EFÈZYƐŊ 1:7 - Bafia Nouveau Testament

⁷ Ɓi Man ànɛ̀n, tì ti ɓɛ̀kòrɛn ri bwaɓ yii, ɓìɓe ɓis ɓi ɓa ɓìcàrɛn lɔŋ lɛ coo itègh wu geesɛ̀n ì Bɛ̀ll,

EFÈZYƐŊ 1:7 Iomraidhean Croise

MATYOO 20:28

Fɔlɔɔ nnɛ Man à mum à yùghà ɓi ziinɛ, àa lɛ ɓum ɓɛɛ kiki nyi ɓìsay, à yùghà lɔŋ lɛ, a say ɓum, à ki fa cɛɓ kii lɛ, a kweɗ ɓum lɛɛ̀gwey.

MATYOO 26:28

ɓisuulɛ bwaɓ yɛm̀ yɛɛ ri, bwaɓ yi ɓi rìràrɛ̀n ɗi rì Bɛ̀ll, yi yi ri ɓiì kpaŋì ɓisuu ɓum lɛɛ̀gwey, ɓisuu ricenɛ̀n ɗi ɓiɓe.

MATYOO 6:12

Cenɛn ɓìsi ɓìɓan ɓi ɓeɓɛn ɓi tì mɛ kì, fɛlɛ yɛ̀ɛ ɓìsi girig tì mɛ cenɛn ɓɛ̀roɓɛ ɓɛ kighà ɓìsi kìɓe.

MARIKUS 14:24

Yeesus à kpaa ɓɔ lɛ: Bwaɓ yɛm̀ yɛɛ ri lɛ, bwaɓ yi rìràrɛn ɗi lɛ rì Bɛ̀ll rì ɓum, yɛɛ ri ɓiì kpaŋì ɓisuu ɓum lɛɛ̀gwey.

LUKAS 1:77

ù ki kì lɛ ɓumɓɛ ɓi kìlɔ̀ŋ kii ɓɛɛ yi lɛ Bɛ̀ll à kòri ɓɔ, lɛ à mɛ cenɛn ɓɔ ɓìɓe ɓyaa.

LUKAS 24:47

Fɔlɔɔ nnɛ à tumɛ̀n a Yorisalɛm, à kpaŋ ɓi ɓìlɔ̀ŋ ɓìcèm ɓɛ ri ɓiì kpaakpaa kiɓan ki lɛ ɓum ɓɛɛ lɔɔ̀ghrɛn mɛ̀rem di Bɛ̀ll a cenɛn ɓìɓe ɓyaa ɓi ɗii ɗìì.

ZYAŊ 20:23

Ɓum ɓɛ̀cèm ɓɛ ɓì ɓiì cenɛɛ ɓiɓe, ɓɛɛ̀ɓɛ ɓìɓe ɓyaa ɓi ri ɓiì ɓaà ɓì cenɛn, ɓɛ̀roɓɛ ɓì cenɛɛ ɓi ɓiɓe, ɓìɓe ɓyaa ɓi rɔɓ kɛ̀ɛ̀ rìcenɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 10:43

Yeesus ànɛ̀n nnɛ ɓɛ̀kpaŋzì-ɓìɓan ɓɛ̀cèm ɓɛ ɓugà yɛ̀ɛ ɓɛ kpaakpààghà lɛ: Ɓì ɗii ɗii nnɛ Bɛ̀ll à rì ɓiì cenɛɛ mum ǹcèm ànɛ à gherɛɛ nyi ɓìɓe.

MƐ̀KÌKÌÌ MƐ ƁƐKƐ̀NÌ-FÌTOM 2:38

Pyɛɛri à ɓàg ɓɔ lɛ: Lɔ̀ɔ̀ghrɛɛna mɛ̀rem, mum ǹcèm ànɛ ɓi mìni à ki ɓàɓtɛn ɓi ɗii ɗi Yeesus Kiris fɔɔnnɛ Bɛ̀ll a cenɛn ɓìɓe ɓin, à ki fa mini Kìtɛntɛ̀ɛ̀n ki Nghay.

MƐ̀KÌKÌÌ MƐ ƁƐKƐ̀NÌ-FÌTOM 20:28

Fɔɔnnɛ, ɓèŋina mìniìɓɔmiɗ, ɓì ki ɓèŋ di kituu ki jɔ̀ɔ̀ yi Bɛ̀ll, yi Kìtɛntɛ̀ɛ̀n ki Nghay ki rɛsìghà mìni lɛ ɓi ɓeŋ̀ɓeŋ. Mɛniina kìseŋi ki Bɛ̀ll lɛ syeesyee, lɛ à làkà kɔ rì bwaɓ yii.

MƐ̀KÌKÌÌ MƐ ƁƐKƐ̀NÌ-FÌTOM 3:19

Nni lɔ̀ɔ̀ghrɛɛna min mɛrem, ɓi sugtiì yɛ̀ɛ Bɛ̀ll, di fɔɔnnɛ a tiìsi ɓìɓe ɓin.

RÒMƐŊ 2:4

Gìn wɔ̀ɔ sɛɛsɛɛ̀tì lɛ rì coo kìrɔɔ-ǹɗem à Bɛ̀ll rì kìɓìɓi kii ki nɗem, rì kìpuɓì-ǹɗem wìì? Ù yii ɓi lɛ kìrɔɔ-ǹɗem à Bɛ̀ll à ghɛ̀sɛɛ wɔ̀ kì tinii lɛ u lɔɔ̀ghrɛn ǹɗem?

RÒMƐŊ 3:24

Wɔ̀lɛ Bɛ̀ll, ɓi coo geesɛ̀n yìì, à ti à ghaasàg ɓɔ ɓum ɓɛ saaɗ, zɛy rì zɛy lɛ Yeesus Kiris ànɛ à mɛ kwèɗ ɓɔ ɓi rìkpàn.

RÒMƐŊ 3:25

Yeesus ànɛ̀n nnɛ Bɛ̀ll à fèkà lɛ a ɓa roànɛ à rì ɓiì sòo ɓiɓe ɓi ɓum rì bwaɓ yii ɓi bee ì rìgherɛ̀n; à kìghà fɔlɔɔ lɛ a resi saaɗ wìì ɓisuulɛ, à càɗkà ɓum kɛ̀ɛ fa ɓɔ deɓ ɓi ɓìɓe ɓi ɓɛ kikìghà abɛ̀y, cààmɛ̀n ki à ɓaghà di à ka kɔn ɓi lɛ bim yiì yɛ̀ɛ resɛ̀n.

RÒMƐŊ 9:23

A kɔ̀ngà girig lɛ a resi lèg ànɛ yɛ̀ɛ rìkem ɗii ɗi teghɛɛ ɓi san ànɛ a ɓɛ̀roɓɛ à ti à wokì nyìighnyìg, ɓɛɛ̀ɓɛ à lokà kì pègsɛɛ abɛ̀y lɛ ɓɛ ɓiì terì rìkem ɗìì.

1 KƆ̀RƐ̀ŊTYƐŊ 1:30

Wɔ̀lɛ Bɛ̀ll à ràɗkà mìni rì Yeesus Kiris à ki kì lɛ Kiris a ɓa ɗyomzɛ̀n ɗis, fɔɔnnɛ tì ti ɓum ɓɛ saaɗ ɓi mis mii lɛ Kiris; tì ti ɓi nɗɛli wulɛ ti ghɛɓ cɛɓ ki tɛnɛn, tì ki ɓa ɓumɓɛ ɓɛ ti ɓɛ̀kòrɛn ɓi kìɓe.

2 KƆ̀RƐ̀ŊTYƐŊ 8:9

Lɛ ɓì yii nɗem wu geesɛ̀n wu Kan wìs Yeesus Kiris; nyi ànɛ à ɓaghà rì ìkum, à ghaasìghà nyimiɗ soghàsogha lɛ di a kumzi mìni rì kìsoghà kii.

EFÈZYƐŊ 1:14

Nghay ànɛ̀n yɛɛ̀ kìki lɛ, tyɛ̀ ki ɓa ri nyoey ɓi kìrɔɔ ki Bɛ̀ll à nyamgà ɓisuu ɓum ɓii, à ki kì lɛ ti yi syeesyee à rìyi lɛ, tì rì ɓiì terì ɓyom ɓi syeesyee ɓi à nyamgà ɓiǹ, di gòri yìs i mɛ ron. Tì rì ɓumɓɛ Bɛ̀ll à tekà ɓisuulɛ ti nyaànyààsì rìkem ɗii.

EFÈZYƐŊ 1:18

À lòm mìni kìtɛɛtɛn ɓi mɛ̀rem, lɛ ɓi yi rìkuu ɗi dyàɓɛn ɗi à reŋìghà mìni lɛ ɓi ɓa rì ɗyɔ, ɓì ki yi lèg ànɛ yɛ̀ɛ ɓyom ɓi syeesyee ɓi à nyamgà ɓisuu ɓɛgherɛ̀n ɓi ri ɓì tèghɛn.

EFÈZYƐŊ 1:6

lɛ a nyaàsì rìkem ɗi geesɛ̀n yìì inɛ à kìghà ɓìsi ɓi Man wiì à nɗem.

EFÈZYƐŊ 1:8

ìnɛ à rèsìghà ɓìsi lɛɛ̀gwey, yɛ̀ɛ à kìghà lɛ ti ɓa rì ɗyomzɛ̀n, tì ki ɓa ri syeesyee à fèg.

EFÈZYƐŊ 2:4

Wɔ̀lɛ Bɛ̀ll à rì rì nyìighnyìg yɛ̀ɛ mɛ̀nɔ̀ɓɔ̀ fɔɔnnɛ ɓi coo nkɔ̀nɛ̀n ànɛ à keesìghà ɓìsi rì nyi,

EFÈZYƐŊ 2:7

À kìghà fɔlɔɔ lɛ, di ɓyààmɛ̀n ɓìcèm ɓi asu a resi geesɛ̀n yìì inɛ ì tèghɛɛ yɛ̀ɛ mɛ̀nɔ̀ɓɔ̀, ɓi kìrɔɔ-ǹɗem ànɛ à kìghà ɓìsi ɓi Yeesus Kiris.

EFÈZYƐŊ 3:16

Ǹtɔg nyi lɛ a fa mìni Nghay wìì lɛ a foŋ mìni ìteɗ ɓi nɗem,

EFÈZYƐŊ 3:8

Mɛ̀ ànɛ ǹɗì tìì-kìtòn a zɛy ànɛ ɓi ɓɛ̀gherɛ̀n ɓɛ̀cèm, mɛ̀ɛ nnɛ Bɛ̀ll à kìghà geesɛ̀n ìnɛ lɛ nghagsi Syeesyee à Ɓɔlɛ ànɛ ɓi kìrɔɔ ki ki ri ɓi Kiris, ki ɓum ɓɛ yin lɛ ɓɛ wog, a ɓumɓɛ ɓɛ yin Ɓɛ̀yudɛ̀n.

FÌLÌPYƐŊ 4:19

Bɛ̀ll wɛ̀m à rì mìni ɓiì faà ɓyom ɓìcèm ɓi ɓyɛɛ̀ kaakaàrɛ̀n mìni, lɔŋ yɛ̀ɛ ìkum wii wu wu ɓɛghɛɛ kìrɔɔ wu ti wu ghɛnàg ɓi Yeesus Kiris.

KÒLÒSYƐŊ 1:14

ànɛ tì rì ɓɛ̀kòrɛn lɛ nyi, ɓìɓe ɓis ɓi ki ɓa ɓi cenɛn.

KÒLÒSYƐŊ 1:27

ɓisuulɛ Bɛ̀ll àa nkɔ̀ni lɛ a resi ɓɔ fèg wìì anɛ a rìnyam, ànɛ à kìi lɛ, à fɔm à ki rɔɔtɛn yɛ̀ɛ mɛ̀nɔ̀ɓɔ̀; fèg ànɛn à rì ɓisuu ɓilɔ̀ŋ ɓìcèm ɓi ɓi yii ɓi Bɛ̀ll, nnyɛɛ lɔɔ lɛ: Kiris à rì ɓi mìni, à ki fa mini dyàɓɛn inɛ lɛ ɓì ɓiì ɓaà rì gàɓ ɓi rìkem ɗi Bɛ̀ll.

KÒLÒSYƐŊ 2:13

Mìni ɓɛ ɓì ɓaghà ɓìloŋ abɛ̀y lɛ ɓìɓe ɓin, ɗì rìɓa ɗi ɓì ɓaghà kɛ̀ɛ̀ kìkɛ̀rɛɛ, Bɛ̀ll à mɛ fati mini cɛɓ ǹɗaŋ ɗi Kiris, yɛ̀ɛ à cenɛ̀ngà ɓisi ɓìɓe ɓis ɓìcèm.

KÒLÒSYƐŊ 2:2

Nɗùùɗuu fɔlɔɔ ɓisuulɛ mɛ̀rem maa mɛɛ ɓa mɛ̀ronɛn ɗi ìtèɗ, rì tì lɛ ɓɛɛ ɓa ɓɛ̀ràrɛn ɓi nkɔ̀nɛ̀n, ɓɛ ki ɓa ti ɓɛronɛn ɗi kɔɔ̀kɔɔ̀ à ɗyomzɛ̀n, fɔɔnnɛ ɓɛ ri ɓiì yii fèg à Bɛ̀ll ànɛ à rì a rìnyam, yɛɛ lɔɔ lɛ Kiris.

TIMOTE 2:6

nnyɛɛ falɛ̀ngà nyimiɗ lɛ a leɓ pon anɛ ɓi gòri ì ɓum ɓɛ̀cèm; fɔlɔɔ a rì kìɓan ki ki kilɛ̀ngà, ɓi cààmɛ̀n ki ki ɓaghà kìsiŋdɛn,

Kaàtà ànɛ Pol à kàngà TIT 2:14

ànɛ à falɛ̀ngà nyimiɗ ɓisu wis lɛ a pwaŋ̀ yì ɓìsi ɓi kìɓe mɛkuu mɛ̀cèm, à kì lɛ ti ɓa kìlɔ̀ŋ kitɛnɛn ki kɛɛ woòghrɛn ɗì nyi; ki falɛ̀n ɓi rìkìkì ɗi ɓiɓan ɓi syeesyee.

Kaàtà ànɛ Pol à kàngà TIT 3:6

Bɛ̀ll à romgày Kìtɛntɛ̀ɛ̀n ki Nghay kìn ɓi ɓìsi lɛɛ̀gwey ɓi gòò ì Yeesus Kiris à ǹghɛɓsì wìs,

EBIREEGH 9:22

Ɓi ɗi yɛ̀ɛ ɓìdɔ̀gsɛna ɓyɛɛ̀ kpaakpàà, ɓɛ ti ɓɛ soghàg ɓyom ɓìcèm rì bwaɓ, nsoò ɓìɓe, ɓi ti ɓi ɓalàg ɓìcenɛn di bwaɓ yi kpaŋi.

1 PYƐƐRI 2:24

nyi ànɛ à tɛ̀kà ɓìɓe ɓis ɓi nyoo yìì ɓi kìte aɗyoo lɛ di kɛɛ ɓa lɛ, i tì mɛ wu ɓi san ànɛ a ɓìɓe ɓis, tì ghɛɓ cɛɓ ki ɓumɓɛ ɓɛ ri lɛ saaɗ. Mɛ̀ɓìì mii mɛɛ kighà lɛ ti wɔǹ.

1 PYƐƐRI 3:18

Ɓisuulɛ Kiris girig à wughà gɛ̀n bog ɓi gɛnicèm ɓisuu ɓiɓe ɓi ɓum, nyi ànɛ à ɓaghà syeesyee à mum, à wu ɓisuu ɓiɓeɓtàg ɓi ɓum lɛ di a kɛǹ ɗì mìni yɛ̀ɛ Bɛ̀ll. Ɓɛ wolà nyi rìwu ɗi ɓi mɛ̀mùù à ghèmɓɛ̀n ɗì ìtèɗ wu Nghay.

1 ZYAŊ 2:12

Ɓɔn ɓɛm, ǹkàni mìni ɓisuulɛ ɓìɓe ɓin ɓi ti ɓì càrɛn ɓi ɗii ɗìì.

1 ZYAŊ 2:2

Lɛ nyimiɗ a faghà cɛɓ kii ɓisuulɛ ɓìɓe ɓis ɓyɛɛ ɓa ɓìcenɛn, àa gì lɛ ɓinkis ɓyɔ rì ɓyɔ, lɔŋ ɓisuu ɓiɓe ɓi ɓum ɓɛ̀cèm girig.

1 ZYAŊ 4:10

Ǹkɔ̀nɛ̀n ànɛn à yin lɛ ɓìsi yɛɛ keesìghà Bɛ̀ll, kìɓan kifog nnyɛɛ keesìghà ɓìsi, à rom yì Man wiì fɛlɛ yɛ̀ɛ kìtuwe ki kɛɛ ghɛɓsi ɓi zòghɛ̀n ì ɓìɓe ɓis.

ÀPÒKÀLIƁSƐ̀ 14:4

Ɓumɓɛ̀n ɓɛɛ tɔɓɓɛ̀ngà ɓi tifin rì ɓɛyìɓ; ɓɛ ri ɓumɓɛ ɓɛ yii ɓi ɓɛyìɓ; ɓɛɛ̀ nɔ̀ɔnɔɔ̀tì Man à jɔ̀ɔ̀ jàŋ bimiɗ ìnɛ à kɛ̀ɛ. Ɓɛ ɓaghà ɓɛ̀kòrɛn ɓi nyìinyìm à ɓum lɛ ɓɛɛ ɓa fɛlɛ yɛ̀ɛ ɓumɓɛ ɓɛ ri ɓìɗùn ɓi ǹtonto ɓisuu Bɛ̀ll rì ɓisuu Man à jɔ̀ɔ̀,

ÀPÒKÀLIƁSƐ̀ 5:9

Fɔɔnnɛ ɓɛ kɛkɛ̀ghìghà fyem fi nyɔn di ɓɛɛ̀ kpaakpaa lɛ: Wɔ̀ yɛɛ ghɛɛ̀sɛɛ lɛ ù teɗ kaàtà ànɛ̀n, ù ɓɛkì ɓɛ̀sìtam̀ ɓɛ miì, ɓisuulɛ ɓɛ wolà wɔ̀, ù ki kwèɗ ɓumɓɛ ɓi mɛ̀pwìɗ mɛ̀cèm, ɓìtòkì ɓìcèm, mɛ̀kuu mɛ̀cèm, ɓìlɔ̀ŋ ɓìcèm ɓisuu Bɛ̀ll rì bwaɓ yɔɔ.