EFÈZYƐŊ 2:12 - Bafia Nouveau Testament

¹² Ɓi cààmɛ̀n kiǹ, ɓì ɓaghà kɛ̀ɛ̀ Kiris, ɓì ɓaghà ɓɛ̀kèn, kɛ̀ ɓi ɓa ɓɛroɓɛ ɓi kìlɔ̀ŋ ki Bɛ̀ll à ɓɔ̀ngà; ɓì ɓaghà ɓi ri gàɓ ɓi bee yi Bɛ̀ll à kàkà lɛ à ɓiì renì rì kɔ; fɔɔnnɛ ɓì ghɛghɛ̀ɓkà ɓi ziinɛ, kɛ̀ɛ̀ dyàɓɛn, kɛ̀ɛ̀ Bɛ̀ll.

EFÈZYƐŊ 2:12 Iomraidhean Croise

LUKAS 1:72

Rìkì ɗiǹ ɗyɛɛɗi a rèsàg geesɛ̀n yìì ɓi ɓɛg ànɛ a ɓɛ̀seŋi ɓis, à ki yiti bee inɛ à rengà rì ɓɔ, ìnɛ ìrì ǹtɛnɛn

ZYAŊ 10:16

Ǹɗì tì rì jɔ̀ɔ̀ yidɛŋ yi yi ka yin ɓi kìlaa ki. Ki ghɛɛ̀sɛɛ lɛ nteɗ yì girig yɔ; yi ri ɓiì woògh jɛ̀ɛ̀ yɛ̀m, fɔɔnnɛ kìtuu ki jɔ̀ɔ̀ ki ɓiì ɓaà kìfog, m̀ɓèŋì à ɓa bog.

ZYAŊ 15:5

Mɛ̀ ǹɗì ǹɗyèm, mìnii ri myaɓ. Nni ŋwaànɛ à rì ǹɗàrɛn ri mɛ̀ yɛ̀ɛ mɛ̀ ǹɗì ǹɗàrɛn ri nyi, à ɓiì wumì ɓìɗùn lɛɛ̀gwey; lɛ ɓì yin lɛ ɓì kì com kɛ̀ɛ̀ mɛ̀.

ZYAŊ 4:22

Lɛ mìniì ɓɔɔɓɔgsì com ki ɓì yii ɓi, ɓìsiì ɓɔɔɓɔgsì com ki tì yii, lɛ gòri ì ɓum ì pɛ̀sɛɛ yì a Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 2:39

Lɛ ǹkàg wu Bɛ̀ll à kàkà wu ri ɓisu win, rì ɓisuu ɓɔn ɓin, wu ki ɓa ti ɓisuu ɓum ɓɛ̀cèm ɓɛ ɓɛ ri tìràɓ, ɓɛɛ̀ɓɛ Kan Bɛ̀ll wìs à regiigɛy bàlì ìnɛ ki kɔ̀ni gɛ nyi lɛ a regiì.

MƐ̀KÌKÌÌ MƐ ƁƐKƐ̀NÌ-FÌTOM 28:20

Kìɓan kiǹ kɛɛ̀ki mɛ̀ɛ ntɔɔgh lɛ di màa ghɛɛ mìni, ǹkalì mìni lɛ bɛn yi ǹɗì yi rì yɔ, yi ri ɓisuu ǹtyweeyi wu Isirayɛl a rì rì wɔ.

MƐ̀KÌKÌÌ MƐ ƁƐKƐ̀NÌ-FÌTOM 3:25

Mìni yɛɛ ri ɓɔn ɓɛ ɓɛkpaŋzì-ɓìɓan, ɓì ki ɓa ti ɓɔn ɓɛ ɓi ɓee ìnɛ Bɛ̀ll à rengà rì ɓɛ̀seŋi ɓìn, yɛ̀ɛ à kalìghà Abiraham lɛ: M̀màŋi gɛ naa yi ɓum yìcèm yi ɓi ziinɛ ɓi jɛ̀m ì dòò yɔɔ.

RÒMƐŊ 9:8

Yɛɛ lɔɔ lɛ àa ɓɔn ɓɛ ɓɛ yalɛɛ yɛ̀ɛ ɓɔn ɓɛ ti ɓɛ yalàg ɓɛɛ ri ɓɔn ɓɛ Bɛ̀ll, lɔŋ ɓɔn ɓɛ ɓɛ yalɛɛ fɛlɛ yɛ̀ɛ ǹkàg wu Bɛ̀ll wu ri, ɓɛɛ ri ɓɛ̀ɓàlɛn lɛ dòò.

GÀLAT 4:8

Ɓi mɛ̀ru mɛ abɛ̀y, ɓì yighà ɓi Bɛ̀ll; ɓìi mɓɔgsàg ɓinùn ɓi ɓi yin kɔm̀ Bɛ̀ll.

EFÈZYƐŊ 2:19

Fɔlɔɔ nnɛ ɓì yiìdi ɓɛ̀kèn nsoò lɛ ɓumɓɛ ɓɛ ri ɓi rìghaàgh, wɔ̀lɛ ɓigomìnɛ ɓì ti ɓumɓɛ ɓɛ ri kìlɔ̀ŋ kìfog rì ɓumɓɛ ɓi kìlɔ̀ŋ ki Bɛ̀ll, ɓì ki ɓa ɓumɓɛ ɓi naa ì ɓum ì Bɛ̀ll.

EFÈZYƐŊ 4:18

Ɗyomzɛ̀n ɗyaa ɗi ri ɗì sigtɛn birìm, fɔɔnnɛ ɓɛ yin ri gàɓ ɓi cɛɓ ki Bɛ̀ll lɛ kɛ̀ɛ̀ rìyi wàà, rì rìɓa ɗi mɛ̀rem maa mɛ ri mɛ̀ tèrɛn.

KÒLÒSYƐŊ 1:21

Fɔɔnnɛ mìni ɓɛ ɓì ɓaghà abɛ̀y ɓɛ̀ ràɓsɛn ri Bɛ̀ll, ɓì ki ɓa ɓɛ̀bènàbena ɓii, lɛ ɓìɓeɓtàg ɓi ɓiɓan ɓi ɓì kìkìghà,

KÒLÒSYƐŊ 1:27

ɓisuulɛ Bɛ̀ll àa nkɔ̀ni lɛ a resi ɓɔ fèg wìì anɛ a rìnyam, ànɛ à kìi lɛ, à fɔm à ki rɔɔtɛn yɛ̀ɛ mɛ̀nɔ̀ɓɔ̀; fèg ànɛn à rì ɓisuu ɓilɔ̀ŋ ɓìcèm ɓi ɓi yii ɓi Bɛ̀ll, nnyɛɛ lɔɔ lɛ: Kiris à rì ɓi mìni, à ki fa mini dyàɓɛn inɛ lɛ ɓì ɓiì ɓaà rì gàɓ ɓi rìkem ɗi Bɛ̀ll.

KÒLÒSYƐŊ 1:5

ɓisuu dyàɓɛn yiǹ ìnɛ ì ɓoŋɓoŋi mìni aɗyoo. Dyàɓɛn incèm yɛ̀ɛnɛ jɛ̀ɛ̀ ìnɛ ì rì jɛ̀ɛ̀ ì kɔɔ̀kɔɔ̀ à kìɓan, jɛ̀ɛ̀ ì Syeesyee à Ɓɔlɛ, ì wogsìghà mìni abɛ̀y.

TÈSÀLÒNÌSYƐŊ 4:13

Ɓɔɔsoŋ̀, tì kɔ̀ni ɓi lɛ ɓi ɓa lɛ dùŋdùŋ ɓi kìɓan ki ki seesee ɓɛroɓɛ ɓɛ ri ɓìloŋ lɛ di kɛ̀ ɓi ɓa lɛ mɛ̀rem min mɛ ɓeɓtɛ̀n ɓi mùm yɛ̀ɛ mɛ ɓum ɓɛm̀bog ɓɛ ɓɛ rì kɛ̀ɛ̀ dyàɓɛn.

TÈSÀLÒNÌSYƐŊ 4:5

kɛ̀ɛ càrɛn lɛ ɓiɓeɓtàg ɓi ɓiɓan ɓyɛɛ syòŋ nyi ǹɗem, yɛ̀ɛ ki ti ki ɓalàg rì ɓumɓɛ ɓɛ yin ɓɛgherɛ̀n ɓɛ̀ kɛɛ̀ ki yi Bɛ̀ll.

2 TÈSÀLÒNÌSYƐŊ 2:16

Kan wìs Yeesus Kiris nyimiɗ, rì Bɛ̀ll à Seŋi wìs anɛ à keesìghà ɓìsi, à fa ɓìsi fɔɔy ànɛ ɓi nɗem ànɛ à rì fìɗyàɓ fikɔ̀ɔ̀, rì dyàɓɛn i syeesyee,

TIMOTE 1:1

Mɛ̀ Pol, ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll ànɛ à rì ǹghɛɓsì wìs, rì Yeesus Kiris ànɛ à rì dyàɓɛn yis.

EBIREEGH 11:34

ɓɛ ɓuɓsì ìtèɗ wu ɗuu, ɓɛ ki lɛg lɛ, ɓɛ̀ kɛɛ̀ wey ɓɔ rì gàfàg, ɓɛ wɔngì tìroɓ ti ɓɛ ɓaghà rì tyɔ, ɓɛ ɓa rì kìghɛɛsii a wɛ̀y, ɓɛ ki sansan mɛraŋ mɛ wɛ̀y mɛ ɓi ɓìlɔ̀ŋ ɓidɛŋ.

EBIREEGH 6:18

Ɓìɓan ɓi ri min ɓiɓɛɛ̀ ɓi ɓi yin lɛ ɓi lɔgtɛ̀n, ɓyɛɛ̀ɓi Bɛ̀ll à yin ɗi ìtèɗ wu lɛ à foŋ pwàà miì. Fɔlɔɔ nnɛ ɓìsiɓɛ tì mɛ tanɛn ǹnyamzɛn a lɔ̀ŋkii, ɓi mɛ fati ɓisi itèɗ lɛɛ̀gwey, lɛ ti siìri kì ɓanì dyàɓɛn inɛ ìrì ɓìsi ǹfayɛn.

EBIREEGH 8:6

Nni ɓi cààmɛ̀n ki, Yeesus à ti rì kìsay ki ki cee ki nkaa ɓisuulɛ, à rì roànɛ à kìghà lɛ Bɛ̀ll a ren syeesyee à bee ri ɓum; bee inɛ̀n yɛ̀ɛ sasaghii ɓi mɛ̀kàg mɛ mɛ rɔɔtɛɛ mɛ cee.

1 PYƐƐRI 1:21

Lɛ nyi, ɓì gherɛɛ Bɛ̀ll ànɛ à ghèmzìghày nyi a ɓìloŋ, à ki fa nyi rìkem, fɔlɔɔ nnɛ ǹtyweeyi wiǹ rì dyàɓɛn yiǹ ɓi ri yɛ̀ɛ Bɛ̀ll.

1 PYƐƐRI 1:3

Rìkem ɗyɛɛ ɓa rì Bɛ̀ll à Seŋi Kan wìs Yeesus Kiris; ɓi coo kipuɓì ǹɗem kii, à faghà ɓìsi cɛɓ ki nyɔn yɛ̀ɛ à ghèmzìghày Yeesus Kiris a ɓìloŋ; fɔlɔɔ a fa ɓìsi dyàɓɛn inɛ ì rì cem rì ǹtyweeyi,

1 PYƐƐRI 3:15

wɔ̀lɛ kemziinà Kiris ɓi mɛ̀rem min fɛlɛ yɛ̀ɛ Kan wìn. Ɓaana cààmɛ̀n kìcèm ɓɛ̀pègsɛn lɛ ɓi ɓag mum bimiɗ ànɛ à tɔɔgh mìni azi anɛ ɓi dyàɓɛn inɛ ɓì rì rì yɔ̀.

1 ZYAŊ 3:3

Nni mum ǹcèm ànɛ à rì rì ǹtyweeyi wiǹ yɛ̀ɛ Kiris, à ti à ɓègì nyimiɗ ntɛnɛn fɛlɛ yɛ̀ɛ Yeesus Kiris à rì ǹtɛnɛn.