EFÈZYƐŊ 3:1 - Bafia Nouveau Testament

¹ Kìɓan kiǹ kɛɛ̀ki mɛ̀ Pol ànɛ ǹɗì kìmbùŋ ki Yeesus Kiris ɓisuu win mìni ɓɛ ɓì yin Ɓɛ̀yudɛ̀n mɓɔ̀ɔɓɔŋzì Bɛ̀ll.

EFÈZYƐŊ 3:1 Iomraidhean Croise

LUKAS 21:12

Wɔ̀lɛ di ɓìɓan ɓiǹ ɓìcèm ɓi ka ghɛnɛn ɓi, ɓɛ ri mìni ɓiì ɓangii, ɓɛ ki mìni mɛ̀tɔɓ; ɓɛ ri mìni ɓiì faà rì ɓɛ̀rɛlì-asu ɓɛ ɓi naa yi bɔ̀ŋzɛ̀n lɛ ɓɛɛ yɔm̀ mìni, ɓɛ ki pìg mini ɓi naà-zày; ɓɛ ɓiì kɛ̀ɛ ri mìni a ɓɛ̀làmì rì a ɓɛ̀gɔmìnà ɓisu wɛ̀m.

MƐ̀KÌKÌÌ MƐ ƁƐKƐ̀NÌ-FÌTOM 21:33

Fɔɔnnɛ ǹkɔ̀mɛ̀n ɓɛ̀sujàà àgwey à tyòŋdɛ̀ngày à ɓan Pol, ɓɛ kaŋ̀ nyi bɛn ɗi mɛ̀sɛ̀ŋi, à tɔg min ɓum lɛ, ŋwaàbe yɛɛ rì lɛ, cɛ kɛɛ̀ ki à kìi?

MƐ̀KÌKÌÌ MƐ ƁƐKƐ̀NÌ-FÌTOM 23:18

Nni ǹkɔmɛ̀n ɓɛ̀sujàà ànɛn à tekà dɛlì ìnɛn, à kɛ̀n ɗì yɔ̀ yɛ̀ɛ ǹkɔ̀mɛ̀n àgwey à kalì nyi lɛ: Kìmbùŋ ki lɛ Pol, kɛ yaa regii mɛ̀, ki kpaa lɛ ǹ-yuy rì dɛlì ìnɛ a lɔ̀ŋkɔɔ, ɓisuulɛ ì rì rì kìɓan kidɛŋ ki yɛ̀ɛ kpaà wɔ̀.

MƐ̀KÌKÌÌ MƐ ƁƐKƐ̀NÌ-FÌTOM 26:29

Pol à ɓàg lɛ: Nsoò ki kilɛɛ ɓi fɔlɔɔ ɓigomìnɛ, rìkɔ̀n ɗyɛm̀ ɗi ri lɛ, nsoò gɛ fin, Bɛ̀ll a gherɛn lɛ rì wɔ̀, rì ɓum ɓɛ̀cèm ɓɛ ɓɛɛ̀ wowog ɓitòkì ɓyɛm̀ gɛɛ̀nɛ, ɓi ɓa ɓɛ̀gherɛ̀n yɛ̀ɛ mɛ̀, kìɓan kifog kɛ̀ ɓi ɓa ri ɓɛn yi mɛ̀ ǹɗì yi rì yɔ.

MƐ̀KÌKÌÌ MƐ ƁƐKƐ̀NÌ-FÌTOM 9:15

Nsoò fɔlɔɔ, Kan à kpaatìghà Ananyas lɛ: Kɛ̀na lɔŋ ɓisuulɛ, Sol à rì mɛ̀ fɛlɛ yɛ̀ɛ com ki kisay ki ǹsɔnɛɛ. À rì ɓiì rèresii ɗii ɗyɛ̀m ɓi ɓìlɔ̀ŋ ɓi ɓɛ yii ɓi mɛ wɔɔ, rì a mɛ̀fòm, rì ɓi nyìinyìm à ɓɔn ɓɛ Isirayɛl.

2 KƆ̀RƐ̀ŊTYƐŊ 1:6

I ti wowog mɛtɔɓ, ki ri ɓisuulɛ mìnii ɓa rì ǹghɛɓsɛn ɓi mɛ̀rem, rì ɓisuu gòri yìn; i mɛ̀rem mis mɛ ri mɛ̀fɔɔsiyɛn, fɔlɔɔ a rì ɓisuu rifɔɔsì ɗi mɛrem min ɗi ɗyɛɛ̀ fafa mini ìtèɗ wulɛ ɓi cenɛn rìkuu ɗi mɛtɔɓ ɗi ɓìsiì wowòg, tì ki nìniɗ nɗem.

2 KƆ̀RƐ̀ŊTYƐŊ 10:1

Mɛ̀ Pol! ǹtɔɔgh mìni, ɓi tɛ̀tɛ̀rɛ̀ɛ̀ rì syeesyee à ǹɗem à Kiris, mɛ̀ ànɛ ǹti ǹsɛɛ̀dàg mɛ̀ɛmiɗ ɓi zi ɓi mis min, kìɓan kifog, cààmɛ̀n ki ǹɗì mìni fìràɓ, m̀ɓa rì kìghɛɛsii ɓi san wìn lɛɛ̀gwey.

2 KƆ̀RƐ̀ŊTYƐŊ 11:23

I ɓɛ ri ɓɛ̀kìì-ɓìsay ɓɛ Kiris m̀ɓa kìyèg ki kɔɔ̀kɔɔ̀ lɛ mɛ̀ ǹɗì ǹkìì-kìsay a Kiris ǹcee ɓɔ, ɓi ɓìsay ɓi m̀mɛ kì, nni àa foo ri foo, ǹcee ɓɔ ɓi naà-zày yi m̀mɛ kɛ̀n, à kɛ̀n kì kpaŋì ɓi zàà yi ɓɛ mɛ kwiy mɛ, rì ɓi ɓɛ̀koŋnyoo ɓɛ riwù ɓɛ ǹti ǹghaaghràg miì ɓyààmɛ̀n lɛɛ̀gwey.

GÀLAT 5:11

Ɓɔɔsoŋ̀, ɓi ɓɛg ànɛ a lɔ̀ŋkɛm̀, i kaa rì lɛ ǹkaka ǹɗèrèsì ɓum lɛ ɓɛ ghɛɛ̀sɛɛ kì kɛ̀rɛɛ, di ɓi cɛ nnɛ ɓɛ ri lɛ ɓɛ kɛnkɛ̀n asu ɓɛ tɔtɔ̀ɓ mɛ̀? I kaa rì fɔlɔɔ, di rìwu ɗi Kiris à wughà ɓi kɔrɔs ɗi yin lɛ ɗi kɛɓtì tì mum fìɓàg.

GÀLAT 5:2

Mɛ̀ Pol ǹkalii mìni lɛ: I ɓì kɛ̀ɛ lɛ ɓɛɛ kɛɗ mìni, di Kiris àa ɓa ti ɓi ri gɛɓsɛ̀n ɓisu win.

GÀLAT 5:24

Ɓumɓɛ ɓɛ ri ɓi Yeesus Kiris ɓi ɗùm ɓɛ mɛ kpan mɛmùù maa ɓi kɔrɔs, rì ɓìɓan ɓi ɓyɛɛ̀ rɔɔghi mɔ.

EFÈZYƐŊ 3:11

Bɛ̀ll à kìghà fɔlɔɔ lɔŋ yɛ̀ɛ rìyitì ɗi a maa ɓa rì ɗyɔ fìɗyàɓ fikɔ̀ɔ̀ ɗi ri; ɗyɛɛ̀ɗi à roòzìghà rì Yeesus Kiris à Kan wìs.

EFÈZYƐŊ 3:13

Fɔɔnnɛ ǹkpaa mìni lɛ: mɛ̀tɔɓ mɛ nwowog ɓisu win mɛ̀ kɛɛ̀ fa mini ìɓwɛɗ; mɛ̀tɔɓ mɛ̀n mɛ ri ɓisuu rikem ɗin.

EFÈZYƐŊ 3:8

Mɛ̀ ànɛ ǹɗì tìì-kìtòn a zɛy ànɛ ɓi ɓɛ̀gherɛ̀n ɓɛ̀cèm, mɛ̀ɛ nnɛ Bɛ̀ll à kìghà geesɛ̀n ìnɛ lɛ nghagsi Syeesyee à Ɓɔlɛ ànɛ ɓi kìrɔɔ ki ki ri ɓi Kiris, ki ɓum ɓɛ yin lɛ ɓɛ wog, a ɓumɓɛ ɓɛ yin Ɓɛ̀yudɛ̀n.

EFÈZYƐŊ 4:1

Fɔɔnnɛ mɛ̀ ànɛ ǹɗì kìmbùŋ lɛ ǹsàsay Kan, ǹkpaa mìni lɛ, ghɛɓina rìkuu ɗi cɛɓ ɗi ɗi ghɛɛ̀sɛɛ rì ǹɗeèghreŋi wu wu kpagà a lɔ̀ŋkin,

EFÈZYƐŊ 6:20

Syeesyee à Ɓɔlɛ ànɛ̀n innɛ mɛ̀ ǹɗì ɓi fìtom fi miì, ǹki ɓa ɓi naà-zày lɛ nyi; nni ɓɔ̀ŋzaaghna lɛ nkakali Ɓɔlɛ ànɛ̀n lɛ cààcàà yɛ̀ɛ ǹghɛ̀ɛ̀sɛɛ kì kpaakpaa.

FÌLÌPYƐŊ 1:7

Ki wooghrɛɛ gì lɛ mɓa rì mekuu mɛ mɛyitì mɛ fɔlɔɔ ɓi san wìn, ɓisuulɛ ɓì rì mɛ̀ ɓi nɗem, rì tì lɛ, nsoò cààmɛ̀n ki ǹɗì ɓi naà-zày, nsoò cààmɛ̀n ki ǹɗì ɓidan nkàakamɛ̀n ǹki sìisiìràg Syeesyee à Ɓɔlɛ, mìniìcèm ɓì ti ɓì tekì gàɓ ɓi geesɛ̀n ìnɛ Bɛ̀ll à kìghà mɛ̀.

KÒLÒSYƐŊ 1:24

Ǹɗì rì kìnyàà ɓi cààmɛ̀n ki, ɓi mɛ̀tɔɓ mɛ nwowog ɓisu win, fɔɔnnɛ com ki kɛɛ̀ kaakaàrɛ̀n ɓi mɛ̀tɔɓ mɛ Kiris, mɛ̀ɛ nɗàaratɛ̀n kɔ kì woògh ɓi nyoo yɛ̀m ɓisuu nyoo yìì ìnɛ ì rì kìseŋi kii.

KÒLÒSYƐŊ 4:18

Mɛ̀ɛmiɗ Pol yɛɛ kaniì mìni ɓìtɔkì rì càg kɛm̀, kɛ̀ ɓi ɗimzɛn lɛ ǹɗì ɓi naà-zày. Geesɛ̀n ì Bɛ̀ll yɛ̀ɛ ɓa rì mìni!

KÒLÒSYƐŊ 4:3

Ɓì ɓɔ̀ŋzàg girig Bɛ̀ll ɓisu wis lɛ a nɛm̀ ɓìsi bee inɛ ti lamɓɛn jɛ̀ɛ̀ yìì, di fɔɔnnɛ mɛ̀ɛ nghagsi ɓum dwìɗ inɛ ì seesee Kiris, lɛ kiɓan kiǹ kɛɛ̀ki ǹɗì miì nkàgakɛn bɛn.

2 TIMOTE 1:16

Kan à ghɛ̀ɛ̀sɛɛ kì rèsii ǹɗem wii wu nyìinyìg ɓi naa ì ɓum ì Onezifɔɔr ɓisuulɛ ɓyaàmɛ̀n lɛɛ̀gwey, a fɔɔsag mɛ nɗem, kɛ̀ɛ wog ntoòrìɗ ri naà-zày ìnɛ ǹɗì miì.

2 TIMOTE 1:8

Fɔɔnnɛ kɔ̀ɔ wog ntoòrìɗ lɛ u tɛɛ̀zi kìɓan ki Kan wìs, nsoò lɛ ki màànɛ ǹɗì kìmbùŋ ɓisu wii. Kìɓan kifog ɓi-tèɗ wu Bɛ̀ll, wogha rìkɛŋ ɓisuu Syeesyee à Ɓɔlɛ ǹɗaŋ ri mɛ̀,

FILEMƆŊ 1:1

Mɛ̀ Pol ànɛ ǹɗì kìmbùŋ ɓisuu Yeesus Kiris ɓɛɛ̀ geni wɛ̀m ànɛ lɛ Timote, ɓìsi yɛɛ kani lɛ rì Filemɔŋ à reŋkàŋ wìs a ǹɗem, ànɛ ti kìki kisay kifog rì nyi,

FILEMƆŊ 1:23

Epafiras ànɛ à rì reŋkàŋ wɛ̀m ànɛ tì rì ɓi naà-zày rì nyi, ɓisuu Yeesus Kiris

FILEMƆŊ 1:9

ki mɓiisɛɛ mɛ̀ kì kɔ̀ni lɛ mɓɔŋzi wɔ̀ ɓi nkɔ̀nɛ̀n. Ɓi rìɓa ɗi mɛ̀ Pol ǹɗì ɗi kìtùg ki mum, à kɛ̀ɛ̀dì kì ɓaà lɛ ɓigomìnɛ ǹɗì kìmbùŋ ɓisuu Yeesus Kiris.

ÀPÒKÀLIƁSƐ̀ 2:10

Kɔ̀ɔ risi ntɔɓ wu ù rì ɓiì tulɛɛ ri wɔ. Ghɛna lɛ Satàn a rì ɓiì pìigh kigwey ki ɓi mìni ɓi naà-zày lɛ a feèghrɛn mìni, fɔɔnnɛ ɓì rì ɓiì tulɛɛ ri ǹ-yeesɛ̀n ànɛ à rì ɓiì finɛɛ mɛru ǹtɛ̀ɗ. Sììrɛn ɓi rìgherɛ̀n à kpaŋ a rìwu, fɔɔnnɛ ǹɗì wɔ̀ ɓiì faà tàm à cɛɓ.