EFÈZYƐŊ 3:3 - Bafia Nouveau Testament

³ Mɛ̀ n-yii fèg à Bɛ̀ll ànɛ a rìnyam fɛlɛ yɛ̀ɛ màa fèèghrɛɛ mìni kì còŋi lɛsàg lɛ nnyɛɛ resii mɛ̀ fèg ànɛn.

EFÈZYƐŊ 3:3 Iomraidhean Croise

MƐ̀KÌKÌÌ MƐ ƁƐKƐ̀NÌ-FÌTOM 22:17

Yɛ̀ɛ ǹsugtìghày a Yorisalɛm, nni ǹghay wɛ̀m wu faŋìghà di m̀ɓɔ̀ɔɓɔŋzàg ɓi naà-Bɛ̀ll,

MƐ̀KÌKÌÌ MƐ ƁƐKƐ̀NÌ-FÌTOM 22:21

Nni Kan à kpaaghà min mɛ lɛ: Kɛ̀na ɓisuulɛ, ǹɗì wɔ̀ ɓiì romi fìràɓ, ɓi ɓìlɔ̀ŋ ɓi ɓumɓɛ ɓɛ yin Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 23:9

Yɛ̀ɛ kìyoòyòò ki kɛnkɛ̀ngà lɔŋ asu rì ìtèɗ, nni ɓɛ̀rèsàg-ɓìdɔ̀gsɛna ɓɛdɛŋ ɓɛ ɓi ǹɗaŋ wu Ɓɛ̀fàrìzyɛŋ ɓɛ pɛ̀sɛ̀ngà aɗyoo, ɓɛ rɛli ɓi kìɓan kiǹ rì ìtèɗ, ɓɛ kpaa lɛ: Ɓìsii ghɛɛ ɓi kiɓan ki ŋwaànɛ à kìi, ɓaà yi ɓi ǹghay wudɛŋ nsoò lɛ ŋwaà-fìtom adɛŋ yɛɛ ǹɗì lɛ à tòòghrɛ̀n rì nyi.

RÒMƐŊ 11:25

Ɓɔɔsoŋ̀, kìɓan kidɛŋ ki a rìnyam ki ri wɔɔ, kɛɛ̀ki ǹkɔ̀ni ɓi lɛ ɓi comɛn lɛ ɓì ɓiì ki ghɛnɛɛ miniì ɓɔmiɗ yɛ̀ɛ ɓum ɓɛ ɗyom̀zɛ̀n; kìɓan kiǹ kɛɛ ri lɛ, gàɓ ì ɓum ìnɛ a Isirayɛl ì yiìdi ri ìtèɗ wulɛ ì wog, wɔ̀lɛ kìɓan kiǹ ki ri ɓiì finɛɛ à kpaŋ yɛ̀ɛ ɓìlɔ̀ŋ ɓimbog ɓi ɓi yin Ɓɛ̀yudɛ̀n ɓìcèm ɓi ɓiì ɗiŋii ɓi gòri ì Bɛ̀ll.

RÒMƐŊ 16:25

Roànɛ à rì rì ìtèɗ wulɛ à sììrag mìni lɔŋ yɛ̀ɛ Syeesyee à Ɓɔlɛ ànɛ mɛ̀ɛ nghaaghagsì di nlàalamɓɛ̀n Yeesus Kiris à rì, rì lèg ànɛ yɛ̀ɛ tì tekà fèg à Bɛ̀ll ànɛ à ɓaghà ǹnyamɛn fiɗyàɓ fikɔ̀ɔ̀,

2 KƆ̀RƐ̀ŊTYƐŊ 12:1

Ki ghɛɛ̀sɛɛ nya lɛ mum a kalɛn? Ki ghɛɓsii ɓi com nsoò lɛsag. Nsoò fɔlɔɔ m̀ɓiì kpaŋì ɓi jàŋ inɛ mɓuŋ ɓìɓan ɓi Kan à rèsìghà mɛ̀, rì ɓi à kìghà lɛ n-yi.

GÀLAT 1:12

lɛ mɛ̀ɛmiɗ mɛ̀ ǹwokà ɓi Ɓɔlɛ ànɛ̀n rì ŋwaàdɛŋ, mum kɛ̀ɛ ki rèsi mɛ nyi, lɔŋ Yeesus Kiris yɛɛ kighà lɛ n-yi Ɓɔlɛ ànɛ̀n.

EFÈZYƐŊ 1:17

ǹtɔtɔ̀g Bɛ̀ll à Kan wìs Yeesus Kiris, ànɛ à rì ǹkeŋkèmì wìs a Seŋi lɛ a fa mìni ǹghay à ɗyomzɛ̀n ànɛ a rèsag ɓum ɓìɓan ɓi a rìnyam lɛ a ki lɛ ɓi yi nyi.

EFÈZYƐŊ 3:4

I ɓì ɓàli gàɓ ì ɓìɓan inɛ màa kàni, ɓì rì lɛ ɓì ghɛn lèg ànɛ yɛ̀ɛ ǹ-yii ɓìɓan ɓi a rìnyam ɓi ɓi seesee Kiris.

EFÈZYƐŊ 3:6

Ɓumɓɛ ɓɛ yin Ɓɛ̀yudɛ̀n ɓɛ ti girig ɗì gàɓ ɓi ɓyom ɓi Bɛ̀ll à nyamgà ɓisuu ɓum ɓii, ɓɛ ɓa ɓìkàɓ ɓi nyoo bog, ɓɛ ki ɓa girig ɓumɓɛ ɓɛ ri ɓi nkàg wu Bɛ̀ll à faghà ɓi Yeesus Kiris lɛ Syeesyee à Ɓɔlɛ,

EFÈZYƐŊ 3:9

Lɛ nɗesi ɓi kìtɛɛtɛn yɛ̀ɛ Bɛ̀ll a rooroòzì fèg wìì anɛ a maà ɓa ǹnyamɛn, cààmɛ̀n kìcèm. Bɛ̀ll ànɛ à kìghà ɓyom ɓìcèm, nnyaà nyamnyàm fèg ànɛ̀n nyimiɗ.

EFÈZYƐŊ 6:19

ɓì ɓɔ̀ŋzàg girig Bɛ̀ll ɓisu wɛ̀m lɛ, a fa mɛ̀ jɛ̀ɛ̀ ìnɛ ǹghagsi, rì kìghɛɛsii cààmɛ̀n kìcèm ki m̀pinii ŋwɔm lɛ nɗesi ɓum kìɓan ki ki ri kì nyamɛn ɓi Syeesyee à Ɓɔlɛ.

KÒLÒSYƐŊ 2:2

Nɗùùɗuu fɔlɔɔ ɓisuulɛ mɛ̀rem maa mɛɛ ɓa mɛ̀ronɛn ɗi ìtèɗ, rì tì lɛ ɓɛɛ ɓa ɓɛ̀ràrɛn ɓi nkɔ̀nɛ̀n, ɓɛ ki ɓa ti ɓɛronɛn ɗi kɔɔ̀kɔɔ̀ à ɗyomzɛ̀n, fɔɔnnɛ ɓɛ ri ɓiì yii fèg à Bɛ̀ll ànɛ à rì a rìnyam, yɛɛ lɔɔ lɛ Kiris.

KÒLÒSYƐŊ 4:3

Ɓì ɓɔ̀ŋzàg girig Bɛ̀ll ɓisu wis lɛ a nɛm̀ ɓìsi bee inɛ ti lamɓɛn jɛ̀ɛ̀ yìì, di fɔɔnnɛ mɛ̀ɛ nghagsi ɓum dwìɗ inɛ ì seesee Kiris, lɛ kiɓan kiǹ kɛɛ̀ki ǹɗì miì nkàgakɛn bɛn.

EBIREEGH 13:22

Ɓɔɔsoŋ̀, ǹtɔɔgh mìni lɛ ɓi niɗ mɛ̀rem, ɓì teɗ ɓìɓan ɓi ɓyɛɛ fa mìni ìtèɗ ɓi mɛ̀rem ɓisuulɛ kaàtà ànɛ ǹkàniì mìni à ràɓi ɓi.

1 PYƐƐRI 5:12

Ǹkàniì mìni ɓɔɔ jɛ̀ɛ̀ ɓɛ rì Silvɛŋ ànɛ à rì geni wìs a ǹtyweeyi lɛ nfa mìni deɓ, ǹki tɛɛ̀zi mini kì rèsii lɛ fɔlɔɔ nnɛ kɔɔ̀kɔɔ̀ à geesɛ̀n ì Bɛ̀ll, ànɛ ɓì rì miì ɓɛ̀sììrɛn lɛ tiŋtiŋ, à rì.

2 PYƐƐRI 3:15

Terina rìnìɗ ɗi ǹɗem ɗi Kan wìs lɛ ɗi ri ɓi kìrɔɔ kin lɔŋ yɛ̀ɛ geni wìs a nɗem ànɛ lɛ Pol à kàngà girig mìni ɓi ɗyomzɛ̀n ɗi Bɛ̀ll à faghà nyi.