EFÈZYƐŊ 2:2 - Bafia Nouveau Testament

² ɓi ɓì ghɛghɛ̀ɓkà miì abɛ̀y di ɓi ka nɔ̀ɔnɔɔ̀tì ɓìsyɔ̀ɔ̀ ɓi ɓi ziinɛ, ɓì kìkì rìkɔ̀n ɗi rifòm ɗi ɗi lamii mɛ̀tèɗ mɛ ɓi nlɛŋlɛŋ̀, ɗyɔ yɛɛ ri ǹghay ànɛ a kìki kisay ɓigomìnɛ ɓi ɓumɓɛ ɓɛ ri rì ǹtoòtèɗ.

EFÈZYƐŊ 2:2 Iomraidhean Croise

MATYOO 11:19

Man à Mum à yù, à kìkì lɛ, à ɗiɗì ɓìɗilàg, à ki nɔnɔ mɛrɔ̀g, nnyaa ànɛn à rì lɛ, ànɛ̀n ǹɗiì-com, ànɛn ǹnɔɔ̀-mɛ̀rɔ̀g, à ki ɓa ti righan ɗi ɓɛ̀terì-làmpoŋ̀, rì ɓɛ̀kìì-kìɓe. Kìɓan kifog ɗyomzɛ̀n ɗi Bɛ̀ll ɗi ti ɗi ghɛnàg lɛ ɗi ri lɛ saaɗ ɓi ɓìɓan ɓi ɗi kiì.

MATYOO 13:22

Ŋwaànɛ à ghaɓkà boo ì ɓyom ɓi nyìinyìm à ɓìkàrag yɛɛ ri roànɛ à woogh jɛ̀ɛ̀ ì Bɛ̀ll, kìɓan kifog, cɛɛ̀-ǹɗem à cɛɓ ki ɓi ziinɛ, ɗì rìyɛ̀y ɗi ikum ɓi laatàg jɛ̀ɛ̀ ìnɛn, ɓi ki lɛ, yɛ̀ kɛɛ̀ wum ɓiɗùn.

MATYOO 13:38

Ziinɛ yɛ̀ɛ ri dɛm inɛ̀n; syeesyee à boo à rì ɓumɓɛ ɓɛ wooghrɛɛ rì kìlɔ̀ŋ ki aɗyoo; boo ì kìɓeɓtàg ki caaɓi ì rì ɓɛ̀roɓɛ ɓɛ wooghrɛɛ rì Ghèghey à mum.

MARIKUS 4:19

kìɓan kifog mɛ̀tɔɓ mɛ ɓi ziinɛ, rì kìsee ki ikum, rì gɛ ɓìɓan ambog ànɛ a syòŋsyoŋ mɛrem, ɓi laatàg jɛ̀ɛ̀ ì Bɛ̀ll ìnɛn yɛ̀ kɛɛ̀ ghɛn bee inɛ lɛ yɛ̀ɛ wum ɓìdùn.

LUKAS 16:8

Masà à kìɓeɓtàg ki m̀ɓèŋì-ìkum anɛ̀n à sɛkà nyi lɛ, à kìghà kìɓan kiǹ rì ɗyomzɛ̀n lɛɛ̀gwey. Fɔlɔɔ a rèsii lɛ, ɓumɓɛ ɓi cɛɓ ki ziinɛ ɓɛ wom̀zaagh ɓi cɛɓ ki lɛ rì ɓɔ, rì ɓɛ̀ro ɓum à cee ɓumɓɛ ɓɛ ri ɓi kìtɛɛtɛn.

LUKAS 22:31

Simɔn! Simɔn! Satàn àa ntɔɔgh ìtèɗ wulɛ a fɛɓti mìni yɛ̀ɛ gèŋ,

ZYAŊ 12:31

Ɓi cààmɛ̀n ki, kìɓan ki ziinɛ ki yuù kì renɛɛ, ɓigomìnɛ. Ɓɛ yuù kì màagh rifòm ɗi ziinɛ ɓi dan.

ZYAŊ 13:2

Yɛ̀ɛ Yeesus rì ɓɛ̀yilàg ɓii ɓɛ ɗiɗìghà, di Satàn à mɛ ɗiŋzi Zyudas à man à Simɔn, fèg ànɛ lɛ a tɔkɛn Yeesus ɓi nɗem,

ZYAŊ 13:27

Lɔŋ yɛ̀ɛ Zyudas à ghàɓkà kìɓɛghà ki bìrɛs kiǹ, Satàn a ɗiŋì nyi ɓi nɗem. Yeesus à kalì nyi lɛ: Com ki u ɓeɓeg lɛ u ki, kìya kɔ lɛ fyɛ̀ɗ.

ZYAŊ 14:30

Tyàa tòki ti ɓi ri mìni, ɓisuulɛ rìfòm ɗi ziinɛ ɗi tiì, nni ɗi yin ɗi ìtèɗ wulɛ ɗi ki mɛ̀ com.

ZYAŊ 15:19

I ɓi ɓa ɓum ɓɛ ziinɛ, di ziinɛ ì rì lɛ ì keesì mìni fɛlɛ yɛ̀ɛ com ki yɔ̀. Nni yɛ̀ɛ ɓì yin ɓum ɓɛ ziinɛ, ki ki ɓa lɛ m̀ɓɔ̀ngà mìni, m̀pisì mìni ɓi ziinɛ, kɛɛ̀ki ziinɛ yɛɛ̀ ɓèeɓeèzɛ̀n mìni miì.

ZYAŊ 16:11

Mɔ zɛ̀ɗ ɓi kìɓan ki riren ɗi ɓiɓan ɗi Bɛ̀ll, ɓisuulɛ, kìɓan ki rifòm ɗi ziinɛ ki mɛ renɛ̀n.

ZYAŊ 7:7

Ziinɛ ì yin lɛ ì ɓèèzɛ̀n mìni wɔ̀lɛ mɛ̀ɛnɛ yɛɛ̀ ɓèeɓeèzɛ̀n, lɛ ǹti ǹkalàg lɛ, mɛ̀kìkii mɛ yɔ̀ mɛ rɔɔtɛɛ ɓì.

ZYAŊ 8:23

Nni Yeesus à kalìghà ɓɔ lɛ: Mìnii pɛsɛɛ wɔɔ fɛ ɓi ziinɛ, mɛ̀ m̀pɛ̀sɛɛ yì aɗyòò; mìnii ri ɓumɓɛ ɓi ziinɛ, mɛ̀ ǹ-yin ŋwaànɛ ɓi ziinɛ.

ZYAŊ 8:44

Satàn yɛɛ ri seŋi wìn fɔɔnnɛ ɓi kɔ̀nkɔn lɛ di ɓyàa kìi rìkɔ̀n ɗi seŋi wìn. A ɓalag ǹwolì-ɓum à tumɛ̀n a rìtumɛ̀n, à ki ka rɛlìghà ɓi ɓi saaɗ nsoò ŋwos bog, ɓisuulɛ, saaɗ a maà ɓa ɓi a lɔ̀ŋkii; cààmɛ̀n ki a pwààpwaa ɓum, lɔŋ com ki ki riì nyi ɓi nɗem kɛɛ̀ki a kpaakpaa ɓɔ, lɛ à rì pwààpwaà, à ki ɓa ti seŋi ɓɛ̀pwàà.

MƐ̀KÌKÌÌ MƐ ƁƐKƐ̀NÌ-FÌTOM 19:35

Yɛ̀ɛ ǹkanì-ɓɛ̀kaàtà à gɔmìnà à maasìghà ɓum, nni à kpaaghà ɓɔ lɛ: Mìni ɓumɓɛ a Efɛɛzɛ, ghɛn yɛɛ nani lɛ ɓi bàn ì Efɛɛzɛ ìnnɛ mɛɛ mɛ coo bɛ̀ll ì giɓ inɛ lɛ Aritemis mɛ ri, rì kìfèèghrɛnà ki bɛ̀ll ìnɛn ki ki kpighày aɗyòò?

MƐ̀KÌKÌÌ MƐ ƁƐKƐ̀NÌ-FÌTOM 5:3

Fɔɔnnɛ Pyɛɛri à kalighà Ananyas lɛ: Ananyas, Satàn a ràgɛɛ ɓà wɔ ri ǹɗem fɛlɛ lɛ cɛ yɔ? Ù pwàa Kìtɛntɛ̀ɛ̀n ki Nghay ù nyam gàɓ ì mɔ̀ɔ̀ni ìnɛ ɓi kiden ki zi ki wɔ̀ɔ ǹkàɓi?

RÒMƐŊ 12:2

Kɛ̀ bi nɔ̀ɔ̀ti cɛɓ ki ɓumɓɛ ɓi mɛ̀ru mɛ ɓɛɛ̀ ghɛghɛ̀ɓ, kìɓan kifog, càrɛɛnà lɛ Bɛ̀ll a lɔgti mìni di à koɓsɛɛ mɛ̀yitì mɛ̀cèm mɛ mɛ ri mìni ɓi mɛ̀rem, ìsuùcèm, rì mɛ nyɔn, fɔlɔɔ nnɛ ɓi rì min ɓiì yiì rìkɔ̀n ɗi Bɛ̀ll, rì ɓìɓan ɓi ɓi rɔɔtɛɛ, rì ɓi ɓyɛɛ̀ rɔɔghi nyi, rì ɓi ɓi ri kɛ̀ɛ̀ kìɓan ki ɓɛ fen miì.

1 KƆ̀RƐ̀ŊTYƐŊ 5:10

nni àa ɓɛ̀kìì-tìsɔ̀mɔ̀g ɓɛ ɓi ziinɛ ɓɛ̀cèm nsoò lɛ ɓumɓɛ ɓɛ ri rì kìsee ki-kum, rì ɓɛ̀wiiwìì, nsoò lɛ ɓɛ̀kìì-ɓìnùn ɓɛɛ̀ɓɛ mɛ̀ ǹkpaa lɛ kɛ̀ ɓi ràrɛn ɗi ɓɔ; i fɔɔnnɛ kaa rì, ɓì pɛ̀sɛ̀n nya min yɛɛ ri ɓi ziinɛ.

1 KƆ̀RƐ̀ŊTYƐŊ 6:11

Gàɓ ì ɓum ìdɛŋ ìnɛ ɓi mìni, ì ɓaghà mɛ̀kuu mɛ ɓum mɛ̀n; wɔ̀lɛ ɓɛ sooghà mìni, ɓɛ tɛɛ̀zì mìni, ɓɛ ki kì lɛ ɓi ɓa lɛ saaɗ ɓi mis mɛ Bɛ̀ll, ɓi ɗii ɗi Kan Yeesus Kiris, rì ìtèɗ wu Ǹghay à Bɛ̀ll wìs.

2 KƆ̀RƐ̀ŊTYƐŊ 4:4

Ɓi san ànɛ a ɓumɓɛ ɓɛ ti ɓɛ ɓengì kìgherɛɛ, bɛ̀ll ì ziinɛ ì mɛ dùŋzag ɓɔ mɛ̀rem lɛ ɓɛ̀ kɛɛ̀ ghɛn yɛ̀ɛ Syeesyee à Ɓɔlɛ à rìkem ɗi Kiris a lònlòm; Kiris ànɛ à rì kìfèèghrɛnà ki Bɛ̀ll kɔmiɗ.

GÀLAT 1:4

Yeesus à faghà cɛɓ kii ɓisuu ɓiɓe ɓis lɛ di a pwaŋ̀ ɓìsi ɓi kìɓeɓtàg ki zi ki tì rì ki miì gɛɛ̀nɛ, lɔŋ yɛ̀ɛ rìkɔ̀n ɗi Bɛ̀ll ànɛ à rì Seŋi wìs ɗi ri.

EFÈZYƐŊ 1:21

Wɔɔ, Kiris à rì ɓi-kɔ̀ɔ̀ wu wu teŋmɛɛ wu cee mɛ̀kɔ̀ɔ̀ mɛ mɛfòm mɛcèm, rì ɓɛ̀làmì ɓɛ̀cèm, rì mɛ̀tèɗ mɛcèm, rì ɓɛ̀kemì ɓɛ̀cèm; ɗii ɗii ɗi cee mii mɛ ɓɛri lɛ ɓɛ reŋì ɓigomìnɛ nsoò lɛ ɓi cɛɓ ki fiɗyàɓ fikɔ̀ɔ̀.

EFÈZYƐŊ 2:11

Mìni ɓɛ ɓì yin Ɓɛ̀yudɛ̀n, ɓì ghɛ̀ɛ̀sɛɛ kì yitii lɛ, ɓumɓɛ ɓɛɛ̀ kalag lɛ ɓɔɔ ri ɓɛ̀kɛ̀rɛn, ɓɛ nɗegì mìni abɛ̀y lɛ ɓɛ̀suswiɗ; ɓɔɔ ki ɓa lɛ ɓum ɓɛɛ kɛɗkàkà ɓɔ.

EFÈZYƐŊ 2:13

Wɔ̀lɛ ɓigomìnɛ, ɓi Yeesus Kiris mìni ɓɛ ɓì ɓaghà fìràɓ, ɓì mɛ tyòŋdɛn yi nyi jàŋbog lɛ bwaɓ yi Kiris.

EFÈZYƐŊ 2:3

Ɓìsi ɓɛ̀sɛ̀ɛ̀ ɓɛ̀cèm, tì ɓaghà girig ɓi nɗaŋ waa lɛ tì ghɛghɛ̀ɓkà abɛ̀y ɓi ɓìɓan ɓi mɛ̀mùù mis mɛ ɓaghà zày rì ɓyɔ, tì kìkì rìkɔ̀n ɗi nyoo yis rì ɗi mɛrem mis lɛ rìɓa ɗi tì ɓaghà ɓum lɔŋ yɛ̀ɛ ɓɛ̀ro ɓɛmɓog, tì ɓaghà ɓumɓɛ bim i Bɛ̀ll ì ghɛ̀ɛ̀sɛɛ kì kpaŋì a lɔ̀ŋkaa.

EFÈZYƐŊ 4:17

Kìɓan ki mɛ̀ ǹkalii, ǹki sììrɛn ɓi ɗii ɗi Kan kɛɛ̀ki lɛ: Kɛ̀ ɓi ghɛɓti yɛ̀ɛ ɓum ɓɛ zɛy ɓɛ ɓɛ yin ɓɛgherɛ̀n, ɓɔ yɛɛ ti ɓɛ nɔɔ̀tàg ɓɔɔ momzɛ̀n ɓaa ɓɛ kɛ̀ɛ̀ ìsu.

EFÈZYƐŊ 4:22

Ɓì ghɛ̀ɛ̀sɛɛ kì rinii fiɗyàɓ fin fi riɓa fi ɓi cɛɓ ki ɓì ghɛghɛ̀ɓkà abɛ̀y, ɓìɓan ɓi ǹɗem wu mum wu ti wu kɔngì ɓi rìɓa ɗi yɛ̀ɛ ɗiǹ, ɓi ri rì ǹ-yègsɛ̀n, ɓi ki ɓa ɓiɓan ɓi ɓi ri lɛ ɓi yogsì mum.

EFÈZYƐŊ 5:6

Mum kɛ̀ɛ yègsi mini rì ɓìtòkì ɓi kɛ̀ɛ̀-su lɛ ɓisuu ɓiɓan ɓiǹ innɛ bim i Bɛ̀ll ì rì ɓiì sɛni ɓi ɓɔn ɓɛ ɓɛ ri rì ǹtoòtèɗ.

EFÈZYƐŊ 5:8

Ɓisuulɛ ɓì ɓaghà ɓumɓɛ ɓi birìm abɛ̀y, nni ɓigomìnɛ, ɓì ti kìtɛɛtɛn ɓi Kan ɓi ɗùm. Nni ghɛɓina min yɛ̀ɛ ɓɔn ɓɛ ɓi kìtɛɛtɛn.

EFÈZYƐŊ 6:12

Ɓisuulɛ àa ɓumɓɛ ɓɛ ri rì bwaɓ ɓɛɛ̀ɓɛ ti ɗùùɗuu ri ɓɔ; ti ɗùùɗuu lɔŋ ri mɛ̀tèɗ mɛ ɓiɓeɓtàg ɓi mɛghay ɓi ɓi ri ɓi ɗyoo ɓi ɗùm, ɓi ɓyɛɛ̀ làlàmì, ɓi ɓa rì ìtèɗ; ti ɗùùɗuu girig rì ɓumɓɛ ɓɛɛ̀ làlami ziì ì birìm ìnɛ.

KÒLÒSYƐŊ 1:21

Fɔɔnnɛ mìni ɓɛ ɓì ɓaghà abɛ̀y ɓɛ̀ ràɓsɛn ri Bɛ̀ll, ɓì ki ɓa ɓɛ̀bènàbena ɓii, lɛ ɓìɓeɓtàg ɓi ɓiɓan ɓi ɓì kìkìghà,

2 TIMOTE 4:10

lɛ Demas àa nɗinii mɛ̀ à kɛ̀n a Tesalonika, lɛ ɓìɓan ɓi ɓi cɛɓ ki gɛɛ̀nɛ ɓyɛɛ̀ kɔ̀nkɔn nyi; Kiresaŋsɛ àa nkɛ̀ɛ a Galasi, Tit à kɛ̀n a Dalmasii.

ZYAG 1:27

Rìgherɛ̀n ɗi ɗi ri ɗìtɛnɛn, ɗi ki ɓa kɛ̀ɛ̀ tìfin ɓi mis mɛ Bɛ̀ll à Seŋi wìs ɗyɛɛ̀ tɔtɔg lɛ mum a kɛngi kì ghɛɛ̀ lɛ rì ɓɔɔ̀zii rì mɛ̀kpɔɓ cààmɛ̀n ki ɓɛ ri rì ǹɗemi-kɛŋɛn, à ki ɓèŋɗɛn lɛ kɛ̀ɛ kì ɓìɓan ɓi tifin ɓi ɓi ziinɛ.

ZYAG 1:7

Rìkuu ɗi mum ɗìn ɗyɛ̀ kɛɛ̀ fèg ɓi nɗem lɛ ɗi ri ɓiì terì com kidɛŋ yɛ̀ɛ Kan.

ZYAG 4:4

Mìni ɓɛ̀kìì-tìsɔ̀mɔ̀g ɓɛ! Ɓì yii ɓi lɛ i mum à rì rìghan ɗi ziinɛ di à rì bènàbena a Bɛ̀ll? Nni ŋwaànɛ à rì ɓiì kɔ̀ni lɛ a ɓa rìghan ɗi ziinɛ à rì ɓiì ɓaà bènàbena a Bɛ̀ll.

1 PYƐƐRI 1:14

Ɓaana ɓɔn ɓɛ mɛwog, kɛ̀ ɓi nɔ̀ɔ̀ti ti ɓìɓeɓtàg ɓi ɓiɓan ɓi ɓi nti ɓi kɔngì mìni, ɓyɛ ɓi ɓì kìkìghà abɛ̀y di ɓì kaka ɓi rìɗim.

1 PYƐƐRI 4:3

Ɓisuulɛ ɓì roòzìghà rìkɔ̀n ɗi ɓumɓɛ ɓɛ gherɛɛ ɓi Bɛ̀ll yɛ̀ɛ ɓì ghɛghɛ̀ɓkà ɓi kìɓùùsì, ɓì kìkì ɓìɓan ɓi ǹɗem win wɛɛ̀ kɔ̀nkɔ̀n, ɓì nɔnɔ̀ mɛ̀rɔ̀g, ɓì ɗiɗì ɓìɗilàg rìɗi ɗi kiɓe, ɓì ŋwaŋŋwàŋ mɛ̀rɔ̀g, ɓì ki ɓɔɔɓɔgsì ɓìnùn ɓi ɓi ri kìɓan ki ki ɓeɓtɛɛ ki ciɓ.

2 PYƐƐRI 2:14

Mis maa mɛ ri lɔŋ kizyaa ri kìzyaa, ɓɛ̀ kɛɛ̀ ki wuri rikì ɗi kiɓe; ɓɛ ti ɓɛ wɔɔsàg ɓumɓɛ ɓɛ ri mɛ̀rem lɛ fɛnfɛn ɓi fìram fyaa, mɛ̀rem maa mɛ mɛɛ̀tɛɛ rì zày ì mɔ̀ɔ̀ni, ɓɛ ri ɓum ɓɛ ncɛ̀m.

1 ZYAŊ 3:10

Kìɓan ki ki ghasii lɛ rì ɓɔn ɓɛ Bɛ̀ll rì ɓɔn ɓɛ Satàn ki ri lɛ: Mum ǹcèm ànɛ à kìi ɓi ɓiɓan ɓi saaɗ, nsoò roànɛ à keesii ɓi geni à yin man à Bɛ̀ll.

1 ZYAŊ 3:8

Ŋwaànɛ a kɛ̀nkɛn asu à kìkì kìɓe, à rì ŋwaà Satàn, lɛ Satàn a maà kìkì kìɓe, à tumɛ̀n a rìtumɛ̀n. Man à Bɛ̀ll à yùghày lɛ, a yogsi mɛ̀kìkìì mɛ Satàn.

1 ZYAŊ 4:4

Mìni ɓɔn ɓɛm, ɓì rì ɓɔn ɓɛ Bɛ̀ll, ɓì mɛ yag ɓumɓɛ̀n ɓisuulɛ, Nghay wu wu ri ɓi mìni wu teèsɛɛ wu cee wu wu ri ɓi ziinɛ.

1 ZYAŊ 5:19

Tì yii lɛ tì rì ɓum ɓɛ Bɛ̀ll, rì tì lɛ ziinɛ bimiɗ ì rì ɓi rìlàmì ɗi ghèghey à mum.

1 ZYAŊ 5:4

Ɓisuulɛ, mum ǹcèm ànɛ à rì man à Bɛ̀ll, à ti à yakì ziinɛ. Rìyag ɗi tì ti tì yakì ziinɛ ɗi ri ɓi rìgherɛ̀n ɗis.

ÀPÒKÀLIƁSƐ̀ 12:9

Nni ɓɛ tyɔkày coo kinààgɔ̀n kiǹ, fìɗyàɓ fi nyoo fìn, fi fi ri ɗii lɛ ǹɗèm nsoò lɛ Satàn, nnyɛɛ ri ǹ-yègsì zi bimiɗ ìnɛ ɓum ɓɛɛ̀ ghɛghɛɓ miì, ɓɛ tyɔkày nyi ɓi zi, ɓɛ ki tyɔg yi girig ɓum ɓii ɓɛ titom ǹɗaŋ ri nyi.

ÀPÒKÀLIƁSƐ̀ 13:14

Ì yègsì ɓumɓɛ ɓi ziinɛ rì dàm yi ɓɛ faghà yɔ̀ itèɗ wulɛ yɛ̀ɛ kiki ɓi mis mɛ nyàm ì ǹtonto di yɛɛ̀ kpaakpaa ɓumɓɛ ɓi ziinɛ lɛ ɓɛɛ ki kìfèèghrɛnà ki nyàm ìnɛ ɓɛ kpɛɛ̀ghà rì gàfàg ì ki ghɛɓ.

ÀPÒKÀLIƁSƐ̀ 13:8

Ɓum ɓɛ̀cèm ɓɛ ɓi ziinɛ, ɓɛ mii maa mɛ ka ɓaghà ɓi mɛ kànɛn ɓi kaàtà à cɛɓ à Man à jɔ̀ɔ̀ ànɛ ɓɛ wolà, à tumɛ̀n a rìyàghɛ̀n ɗi zi, ɓɛ ɓaagh gɛ mɛ̀ɗu ɓi zi ɓɛ ɓɔgsì nyàm ìnɛn.

ÀPÒKÀLIƁSƐ̀ 16:17

Nni ŋwaà-fìtom a kìtaàɓɛ̀ɛ̀ a sùùrìghà ɓeŋ wìì ɓi bɛ̀ɛ̀bɛ̀ɛ̀. Fɔɔnnɛ coo jɛ̀ɛ̀ ki kpagày ɓi naà-Bɛ̀ll, di ki riì ɓi-kɔ̀ɔ̀ wu rilàmì ki kpaa lɛ: Ki leègh!

ÀPÒKÀLIƁSƐ̀ 20:2

À ɓangà kìnààgɔ̀n ki ki ri lɛ fìɗyàɓ fi nyoo fi lɛ nɗèm, rì Satàn, à kàŋ kɔ bɛn lɛ kɛɛ kɔri fɔlɔɔ bèg tɔɔsìm.