EFÈZYƐŊ 1:4 - Bafia Nouveau Testament

⁴ Ɓi Kiris, Bɛ̀ll à ɓɔ̀ngà ɓìsi di ziinɛ ì ka kilɛn ɓi, lɛ ti ɓa ɓɛ̀tɛnɛn, kɛ̀ɛ̀ kìɓan ki lɛ ɓɛ fen ɓi mis mii. Ɓi nkɔ̀nɛ̀n wìì,

EFÈZYƐŊ 1:4 Iomraidhean Croise

MATYOO 24:22

I mɛ̀ru mɛ̀n mɛ̀ kɛɛ̀ ɓa kìden, di nsoò mum bog à yin lɛ à ghɛɓ; wɔ̀lɛ ɓisuu ɓumɓɛ ɓɛ ri ɓɛ̀rɔ̀tɛn nnɛ mɛ̀ru mɛ̀n maa finɛn ɓi.

MATYOO 24:24

Ɓisuulɛ ɓɛ̀kiris ɓɛ ɓɛpwàà, rì ɓɛ̀pwààpwaà ɓɛ ɓɛkpaŋzì-ɓìɓan ɓɛ ɓiì yùu, ɓɛ kikì ɓyoo dàm rì ɓɛ̀koŋnyoo ɓɛ ɓiɓan ɓi lèg ànɛ lɛ, i kaa rì lɛ ki kilɛ̀n, di ɓɛ ri lɛ ɓɛ syoŋ̀ nsoò ɓumɓɛ ɓɛ ri ɓɛ̀ɓɔ̀nɛn.

MATYOO 24:31

À romi gɛ ɓum ɓii ɓɛ titom rì ɗyam ɗigwey, ɓi mɛ̀fon mɛ zi mɛnin, lɛ ɓɛɛ taŋzɛn ɓum ɓii ɓɛ ɓɛ ri ɓɛ̀ ɓɔ̀nɛn ɓi zi bimiɗ rì ɓi ɓɛ̀tum ɓɛ zi ɓɛ̀cèm.

MATYOO 25:34

Fɔɔnnɛ rìfòm ɗi ɓiì kalii ɓɛroɓɛ ɓi weèlem ɓɛ̀n lɛ: Mìni ɓumɓɛ Seŋi wɛ̀m à màgà, yùunay, ɓi teɗ kìlɔ̀ŋ ki ɓɛ pegsɛ̀ngà ɓìsu win, à tumɛ̀n yɛ̀ɛ ɗyoo rì zi ɓi kilɛ̀ngà.

ZYAŊ 10:16

Ǹɗì tì rì jɔ̀ɔ̀ yidɛŋ yi yi ka yin ɓi kìlaa ki. Ki ghɛɛ̀sɛɛ lɛ nteɗ yì girig yɔ; yi ri ɓiì woògh jɛ̀ɛ̀ yɛ̀m, fɔɔnnɛ kìtuu ki jɔ̀ɔ̀ ki ɓiì ɓaà kìfog, m̀ɓèŋì à ɓa bog.

ZYAŊ 15:16

Àa mìni yɛɛ ɓɔngà mɛ̀, lɔŋ mɛ̀ yɛɛ ɓɔngà mìni, ǹki rɛ̀si mini lɛ, ɓi kɛǹ, ɓi wum̀ ɓìɗùn, ɓìɗùn ɓin ɓi ki ɓa ɓiɗùn ɓi ɓyɛɛ finɛn, fɔɔnnɛ com kìcèm ki ɓì ɓiì tɔɔ̀gh Tààta rì ɗii ɗyɛ̀m, à rì mìni kɔ ɓiì kìi.

ZYAŊ 17:24

Tààta kɛɛ̀ kɔ̀nkɔn mɛ lɛ, jàŋ inɛ ǹɗì, ɓumɓɛ ù faghà mɛ̀, ɓɛɛ ɓa girig wɔɔ nɗaŋ ri mɛ̀, di ɓɛɛ ghɛǹ rìkem ɗyɛ̀m ɗi ù faghà ɓisuulɛ ù keesìghà mɛ̀ di ziinɛ ì ka kilɛn ɓi.

MƐ̀KÌKÌÌ MƐ ƁƐKƐ̀NÌ-FÌTOM 13:48

Yɛ̀ɛ ɓumɓɛ ɓɛ ɓaghà ɓi Ɓɛ̀yudɛ̀n ɓɛ wokà rìkpaa ɗìn ɓɛ nyaàrɛ̀n lɛɛ̀gwey, ɓɛ tumɛ̀n rìkeèkèmzì ɗi jɛ̀ɛ̀ ì Kan. Nni fɔɔnnɛ ɓum ɓɛ̀cèm ɓɛ ɓɛ ɓaghà ɓɛ̀ɓɔ̀nɛn lɛ ɓɛɛ ɓa rì cɛɓ ki fiɗyàɓ fikɔ̀ɔ̀, ɓɛ gherɛ̀ngà Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 15:18

Rìkalì ɗi Kan ànɛ à rèsìghà ɓìɓan ɓiǹ à tumɛ̀n fìɗyàɓ ɗyɛɛ̀ɗìn.

MƐ̀KÌKÌÌ MƐ ƁƐKƐ̀NÌ-FÌTOM 18:10

Ɓisuulɛ, ǹɗì wɔ̀ ajɛ̀m, ŋwaàdɛŋ à yin lɛ à saàgh wɔ̀ càg ɓi nyoo lɛ a ki wɔ̀ kìɓe ɓisuulɛ ɓum ɓɛm ɓɛ ronɛɛ fɛ ɓi bàn ìnɛ.

RÒMƐŊ 8:33

Ghɛn yɛ̀ɛ ri min ɓiì sɔmɛɛ ɓumɓɛ Bɛ̀ll à ɓɔ̀ngà? Bɛ̀ll yɛ̀ɛ ri roànɛ à ri kpaa lɛ mum à rì lɛ saaɗ.

1 KƆ̀RƐ̀ŊTYƐŊ 1:8

Nyi yɛɛ ri mìni ɓiì sììraagh à kpaŋ a rìsugtɛ̀n lɛ ɓi ɓa kɛ̀ɛ̀ kìɓan ki ɓɛ ri lɛ ɓɛ ɓɛy mìni miì, ɓi ŋwos a Yeesus Kiris à Kan wìs.

GÀLAT 5:13

Ɓɔɔsoŋ̀, Bɛ̀ll à reŋìghà mìni lɛ ɓi ɓa ɓɛ̀kan; nni kɛ̀ ɓi ghɛɓ zɔɔ rì rìɓa ɗiǹ lɛ ɓi nɔɔ̀ti rìyɛ̀y ɗi cɛɓ ki mɛmùù. Wɔ̀lɛ ghɛɛghɛ̀ɓsɛɛna mìni rì mìni ɓi nkɔ̀nɛ̀n;

GÀLAT 5:22

Wɔ̀lɛ ɓìɗùn ɓi Kìtɛntɛ̀ɛ̀n ki Nghay ki ti ki falàg ɓi ri lɛ: Ǹkɔ̀nɛ̀n, kìnyàà, fyòoog, rìnìɗ ɗi nɗem, rìɓòò, rì kìpuɓì nɗem, rìɓèŋ ɗi ntyweeyi, rìɓa ɗi tɛ̀tɛ̀rɛ̀ɛ̀, rìyi ɗi riɓan ɗi nɗem.

GÀLAT 5:6

Ɓi ŋwaànɛ à rì ɓi Kiris ɓi ɗùm, rìɓa di lɛ à rì ǹkɛ̀rɛn nsoò lɛ à yin nkɛ̀rɛn ɗi yin com; bimiɗ à kìɓan anɛ à ghɛɓsii à rì lɛ rìgherɛ̀n ɗi ɗi ri rì mɛ̀kìkìì ɓi nkɔ̀nɛ̀n.

EFÈZYƐŊ 2:10

Ɓisuulɛ, tì rì kìsay ki nnyɛɛ salà; à yègà ɓìsi ɓi Yeesus Kiris lɛ, ti ghɛɓ cɛɓ ki ki ri rì mɛ̀kìkìì mɛ syeesyee mɛ Bɛ̀ll à lokà kì pègsɛɛ lɛ ti kilag.

EFÈZYƐŊ 3:17

di fɔɔnnɛ Kiris a kɔri ɓi mɛ̀rem min lɛ rìgherɛ̀n. Fɔlɔɔ nnɛ ɓì rì ɓiì kìi lɛ, ɓì ròò gàŋ, ɓì ki ɓa ɓɛnyìsɛn ɓi nkɔ̀nɛ̀n ɓi ɗùm;

EFÈZYƐŊ 4:2

sɛɛ̀diinà mìniìɓɔmiɗ ɓi zi, ɓì kɔ̀rì lɛ fyòoog, ɓì ɓa rì kìnìri ki nɗem, ɓì cenɛ̀n lɛ ɓi ghɛɓ rì ɓɛ̀geni ɓin lɔŋ yɛ̀ɛ ɓɛ ri, ɓɔ girig ɓɛ ki fɔlɔɔ ɓi san wìn, rìkì ɗiǹ ɗìcèm ɗi ɓa ɓi nkɔ̀nɛ̀n ɓi ɗùm;

EFÈZYƐŊ 5:2

Ɓì kɛ̀ɛ̀kɛ̀ɛ̀ ɓi nkɔ̀nɛ̀n fɛlɛ yɛ̀ɛ Kiris à rèsìghà ɓìsi, à fa cɛɓ kii ɓisu wis, fɛlɛ yɛ̀ɛ com ki ŋwaà à faa, nsoò lɛ kìtuwe ki ɓɛ funɛɛ ɓi rìɓɔgsì ɗi Bɛ̀ll; ɓyom ɓìn ɓi ɓa rì syeesyee à kìnùbe.

EFÈZYƐŊ 5:27

à kɔ̀ngà lɛ Kìseŋi kìn kɛɛ kpaŋ ɓi mis mii ɗi rìkem, kɛ̀ɛ̀ tìfin, nsoò fìrun, nsoò kìɓeɓtàg ki kiɓan kidɛŋ. Wɔ̀lɛ ki kɔngà nyi lɛ Kìseŋi kìn kɛɛ ɓa kìtɛnɛn kɛ̀ɛ̀ kìɓan ki ɓɛ fen miì.

FÌLÌPYƐŊ 2:15

di fɔɔnnɛ ɓì ɓa kɛ̀ɛ̀ bɛ̀lɛn, ɓì ki ɓa ɓɛtɛnɛn, ɓì ɓa ɓɔn ɓɛ Bɛ̀ll ɓɛ ɓɛ ri kɛ̀ɛ̀ kìɓeɓtàg ki kiɓan kidɛŋ ɓi nyìinyìm à gbàà ì ɓum ìnɛ ì rì ɓìɗyoŋi ì ki ɓa ti ɓɛ̀ɓèèɓeè; ɓì ghɛ̀ɛ̀sɛɛ kìlònlomi ɓi nyìinyìm wàà fɛlɛ yɛ̀ɛ tyɔɛy,

KÒLÒSYƐŊ 1:22

ɓi cààmɛ̀n ki, lɛ rìwu ɗi Man wiì à wughà ɓi nyoo yìì i mɛ̀mùù, Bɛ̀ll à mɛ pɛ̀ɛ̀zi mini kì ràri ɗi nyimiɗ, lɛ di a ki com ki lɛ ɓi kpaŋ ɓi mis mii ɓɛtɛnɛn, kɛ̀ɛ̀ zɛ̀ɗ, kɛ̀ɛ̀ bɛ̀lɛn.

KÒLÒSYƐŊ 2:2

Nɗùùɗuu fɔlɔɔ ɓisuulɛ mɛ̀rem maa mɛɛ ɓa mɛ̀ronɛn ɗi ìtèɗ, rì tì lɛ ɓɛɛ ɓa ɓɛ̀ràrɛn ɓi nkɔ̀nɛ̀n, ɓɛ ki ɓa ti ɓɛronɛn ɗi kɔɔ̀kɔɔ̀ à ɗyomzɛ̀n, fɔɔnnɛ ɓɛ ri ɓiì yii fèg à Bɛ̀ll ànɛ à rì a rìnyam, yɛɛ lɔɔ lɛ Kiris.

KÒLÒSYƐŊ 3:12

Nni yɛ̀ɛ Bɛ̀ll à ɓɔ̀ngà mìni, à tɛɛ̀zì mìni, à ki keesi mini, ɓì ghɛ̀ɛ̀sɛɛ lɛ ɓì waatɛ̀n nɗem wu nyìinyìg, rì wu geesɛ̀n, rì wu sɛɛ̀dɛn ɓi zi, rì wu tɛ̀tɛ̀rɛ̀ɛ̀, rì rìnìɗ ɗi nɗem.

TÈSÀLÒNÌSYƐŊ 3:12

Kan a tegsi ǹkɔ̀nɛ̀n ànɛ ɓì rì rì nyi, lɛ a roǹ à sòsòɓ ɓi nyìinyìm wìn, à kòm ɓum ɓɛ̀cèm, à ki ɓa fɛlɛ yɛ̀ɛ ǹkɔ̀nɛ̀n ànɛ ɓisii ri rì nyi ɓi san wìn.

TÈSÀLÒNÌSYƐŊ 4:7

Bɛ̀ll à reŋìghà ɓi ɓisi lɛ ti ghɛɓ cɛɓ ki kitɔɓì, wɔ̀lɛ à reŋìghà ɓìsi lɛ ti ghɛɓ cɛɓ ki tɛnɛn.

2 TIMOTE 1:9

Bɛ̀ll yɛɛ kweɗkà ɓìsi, à ki reŋi ɓisi ǹɗeèghreŋi wu wu ri wùtɛnɛn, àa ɓisuu mɛkìkìì mis, lɔŋ ɓisuu fèg wìì a nyimiɗ rì geesɛ̀n yìì inɛ à kìghà ɓìsi ɓi Yeesus Kiris; à kìghà kìɓan kiǹ di ɓyààmɛ̀n ɓi a rìtumɛ̀n ɓi ka yin.

2 TIMOTE 2:10

Kìɓan kiǹ kɛɛ̀ki nceecenɛ̀n mɛ̀tɔɓ mɛ̀cèm ɓisuu ɓumɓɛ ɓɛ ri ɓɛ̀ɓɔ̀nɛn lɛ di ɓɔ girig ɓɛɛ ɓa rì cɛɓ ki ki ri ɓi Yeesus Kiris bas rì rìkem ɗi fiɗyàɓ fikɔ̀ɔ̀.

2 TIMOTE 2:19

Nsoò fɔlɔɔ kìgɔ̀ŋgɔ̀m ki mɛɛ ki Bɛ̀ll à yàghɛ̀ngà kìtoŋ miì ki kaka lɛ kpeg-kpeg. Jɛ̀ɛ̀ ì rì miì ǹkànɛn yɛ̀ɛ sìtam̀ lɛ: Kan à yii ɓɛ̀roɓɛ ɓɛ ri ɓɛŋkìì; fɔɔnnɛ mum ǹcèm ànɛ a rereŋi ɗii ɗi Kan, à ghɛ̀ɛ̀sɛɛ lɛ à sɔ̀ŋì ìkòò wii ɓi kìɓe.

ZYAG 2:5

Mìni ɓɛ̀geni ɓɛ̀m ɓɛ nɗem wooghna! Bɛ̀ll à ɓɔ̀ngà ɓɛ̀soghàsogha ɓɛ ɓi ziinɛ lɛ ɓɛɛ ɓa ɓɛ̀guŋgum ɓi rìgherɛ̀n ɓɛ ki ɓa ri gàɓ ɓi kìlɔ̀ŋ kii ki à kàkà ɓumɓɛ ɓɛ ti ɓɛ keesàg nyi.

1 PYƐƐRI 1:2

Ɓì ɓaghà ɓɛ̀ɓɔ̀nɛn lɔŋ yɛ̀ɛ Bɛ̀ll Seŋi a lokà kìwòŋzii ɓiɓan, fɔɔnnɛ ɓì ti ɓɛ̀tɛnɛ̀n lɛ Nghay wìì, lɛ ɓi ɓa rì mɛ̀wog ɓi ɓɛg ànɛ yɛ̀ɛ Yeesus Kiris ɓì ki ɓa ɓɛtɛɛ̀ziyɛn ɓi bwaɓ yii yi yi kpagà. Geesɛ̀n, rì fyòoog ɓyɛɛ teghɛn a lɔ̀ŋkin lɛɛ̀gwey.

1 PYƐƐRI 1:20

nyi nnɛ ɓɛ ɓɔngà abɛ̀y di zi i ka kilɛn ɓi, à ki rèsɛn ɓisu win ɓi ɓyààmɛ̀n ɓi siitòn ɓi.

1 PYƐƐRI 2:9

Wɔ̀lɛ ɓi ɓɛg wìn, mìnii ri boo ì mum ìnɛ ì rì m̀ɓɔ̀nɛn, ǹɗaŋ wu ɓɛpìrɛɛtìrɛ̀ ɓɛ rifòm, kìlɔ̀ŋ ki ki ri ki Bɛ̀ll, ki ɓumɓɛ Bɛ̀ll à tekà ɓisu wiì lɛ ɓɛɛ laàlàmɓɛ̀n ɓɛ̀gɛn ɓɛ mɛkìkìì ɓɛ roànɛ à reŋìghày mìni lɛ ɓi pɛsɛn yì ɓi birìm, ɓi yu ɓi kìtɛɛtɛn kii ki ki ri kìɓan ki kuughrakɛn;

2 PYƐƐRI 3:14

Kìɓan kiǹ kɛɛ̀ki, mìni ɓum ɓɛm ɓɛ nɗem, cààmɛ̀n ki ɓi ka ɓoŋɓoŋ ŋwos anɛ̀n, tèèsiina nyoo lɛ ɓi ɓa ɓɛ̀tɛnɛn, kɛ̀ɛ̀ bɛ̀lɛn ɓi mis mɛ Bɛ̀ll, ɓì ki ɓa lɛ fyòoog rì nyi.

1 ZYAŊ 4:16

Ɓìsii yii ǹkɔ̀nɛ̀n ànɛ Bɛ̀ll à rì rì nyi ɓi ɓɛg wìs, tì ki gherɛɛ ǹkɔ̀nɛ̀n ànɛ̀n. Bɛ̀ll à rì ǹkɔ̀nɛ̀n, ŋwaànɛ a ghɛghɛɓ ɓi nkɔ̀nɛ̀n, à rì ɓɛɛ̀ Bɛ̀ll, Bɛ̀ll ɓɛɛ̀ nyi.

ÀPÒKÀLIƁSƐ̀ 13:8

Ɓum ɓɛ̀cèm ɓɛ ɓi ziinɛ, ɓɛ mii maa mɛ ka ɓaghà ɓi mɛ kànɛn ɓi kaàtà à cɛɓ à Man à jɔ̀ɔ̀ ànɛ ɓɛ wolà, à tumɛ̀n a rìyàghɛ̀n ɗi zi, ɓɛ ɓaagh gɛ mɛ̀ɗu ɓi zi ɓɛ ɓɔgsì nyàm ìnɛn.

ÀPÒKÀLIƁSƐ̀ 17:8

Nyàm ìnɛ wàa ghɛɛ, ì ɓaghà nni ì yiìdi. Ì rì ɓiì kpaŋìì ɓi coo riɓee ɗi rimɛn, ì kɛ̀n kì ɗyaŋì. Nni ɓumɓɛ ɓi ziinɛ, ɓɛ mii maa mɛ ɓaghà ɓi mɛ kànɛn ɓi kaàtà à cɛɓ, à tumɛ̀n yɛ̀ɛ ziinɛ ì kìlɛ̀ngà, ɓɛ ri kuuràg di ɓɛ ghɛɛ nyàm ìnɛn, ɓisuulɛ ì ɓaghà, nni ì yiìdi, nni ì ki rì ɓiì sugtii yi tì.