EFÈZYƐŊ 1:17 - Bafia Nouveau Testament

¹⁷ ǹtɔtɔ̀g Bɛ̀ll à Kan wìs Yeesus Kiris, ànɛ à rì ǹkeŋkèmì wìs a Seŋi lɛ a fa mìni ǹghay à ɗyomzɛ̀n ànɛ a rèsag ɓum ɓìɓan ɓi a rìnyam lɛ a ki lɛ ɓi yi nyi.

EFÈZYƐŊ 1:17 Iomraidhean Croise

MATYOO 11:25

Nni ɓi cààmɛ̀n kiǹ, Yeesus à pɛ̀sìghà ɓìtòkì à kpaa lɛ: Tààta, wàànɛ ù lamii lɛ rì ɗyoo rì zi, ǹfaa wɔ̀ ɓìtògsɛ̀n ɓisuulɛ ù nyamgàkà ɓɛ̀yiì-ɓìɓan rì ɓum ɓɛ ɗyomzɛ̀n ɓìɓan ɓi, ù rèsì ɓɔɓti ɓɛsàg ɓyɔ.

MATYOO 11:27

Seŋi wɛ̀m à faghà mɛ̀ ɓìɓan ɓicèm; ŋwaàdɛŋ à yii ɓi Man i ki yin lɛ Seŋi, ŋwaàdɛŋ kɛɛ ki yi Seŋi i ki yin lɛ Man, ǹsòò lɛ ŋwaànɛ ki kɔni Man lɛ a resi nyi Seŋì.

MATYOO 16:17

Nni Yeesus à teɗtìghà jɛ̀ɛ̀, a kpaa nyi lɛ: Wɔ̀ Simɔn, man à Zyonas, ù rì m̀màŋɛn, ɓisuulɛ, àa mum à mɛ̀mùù rì bwaɓ yɛɛ resii wɔ̀ kìɓan kiǹ, lɔŋ Seŋi wɛ̀m ànɛ à rì ɓi ɗyoo ɓi ɗùm nnyɛɛ resii wɔ̀ kɔ.

MATYOO 20:33

Ɓɛ̀ɗyaŋɗyaŋ ɓɛ̀n ɓɛ kpaa nyi lɛ: Kan, ti kɔ̀ngi lɛ, ti ghɛnɛ̀n.

MATYOO 6:13

Kɔ̀ɔ gherɛn lɛ, ti kpi ɓi mɛ̀fèèghrɛn ɓi ɗùm, lɔŋ pisi ɓìsi ɓi kìɓe, lɛ rìlàmì, rì ìtèɗ, rì rìkem ɓi ri ɓyom ɓyɔɔ fiɗyàɓ fikɔ̀ɔ̀. Ààmɛ̀n

LUKAS 12:12

Lɛ, Kìtɛntɛ̀ɛ̀n ki Nghay ki ri mìni ɓiì rèsii com ki ɓì ghɛ̀ɛ̀sɛɛ kì kpaà ɓi cààmɛ̀n kiǹ.

LUKAS 2:14

Rìkem ɗyɛɛ ki Bɛ̀ll ɓi ɗyoo ɓi ɗùm, fyòoog à ɓa rì ɓumɓɛ ɓi ziinɛ ɓɛ Bɛ̀ll à keesii.

LUKAS 21:15

ɓisuulɛ mɛ̀ɛmiɗ yɛɛ ri mìni ɓiì faà ǹkpaà rì ɗyomzɛ̀n, ɓi ɓi ri ɓiì yaàgh ɓɛ̀bènàbena ɓin, ɓɛ̀ kɛɛ̀ ghɛɛ̀di ŋwɔm.

ZYAŊ 14:17

Nnyɛɛ ri Ǹghay à ɓɛ̀kɔɔ̀kɔɔ̀ ɓɛ ɓiɓan ànɛ ziinɛ ì yin lɛ ì teɗ, ɓisuulɛ ì ghɛɛ ɓi nyi, yɛ̀ kɛɛ̀ ki yi nyi. Lɔŋ mìni yɛɛ yii nyi ɓisuulɛ à rì ɓi mìni.

ZYAŊ 14:26

Kìɓan kifog m̀maasì mɛ̀rem ànɛ à rì Kìtɛntɛ̀ɛ̀n ki Nghay ki Tààta à ɓiì romìì ɓi ɗii ɗyɛ̀m, yɛɛ ri mìni ɓiì rèsaagh ɓiɓan ɓìcèm, à ki kì lɛ, ɓi yiti ɓìɓan ɓìcèm ɓi ǹkalìghà mìni.

ZYAŊ 16:3

Ɓɛ ri ɓiì kìkii fɔlɔɔ lɛ, ɓɛ yighà ɓi Tààta, ɓɛ̀ kɛɛ̀ ki yi mɛ.

ZYAŊ 17:3

Cɛɓ ki fiɗyàɓ fikɔ̀ɔ̀ ki ri lɛ, ɓɛɛ yi wɔ̀, lɛ wɔ̀ yɛɛ ri m̀bobog à kɔɔ̀kɔɔ̀ à Bɛ̀ll, ɓɛ ki yi Yeesus Kiris, roànɛ ù romgày.

ZYAŊ 20:17

Yeesus à kpaa nyi lɛ: Kɔ̀ɔ kòm mɛ, ɓisuulɛ ǹka ɓɔg ɓi yɛ̀ɛ Seŋi wɛ̀m; kìɓan kifog kɛ̀na a ɓɛ̀geni ɓɛ̀m, u kpaa ɓɔ lɛ m̀ɓɔɔgh yɛ̀ɛ Seŋi wɛ̀m, nnyɛɛ ri girig Seŋi wìn, yɛ̀ɛ Bɛ̀ll wɛ̀m, ànɛ à rì girig Bɛ̀ll wìn.

MƐ̀KÌKÌÌ MƐ ƁƐKƐ̀NÌ-FÌTOM 6:10

Wɔ̀lɛ ɓɛ ɓaghà ɓi lɛ, ɓɛ yagsàg Ityɛn ɓi nyoey, ɓisuulɛ, nyii totòkà rì ɗyomzɛ̀n ɗi Kitɛntɛ̀ɛ̀n ki Nghay ki fafàghà nyi.

MƐ̀KÌKÌÌ MƐ ƁƐKƐ̀NÌ-FÌTOM 7:2

Ityɛn à ɓàg lɛ: Mìni ɓɛ̀geni ɓɛ̀m, rì ɓɛ̀seŋi ɓɛ̀m, ramina mɛ̀ree ɓi konag kìwoògh lɛ: Bɛ̀ll ànɛ à rì ǹkeŋkèmì à rèsɛ̀ngà yɛ̀ɛ Abiraham à seŋi wìs a ǹsɛ̀ɛ̀, cààmɛ̀n ki à ɓaghà a Mɛzopotamii, di à ka kɛn ɓi ki kɔ̀rii a Haraŋ.

RÒMƐŊ 1:28

Yɛ̀ɛ ɓɛ ghɛngà ɓi kirɔɔ lɛ ɓɛɛ yiti lɛ Bɛ̀ll à rì wɔɔ, nni Bɛ̀ll à nagà ɓɔ rì kìyèg kaa ki ɗyomzɛ̀n lɛ ɓɛɛ kiki ɓìɓan ɓi ɓaa ghɛ̀ɛ̀sɛɛ ɓi kikìi.

RÒMƐŊ 15:6

Lɛ di mìni ɓɛ̀sɛ̀ɛ̀ ɓɛ̀cèm ɓi ɓasɛn jɛ̀ɛ̀ bog lɛ ɓi kemzi Bɛ̀ll ànɛ à rì Seŋi Kan wìs Yeesus Kiris.

1 KƆ̀RƐ̀ŊTYƐŊ 12:8

Lɛ Nghay à ti à falàg ŋwaàdɛŋ ɗyomzɛ̀n, m̀bobog à Ǹghay ànɛ̀n à fa roàmbog ɓìtòkì ɓi riyi ɗi ɓiɓan.

1 KƆ̀RƐ̀ŊTYƐŊ 14:6

Nni ɓigomìnɛ, ɓɔɔsoŋ̀ gɛɓsɛ̀n aɗi yɛɛ̀nɛ ǹɗì lɛ mɓay mìni rì yɔ̀, di ǹ-yùu mìni kìtòtoogh ɓìkènekènè ɓi ɓitòkì jàŋ inɛ màa ghɛ̀ɛ̀sɛɛ lɛ ǹ-yùy mìni rì kìɓan ki Ǹghay à rèsii, nsoò lɛ rìyi ɗidɛŋ, nsoò lɛ kìɓan ki Bɛ̀ll à rèsii mɛ̀ lɛ nkpaŋzi, nsoò lɛ bimiɗ à rìrèsàg àdɛŋ?

1 KƆ̀RƐ̀ŊTYƐŊ 2:10

Ɓìsi ɓɛɛ̀ɓɛ Bɛ̀ll à mɛ rèsi ɗyomzɛ̀n ɗiǹ rì Ǹghay, ɓisuulɛ Ǹghay à ti à timgì ɓìɓan ɓìcèm, nsoò ɓɛ̀fèg ɓɛ Bɛ̀ll ɓɛ ɓɛ ri ɓɛ̀rimɛn lɛ kɔɔ̀kɔɔ̀.

1 KƆ̀RƐ̀ŊTYƐŊ 2:8

Nsoò rìfòm ɗifog ɗi ɓi mɛ̀fòm mɛ ɓi ziinɛ ɗi yighà ɓi ɗyomzɛ̀n ɗiǹ; i ki lɛ mɛɛ yi ɗyɔ, di mɛ ɓaghà ɓi lɛ mɛ ghɛrì Kan ànɛ à rì ǹkemì ɓi kɔrɔs.

2 KƆ̀RƐ̀ŊTYƐŊ 12:1

Ki ghɛɛ̀sɛɛ nya lɛ mum a kalɛn? Ki ghɛɓsii ɓi com nsoò lɛsag. Nsoò fɔlɔɔ m̀ɓiì kpaŋì ɓi jàŋ inɛ mɓuŋ ɓìɓan ɓi Kan à rèsìghà mɛ̀, rì ɓi à kìghà lɛ n-yi.

EFÈZYƐŊ 1:3

Rìkem ɗyɛɛ ɓa rì Bɛ̀ll à Seŋi Kan wìs Yeesus Kiris, ànɛ à màgà ɓìsi ɓi rìɓa ɗis ɗi tì rì ɓɛ̀ ràrɛn ɗi Kiris, yɛ̀ɛ à faghà ɓìsi ɓɛ̀mààgh ɓɛ nghay ɓɛ̀cèm ɓi ɗyoo ɓi ɗùm.

EFÈZYƐŊ 3:5

Bɛ̀ll à rèsìghà ɓi gbàà yi ɓum yi abɛ̀y ɓìɓan ɓi a rìnyam ɓìn yɛ̀ɛ à mɛ rèsi ɓyɔ ɓigomìnɛ lɛ, rì a ɓɛ̀kɛ̀nì-fìtom ɓii ɓɛ ɓɛ ri ɓɛ̀tɛnɛn rì a ɓɛ̀kpaŋzì-ɓìɓan, rì ìtèɗ wu Nghay.

EFÈZYƐŊ 4:13

À kɛ̀n kì kpaŋì ɓi jàŋ inɛ rìgherɛ̀n ɗis, rì rìyi ɗi tì yii Man à Bɛ̀ll, ɓyɛɛ ɓa com kìfog di tì mɛ sììrɛn ɓum, tì ghɛ̀ɛ̀sɛ̀n ɗì kɔɔ̀kɔɔ̀ à ǹɗɛli a Kiris.

FÌLÌPYƐŊ 3:15

Ɓìsi ɓɛ̀sɛ̀ɛ̀ ɓɛ̀cèm ɓɛ tì ti ɓɛ̀sɛ̀ɛ̀mɛn ɓi cɛɓ ki ɓi nghay, tì ghɛ̀ɛ̀sɛɛ kìɓaà rì fèg ànɛn; nni i ki kpaŋi lɛ ɓì wooghrɛɛ ɓi jɛ̀ɛ̀ ɓi kìɓan kidɛŋ Bɛ̀ll à rì mìni ɓiì lomi kitɛɛtɛn ɓi kìɓan kiǹ.

2 TIMOTE 2:25

À rèrèsì ɓɛ̀bènàbena ɓii zɛ̀ɗ yaa ri nɗem wu tɛ̀tɛ̀rɛ̀ɛ̀, rì ntyweeyi lɛ Bɛ̀ll à rì lɛ à fa ɓɔ mààgh ànɛ lɛ ɓɛɛ lɔɔ̀ghrɛn mɛ̀rem, ɓɛɛ kpaŋ̀ ɓi nɗɛli wu ɓɛɛ yi saaɗ,

Kaàtà ànɛ Pol à kàngà TIT 1:1

Mɛ̀ Pol ànɛ ǹɗì ǹkìì-kìsay a Bɛ̀ll, ǹki ɓa ti ǹkɛ̀nì-fìtom a Yeesus Kiris lɛ nsyoŋ̀ yì ɓumɓɛ ɓɛ ri ɓɛ̀ɓɔ̀nɛn lɛ ɓɛɛ gherɛn Bɛ̀ll, ɓɛ ki yi saaɗ ànɛ à rì yɛ̀ɛ rìgherɛ̀n ɗis ɗyɛɛ̀ kpaakpàà,

ZYAG 2:1

Ɓɛ̀geni ɓɛ̀m, kɛ̀ ɓi ɗiŋzi nlànag ɓi rìgherɛ̀n ɗi ɓì gherɛɛ Kan wìs Yeesus Kiris ànɛ à rì ǹkeŋkèmì.

2 PYƐƐRI 1:3

Ìtèɗ wu Kan wu wu riì yɛ̀ɛ Bɛ̀ll wu faghà ɓìsi com kìcèm ki ki ri lɛ ki ghɛɓsì ɓìsi lɛ ti ghɛɓ cɛɓ ki lɛ ti falɛn rì Bɛ̀ll ɓi rìkì ɗi à kìghà lɛ ti yi roànɛ à reŋìghà ɓìsi lɛ ti kaɓɓɛn rìkem ɗii, rì syeesyee wìì a kìsyɔ̀ɔ̀.

2 PYƐƐRI 3:18

wɔ̀lɛ tɔɔtɔɔna ɓi geesɛ̀n, rì ɓi rìyi ɗi Yeesus Kiris ànɛ à rì Ǹghɛɓsì-ɓum, nyi yɛɛ ghɛɛ̀sɛɛ rì rìkem à tumɛ̀n gɛɛ̀nɛ à kpaŋ fìɗyàɓ fikɔ̀ɔ̀, Ààmɛ̀n.

ÀPÒKÀLIƁSƐ̀ 7:12

di ɓɛɛ̀ kpaakpaa lɛ: Ààmɛ̀n, bɔgsɛ̀n, rìkem, ɗyomzɛ̀n, ɓìtògsɛ̀n, nyaasɛ̀n, ìtèɗ wu rilàmì, rì ìtèɗ wu zɛy, ɓi ri ɓyom ɓi Bɛ̀ll wìs fìɗyàɓ fikɔ̀ɔ̀ Ààmɛ̀n.