EFÈZYƐŊ 1:10 - Bafia Nouveau Testament

¹⁰ Kìɓan kiǹ, Bɛ̀ll à ɓiì ràtɛɛ kɔ kì kìi, di cààmɛ̀n ki mɛ ghɛ̀ɛ̀sɛ̀n; à taŋzɛ̀n ɓyom ɓìcèm ɓi ɓi ri aɗyoo, rì ɓi ɓi ziinɛ lɛ ɓyɛɛ ɓa rìfòm ɗifog lɛ Kiris.

EFÈZYƐŊ 1:10 Iomraidhean Croise

MATYOO 25:32

Ɓìlɔ̀ŋ ɓìcèm ɓi ɓi ziinɛ ɓi kunì nyi asu; à ghasì ɓum gàɓ yiɓɛɛ̀ fɛlɛ yɛ̀ɛ m̀ɓèŋì-ɓìtuwe a ghasag lɛ, rì bwiy yi ɓɛ̀yiɓ, rì ɓìpiì;

MARIKUS 1:15

À kpaakpààghà ɓum lɛ: Cààmɛ̀n ki ghɛ̀ɛ̀sɛɛ, kìlɔ̀ŋ ki Bɛ̀ll ki mɛ tyɛ̀ɛ̀tɛn yi; lɔ̀ɔ̀ghrɛɛna mɛ̀rem, ɓi gherɛn Syeesyee à Ɓɔlɛ.

1 KƆ̀RƐ̀ŊTYƐŊ 10:11

Ɓìɓan ɓiǹ ɓi kikìghà ɓɔ fɔlɔɔ, lɛ ɓyɛɛ ɓa ɓìrèmzɛnà ɓisuu ɓum ɓɛdɛŋ, fɔɔnnɛ ɓɛ kangà ɓyɔ ɓisuulɛ ɓyɛɛ reɓ ɓìsi lɛ tì mɛ wuɓsɛn cààmɛ̀n ki risugtɛ̀n.

1 KƆ̀RƐ̀ŊTYƐŊ 11:3

Nni nsoò fɔlɔɔ, kɛɛ̀ kɔ̀nkɔn mɛ lɛ di ɓyàa yii kìɓan ki: Kiris à rì rìfòm ɗi baŋì bimiɗ, baŋì ì ɓa rìfòm ɗi giɓ, Bɛ̀ll à ki ɓa rifòm ɗi Kiris.

GÀLAT 4:4

Nni yɛ̀ɛ cààmɛ̀n ki Bɛ̀ll nyimiɗ a fèkà ki ghɛɛ̀sɛ̀ngà, nni à romgày Man wiì, à yalɛ̀n ɓi ɗùm ɗi giɓ, à ghɛɓ ɓi rìlàmì ɗi ɓidɔ̀gsɛna ɓi Ɓɛ̀yudɛ̀n,

EFÈZYƐŊ 1:22

À fogà ɓyom ɓìcèm a mɛ̀kòò mɛ Kiris, à rɛsì nyi rìfòm ɗi gol ɓi Kìseŋi kii

EFÈZYƐŊ 2:15

À pisìghà ɓìdɔ̀gsɛna, rì mɛ̀siŋdɛn mɛ miì rì ɓìcèlì ɓi miì ɓi rìfa ɗi à faghà nyoo yìì lɛ di ɓìlɔ̀ŋ ɓi kiɓɛ̀ɛ̀ ɓìn ɓyɛɛ sug kìlɔ̀ŋ kìfog, ki kɛɛ ɓa nyɔɔnyɔn à kìlɔ̀ŋ ɓi rìràrɛ̀n ɗi rì nyi, fɔlɔɔ nnɛ à kìghà lɛ fyòoog a ɓa.

EFÈZYƐŊ 3:15

ànɛ naa yi ɓum yìcèm lɛ rì yi aɗyoo rì yi ɓi ziinɛ, yɛɛ̀ fuughag yi a lɔ̀ŋkii.

EFÈZYƐŊ 3:2

I ɓì ɓaghà lɛ ɓi wog di ɓɛɛ̀ kakali geesɛ̀n ìnɛ Bɛ̀ll à rèsìghà mɛ̀ lɛ ǹɗoòzi rìyitì ɗi à ɓaghà rì ɗyɔ ɓi san wìn.

KÒLÒSYƐŊ 1:16

Ɓisuulɛ rì nyi nnɛ Bɛ̀ll à kìghà ɓyom ɓìcèm, lɛ rì aɗyoo, rì ɓi ziinɛ; ɓyom ɓi ɓɛɛ̀ seesèè, rì ɓi ɓɛ ghɛɛ ɓi, mɛ̀tèɗ mɛ mɛghay, rì mɛ̀làmì, rì mɛ̀tèɗ mɛm̀bog. Bɛ̀ll à kìghà ɓyom ɓìcèm rì nyi, rì ɓisu wìì.

KÒLÒSYƐŊ 1:20

À ki kì lɛ ɓyom ɓìcèm ɓi ɓi ziinɛ, nsoò lɛ ɓi aɗyoo, ɓyɛɛ rarɛn tì rì nyi lɛ Man wiì, yɛ̀ɛ à kìghà lɛ fyòoog a ɓa lɛ bwaɓ yi Man ànɛ̀n yi yi kpagà ɓi kɔrɔs.

KÒLÒSYƐŊ 3:11

Foo ǹlànag wu yiìdi ɓi nyìinyìm ànɛ lɛ, rì muu Gìrɛg, rì muu Ɓɛ̀yudɛ̀n, nsoò lɛ rì ŋwaànɛ à rì ǹkɛ̀rɛn, rì roànɛ à yin nkɛ̀rɛn, ǹkèn a mum, rì muu Sit, nsoò lɛ rì ǹkpàn rì ŋwaànɛ à yin ǹkpàn, lɔŋ Kiris yɛɛ ri com kìcèm ɓi ɓum ɓɛ̀cèm.

EBIREEGH 1:2

nni ɓi mɛ̀ru mɛ siitòn mɛ, àa ntòòghrɛɛ rì ɓìsi ɓi ŋwɔm wu Man wiì, man ànɛ̀n innɛ à rɛsìghà lɛ a teɗ ɓìɓan ɓicèm; rì nyi nnɛ Bɛ̀ll à kìghà lɛ rì ɗyoo rì zi.

EBIREEGH 11:40

ɓisuulɛ ɓɛ peèghpègsɛ̀ngà bimid à com àdɛŋ ànɛ à cee ɓisu wis, lɛ ɓɛ̀ kɛɛ̀ kpaŋ ɓi nɗɛli wulɛ kìɓan ki fenɛn kɛ̀ kɛɛ̀ ɓa ti a lɔ̀ŋkaa, di ɓìsii ka yiǹ.

EBIREEGH 9:10

Bee i rìɓɔgsì ìnɛ̀n ì ɓiisɛ̀ngà kì kòmi ɓiɓan ɓi ɓiɗilàg, rì ɓyom ɓi nɔnɔyɛn, rì ɓìsyɔ̀ɔ̀ ɓi zòghɛ̀n mɛ̀kuu mɛ̀kuu; ɓìdɔ̀gsɛna ɓi miì ɓi komkòmgà lɔŋ ɓyom ɓi zɛy, fɔɔnnɛ ɓi ghɛɛ̀sɛ̀ngà kì ɓaà rì ìtèɗ à kpaŋ ɓi cààmɛ̀n ki rilɔ̀gtàg ɗi ɓiɓan.

1 PYƐƐRI 1:20

nyi nnɛ ɓɛ ɓɔngà abɛ̀y di zi i ka kilɛn ɓi, à ki rèsɛn ɓisu win ɓi ɓyààmɛ̀n ɓi siitòn ɓi.

ÀPÒKÀLIƁSƐ̀ 5:9

Fɔɔnnɛ ɓɛ kɛkɛ̀ghìghà fyem fi nyɔn di ɓɛɛ̀ kpaakpaa lɛ: Wɔ̀ yɛɛ ghɛɛ̀sɛɛ lɛ ù teɗ kaàtà ànɛ̀n, ù ɓɛkì ɓɛ̀sìtam̀ ɓɛ miì, ɓisuulɛ ɓɛ wolà wɔ̀, ù ki kwèɗ ɓumɓɛ ɓi mɛ̀pwìɗ mɛ̀cèm, ɓìtòkì ɓìcèm, mɛ̀kuu mɛ̀cèm, ɓìlɔ̀ŋ ɓìcèm ɓisuu Bɛ̀ll rì bwaɓ yɔɔ.