EFÈZYƐŊ 2:15 - Bafia Nouveau Testament

¹⁵ À pisìghà ɓìdɔ̀gsɛna, rì mɛ̀siŋdɛn mɛ miì rì ɓìcèlì ɓi miì ɓi rìfa ɗi à faghà nyoo yìì lɛ di ɓìlɔ̀ŋ ɓi kiɓɛ̀ɛ̀ ɓìn ɓyɛɛ sug kìlɔ̀ŋ kìfog, ki kɛɛ ɓa nyɔɔnyɔn à kìlɔ̀ŋ ɓi rìràrɛ̀n ɗi rì nyi, fɔlɔɔ nnɛ à kìghà lɛ fyòoog a ɓa.

EFÈZYƐŊ 2:15 Iomraidhean Croise

2 KƆ̀RƐ̀ŊTYƐŊ 5:17

I mum à ti ɓi Kiris ɓiɗùm, à ti nyɔɔnyɔn à mum, lɛ tìɗyàɓ ti ɓiɓan ti mɛ ghaàgh, ɓyom ɓi nyɔn ɓyɛɛ ti.

GÀLAT 3:10

Lɛ ɓum ɓɛ̀cèm ɓɛ ɓɛ saghii ǹto rì rìɓèŋ ɗi ɓidɔ̀gsɛna, ɓɛ ti ɓi ncɛ̀m ɓi ɗùm ɓisuulɛ ki ri kì kànɛn lɛ: Ŋwaànɛ à ɓèŋi ɓi ɓiɓan ɓìcèm ɓi ɓi ri ɓì kànɛn ɓi kaàtà à ɓìdɔ̀gsɛna, kɛ̀ɛ kì yɛ̀ɛ ɓyɛɛ̀ kpaakpàà, à ghɛ̀ɛ̀sɛɛ kì terì ǹcɛ̀m.

GÀLAT 3:28

Fɔɔnnɛ gasɛ̀n ì yiìdi ɓi nyìinyìm ànɛ lɛ rì Ɓɛ̀yudɛ̀n rì ɓìlɔ̀ŋ ɓidɛŋ, yɛ̀ kɛɛ̀ ɓa ti ɓi nyìinyìm ànɛ lɛ rì ǹkpàn rì ŋwaànɛ à yin ǹkpàn, nsoò ɓi nyìinyìm ànɛ lɛ rì baŋì rì giɓ ɓisuulɛ mìniìcèm ɓì ti com kìfog ɓi Yeesus Kiris.

GÀLAT 6:15

Rìɓa ɗi lɛ ŋwaà rì ǹkɛ̀rɛn nsoò lɛ à yin nkɛ̀rɛn ɗi yin com, kìɓan ki ki ri bimiɗ à com ki ri lɛ mum a ɓa nyɔɔnyɔn à mum.

EFÈZYƐŊ 2:10

Ɓisuulɛ, tì rì kìsay ki nnyɛɛ salà; à yègà ɓìsi ɓi Yeesus Kiris lɛ, ti ghɛɓ cɛɓ ki ki ri rì mɛ̀kìkìì mɛ syeesyee mɛ Bɛ̀ll à lokà kì pègsɛɛ lɛ ti kilag.

EFÈZYƐŊ 2:14

Ɓisuulɛ Kiris ànɛ̀n yɛɛ mɛ fa ɓisi fyòoog, nnyɛɛ ɓaskà ɓyom ɓi ɓi ɓaghà ɓì ghasɛn kibyɔg kìfog yɛ̀ɛ à wààghàkà bàŋbàŋ ìnɛ ì fogà gasɛ̀n rì bènà ɓi nyìinyìm wìs.

EFÈZYƐŊ 2:16

Kiris à wolà bènà ɓi rìwu ɗi à wughà ɓi kɔrɔs, à ràɗkà ɓìlɔ̀ŋ ɓi kiɓɛ̀ɛ̀rɛn lɛ ɓyɛɛ ɓa nyoo bog , ɓi ki sugti ki ràrɛɛ ri Bɛ̀ll.

EFÈZYƐŊ 4:16

Lɛ nyi nnɛ nyoo bimiɗ ì ti ì kìlàg lɛ, ì tɔɔ, ì ki toŋɗɛn yɔ̀miɗ ɓi nkɔ̀nɛ̀n ɓi ɗùm lèg ànɛ à ghɛ̀ɛ̀sɛɛ rì ɓìkàɓ ɓi miì ɓìcèm; nyoo ìnɛ̀n ì rì ǹwògakɛn lɛ syeesyee ì ki ɓa nɗàrakɛn lɛ kpeg kpeg rì gòga yìcèm yi ì rì rì yɔ̀.

KÒLÒSYƐŊ 2:14

À pisighà sɔmìnà à m̀ɓeɓɛn ànɛ à ɓaghà ɓisi ɓi nyoo innɛ ɓìɓan ɓi miì ɓi nɔɔ̀nɔ̀ɔ̀tìghà ɓìsi; à pisìghà ɓìsi nyi yɛ̀ɛ à kpangà nyi ɓi kɔrɔs.

KÒLÒSYƐŊ 2:20

I ɓì wughà ǹɗaŋ ri Kiris ɓi ɓɛg ànɛ a mɛ̀tèɗ mɛ mɛghay mɛ ɓi ziinɛ, ɓisuucɛ nnɛ ɓɛ kaŋkàŋ tì mìni rì ɓìɓan ɓiǹ yɛ̀ɛ ɓɛɛ̀ kali lɛ ɓì kaka ɓì ghɛghɛ̀ɓ ɓi ɓìsyɔ̀ɔ̀ ɓi ɓi ziinɛ?

KÒLÒSYƐŊ 3:10

Ɓì teɗ nyɔɔnyɔn à rìɓa, ànɛ à rì rìɓa ɗi ŋwaànɛ à ti ncenɗɛn, à ɓa cààmɛ̀n kìcèm à suùsùgtì nyɔn ɓi kìpisɛn ki roànɛ à kìghà nyi, lɛ di a konag lɔŋ nyi kì yiì kɔɔ̀kɔɔ̀ à rìyi.

KÒLÒSYƐŊ 3:11

Foo ǹlànag wu yiìdi ɓi nyìinyìm ànɛ lɛ, rì muu Gìrɛg, rì muu Ɓɛ̀yudɛ̀n, nsoò lɛ rì ŋwaànɛ à rì ǹkɛ̀rɛn, rì roànɛ à yin nkɛ̀rɛn, ǹkèn a mum, rì muu Sit, nsoò lɛ rì ǹkpàn rì ŋwaànɛ à yin ǹkpàn, lɔŋ Kiris yɛɛ ri com kìcèm ɓi ɓum ɓɛ̀cèm.

KÒLÒSYƐŊ 3:15

Fyòoog à Kiris ànɛ Bɛ̀ll à reŋìghà mìniìcèm miì lɛ, ɓi ɓa ɓìkàɓ ɓi ɓi nyoo bog, a lami mɛ̀rem min. Ɓì ghɛ̀ɛ̀sɛɛ kì yiì rìfa ɗi ɓìtògsɛ̀n.

EBIREEGH 7:16

À tekà ɓi ikɔ̀ɔ̀ wu Pìrɛɛtìrɛ̀ ɓi rìkpaa ɗì ɓidɔ̀gsɛna ɓi ɓum ɓɛɛ faa, à ɓɔkà lɔŋ rì ìtèɗ wu cɛɓ ki ki ri kɛ̀ɛ̀ sugtag.

EBIREEGH 8:13

Ɓi rìkpaa ɗi Bɛ̀ll à kpaa lɛ à rì ɓiì renì bee ì nyɔn rì ɓum, à ghaasì bee i ǹtonto bee inɛ abɛ̀y. Nni com kìcèm ki ki mɛ finɛ̀n ki ki rùn, kaa rɔ̀ɓ lɛsàg lɛ kɛɛ silì.

EBIREEGH 9:23

Ki ghɛɛ̀sɛ̀ngà min lɛ, ɓìfèèghrɛnà ɓi ɓɛkɔɔ̀kɔɔ̀ ɓɛ ɓyom ɓi ɓi ri aɗyoo ɓyɛɛ teɗ rìkuu ɗi zòghɛ̀n ɗiǹ, rì tì lɛ, nsoò ɓɛ̀kɔɔ̀kɔɔ̀ ɓɛ ɓyom ɓɛ aɗyoo ɓɛncèm ɓɛ ghɛɛ̀sɛ̀ngà kì terì zòghɛ̀n rì ɓìfùna ɓi ɓi cee ɓiǹ.