EFÈZYƐŊ 2:8 - Bafia Nouveau Testament

⁸ Ɓisuulɛ ɓì rì ɓɛ̀kòrɛn lɛ geesɛ̀n ì Bɛ̀ll, ɓi bee ì rìgherɛ̀n ɗi ɓì gherɛɛ nyi; ki kilɛɛ ɓi fɔlɔɔ lɛ rìkì ɗin, ki ri lɔŋ rifa ɗi Bɛ̀ll.

EFÈZYƐŊ 2:8 Iomraidhean Croise

MATYOO 16:17

Nni Yeesus à teɗtìghà jɛ̀ɛ̀, a kpaa nyi lɛ: Wɔ̀ Simɔn, man à Zyonas, ù rì m̀màŋɛn, ɓisuulɛ, àa mum à mɛ̀mùù rì bwaɓ yɛɛ resii wɔ̀ kìɓan kiǹ, lɔŋ Seŋi wɛ̀m ànɛ à rì ɓi ɗyoo ɓi ɗùm nnyɛɛ resii wɔ̀ kɔ.

MATYOO 20:9

Fɔɔnnɛ ɓumɓɛ ɓɛ tumɛ̀ngà kìsay mɛkɛ̀ɛ̀ mɛtaǹ à cɛŋkò ɓɛ yughà, ɓɛ peeghi ɓɔ dolà, dolà.

MARIKUS 16:16

Ŋwaànɛ à rì ɓiì gherɛɛ, à ki ɓaɓtɛn nnyɛɛ ri ɓiì ghɛɛ̀ cɛɓ; wɔ̀lɛ ŋwaànɛ à gherɛɛ ɓi à ɓiì terì bɛ̀lɛn.

LUKAS 7:50

Wɔ̀lɛ Yeesus à kpaaghà giɓ anɛ̀n lɛ: Rìgherɛ̀n ɗyɔɔ ɗi ghɛɓsii wɔ̀, kɛ̀na lɛ fyòoog.

ZYAŊ 3:36

Nni mum ǹcèm ànɛ à gherɛɛ Man, à rì rì cɛɓ ki fiɗyàɓ fikɔ̀ɔ̀; ŋwaànɛ à woogh ɓi nyi, àa ghɛn ɓi cɛɓ, kìɓan kifog, rìbaŋì ɗi Bɛ̀ll ɗi kaka nyi ɓi nyòò.

ZYAŊ 4:10

Fɔɔnnɛ Yeesus à ɓàkà giɓ anɛ̀n lɛ: I wàa yii rìfa ɗi Bɛ̀ll, ù ki yi roànɛ à lɔni wɔ̀ mɛ̀nig mɛ nɔyɛn, di wɔ̀ yaa rì lɛ, ù lɔn nyi mɛ̀nig mɛ noyɛn, di àa ki faa wɔ̀ mɛ̀nig mɛ cɛɓ.

ZYAŊ 5:24

Ǹkalii mìni kɔɔ̀kɔɔ̀ à rìkpaa lɛ, ŋwaànɛ à woogh jɛ̀ɛ̀ yɛ̀m, à ki gherɛn roànɛ à romgày mɛ̀, à ti rì cɛɓ ki fiɗyàɓ fikɔ̀ɔ̀. À yin lɛ à yù a rìren ɗi ɓiɓan, kìɓan kifog, à mɛ pɛ̀sɛn yi ɓi rìwu, à ɗiŋì ɓi cɛɓ.

ZYAŊ 6:35

Yeesus à kalìghà ɓɔ lɛ: Mɛ̀ ǹɗì bìrɛs ì cɛɓ, ŋwaànɛ à yùu a lɔ̀ŋkɛm̀ zày, yàa kɔɔdii gɛ ɓi nyi. Ŋwaànɛ à ki gherɛɛ mɛ̀, kìnɔli kaa kitii gɛ ɓi nyi.

ZYAŊ 6:37

Ɓum ɓɛ̀cèm ɓɛ Tààta à faa mɛ̀, ɓɛ ri ɓiì yùu a lɔ̀ŋkɛm̀, nni màa ki kpaŋzi ɓi ŋwaànɛ à yùu yì a lɔ̀ŋkɛm̀ ɓi ɗyɔ̀m.

ZYAŊ 6:40

Lɛ rìkɔ̀n ɗi Seŋi wɛ̀m ɗyɛɛ̀ɗi: Lɛ mum ǹcèm ànɛ à ghɛɛ Man, à ki gherɛn nyi, a ɓa rì cɛɓ ki fiɗyàɓ fikɔ̀ɔ̀, mɛ̀ ǹki ghèmzii gɛ nyi ɓi siitòn a ŋwos.

ZYAŊ 6:44

Mum à yin lɛ à yù a lɔ̀ŋkɛm̀ di Tààta ànɛ à romgày mɛ̀ à syòŋiì ɓi nyi, mɛ̀ ǹki ghèmzii gɛ ŋwaànɛ̀n miì ɓi siitòn a ŋwos.

ZYAŊ 6:65

Fɔɔnnɛ à kpaaghà lɛ: Kìɓan ki kɛɛ̀ki ǹkpaaghà mìni miì lɛ mum à yin lɛ à yù a lɔ̀ŋkɛm̀ di Tààta à faa ɓi nyi fèg ànɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 13:39

Ɓi Yeesus ànɛn nnɛ mum ǹcèm ànɛ à gherɛɛ à rì ɓiì tɔ̀sɛɛ ɓiɓe ɓìcèm ɓi ɓìdɔ̀gsɛna ɓi Moyis ɓi ɓaghà ɓi lɛ, ɓi pisì.

MƐ̀KÌKÌÌ MƐ ƁƐKƐ̀NÌ-FÌTOM 14:27

Yɛ̀ɛ ɓɛ kpagà a Aŋtyos, ɓɛ taŋzɛ̀n ɓɛ̀gherɛ̀n ɓɛ ɓi kìseŋi ki wɔɔ, ɓɛ kpaa ɓɔ ɓìɓan ɓìcèm ɓi Bɛ̀ll à faghà ɓɔ ìtèɗ wulɛ ɓɛɛ kikì, à ɓiisɛ̀n rìnɛm ɗi à nɛmgà ɓum ɓɛ zɛy bee inɛ ɓɛɛ gherɛn girig nyi.

MƐ̀KÌKÌÌ MƐ ƁƐKƐ̀NÌ-FÌTOM 15:11

Wɔ̀lɛ ɓìsii gherɛɛ lɛ Bɛ̀ll à mɛ ghɛɓsi ɓisi lɛ geesɛ̀n ì Kan Yeesus lɔŋ yɛ̀ɛ ɓɔ girig.

MƐ̀KÌKÌÌ MƐ ƁƐKƐ̀NÌ-FÌTOM 16:14

Giɓ àdɛŋ à ɓaghà wɔɔ ɗii lɛ Lidyaa àa m̀ɓɔgsàg Bɛ̀ll, à ɓaghà ǹkìì-dùne ì ɓìsyeesyee ɓi ɓilàà ɓi ɓàŋ ɓi bàn ì Tyatiir, à ramgà mɛ̀reè lɛ syeesyee lɛ a wog ɓìtòkì ɓis, fɔɔnnɛ Kan à nɛmgà nyi ǹɗem lɛ a konag kì woògh ɓìtòkì ɓi Pol.

MƐ̀KÌKÌÌ MƐ ƁƐKƐ̀NÌ-FÌTOM 16:31

Ɓɛ ɓaàg nyi lɛ: Gherɛn Kan Yeesus, fɔɔnnɛ ù rì ɓiì ghɛɛ̀ cɛɓ lɛ rì wɔ̀, rì naa yɔ̀ɔ̀ ì ɓum.

RÒMƐŊ 10:14

Nni lannɛ ɓɛ ri min nyi ɓiì reŋii, di ɓɛ gherɛ̀ngà ɓi nyi? Nni lannɛ ɓɛ ri min nyi ɓiì gherɛɛ di ɓɛ woogh ɓi yɛ̀ɛ ɓum ɓɛɛ̀ kpaakpaa kiɓan kii? I ɓum ɓɛ ki kpaakpaa ɓi, lannɛ ɓɔɔ ri min ɓiì woògh?

RÒMƐŊ 10:17

Fɔlɔɔ nnɛ rìgherɛ̀n ɗi ti ɗi fuughìì ɓi kìɓan ki ŋwaà woogh; nni kìɓan ki ɓɛ ti ɓɛ wokì, ki riì ɓi jɛ̀ɛ̀ ì Kiris.

RÒMƐŊ 4:16

Fɔlɔɔ nnɛ ǹkàg wu falɛ̀ngà lɛ rìgherɛ̀n lɛ di wɛɛ ɓa yɛ̀ɛ rìɓòò ɗi Bɛ̀ll à kìi ɓum zɛy rì zɛy, wu ɓa ɓisuu dòò yi Abiraham yìcèm, wɛ̀ kɛɛ̀ ɓa lɔŋ lɛ ɓisuu dòò yi yɛɛ̀ ɓèŋɓeŋ ɓidɔ̀gsɛna; wu ɓa tì girig ɓisuu ɓɛroɓɛ ɓɛ gherɛɛ lɔŋ yɛ̀ɛ Abiraham à seŋi wìs a ɓɛ̀sɛ̀ɛ̀ ɓɛ̀cèm à gherɛ̀ngà, lɔŋ yɛ̀ɛ ki ri kìkànɛn lɛ:

RÒMƐŊ 4:5

Wɔ̀lɛ i mum à kìi ɓi kisay, kìɓan kifog à gherɛ̀n Bɛ̀ll ànɛ à ti à kìlàg lɛ ǹkì-kìɓe a ɓa lɛ saaɗ ɓi mis mii, rìgherɛ̀n ɗii ɗi ki lɛ Bɛ̀ll a ghɛǹ nyi lɛ saaɗ à mum.

RÒMƐŊ 9:16

Kìɓan kiǹ ki yin ɓi rìkɔ̀n ɗi mum, kɛ̀ kɛɛ̀ ki ɓa lɛ kìtèèsii kii ki nyòò, ki seesee lɔŋ Bɛ̀ll ànɛ à ti à wokì mum nyìighnyìg.

GÀLAT 3:14

Ki kilɛ̀ngà fɔlɔɔ lɛ di ɓɛ̀mààgh ɓɛ Bɛ̀ll à kàkà Abiraham ɓɛɛ kom̀ ɓumɓɛ ɓɛ yin Ɓɛ̀yudɛ̀n lɛ Yeesus Kiris, rì tì lɛ, di ɓìsii teɗ Ǹghay ànɛ Bɛ̀ll à kàkà lɛ rìgherɛ̀n.

GÀLAT 3:22

Kìɓan kifog kaàtà à Bɛ̀ll a rèsag lɛ, ɓyom ɓìcèm ɓi ri ɓi rìkpàn ɗi kiɓe, lɛ di ǹkàg wu Bɛ̀ll à faghà wɛɛ ron ɓi san ànɛ a ɓɛ̀gherɛ̀n lɛ rìgherɛ̀n ɗi ɓɛ gherɛɛ Yeesus Kiris.

EFÈZYƐŊ 1:19

Ɓì yi girig lɛ, à ti à rèsàg ìtèɗ wu kuurakɛn ɓisuu ɓisi ɓɛ̀gherɛ̀n. Ìtèɗ wiǹ wɛɛ̀wu à rèsìghà lɛ wu laŋi mɛ̀tèɗ mɛcèm.

EFÈZYƐŊ 2:10

Ɓisuulɛ, tì rì kìsay ki nnyɛɛ salà; à yègà ɓìsi ɓi Yeesus Kiris lɛ, ti ghɛɓ cɛɓ ki ki ri rì mɛ̀kìkìì mɛ syeesyee mɛ Bɛ̀ll à lokà kì pègsɛɛ lɛ ti kilag.

EFÈZYƐŊ 2:5

ɓìsi ɓɛ tì ɓaghà ɓìloŋ lɛ mɛ̀nànì mis, à kìghà lɛ ti ɓa ti rì cɛɓ ǹɗaŋ ɗi Kiris. Ɓì rì ɓɛ̀kòrɛn lɛ geesɛ̀n ì Bɛ̀ll.

FÌLÌPYƐŊ 1:29

Kìɓan kiǹ ki riì yɛ̀ɛ Bɛ̀ll, ɓisuulɛ àa mààgh ànɛ lɛ ɓi gherɛn Kiris nnɛ Bɛ̀ll à faghà mìni nyi rì nyi, ànɛ lɛ ɓi wog girig mɛ̀tɔɓ ɓisu wii, à rì girig miì.

KÒLÒSYƐŊ 2:12

Ɓɛ ɓomgà mìni ǹɗaŋ ri nyi yɛ̀ɛ ɓì ɓàɓtɛ̀ngà, ɓì mɛ ghèmɓɛn girig ɓi nyi, ǹɗaŋ ɗi nyi lɛ rìgherɛ̀n ɗi ɓì gherɛɛ ìtèɗ wu Bɛ̀ll ànɛ à ghèmzìghày nyi a ɓìloŋ.

2 TÈSÀLÒNÌSYƐŊ 1:9

Pɔnɔsì ànɛ ɓɛ ri ɓiì terì, à rì rìɗyaŋ ɗi fiɗyàɓ fikɔ̀ɔ̀, ɓɛ kɛɛ̀ wuɓsɛn ìsu wu Bɛ̀ll, ɓɛ̀ kɛɛ̀ ki wuɓsɛn kitɛɛtɛn ki rikem ɗii,

EBIREEGH 6:4

Ɓi kìɓan ki ki seesee ɓumɓɛ ɓɛ ghɛngà kìtɛɛtɛn ki Bɛ̀ll cààmɛ̀n kidɛŋ, ɓɛ ɓoɓtì rìfa ɗi Bɛ̀ll, ɓɛ ki teɗti gàɓ ɓi Kìtɛntɛ̀ɛ̀n ki Nghay,

1 PYƐƐRI 1:5

mìni ɓɛ ìtèɗ wu Bɛ̀ll wɛɛ̀ ɓèŋɓèŋ lɛ rìgherɛ̀n, à kpaŋ yɛ̀ɛ gòri ìnɛ ì ti jàŋbog lɛ yɛ̀ɛ resɛn ɓi mɛ̀ru mɛ siitòn ì ɓiì rèsɛɛ.