EFÈZYƐŊ 3:7 - Bafia Nouveau Testament

⁷ ànɛ ǹɗì ǹkìì-kìsay anɛ miì lɛ rìfa ɗi Bɛ̀ll à faghà mɛ̀ ìtèɗ wii, ɓi geesɛ̀n yìì.

EFÈZYƐŊ 3:7 Iomraidhean Croise

MƐ̀KÌKÌÌ MƐ ƁƐKƐ̀NÌ-FÌTOM 9:15

Nsoò fɔlɔɔ, Kan à kpaatìghà Ananyas lɛ: Kɛ̀na lɔŋ ɓisuulɛ, Sol à rì mɛ̀ fɛlɛ yɛ̀ɛ com ki kisay ki ǹsɔnɛɛ. À rì ɓiì rèresii ɗii ɗyɛ̀m ɓi ɓìlɔ̀ŋ ɓi ɓɛ yii ɓi mɛ wɔɔ, rì a mɛ̀fòm, rì ɓi nyìinyìm à ɓɔn ɓɛ Isirayɛl.

RÒMƐŊ 1:5

Ɓi Yeesus Kiris à Kan wìs nnɛ Bɛ̀ll à kìghà mɛ̀ geesɛ̀n ìnɛ lɛ mɓa ǹkɛ̀nì-fìtom ɓi rìkem ɗi Kiris lɛ nsyoŋ̀ yì ɓumɓɛ ɓi ɓìlɔ̀ŋ ɓìcèm lɛ ɓɛɛ gherɛn nyi, ɓɛ ki nyi mɛ̀wog.

RÒMƐŊ 12:3

Lɛ geesɛ̀n ìnɛ Bɛ̀ll à kighà mɛ̀, ǹkpaa mum ǹcèm ànɛ ɓi mìni lɛ: Kɛ̀ ɓi rɛsag miniì ɓɔmiɗ ɓi nɗɛli wu wu cee rìɓa ɗin, kìɓan kifog ɓaana lɔŋ ri mɛ̀yitì mɛ lɛ ɓi sɛɛ̀di mìniì ɓɔmiɗ ɓi zi, mum ǹcèm à rɛsɛ̀n ɓi nɗɛli wu wu ghɛɛ̀sɛɛ rì gàɓ ì rìgherɛ̀n ìnɛ Bɛ̀ll à faghà nyi.

RÒMƐŊ 15:16

lɛ mɓa ǹkìì-kìsay a Yeesus Kiris ɓisuu ɓumɓɛ ɓɛ yin Ɓɛ̀yudɛ̀n, fɔɔnnɛ nɗooroòzì kìsay ki righagsì ɗi Syeesyee à Ɓɔlɛ à Bɛ̀ll, kɛɛ ri kìsay ki ki ri kìtɛnɛn, lɛ di ɓumɓɛ ɓɛ yin Ɓɛ̀yudɛ̀n ɓɛɛ ɓa fɛlɛ yɛ̀ɛ rìfa ɗi ɗyɛɛ̀ rɔɔghi Bɛ̀ll; ɗyɛɛ̀ɗi Kìtɛntɛ̀ɛ̀n ki Ǹghay ki mɛ tɛɛ̀zì.

1 KƆ̀RƐ̀ŊTYƐŊ 15:10

Lɛ geesɛ̀n ì Bɛ̀ll, nnɛ ǹɗì com ki ǹɗì, nni geesɛ̀n yìì ɓi ɓɛg wɛ̀m ì wughà ɓi zɛy, ǹsalà gì kɔm̀ ǹcee ɓɔ ɓɛ̀sɛ̀ɛ̀ ɓɛ̀cèm, wɔ̀lɛ, àa mɛ̀ɛmiɗ yɛɛ salà, lɔŋ geesɛ̀n ì Bɛ̀ll ìnɛ ì rì rì mɛ̀, yɛ̀ɛ kighà kìsay.

1 KƆ̀RƐ̀ŊTYƐŊ 3:5

Cɛ kɛɛ ri min lɛ Apolos? Cɛ kɛɛ ri lɛ Pol? Tì rì lɔŋ ɓɛ̀kìì-ɓìsay ɓɛ ɓɛ kighà lɛ ɓi gherɛn Bɛ̀ll, rìkì ɗi mum ǹcèm ɗi ɓa lɔŋ yɛ̀ɛ Kan à faghà nyi ìtèɗ wulɛ a ki.

2 KƆ̀RƐ̀ŊTYƐŊ 3:6

Lɛ nyimiɗ yɛɛ faghà ɓìsi ìtèɗ wulɛ ti ɓa ɓɛ̀kìì-ɓìsay ɓɛ ɓi nyɔnnyɔn à bee, ànɛ à sasaghii ɓi ɓi ɓìdɔ̀gsɛna ɓi ɓi ri ɓìkànɛn, à sasaghii lɔŋ ɓi Ǹghay ɓisuulɛ ɓìdɔ̀gsɛna ɓi ɓi ri ɓì kànɛn ɓi ti ɓi weeyì mum, kìɓan kifog Ǹghay à falàg cɛɓ.

2 KƆ̀RƐ̀ŊTYƐŊ 4:1

Bɛ̀ll yɛɛ faghà ɓìsi kìsay ki ɓi kìpuɓì-nɗem wìì, fɔlɔɔ nnɛ mùm mis mɛ yin miì lɛ mɛ fɔy.

GÀLAT 2:8

lɛ roànɛ à kìghà lɛ Pyɛɛri a ɓa ǹkɛ̀nì-fìtom a Yeesus ɓisuu Ɓɛ̀yudɛ̀n, nnyɛɛ kighà mɛ̀ lɛ mɓa girig fɔlɔɔ ɓisuu ɓumɓɛ ɓɛ yin Ɓɛ̀yudɛ̀n.

EFÈZYƐŊ 1:19

Ɓì yi girig lɛ, à ti à rèsàg ìtèɗ wu kuurakɛn ɓisuu ɓisi ɓɛ̀gherɛ̀n. Ìtèɗ wiǹ wɛɛ̀wu à rèsìghà lɛ wu laŋi mɛ̀tèɗ mɛcèm.

EFÈZYƐŊ 3:2

I ɓì ɓaghà lɛ ɓi wog di ɓɛɛ̀ kakali geesɛ̀n ìnɛ Bɛ̀ll à rèsìghà mɛ̀ lɛ ǹɗoòzi rìyitì ɗi à ɓaghà rì ɗyɔ ɓi san wìn.

EFÈZYƐŊ 3:20

Nni roànɛ à rì rì ìtèɗ wulɛ à kì ɓìɓan ɓìcèm ɓi tì rì lɛ tì tɔg, nsoò lɛ tì fèg, à ceesàg kɛ̀ɛ̀ vèg rì ìtèɗ wu wɛɛ̀ kìki kisay ɓi ɓìsi,

EFÈZYƐŊ 3:8

Mɛ̀ ànɛ ǹɗì tìì-kìtòn a zɛy ànɛ ɓi ɓɛ̀gherɛ̀n ɓɛ̀cèm, mɛ̀ɛ nnɛ Bɛ̀ll à kìghà geesɛ̀n ìnɛ lɛ nghagsi Syeesyee à Ɓɔlɛ ànɛ ɓi kìrɔɔ ki ki ri ɓi Kiris, ki ɓum ɓɛ yin lɛ ɓɛ wog, a ɓumɓɛ ɓɛ yin Ɓɛ̀yudɛ̀n.

EFÈZYƐŊ 4:16

Lɛ nyi nnɛ nyoo bimiɗ ì ti ì kìlàg lɛ, ì tɔɔ, ì ki toŋɗɛn yɔ̀miɗ ɓi nkɔ̀nɛ̀n ɓi ɗùm lèg ànɛ à ghɛ̀ɛ̀sɛɛ rì ɓìkàɓ ɓi miì ɓìcèm; nyoo ìnɛ̀n ì rì ǹwògakɛn lɛ syeesyee ì ki ɓa nɗàrakɛn lɛ kpeg kpeg rì gòga yìcèm yi ì rì rì yɔ̀.

KÒLÒSYƐŊ 1:29

Kìsay kiǹ kɛɛ̀ki nkìkì, ǹɗùùɗùù rì nghɛɓsɛn wu ìtèɗ wii wu wɛɛ̀ kìki kisay ɓi mɛ̀ rì ìtèɗ.

TÈSÀLÒNÌSYƐŊ 2:13

Kìɓan kiǹ kɛɛ̀ki tì fafa Bɛ̀ll ɓìtògsɛ̀n cààmɛ̀n kìcèm lɛ, yɛ̀ɛ bì ghàɓkà jɛ̀ɛ̀ yìì ìnɛ tì wogsìghà mìni, ɓì ghàɓkà ɓi yɔ̀ yɛ̀ɛ jɛ̀ɛ̀ ì mum; ɓì ghàɓkà lɔŋ yɔ̀ yɛ̀ɛ ì rì a tààkaà, lɛ ì rì jɛ̀ɛ̀ ì Bɛ̀ll ìnɛ yɛ̀ɛ kìki kisay ɓi mìni ɓɛ ɓì rì ɓɛ̀gherɛ̀n.

EBIREEGH 13:21

a fa mìni ìtèɗ wulɛ ɓi kiki ɓìɓan ɓi syeesyee lɛ ɓi roòzi rikɔ̀n ɗii; a ki lɛ, ɓìɓan ɓi ɓyɛɛ̀ rɔɔghi nyi ɓyɛɛ ghɛnɛn ɓi ɓìsi lɛ Yeesus Kiris ànɛ à ghɛ̀ɛ̀sɛɛ ɗì rìkem fìɗyàɓ fikɔ̀ɔ̀ ri fìɗyàɓ fikɔ̀ɔ̀ Ààmɛ̀n.