EFÈZYƐŊ 1:20 - Bafia Nouveau Testament

²⁰ Wɛɛ̀wu à kìghà kìsay ri wɔ, yɛ̀ɛ à ghèmzìghày Kiris a ɓìloŋ, à kɔ̀ɔ̀sì nyi ɓi weèlem wìì ɓi ɗyoo ɓi ɗùm.

EFÈZYƐŊ 1:20 Iomraidhean Croise

MATYOO 26:64

Yeesus à ɓàg nyi lɛ: Wàa kpaà. Nni ǹki kpaatii mìni lɛ, à tumɛ̀n ɓigomìnɛ, ɓì ri ghɛn Man à mum di à kɔ̀kɔrii ɓi weèlem à Bɛ̀ll à ìtèɗ wucèm, ɓì ki ghɛɛ̀di nyi di a yùyuiy aɗyoo ɓi ɓìkwìɗ.

MATYOO 28:18

Fɔɔnnɛ Yeesus à tyòŋdɛ̀ngày, à kpaa ɓɔ lɛ: Ɓaa fa mɛ ìtèɗ wucèm lɛ rì ɓi ɗyoo ɓiɗùm, rì ɓi ziinɛ.

MARIKUS 14:62

Yeesus à ɓàg nyi lɛ: Ǹɗì Kiris, ɓì ki rì ɓiì ghɛɛ Man à mum di à kɔ̀kɔrii ɓi weèlem à Bɛ̀ll ànɛ àrì rì ìtèɗ wucèm, à ki yùyuiy ɓi ɓìkwìɗ ɓi aɗyòò.

MARIKUS 16:19

Yɛ̀ɛ Kan à tòkàkà fɔlɔɔ ri ɓɔ, nni à ɓɔkà aɗyoo, à kɔ̀rì ɓi weèlem à Bɛ̀ll.

ZYAŊ 10:18

Mum à ɓàtɛɛ ɓi mɛ cɛɓ, lɔŋ mɛ̀ɛmiɗ yɛɛ faa kɔ̀. Ǹɗì rì ìtèɗ wulɛ nfa kɔ, ǹki ɓa ti ri ìtèɗ wulɛ ǹteetì kɔ̀; kìɓan ki Seŋi wɛ̀m à reɓsìghà mɛ̀ lɛ nki kɛɛ̀ kìn.

ZYAŊ 10:30

Rì mɛ̀ rì Tààta, tì rì lɔŋ mum bog.

MƐ̀KÌKÌÌ MƐ ƁƐKƐ̀NÌ-FÌTOM 10:40

Kìɓan kifog, Bɛ̀ll, à ghèmzì nyi ɓi ŋwos a kìraa, à ki fa nyi ìtèɗ wulɛ, a resɛn a ɓum.

MƐ̀KÌKÌÌ MƐ ƁƐKƐ̀NÌ-FÌTOM 26:8

Ɓisuucɛ nnɛ mìniì teki nyoey lɛ Bɛ̀ll à yin lɛ à ghèmzì ɓìloŋ?

MƐ̀KÌKÌÌ MƐ ƁƐKƐ̀NÌ-FÌTOM 4:10

ɓì ghɛ̀ɛ̀sɛɛ kì yiì ɓɛ̀sɛ̀ɛ̀ ɓɛ̀cèm, kìlɔ̀ŋ ki Isirayɛl ki yi girig lɛ, ŋwaànɛ à rɛrɛlii mìni asu fɛlɛ lɛ syeesyee ɓi nyoo yìì, lɛ ìtèɗ wu ɗii ɗi Yeesus Kiris ànɛ a Nazarɛt, ànɛ ɓìi nkpani ɓi kɔrɔs aɗyoo, nyi nnɛ Bɛ̀ll àa ǹghèmzii yì a ɓìloŋ.

MƐ̀KÌKÌÌ MƐ ƁƐKƐ̀NÌ-FÌTOM 5:31

Nyi nnɛ Bɛ̀ll àa m̀pɛ̀sii aɗyoo, rì weèlem wìì, lɛ a ɓa lɛ, nyi rìfòm, nyi ǹghɛɓsì-ɓum ànɛ à rì ɓiì nɛmì Isirayɛl bee ìnɛ lɛ ɓɛɛ lɔɔ̀ghrɛn mɛ̀rem di Bɛ̀ll a cenɛn ɓɔ ɓìɓe ɓyaa.

RÒMƐŊ 1:4

Ɓi san ànɛ a Kìtɛntɛ̀ɛ̀n ki Nghay, ki ghɛnɛ̀n lɛ à rì Man à Bɛ̀ll, rì ìtèɗ, ɓi rìghèmɓɛ̀n ɗi à ghèmɓɛ̀ngày a ɓìloŋ.

RÒMƐŊ 8:34

Ghɛn yɛ̀ɛ rì min ɓɔ ɓiì faà bɛ̀lɛn? Yeesus Kiris à rì roànɛ à wughà, kɛ̀ɛ ki sugtɛn lɔŋ lɛ foo, à ghèmɓɛ̀n yì a ɓìloŋ, à rì ɓi weèlem à Bɛ̀ll, a ɓɔ̀ɔɓɔ̀ŋzì ɓisu wìs.

EFÈZYƐŊ 1:3

Rìkem ɗyɛɛ ɓa rì Bɛ̀ll à Seŋi Kan wìs Yeesus Kiris, ànɛ à màgà ɓìsi ɓi rìɓa ɗis ɗi tì rì ɓɛ̀ ràrɛn ɗi Kiris, yɛ̀ɛ à faghà ɓìsi ɓɛ̀mààgh ɓɛ nghay ɓɛ̀cèm ɓi ɗyoo ɓi ɗùm.

FÌLÌPYƐŊ 3:10

Com ki nkɔ̀nkɔ̀n ki ri lɛ: n-yi Kiris, ǹ-yi ìtèɗ wu rìghèmɓɛ̀n ɗii, ɗi a ɓìloŋ, ǹteɗ gàɓ ɓi mɛ̀tɔɓ mii, ǹki pisɛn nyi ɓi rìwu ɗi à wughà

KÒLÒSYƐŊ 1:16

Ɓisuulɛ rì nyi nnɛ Bɛ̀ll à kìghà ɓyom ɓìcèm, lɛ rì aɗyoo, rì ɓi ziinɛ; ɓyom ɓi ɓɛɛ̀ seesèè, rì ɓi ɓɛ ghɛɛ ɓi, mɛ̀tèɗ mɛ mɛghay, rì mɛ̀làmì, rì mɛ̀tèɗ mɛm̀bog. Bɛ̀ll à kìghà ɓyom ɓìcèm rì nyi, rì ɓisu wìì.

KÒLÒSYƐŊ 3:1

I ɓì mɛ ghèmɓɛn min nɗaŋ ri Kiris, kaakaana ɓìɓan ɓi aɗyoo, jàŋ inɛ Kiris à rì ǹkɔ̀kɔriyɛn ɓi weèlem à Bɛ̀ll.

EBIREEGH 1:3

Man ànɛ̀n à rì cììghziŋ ki rikem ɗi Bɛ̀ll, à ɓa tì syeesyee à kìfèèghrɛnà ki ɓi rìɓa ɗi yɛ̀ɛ Bɛ̀ll à rì, à lènlemi ɓyom ɓìcèm rì jɛ̀ɛ̀ yìì inɛ ì rì rì ìtèɗ. Yɛ̀ɛ à lègsìghà zòghɛ̀n ìnɛ ɓi ɓìɓe ɓi ɓum, fɔɔnnɛ à kɔ̀rìghà ɓi ɗyoo ɓiɗùm, ɓi weèlem à Bɛ̀ll ànɛ à làŋi mɛ̀tèɗ mɛcèm.

EBIREEGH 10:12

Wɔ̀lɛ Kiris à faghà kìfùna kifog ɓisuu ɓiɓe, à ki kɔ̀ri min ɓi weèlem à Bɛ̀ll fìɗyàɓ fikɔ̀ɔ̀.

EBIREEGH 13:20

Bɛ̀ll à fyòoog ànɛ à ghèmzìghày coo mɓèŋì-jɔ̀ɔ̀ ànɛ lɛ Kan wìs Yeesus a ɓìloŋ rì bwaɓ yi riràrɛ̀n ɗi fiɗyàɓ fikɔ̀ɔ̀,

EBIREEGH 2:9

Kìɓan kifog, roànɛ ɓɛ sɛɛ̀dìghà rìɓa ɗii ɓi maa cààmɛ̀n lɛ ɗyɛ̀ kɛɛ̀ kpaŋdi yɛ̀ɛ ɗi ɓum ɓɛ titom yɛɛ ri Yeesus, nyi nnɛ ti seesee yɛ̀ɛ ɓɛ mɛ waasi rìkem, rì ǹnyaasɛ̀n ɓisuu riwù ɗi à wughà; lɛ à wughà ɓisuu ɓum ɓɛ̀cèm lɛ geesɛ̀n ì Bɛ̀ll.

1 PYƐƐRI 1:3

Rìkem ɗyɛɛ ɓa rì Bɛ̀ll à Seŋi Kan wìs Yeesus Kiris; ɓi coo kipuɓì ǹɗem kii, à faghà ɓìsi cɛɓ ki nyɔn yɛ̀ɛ à ghèmzìghày Yeesus Kiris a ɓìloŋ; fɔlɔɔ a fa ɓìsi dyàɓɛn inɛ ì rì cem rì ǹtyweeyi,

ÀPÒKÀLIƁSƐ̀ 1:17

Yɛ̀ɛ ǹghɛngà nyi, nni ǹkpìghà nyi a mɛ̀kòò yɛ̀ɛ kìloŋ. À saghìghà mɛ̀ càg kii ki weèlem ɓi nyoo, à kpaa lɛ: Kɔ̀ɔ risi!