EFÈZYƐŊ 2:10 - Bafia Nouveau Testament

¹⁰ Ɓisuulɛ, tì rì kìsay ki nnyɛɛ salà; à yègà ɓìsi ɓi Yeesus Kiris lɛ, ti ghɛɓ cɛɓ ki ki ri rì mɛ̀kìkìì mɛ syeesyee mɛ Bɛ̀ll à lokà kì pègsɛɛ lɛ ti kilag.

EFÈZYƐŊ 2:10 Iomraidhean Croise

MATYOO 5:16

Fɔlɔɔ nnɛ Kìtɛɛtɛn kin ki ghɛɛ̀sɛɛ kì lòmi ɓi nyìinyìm à ɓum ɓi lèg ànɛ lɛ, i ɓɛ ghɛɛ ɓìɓan ɓi syeesyee, ɓi ɓi kìkì ɓɛ kemzì Tààta wìn anɛ à rì ɓi ɗyoo ɓi ɗùm.

ZYAŊ 3:21

Wɔ̀lɛ roànɛ à ti à kìlàg ɓìɓan ɓi saaɗ, nnyɛɛ ti à yùlàg jàŋ inɛ kìtɛɛtɛn ki ri, lɛ ɓɛɛ ghɛǹ lɛ tɛntɛ̀ɛ̀n lɛ, a kìki ɓiɓan yɛ̀ɛ kɛɛ̀ kɔ̀ngi Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 9:31

Kìseŋi ki ɓaghà lɛ fyòoog, ɓi zi ì Zyude bimiɗ, a Galile rì a Samari; kìseŋi ki tetèkà ìtèɗ, ki kikì Kan mɛ̀wog, ki ki tèeghteghɛ̀n rì ǹghɛɓsɛn wu Kitɛntɛ̀ɛ̀n ki Nghay.

MƐ̀KÌKÌÌ MƐ ƁƐKƐ̀NÌ-FÌTOM 9:36

Giɓ adɛŋ yɛɛ ɓaghà ǹgherɛ̀n a Zyope ɗii lɛ Taɓita yɛɛ lɔɔ lɛ Dorikas; à kìkìghà kìrɔɔ lɛɛ̀gwey à ki ghɛɛghɛɓsì ɓum ɓɛ nyìighnyìg.

RÒMƐŊ 8:1

Nni ɓigomìnɛ, ɓumɓɛ ɓɛ ri ɓi Yeesus Kiris ɓi ɗùm, ɓɛ yiìɗi ri bɛ̀lɛn nsoò lɛsàg, ɓɛ yiìdi ɓiì ghɛghɛɓi yɛ̀ɛ mɛ̀mùù mɛɛ̀ titini ɓɔ lɛ ɓɛɛ ghɛɓ, ɓɛɛ̀ nɔ̀ɔnɔɔ̀tì lɔŋ cɛɓ ki Nghay à Bɛ̀ll a rèresi ɓɔ.

RÒMƐŊ 8:29

Ɓisuulɛ ɓumɓɛ Bɛ̀ll à lokà kì ɓɔ̀ni, à ɓaghà girig di à mɛ ren abɛ̀y lɛ ɓɛ ɓiì ɓaà ɓi kìpisɛn ki Man wiì, lɛ di Man wiì a ɓa man à ǹtonto ɓi kìtuu ki ɓɛgeni.

1 KƆ̀RƐ̀ŊTYƐŊ 3:9

Lɛ ɓìsiì kìki kisay ki Bɛ̀ll ǹɗaŋ, mìni yɛɛ ri dɛm i Bɛ̀ll, ɓì ki ɓa mɛɛ mɛ Bɛ̀ll a toŋtòŋ.

2 KƆ̀RƐ̀ŊTYƐŊ 5:17

I mum à ti ɓi Kiris ɓiɗùm, à ti nyɔɔnyɔn à mum, lɛ tìɗyàɓ ti ɓiɓan ti mɛ ghaàgh, ɓyom ɓi nyɔn ɓyɛɛ ti.

2 KƆ̀RƐ̀ŊTYƐŊ 5:5

Bɛ̀ll nyimiɗ yɛɛ pegsɛ̀ngà lɛ ɓìsii ri ɓiì lɔ̀ɔ̀ghrɛɛ ɓi rìkuu ɗi rilɔ̀ɔ̀ghrɛ̀n ɗiǹ, fɔlɔɔ nnɛ à faghà ɓìsi Ǹghay wìì ɓi sìg à kìrèmzɛnà ki kɛɛ resi lɛ, à ɓèŋɓeŋi ɓìrɔɔ ɓidɛŋ ɓisu wis.

2 KƆ̀RƐ̀ŊTYƐŊ 9:8

Bɛ̀ll à ki rì rì ìtèɗ wulɛ à roòzì mìni rì ɓɛ̀mààgh mɛ̀kuu mɛ̀cèm ɓi lèg ànɛ lɛ ɓi ɓa cààmɛ̀n kìcèm rì ɓyom ɓi ɓì ghɛ̀ɛ̀sɛɛ kì ɓaà rì ɓyɔ, ɓì ki rɔ̀ɓti ti ri ɓyom lɛɛ̀gwey ɓi ɓì rì lɛ ɓì ghɛɛ̀ghɛ̀ɓsì ɓum miì.

GÀLAT 6:15

Rìɓa ɗi lɛ ŋwaà rì ǹkɛ̀rɛn nsoò lɛ à yin nkɛ̀rɛn ɗi yin com, kìɓan ki ki ri bimiɗ à com ki ri lɛ mum a ɓa nyɔɔnyɔn à mum.

EFÈZYƐŊ 1:1

Mɛ̀ Pol, ànɛ ǹɗì ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll, mɛ̀ yɛɛ kani ɓumɓɛ Bɛ̀ll rì ɓɛ̀gherɛ̀n ɓɛ ɓɛ ri ɓɛ̀falɛn ɓi Kiris Yeesus a Efɛɛzɛ.

EFÈZYƐŊ 1:4

Ɓi Kiris, Bɛ̀ll à ɓɔ̀ngà ɓìsi di ziinɛ ì ka kilɛn ɓi, lɛ ti ɓa ɓɛ̀tɛnɛn, kɛ̀ɛ̀ kìɓan ki lɛ ɓɛ fen ɓi mis mii. Ɓi nkɔ̀nɛ̀n wìì,

EFÈZYƐŊ 2:13

Wɔ̀lɛ ɓigomìnɛ, ɓi Yeesus Kiris mìni ɓɛ ɓì ɓaghà fìràɓ, ɓì mɛ tyòŋdɛn yi nyi jàŋbog lɛ bwaɓ yi Kiris.

EFÈZYƐŊ 2:15

À pisìghà ɓìdɔ̀gsɛna, rì mɛ̀siŋdɛn mɛ miì rì ɓìcèlì ɓi miì ɓi rìfa ɗi à faghà nyoo yìì lɛ di ɓìlɔ̀ŋ ɓi kiɓɛ̀ɛ̀ ɓìn ɓyɛɛ sug kìlɔ̀ŋ kìfog, ki kɛɛ ɓa nyɔɔnyɔn à kìlɔ̀ŋ ɓi rìràrɛ̀n ɗi rì nyi, fɔlɔɔ nnɛ à kìghà lɛ fyòoog a ɓa.

EFÈZYƐŊ 2:2

ɓi ɓì ghɛghɛ̀ɓkà miì abɛ̀y di ɓi ka nɔ̀ɔnɔɔ̀tì ɓìsyɔ̀ɔ̀ ɓi ɓi ziinɛ, ɓì kìkì rìkɔ̀n ɗi rifòm ɗi ɗi lamii mɛ̀tèɗ mɛ ɓi nlɛŋlɛŋ̀, ɗyɔ yɛɛ ri ǹghay ànɛ a kìki kisay ɓigomìnɛ ɓi ɓumɓɛ ɓɛ ri rì ǹtoòtèɗ.

EFÈZYƐŊ 2:6

À kìghà lɛ, à ghèmzì ɓìsi ǹɗaŋ ri nyi, à ki kɔ̀ɔ̀si ɓisi ɓi ɗyoo ɓi ɗùm ɓi rìɓa ɗi tì rì ɓi Yeesus Kiris.

EFÈZYƐŊ 4:1

Fɔɔnnɛ mɛ̀ ànɛ ǹɗì kìmbùŋ lɛ ǹsàsay Kan, ǹkpaa mìni lɛ, ghɛɓina rìkuu ɗi cɛɓ ɗi ɗi ghɛɛ̀sɛɛ rì ǹɗeèghreŋi wu wu kpagà a lɔ̀ŋkin,

EFÈZYƐŊ 4:24

Ɓì waatɛ̀n nyɔɔnyɔn à rìɓa ànɛ à rì ǹkìyɛn ɓi kìpisɛn ki Bɛ̀ll, rìɓa ɗìn ɗi resɛ̀n ɓi cɛɓ ki nkpaà rì ki tɛnɛn, ki ki fuu yì ɓi saaɗ.

FÌLÌPYƐŊ 1:6

Ǹ-yii syeesyee à rìyi lɛ roànɛ à tumɛ̀ngà syeesyee à kìsay anɛ̀n ɓi mìni, à rì ɓiì kɛ̀ɛ ri kɔ asu à kpaŋ yɛ̀ɛ à ri wɔmɓɛn kɔ ɓi ŋwos a Yeesus Kiris.

FÌLÌPYƐŊ 2:13

Ɓisuulɛ Bɛ̀ll nnyɛɛ kìki kisay ɓi mìni, à fafà mìni lɛ rì ǹɗem, rì ìtèɗ wu kìyen ɓiɓan ɓi ɓi ghɛɛ̀sɛɛ rì syeesyee wìì a ɗyomzɛ̀n.

KÒLÒSYƐŊ 1:10

Fɔɔnnɛ ghɛɓina cɛɓ ki kɛɛ̀ kɔ̀ngi Kan, ɓì kìkì ɓìɓan ɓi ɓi ri lɛ ɓi puɓsì nyi nɗem cààmɛ̀n kìcèm. Wumina ɓìɗùn ɓi ɓyɛɛ ghɛnɛn ɓi mɛ̀kìkìì mɛ syeesyee mɛ̀kuu mɛ̀kuu, ɓì ki tɔɔtɔɔ ɓi rìyi ɗi ɓì yii Bɛ̀ll.

KÒLÒSYƐŊ 3:10

Ɓì teɗ nyɔɔnyɔn à rìɓa, ànɛ à rì rìɓa ɗi ŋwaànɛ à ti ncenɗɛn, à ɓa cààmɛ̀n kìcèm à suùsùgtì nyɔn ɓi kìpisɛn ki roànɛ à kìghà nyi, lɛ di a konag lɔŋ nyi kì yiì kɔɔ̀kɔɔ̀ à rìyi.

2 TÈSÀLÒNÌSYƐŊ 2:17

ɓɛɛ fɔɔ̀si mìni mɛ̀rem, ɓɛ fa mìni ìtèɗ wu kìyɛn ɓiɓan ɓi syeesyee, ɓi mɛ̀kìkì min mɛcèm, rì ɓi ɓìtòkì ɓin ɓìcèm.

TIMOTE 2:10

Lɔŋ ɓìɓan ɓi syeesyee ɓi ɓɛɛ̀ kìkì, ɓyɛɛ ghɛɛ̀sɛɛ kì ɓaà mɛ̀rɛ̀ŋ maa, lɛ fɔlɔɔ yɛɛ ghɛɛ̀sɛɛ rì ɓɛ̀yiɓ ɓɛ ɓɛɛ̀ nɔ̀ɔnɔɔ̀tì rìgherɛ̀n.

TIMOTE 5:10

Ki ghɛɛ̀sɛɛ lɛ a ɓa giɓ anɛ ɓum ɓɛ yii ɓìsyeesyee ɓii ɓi mɛkìkìì, ànɛ à mɛ tɔɔsag ɓɔn, ànɛ àa nghàɓkì ɓɛ̀kèn lɛ syeesyee, à sòòghì ɓɛ̀gherɛ̀n mɛ̀kòò, à ghɛɓsàg ɓum ɓɛ nyìinyìg, à ki kaakaa lɛ a ki ɓìɓan ɓi syeesyee.

TIMOTE 5:25

Fɔlɔɔ nnɛ mɛ̀kìkìì mɛ syeesyee mɛ ti mɛ ghɛnàg lɛ tɛntɛ̀ɛ̀n, mɛ mɛ rɔɔtɛɛ ɓi mɛ̀ kɛɛ̀ ki rɔ̀ɓ a rìnyam.

TIMOTE 6:18

Kali ɓɔ lɛ, ɓɛɛ kiki kìrɔɔ, ɓɛɛ kum̀ ɓi ɓìsyeesyee ɓi mɛkìkìì, ɓɛ ɓa rì rìɓòò, ɓɛ fafà ɓum ɓyom,

2 TIMOTE 2:21

Nni i mum à ɓèŋɗɛɛ nyimiɗ ntɛnɛn à rì ɓiì ɓaà ɓɛŋi anɛ ɓɛ ri lɛ ɓɛ teɗ ŋwosi kiɓan ki bànà; ɓɛŋi a ǹtɛnɛn ànɛ à rì rì gɛɓsɛ̀n ɓisuu ŋwaànɛ à rì rì nyi, à ki ɓa ɓɛŋi anɛ à ghɛ̀ɛ̀sɛɛ ɓisuu rikì ɗi ɓyom ɓi syeesyee.

2 TIMOTE 3:17

lɛ mum à Bɛ̀ll a ɓa m̀pègsɛn lɛ kɔɔ̀kɔɔ̀, à ki ɓa ri bee inɛ lɛ a ki ɓìɓan ɓi syeesyee.

Kaàtà ànɛ Pol à kàngà TIT 2:14

ànɛ à falɛ̀ngà nyimiɗ ɓisu wis lɛ a pwaŋ̀ yì ɓìsi ɓi kìɓe mɛkuu mɛ̀cèm, à kì lɛ ti ɓa kìlɔ̀ŋ kitɛnɛn ki kɛɛ woòghrɛn ɗì nyi; ki falɛ̀n ɓi rìkìkì ɗi ɓiɓan ɓi syeesyee.

Kaàtà ànɛ Pol à kàngà TIT 2:7

Wɛ̀ɛmiɗ ù ɓa kìfèèghrɛnà ɓi rìkì ɗi ɓiɓan ɓi syeesyee, ù rèèrèsàg ɓum dɔgtɛ̀n inɛ ì rì ǹtɛnɛn, ɗì rìmum.

Kaàtà ànɛ Pol à kàngà TIT 3:1

Yiti ɓɔ lɛ ɓɛɛ ki ɓɛ̀làmì kìlɔ̀ŋ, rì ɓɛ̀gɔmìnà mɛ̀wog; ɓɛ ghɛɛ̀sɛɛ kì kìi com ki ɓɛ̀roɓɛ̀n ɓɛ tɔɔgh ɓɔ lɛ ɓɛɛ ki, ɓɛ ki fɛmɓɛn ɓi rìkì ɗi kiɓan kicèm ki ki ri lɛ syeesyee.

Kaàtà ànɛ Pol à kàngà TIT 3:14

Ki ghɛɛ̀sɛɛ lɛ ɓumɓɛ ɓi nɗaŋ wis ɓɛɛ yilɛn rì rìkìkì ɗi ɓiɓan ɓi syeesyee lɛ kɔɔ̀kɔɔ̀, fɔɔnnɛ ɓɛ ri ɓiì kìkii ɓɛ̀gɛni-ɓiɓan ɓɛ ɓɛ ghɛɛ̀sɛɛ kì kìlɛɛ lɛ fyɛ̀ɗ yɛ̀ɛ ɓɛ̀ kɛɛ̀ rɔ̀ɓ kɛ̀ɛ̀ ɓìɗùn.

Kaàtà ànɛ Pol à kàngà TIT 3:8

Jɛ̀ɛ̀ ìnɛ ì rì kɔɔ̀kɔɔ̀ à jɛ̀ɛ̀, fɔɔnnɛ nkɔ̀ngi lɛ u siìrɛn ɓi rìkpaakpàà ɗi yɔ̀ di fɔɔnnɛ ɓumɓɛ ɓɛ gherɛ̀ngà Bɛ̀ll ɓɛɛ teèsi nyoo lɛɛ̀gwey, ɗì rìkìkì ɗi ɓiɓan ɓi syeesyee kìɓan kiǹ kɛɛ rɔɔtɛɛ ki ki ɓa ri gɛɓsɛ̀n ɓisuu ɓum.

EBIREEGH 10:24

Ti ɓèeghɓèŋɗɛɛna ɓìsi rì ɓìsi, tì feèfègsɛ̀n lɛ ti ɓa rì ǹkɔ̀nɛ̀n, tì ki kìki ɓiɓan ɓi syeesyee.

EBIREEGH 13:21

a fa mìni ìtèɗ wulɛ ɓi kiki ɓìɓan ɓi syeesyee lɛ ɓi roòzi rikɔ̀n ɗii; a ki lɛ, ɓìɓan ɓi ɓyɛɛ̀ rɔɔghi nyi ɓyɛɛ ghɛnɛn ɓi ɓìsi lɛ Yeesus Kiris ànɛ à ghɛ̀ɛ̀sɛɛ ɗì rìkem fìɗyàɓ fikɔ̀ɔ̀ ri fìɗyàɓ fikɔ̀ɔ̀ Ààmɛ̀n.

1 PYƐƐRI 2:12

Ɓaana rì ɓìsyeesyee ɓi ɓisyɔ̀ɔ̀ ɓi nyìinyìm à ɓumɓɛ ɓɛ yin ɓɛgherɛ̀n, di fɔlɔɔ nnɛ kɛɛ ɓalag lɛ, jàŋ inɛ ɓɛ mɛɛ̀ ɓùŋ mini a mɓeɓɛn, yɛ̀ɛ ɓɛɛ̀ kali lɛ ɓi kìki ɓiɓeɓtàg ɓi ɓiɓan, i ɓɛ ghɛɛ mɛ̀kìkìì min mɛ syeesyee, ɓɛ kemzì Bɛ̀ll ŋwos anɛ à ɓiì yùu.

1 ZYAŊ 1:7

Kìɓan kifog i ti kɛ̀ɛ̀kɛɛ ɓi kìtɛɛtɛn fɛlɛ yɛ̀ɛ nyimiɗ a rì ɓi kìtɛɛtɛn, di tì rì ɓɛ̀ràrɛn ɓisi mɛ̀to mɛ̀cèm, fɔɔnnɛ bwaɓ yi Man wiì Yeesus yi soò ɓìɓe ɓis ɓìcèm.

1 ZYAŊ 2:6

ŋwaànɛ à kpaa lɛ, à rì ǹɗàrɛn ri Bɛ̀ll, à ghɛ̀ɛ̀sɛɛ kì ghɛɓì yɛ̀ɛ Yeesus nyimiɗ à ghɛɓkà.