lɛ Kiris a ɓa ɗyomzɛ̀n ɗis, fɔɔnnɛ tì ti ɓum ɓɛ saaɗ ɓi mis mii lɛ Kiris; tì ti ɓi nɗɛli wulɛ ti ghɛɓ cɛɓ ki tɛnɛn, tì ki ɓa ɓumɓɛ ɓɛ ti ɓɛ̀kòrɛn ɓi kìɓe.

1 KƆ̀RƐ̀ŊTYƐŊ 15:9

ɓisuulɛ ǹɗì ŋwaà siitòn ɓi nɗaŋ wu ɓɛ̀kɛ̀nì-fìtom; ǹghɛ̀ɛ̀sɛɛ ɓi lɛ ɓɛ reŋì mɛ̀ lɛ ǹkɛ̀nì-fìtom ɓisuulɛ ǹ-yeesìghà kìseŋi ki ɓɔn ɓɛ Bɛ̀ll.

1 KƆ̀RƐ̀ŊTYƐŊ 2:9

Fɛlɛ yɛ̀ɛ ki ri kìkànɛn lɛ: Com ki ɗis ɗi ghɛngà ɓi, com ki ìreè wu wokà ɓi, ki ǹɗem wu mum wu fekà ɓi, Bɛ̀ll à pègsɛ̀ngà kɔ ɓisuu ɓumɓɛ ɓɛ keesii nyi.

GÀLAT 1:16

ki kongà nyi lɛ a resi mɛ̀ Man wiì, lɛ nkakali kìɓan ki Man ànɛ̀n a ɓumɓɛ ɓɛ yin Ɓɛ̀yudɛ̀n, mɛ̀ ǹtɔgtìghà ɓi mum ɗyomzɛ̀n;

GÀLAT 2:8

lɛ roànɛ à kìghà lɛ Pyɛɛri a ɓa ǹkɛ̀nì-fìtom a Yeesus ɓisuu Ɓɛ̀yudɛ̀n, nnyɛɛ kighà mɛ̀ lɛ mɓa girig fɔlɔɔ ɓisuu ɓumɓɛ ɓɛ yin Ɓɛ̀yudɛ̀n.

EFÈZYƐŊ 2:7

À kìghà fɔlɔɔ lɛ, di ɓyààmɛ̀n ɓìcèm ɓi asu a resi geesɛ̀n yìì inɛ ì tèghɛɛ yɛ̀ɛ mɛ̀nɔ̀ɓɔ̀, ɓi kìrɔɔ-ǹɗem ànɛ à kìghà ɓìsi ɓi Yeesus Kiris.

EFÈZYƐŊ 3:1

Kìɓan kiǹ kɛɛ̀ki mɛ̀ Pol ànɛ ǹɗì kìmbùŋ ki Yeesus Kiris ɓisuu win mìni ɓɛ ɓì yin Ɓɛ̀yudɛ̀n mɓɔ̀ɔɓɔŋzì Bɛ̀ll.

EFÈZYƐŊ 3:16

Ǹtɔg nyi lɛ a fa mìni Nghay wìì lɛ a foŋ mìni ìteɗ ɓi nɗem,

EFÈZYƐŊ 3:19

rì tì lɛ, ɓi yi ǹkɔ̀nɛ̀n à Kiris ànɛ̀n, ànɛ ɓum ɓɛ yin lɛ ɓɛ tɔɔnɛ̀n kì yiì; fɔlɔɔ nnɛ ɓi ɓa ɓɛ̀ronɛn syeesyee à rìron ɗì rìɓa ɗi Bɛ̀ll à rì nɗonɛn.

EFÈZYƐŊ 3:2

I ɓì ɓaghà lɛ ɓi wog di ɓɛɛ̀ kakali geesɛ̀n ìnɛ Bɛ̀ll à rèsìghà mɛ̀ lɛ ǹɗoòzi rìyitì ɗi à ɓaghà rì ɗyɔ ɓi san wìn.

FÌLÌPYƐŊ 2:3

Kɛ̀ ɓi kì kiɓan kidɛŋ rì ǹɗem wu kalɛn nsoò lɛ ɓisuu rikem ɗi kɛ̀ɛ̀-su. Wɔ̀lɛ sɛɛ̀dɛɛna mìniìɓɔmiɗ ɓi zi, ɓì teɗ ɓum ɓɛmbog fɛlɛ yɛ̀ɛ ɓɛ ceeghii mìni.

FÌLÌPYƐŊ 4:19

Bɛ̀ll wɛ̀m à rì mìni ɓiì faà ɓyom ɓìcèm ɓi ɓyɛɛ̀ kaakaàrɛ̀n mìni, lɔŋ yɛ̀ɛ ìkum wii wu wu ɓɛghɛɛ kìrɔɔ wu ti wu ghɛnàg ɓi Yeesus Kiris.

KÒLÒSYƐŊ 1:27

ɓisuulɛ Bɛ̀ll àa nkɔ̀ni lɛ a resi ɓɔ fèg wìì anɛ a rìnyam, ànɛ à kìi lɛ, à fɔm à ki rɔɔtɛn yɛ̀ɛ mɛ̀nɔ̀ɓɔ̀; fèg ànɛn à rì ɓisuu ɓilɔ̀ŋ ɓìcèm ɓi ɓi yii ɓi Bɛ̀ll, nnyɛɛ lɔɔ lɛ: Kiris à rì ɓi mìni, à ki fa mini dyàɓɛn inɛ lɛ ɓì ɓiì ɓaà rì gàɓ ɓi rìkem ɗi Bɛ̀ll.

TIMOTE 1:13

Màànɛ ǹfeèfèngàkà nyi abɛ̀y, ǹ-yeèyèèsì ɓɛ̀gherɛ̀n, ǹkìkì rìbaŋì, mɛ̀ ànɛ̀n innɛ Bɛ̀ll à wokà nyìinyìg ɓisuulɛ ǹ-yighà ɓi com ki ǹkìkìghà, lɛ m̀ɓaghà kɛ̀ɛ̀ kìgherɛɛ.

TIMOTE 1:15

Jɛ̀ɛ̀ ìnɛ ì rì kɔɔ̀kɔɔ̀ à jɛ̀ɛ̀ ànɛ ɓum ɓɛ̀cèm ɓɛ ghɛɛ̀sɛɛ lɔŋ kiterì rì ǹtyweeyi wucèm yɛ̀ɛ ri lɛ Yeesus Kiris à yùghà ɓi ziinɛ lɛ a ghɛɓsi ɓɛ̀kìì-kìɓe, nni ɓi ɓɛ̀kìì-kìɓe ɓɛǹ, mɛ̀ yɛɛ ri lɛ ɓog.

TIMOTE 2:7

Kìɓan kiǹ kɛɛ̀ki ɓɛ rɛsìghà mɛ̀ miì lɛ mɓa ǹghagsì-ɓɔlɛ rì ǹkɛ̀nì-fìtom anɛ miì. Nkpaakpaa saaɗ, m̀pwàa ɓi, ǹɗì ǹɗèsàg à ɓumɓɛ ɓɛ yin Ɓɛ̀yudɛ̀n, ànɛ a rèresi ɓɔ rìgherɛ̀n, rì saaɗ.

2 TIMOTE 1:11

Syeesyee à Ɓɔlɛ ànɛ̀n innɛ ɓɛ rɛsìghà mɛ̀ lɛ nlaàlamɓɛ̀n m̀ɓa ǹkɛ̀nì-fìtom rì ǹɗèsàg ànɛ miì.

ÀPÒKÀLIƁSƐ̀ 3:18

nni ǹɗeɓi wɔ̀ lɛ u lag gol ìnɛ ɗuu ɗi ghaŋzii a lɔ̀ŋkɛm̀, di fɔɔnnɛ u ɓa rì ìkum, ù làg girig ɓìlàà ɓi puɓ lɛ u waàtɛn ɓyɔ, di ǹtoòrìɗ wɔɔ wulɛ ù rì kìtòn zɛy wɛ̀ kɛɛ̀ ghɛnɛn; ù ki làg boòboo ìnɛ lɛ u foŋɗɛn ɓi mis di fɔɔnnɛ u ghɛnɛn.