EFÈZYƐŊ 2:11 - Bafia Nouveau Testament

¹¹ Mìni ɓɛ ɓì yin Ɓɛ̀yudɛ̀n, ɓì ghɛ̀ɛ̀sɛɛ kì yitii lɛ, ɓumɓɛ ɓɛɛ̀ kalag lɛ ɓɔɔ ri ɓɛ̀kɛ̀rɛn, ɓɛ nɗegì mìni abɛ̀y lɛ ɓɛ̀suswiɗ; ɓɔɔ ki ɓa lɛ ɓum ɓɛɛ kɛɗkàkà ɓɔ.

EFÈZYƐŊ 2:11 Iomraidhean Croise

MATYOO 20:7

Ɓɛ̀roɓɛ̀n ɓɛ pɛɛ̀zì nyi lɛ: Mum àa reŋii ɓi ɓisi lɛ ti ki nyi kìsay. Fɔɔnnɛ à kpaaghà ɓɔ lɛ: Kɛ̀ɛna girig kìsalì ɓi dɛm yɛm̀.

RÒMƐŊ 11:17

Wɔ̀lɛ i ɓɛ m̀pisii myaɓ mɛ òlivyee mɛdɛŋ, wàànɛ ù rì (fɛlɛ yɛ̀ɛ) òlìvyee ànɛ à ghɛghɛ̀ɓkà ɓi cog, ù ɓa lɛ ɓɛ yuù wɔ̀ kì ɓaatii ɓi nɗyèm wu òlivyee, jàŋ inɛ myaɓ mɛ ɓɛ nɗengii mɛ ǹɗì, u teteɗ girig gàɓ ì mɛ̀yaa mɛ gàŋ yi òlivyee ànɛ ɓɛ ɓɛlà yɛɛ̀ ronɗom̀ yi.

RÒMƐŊ 2:26

Nni i ŋwaànɛ à ka yin nkɛ̀rɛn a ɓèŋɓeŋ mɛsiŋdɛn mɛ ɓi ɓìdɔ̀gsɛna ɓi Bɛ̀ll, rìɓa ɗi à yin nkɛ̀rɛn ɗi yin nya lɛ Bɛ̀ll à teɗ ɗyɔ ɓi sìg à kɛ̀rɛ̀n?

RÒMƐŊ 2:27

Ŋwaànɛ yin nkɛ̀rɛn, kìɓan kifog à ɓèŋɓèŋ mɛ̀siŋdɛn mɛ ɓi ɓìdɔ̀gsɛna, à ɓiì renì kìɓan ki wàànɛ u sɛɛsɛɛ̀tì ɓìdɔ̀gsɛna nsoò yɛ̀ɛ ù rì rì kaàtà à ɓìdɔ̀gsɛna, ù ki ɓa nkɛ̀rɛn.

1 KƆ̀RƐ̀ŊTYƐŊ 12:2

Ɓì yii lɛ, cààmɛ̀n ki ɓì ɓaghà di ɓì ka yi ɓi Bɛ̀ll, ɓɛ syoŋsyòŋgà mìni lɔŋ lɛ duri yaa tani, a ɓìnùn ɓi ɓi yin lɛ ɓi toòghrɛ̀n.

1 KƆ̀RƐ̀ŊTYƐŊ 6:11

Gàɓ ì ɓum ìdɛŋ ìnɛ ɓi mìni, ì ɓaghà mɛ̀kuu mɛ ɓum mɛ̀n; wɔ̀lɛ ɓɛ sooghà mìni, ɓɛ tɛɛ̀zì mìni, ɓɛ ki kì lɛ ɓi ɓa lɛ saaɗ ɓi mis mɛ Bɛ̀ll, ɓi ɗii ɗi Kan Yeesus Kiris, rì ìtèɗ wu Ǹghay à Bɛ̀ll wìs.

GÀLAT 2:15

Ɓìsii ri ɓìyalì ɓi Ɓɛ̀yudɛ̀n, tì yin ɓɛ̀kìì-kìɓe ɓɛ ɓɛ pɛsɛɛyì ɓi ɓìlɔ̀ŋ ɓidɛŋ.

GÀLAT 6:12

Ɓum ɓɛ̀cèm ɓɛ ɓɛɛ̀ kaakaa lɛ ɓum ɓɛɛ sɛsɛg ɓɔ ɓi ɓìɓan ɓi mɛmùù ɓɛɛ̀ kàŋkaŋ mini lɛ ɓi kɛrɛn; ɓɛɛ̀ ki kìki fɔlɔɔ ri azi lɛ kɛ̀ ɓɛɛ̀ tulɛn ri ǹ-yeesɛ̀n ɓisuu Kɔrɔs à Kiris.

EFÈZYƐŊ 2:2

ɓi ɓì ghɛghɛ̀ɓkà miì abɛ̀y di ɓi ka nɔ̀ɔnɔɔ̀tì ɓìsyɔ̀ɔ̀ ɓi ɓi ziinɛ, ɓì kìkì rìkɔ̀n ɗi rifòm ɗi ɗi lamii mɛ̀tèɗ mɛ ɓi nlɛŋlɛŋ̀, ɗyɔ yɛɛ ri ǹghay ànɛ a kìki kisay ɓigomìnɛ ɓi ɓumɓɛ ɓɛ ri rì ǹtoòtèɗ.

EFÈZYƐŊ 5:8

Ɓisuulɛ ɓì ɓaghà ɓumɓɛ ɓi birìm abɛ̀y, nni ɓigomìnɛ, ɓì ti kìtɛɛtɛn ɓi Kan ɓi ɗùm. Nni ghɛɓina min yɛ̀ɛ ɓɔn ɓɛ ɓi kìtɛɛtɛn.

FÌLÌPYƐŊ 3:3

Lɛ ɓìsi yɛɛ ri ɓumɓɛ ɓɛ mɛ kɛ̀rɛn syeesyee à kɛ̀rɛ̀n lɛ ɓìsi yɛɛ̀ ɓɔɔɓɔgsì Bɛ̀ll rì Ǹghay à Bɛ̀ll, tì saàsànɛ̀n ɓi Yeesus Kiris ɓi ɗùm, tyɛ̀ ki ki foŋ ntyweeyi wis ɓi kìɓan ki mɛmùù.

KÒLÒSYƐŊ 1:21

Fɔɔnnɛ mìni ɓɛ ɓì ɓaghà abɛ̀y ɓɛ̀ ràɓsɛn ri Bɛ̀ll, ɓì ki ɓa ɓɛ̀bènàbena ɓii, lɛ ɓìɓeɓtàg ɓi ɓiɓan ɓi ɓì kìkìghà,

KÒLÒSYƐŊ 2:11

Ɓi nyi, ɓì kɛ̀rɛ̀ngà rìkuu ɗi kɛ̀rɛ̀n ɗi ɗi yin ɗi ɓum ɓɛɛ kɛri rì ɓyàg ɓyaa, kìɓan kifog, ɓì kɛ̀rɛ̀ngà kɛ̀rɛ̀n à Kiris ànɛ à rì lɛ mum a leg ɓi rìkpàn ɗi nyoo ì kìɓe.

KÒLÒSYƐŊ 2:13

Mìni ɓɛ ɓì ɓaghà ɓìloŋ abɛ̀y lɛ ɓìɓe ɓin, ɗì rìɓa ɗi ɓì ɓaghà kɛ̀ɛ̀ kìkɛ̀rɛɛ, Bɛ̀ll à mɛ fati mini cɛɓ ǹɗaŋ ɗi Kiris, yɛ̀ɛ à cenɛ̀ngà ɓisi ɓìɓe ɓis ɓìcèm.

KÒLÒSYƐŊ 3:11

Foo ǹlànag wu yiìdi ɓi nyìinyìm ànɛ lɛ, rì muu Gìrɛg, rì muu Ɓɛ̀yudɛ̀n, nsoò lɛ rì ŋwaànɛ à rì ǹkɛ̀rɛn, rì roànɛ à yin nkɛ̀rɛn, ǹkèn a mum, rì muu Sit, nsoò lɛ rì ǹkpàn rì ŋwaànɛ à yin ǹkpàn, lɔŋ Kiris yɛɛ ri com kìcèm ɓi ɓum ɓɛ̀cèm.