EFÈZYƐŊ 3:17 - Bafia Nouveau Testament

¹⁷ di fɔɔnnɛ Kiris a kɔri ɓi mɛ̀rem min lɛ rìgherɛ̀n. Fɔlɔɔ nnɛ ɓì rì ɓiì kìi lɛ, ɓì ròò gàŋ, ɓì ki ɓa ɓɛnyìsɛn ɓi nkɔ̀nɛ̀n ɓi ɗùm;

EFÈZYƐŊ 3:17 Iomraidhean Croise

MATYOO 13:6

Wɔ̀lɛ yɛ̀ɛ ŋwos à kpagày, à ɗigsì ɓyom ɓi ɓi roòghà ɓiǹ, mɛ̀ɗyèm mɛ womdàg lɛ ɓi ɓaghà ɓi ri gàŋ.

LUKAS 6:48

à pisɛɛ ŋwaànɛ à ɓaghà ɓi kìtoŋ ki mɛɛ; à timgà zi, à kpaŋ ɓi rìɓan à ghɛ̀lɛ̀n yì kìtoŋ miì aɗyòò; yɛ̀ɛ don yi mɛnig yi kpagà, poɓɓo à yù kì roŋdɛɛ ɓi mɛɛ mɛǹ, kìɓan kifog, mɛ̀ kɛɛ̀ nyɛ̀ŋɗɛn, lɛ mɛ ɓaghà mɛ̀ toŋɛn lɛ syeesyee.

ZYAŊ 14:17

Nnyɛɛ ri Ǹghay à ɓɛ̀kɔɔ̀kɔɔ̀ ɓɛ ɓiɓan ànɛ ziinɛ ì yin lɛ ì teɗ, ɓisuulɛ ì ghɛɛ ɓi nyi, yɛ̀ kɛɛ̀ ki yi nyi. Lɔŋ mìni yɛɛ yii nyi ɓisuulɛ à rì ɓi mìni.

ZYAŊ 14:23

Yeesus à ɓàg nyi lɛ: I mum à keesii mɛ̀, à ɓiì ɓèŋi jɛ̀ɛ̀ yɛ̀m, Seŋi wɛ̀m à rì nyi ɓiì keesi; tì ɓiì yùu a lɔ̀ŋkii, tì pègsɛ̀n ìkɔ̀ɔ̀ wis a lɔ̀ŋkii.

ZYAŊ 17:23

Mɛ̀ ɓi ɓɔ, wɔ̀ ɓi mɛ̀, lɛ di ɓɛɛ ɓa ɓɛ̀ràrɛn lɛ kɔɔ̀kɔɔ̀ kìbyɔg kìfog, ziinɛ ì ki yi lɛ wɔ̀ yɛɛ romgày mɛ̀, nni ǹkeesìghà ɓɔ yɛ̀ɛ wɔ̀ɔ̀ keesìghà mɛ̀.

ZYAŊ 6:56

Ŋwaànɛ à ɗii nyoo yɛ̀m, à nɔ bwaɓ yɛm̀, à rì ǹɗàrɛn ɗi mɛ̀, mɛ̀ girig ǹɗàrɛn ɗi nyi.

RÒMƐŊ 5:5

Fɔlɔɔ nnɛ dyàɓɛn inɛ̀n ì ti yɛ̀ kɛɛ̀ ɓɔ̀ŋ ɓisi ɓisuulɛ Bɛ̀ll à ɗyɛɛghà ǹkɔ̀nɛ̀n wìì ɓi mɛ̀rem mis, rì Kìtɛntɛ̀ɛ̀n ki Nghay ki à faghà ɓìsi.

1 KƆ̀RƐ̀ŊTYƐŊ 3:6

Mɛ̀ m̀ɓɛ̀là boo ì ɓyom, Apolos à yù kì tùɓii, kìɓan kifog Bɛ̀ll yɛɛ kighà lɛ ɓyom ɓyɛɛ roò.

1 KƆ̀RƐ̀ŊTYƐŊ 8:1

Ɓi ɓɛg ànɛ a ɓyɛn ɓi nyàm yi ɓɛ funɛɛ ɓi rìɓɔgsì ɗi ɓinùn, ɓìsiìcèm tì yii lɛ, tì rì rì ɓìɓan ɓi tì konaagh kì yiì, nni rìyi ɗi ti ɗi falàg mum ǹcàŋà wɔ̀lɛ ǹkɔ̀nɛ̀n à falàg ìtèɗ ɓi rìgherɛ̀n.

2 KƆ̀RƐ̀ŊTYƐŊ 13:5

Fiɓɓɛɛna mìniìɓɔmiɗ ɓi ghɛn nkòo ɓì rì ɓi rìgherɛ̀n ɓiɗùm. Ɓì gherɛɛ ɓi nya lɛ Yeesus Kiris à rì ɓi mìni? Fèèghrɛɛna mìniìɓɔmiɗ. Di yɛ̀ɛ ɓaà yi ɓi nya, ɓi yin ɗi ìtèɗ wu ɓi resi lɛ ɓì rì ɓɛ̀gherɛ̀n.

2 KƆ̀RƐ̀ŊTYƐŊ 6:16

Naà-Bɛ̀ll ì wuɓsɛɛ ɓi cɛ ri ɓìnùn ɓi zɛy? Lɛ ɓìsii ri naà-Bɛ̀ll ì Bɛ̀ll ànɛ à rì cem lɔŋ yɛ̀ɛ Bɛ̀ll à kpaaghà lɛ: Ǹkìi gɛ lɛ, ǹkɔ̀rì ǹki kɛ̀ɛ̀kɛɛ ɓi nyìinyìm wàà, m̀ɓaa gɛ Bɛ̀ll wàà, ɓɔɔ ɓa ɓum ɓɛm.

GÀLAT 2:20

Ǹwughà ɓi Kɔrɔs ǹɗaŋ ɗi Kiris, fɔɔnnɛ àa mɛ̀ yɛɛ̀ ghɛghɛɓti, lɔŋ Kiris yɛɛ̀ ghɛghɛɓ ɓi mɛ̀; cɛɓ ki nghɛghɛɓ gɛɛ̀nɛ yɛ̀ɛ mum, nghɛghɛɓ kɔ ɓi rìgherɛ̀n ɗi ǹgherɛɛ Man à Bɛ̀ll ànɛ à keesìghà mɛ̀, à ki fa cɛɓ kii ɓisu wɛ̀m.

GÀLAT 5:6

Ɓi ŋwaànɛ à rì ɓi Kiris ɓi ɗùm, rìɓa di lɛ à rì ǹkɛ̀rɛn nsoò lɛ à yin nkɛ̀rɛn ɗi yin com; bimiɗ à kìɓan anɛ à ghɛɓsii à rì lɛ rìgherɛ̀n ɗi ɗi ri rì mɛ̀kìkìì ɓi nkɔ̀nɛ̀n.

KÒLÒSYƐŊ 1:23

Kìɓan kifog, ki ghɛɛ̀sɛɛ lɛ, ɓi ɓeŋ̀ rìgherɛ̀n, ɓì sììrɛ̀n, ɓì ki rɛli lɛ kpegkpeg, kɛ̀ ɓi càrɛn lɛ ɓɛɛ syoŋ mìni fìràɓ ɗi dyàɓɛn ìnɛ ɓì rì rì yɔ̀ ɓi Syeesyee à Ɓɔlɛ ànɛ ɓì wokà. Syeesyee à Ɓɔlɛ ànɛ̀n yɛɛ kalɛ̀ngà a ɓum ɓɛ̀cèm ɓɛ ɓɛ ri ɓi ɗyoo azi; innɛ mɛ̀ Pol ǹti ǹkìì-kìsay anɛ miì.

KÒLÒSYƐŊ 1:27

ɓisuulɛ Bɛ̀ll àa nkɔ̀ni lɛ a resi ɓɔ fèg wìì anɛ a rìnyam, ànɛ à kìi lɛ, à fɔm à ki rɔɔtɛn yɛ̀ɛ mɛ̀nɔ̀ɓɔ̀; fèg ànɛn à rì ɓisuu ɓilɔ̀ŋ ɓìcèm ɓi ɓi yii ɓi Bɛ̀ll, nnyɛɛ lɔɔ lɛ: Kiris à rì ɓi mìni, à ki fa mini dyàɓɛn inɛ lɛ ɓì ɓiì ɓaà rì gàɓ ɓi rìkem ɗi Bɛ̀ll.

KÒLÒSYƐŊ 2:7

Ɓaana ɓɛ̀ɓaghɛn gàŋ ɓi nyi, ɓì toŋ cɛɓ kin ɓi nyi, ɓì sììrɛ̀n ɓi rìgherɛ̀n lɔŋ yɛ̀ɛ ɓɛ resìghà mìni, ɓì ki fafa Bɛ̀ll ɓìtògsɛ̀n lɛɛ̀gwey.

1 ZYAŊ 4:16

Ɓìsii yii ǹkɔ̀nɛ̀n ànɛ Bɛ̀ll à rì rì nyi ɓi ɓɛg wìs, tì ki gherɛɛ ǹkɔ̀nɛ̀n ànɛ̀n. Bɛ̀ll à rì ǹkɔ̀nɛ̀n, ŋwaànɛ a ghɛghɛɓ ɓi nkɔ̀nɛ̀n, à rì ɓɛɛ̀ Bɛ̀ll, Bɛ̀ll ɓɛɛ̀ nyi.

1 ZYAŊ 4:4

Mìni ɓɔn ɓɛm, ɓì rì ɓɔn ɓɛ Bɛ̀ll, ɓì mɛ yag ɓumɓɛ̀n ɓisuulɛ, Nghay wu wu ri ɓi mìni wu teèsɛɛ wu cee wu wu ri ɓi ziinɛ.

ÀPÒKÀLIƁSƐ̀ 3:20

Ghɛna, ǹɗɛrɛlii asuunaa, m̀ɓoɓòg kìsìm, nni i mum à woogh jɛ̀ɛ̀ yɛ̀m, à nɛm mɛ̀ ìsuunaa, ǹɗì ɓiì ɗiŋii a lɔ̀ŋkii rì mɛ̀ rì nyi tì ɗi ǹɗaŋ.